萬發海鮮菜館

营业中

休息中

這間餐廳有幾間分店的，之前食過九江街那邊的，今次想座舒服點，於是訂了黃竹街呢邊。近排興羊腩煲一開始就訂定個先，阿姐推介的是日例湯就……無味道。之於椒鹽鮮魷，鮮魷嫩滑味道唔錯。翠塘豆腐，這道要花多少少功夫的很多店舖已經沒有做過款菜式，有的做的隨便交貨，而這店家也做的，對比其他店舖來講已經是做的好，廚師花多點點時間心機，真係食得出的。多款配料味道清淡，當成枱餸菜都肥膩的時侯，這道菜式可以清清味蕾。碟雞也夠份量，煮得剛好唔會過熟，皮滑肉嫩。食得肉多也會點些蔬菜食吓，簡單的炒通菜，。因為有長輩，所以懶點，就點了咕嚕肉（貪佢無骨），容易入口。個羊腩煲的價位幾高吓，不過份量十足，炆煮得夠腍入味，配料也很豐富，還跟配一碟菜香味濃的筒篙菜，真係值得的。如果得4個人食晚飯真係叫一煲就飽晒，可能吃不完！。今晚焦點係最後出場的招牌菜薯仔牛柳粒，聞名了一段時間，今次有機會親嚐了！真係牛柳淋軟入味，薯仔煮得軟硬適中，調味也能突出牛柳薯仔這個配搭。今晚晚飯整體也感覺良好。

講開深水埗大排檔 有邊一個識得萬發小妹我食咗兩次萬發 對上果次都已經係兩年前嘅事還記得兩年前 初食萬發 覺得超級好食印象最深刻就係黑椒薯仔牛柳粒為咗再一嚐美食我決定今日同屋企人再萬發可惜再黎到嘅時候 發現價錢貴左近一倍而嘢食質素 每況愈下薯仔牛柳粒味道無變 但因為價錢貴左嘅關係 性價比低至於其他餸菜方面炒蜆同蠔油吊桶 味道普通同一般跟外面普通嘅大排檔冇大分別 亦冇驚喜個人認為愛文生 真係好食好多如果大家有其他推介 歡迎同我講呀

自己好少會黎呢類菜館，今次一行四人一齊食個晚飯黎呢度食個晚飯。我地嗌左四個菜。有薯仔牛柳粒，金沙魷，金銀蛋時菜同埋馬拉盞炒飯。d菜一上，我地都嚇親，因為我地冇諗過甘大碟，甘足料。不得不說，個薯仔牛柳粒真系好好味，佢個薯仔好冧好有蜜糖味，個牛柳粒都好冧，真係一定要食的招牌菜。而個金沙鮮魷就好香口，好香蛋黃味，非常唔錯。但個金銀蛋時菜就比較普通，唔算有特別的驚喜，唔算特別好味，就只是普通的。馬拉盞炒飯也較普通，不夠香口。整體而言，算是很抵吃，因為真的超大碟，一定要嗌招牌菜！

太耐冇食大排擋..朋友介紹來呢間.聽聞蜜椒薯仔牛柳粒很出名..果然是招牌菜..好好味😋😋..但我對薯仔興趣較大..因為食落口的邊是脆的..每一粒也有蜜糖.令人不敢一試再試..絕對一定叫..極力推介😍😍粟米斑塊..普通沒有什麼特別..份糧很多..但覺得炸漿厚了少許同價錢較貴椒鹽魷魚 - 不錯啫啫通菜 - 夠入味👍🏻👍🏻忘記了是什麼羹..份糧很多..足料..我們有四個人..每人兩碗都重有很多淨.

又係時候出去食好西啦，今次去試下我老公係咁推介ga 萬發大排檔！佢講親萬發呢都一定大讚佢個薯仔牛柳粒我都好想知有幾好食話晒都係大排檔大家就真係唔好諗係好乾淨個d地方，都係行入去d後巷再有間房仔咁！叫左個神級薯仔牛柳粒！喂呀食左一粒薯仔我經已明白佢好味之處！佢個薯仔係炸過黎，一食係外脆內軟，有d甜甜地ga味！好那正呀！牛柳又霖！真係值得一試，世界級正跟住就ORDER 左一個小炒王, 試一間大排檔ga 鑊氣就緊係食返個小炒王啦~ 鑊氣就十足不過我覺得菜莆太大舊而且多左小小!整體都好好最後order左一個椒鹽九肚魚，　呢個我就真係麻麻! 冇嘜味道

朋友都唔係住深水埗區，唔知呢頭有咩好食，就等我呢個地頭蟲去帶佢地食好野～深水埗出名嘅係大排檔就走唔甩。係佢搬新舖之前食過，非常欣賞，加上小菜就係適合一班人一齊食。搬左舖之後果然唔同D，環境夠光猛又企理好多，不過就少左D以前係舊址個種懷舊感覺，變得唔再係大排檔格局。不過野食先係最重要嘅環境都係其次～首先推介嘅係呢個薯仔牛柳粒！唔好睇佢賣相平平，係真係真係好正牛柳夠稔又入味，配埋黑椒嘅香味簡直一流不過我成碟最欣賞嘅並唔係佢，而係D薯仔！哇真係唔講得笑，薯仔煮得岩時間，完全唔係「實的的」嘅口感，加埋D汁完全征服晒我地全部人本身熱愛薯仔嘅人千祈千祈唔好miss 左呢道菜！呢個漁香茄子煲都唔錯，比較大份，適合多人share，而味道都好香，非常好送飯！本來漁香茄子就係我好鐘意嘅菜式之一叫咕嚕肉嘅原因係佢夠common，真功夫係呢D餸菜先可以顯露出黎。不過呢度嘅咕嚕肉就平平無奇，冇咩驚喜。我D fd 就話覺得有少少韌，呢D就見仁見智啦～我就唔太覺嘅。平平無奇no.2 金銀蛋莧菜。係餸飯系列嘅一員最後一樣就係金沙鮮魷。朋友話想試就叫左。本身冇見識嘅我以為金沙鮮魷即係金沙骨嘅fd，上到台完全呆左，係朋友

今日同屋企人出街食飯，平日都見到間嘢幾好生意，一心林住試下先，於是就入左去。 入到去坐低，攞起份食譜都唔夠幾分鐘，就有侍應埋黎催你，咁我地隨便叫左幾個送，但係個侍應就一味推薦佢地果個乜嘢斑頭，最後我地都林住試下。好啦碟嘢上到黎，成碟嘢好似亂黎咁，太油兼且一啲都唔新鮮，啲魚肉根本唔得，全部都係炸出黎林住可以掩蓋，唔好味都算喇，碟嘢就大約半徑15cm同普通碟咁上下，佢地就話見我地多人(5個)要左兩份，埋單碟嘢就560蚊，成餐埋單就1200蚊，野食麻麻，真心覺得伏

台灣朋友黎香港玩, 作為東道主ge我, 當然要帶佢地去體驗下港式風味la!!!! 大排檔係香港特色之一, 今次推介我大學時ge食堂!!萬發係我大學上莊時, 莊員帶過我黎食, 之後就久唔久要黎食下la。炒豆苗份量多, 價錢又唔貴, 抵食, 食d菜感覺上無甘罪惡感。鹵水拼盤份量都係多得驚人, 差d食唔哂ar, 上枱時熱騰騰, 有勁多唔同料, 例如: 紅腸, 墨魚, 薰蹄, 牛同雞腸等, 樣樣都好味, 內臟冇異味。刀功好好, 切得都幾薄, 甘樣鹵水汁先更入味!!!椒鹽鮮魷炸得好香好脆, 鮮魷彈牙得黎肉軟嫩, 調味剛剛好, 唔太辣, 台灣朋友都覺得正, 配埋啤酒, 一流下酒菜!!!萬發名物, 一定要叫招牌黑椒薯仔牛柳粒!!! 配角ge薯仔太正la!!! 炸得香脆, 內鬆化, 咸甜咸甜, 好啱送飯食。黑椒味啱啱好, 唔會太辣, 淪為二奶ge牛柳粒都唔好睇小, 牛柳粒軟淋唔un, 真係食唔停口。最後仲叫左個芝士蝦伊麵, 芝士汁多到好似d蝦浸溫泉甘, 蝦都大隻, 而且肉彈牙! 芝士汁味道香濃, 伊麵份量唔少, 伊麵索哂芝士汁, 勁正ar!!!成餐飯台灣朋友都食得開心, 都話無介紹錯, 個個都食到

難得嘅係可以係忙碌嘅生活湊到一班前同事食飯，今次揀左呢個叫餸小菜。我地去到嘅時候，係一個神秘嘅店門入，入面都坐左四枱啦，空間唔算迫，又唔會好嘈（可能係我地最嘈），張枱係好大就真，要拎餸要對面朋友幫你夾啦。我地叫左成枱嘢，有頭炮嘅拼盤，大家都餓到一個點，狂食，仲有一隻雞，想話呢隻雞好好味，又夠滑，皮又好脆，平時走皮嘅我都忍唔住食左兩塊。等齊人就叫多幾碟餸，由於太肚餓關係，無每一碟影相啦。鍋類都ok，蜆就略少左啲，沙拉骨有啲失望，不得不大讚薯仔牛仔粒，個薯仔個表係脆嘅，而且份量多，個個都食到。預備左個蛋糕俾壽星仔，唔會收你切餅錢，不過自行用蛋糕個盒分配蛋糕啦。去到尾大家都坐多陣，不過似乎有人包場，職員行來行去，咁我地都埋單走。叫左起碼10碟，有白飯嘢飲，每人都係120元，扺食！

同屋企人簡簡單單食個晚飯，落樓下食個小炒，呢間野長時間都好多人好熱鬧，好有香港風味。好鍾意去呢啲地方食，方便，快，有鑊氣，快人快語唔使顧忌唔多，當然唔好諗會有咩服務啦，好食又食得飽咪係囉。今晚叫左四個送，炒四季豆夠重手，好夠味仲有啲咸，撈飯ok，炸子雞一隻，炸哂啲肥膏走，皮下無哂肥膏㗎，浸皮好香脆，肉又滑，正正，再黎個炒魚鮫，薑蔥炒，有鑊氣，魚鮫好滑，最好味係呢個位，最後係焗魚腸，都夠滑嘅，但做得唔係幾好有苦味，差少少喎。加埋白飯，雜項，人均大約百三左右啦，都ok嘅。

到這裡吃飯，要調整一下自己的期望：1. 不要期望服務態度好，由於侍應好忙，見到你揮手都可能會唔睬你。要耐心等候。2. 衛生問題只能隻眼開隻眼閉。目測碗筷很新淨，而且算洗得乾淨，跟一般酒樓差不多啦。小插曲：父親發現筷子黏著一粒飯，著阿姐過來換一只，當中沒有責備的意思。但阿姐擺出一副「你們大驚小怪」的樣子，不發一言，俐落地從桌旁抽屜取出另一只筷子交給父親，然後快速地從他手上奪去那只髒筷子——不是帶走，而是把它丟進抽屜裡！我們都不禁嘆：「咁都得？！」3. 係大件夾抵食的。餸菜大多很可口，但味精也不少。4. 四個人埋單每人$120，吃了4個餸，每人都非常飽。企理茶餐廳的格局。坐得又比一般大排檔舒服，足矣。香脆可口不過不失，鮮魷和帶子份量不少多年來萬發的招牌菜，在別家吃不到的惹味。牛柳是配角，用（蜜糖？）炸香了的薯仔才是主角！

約一大班三五知己食飯除左cafe就係大排檔講野可以有幾大聲就講幾大聲鋪頭分2邊 應該係少人食同多人食既分別每次都好好彩有位 因為食食下就越黎越多人同行6人嗌左5餸5飯推介魚香茄子煲同薯仔牛柳粒前者煲得好入味 好濃 用黎撈飯一流後者牛柳粒好嫩 薯仔表面脆脆地 不過薯仔同牛柳粒既比例 當然係薯仔多d

由耀東街時常幫襯，到搬來呢間店鋪，新鋪第一次去就已想沒有下次，態度超級不敢恭維，雖然不是發生自己身上，但親眼看親耳聽，沒想到身為消費者要如斯卑賤，晚上第一次到新鋪食晚飯，坐位已經相當迫夾，和鄰枱背貼背，上菜時間好快，味道和舊鋪已有少許分別，正食飯中時，一位貌似店鋪高層人員用者超惡超大聲聲調，口出整之難聽四字粗口在罵一個老人家，說他坐响度等其他人來，說他不快快點菜，阻住下轉枱，心想，一係你就唔好比人入去坐，要等齊人先比入，發覺身為消費者要比錢食飯，為何要比你如此侮辱，奉勸要去此店鋪食飯，一定要齊人先好入，快手點菜快手食，我已不會再去了

今日有朋友生日 我提議去食萬發 一來知道佢耀東街 搬新鋪  二來食小菜來講深水PO 我首選萬發過往食耀東街萬發 一直都有水準 調味不錯 好滿足 今日一試 完全兩會事  ...味道差好遠  我都唔會再試~ 

真系好嬲.系尼到食過好多好多次早餐.只有剛開張的時候先冇俾小過野.之後次次都總系會俾小野既.如果不是外賣回家才發現一定會追回.待應態度又不良好.希望會有留意和會有改善下次再買一定會打開睇清楚先走