華順越南餐廳 (已結業)

我都係同3個朋友係北角搵唔到地方食飯先發現呢間舖頭, 見佢幾多人都唔會差得去邊....我地點左三碟加個小菜一齊食, 去越南餐廳梗係要點最出名既檬曉la, 另外點左沙嗲牛肉炒河, 咸魚雞粒炒飯, 同埋老闆娘推介既蝦餅....檬曉: 不錯, 先係飲到番茄既酸, 後尾散發辣味!好好飲!!值得一試!沙嗲牛肉炒河: 沙嗲還沙嗲牛肉還牛肉, 仲食到d沙嗲乾咁既物體, 最重要係用湯河粉黎炒, 唔係用炒河, 口感欠佳...咸魚雞粒炒飯: D咸魚成冇蒸熟先炒, 硬掘掘, 勁咸! 雞粒變雞絲, 茶餐廳既咸魚雞粒炒飯好食好多!蝦餅: 同出面食既差唔多, 但係份量少好多, 只係有出面既3份之一, 得幾片, 有d比人坤既感覺...員工態度可以, 記住9點後去帶足散紙, 佢清收銀機冇咩散紙找ga! 檬曉值得一試, 炒河同炒飯咪試!! 可以叫炒芥蘭試下, 因為我見人人都叫左碟, 應該唔錯!

此店開張已幫襯開, 食物質素有保證, 親朋好友都愛光顧, 小本經營, 服務唔好都預左, 只是曾經有一次不快經歷, 當時大住個肚叫左碗撈檬, 有隻小強殘骸, 即時反映, 對唔住都無句, 最嬲o個個係我老公, 自此少再來臨. 轉眼間, 個仔都識行識走...... 心郁郁掛住個漁村湯檬曉, 提議老公再來此店. 照舊漁村湯檬曉($25), 味道仍好好, 不過用料有d唔同左, 以前蕃茄味、魚露味好濃, 而家淡左少少, 感覺無咁口渴. 牛油軟殼蟹($58) 六件, 比起外面算抵食, 不過好多油好肥, 如果乾身少少會更好. 香茅雞亦湯檬($20), 水準之下, 沒有芽菜, 可能忘記落, 雞亦唔夠熱, 估計是炸好一大盆然後要就加上面, 河粉份量少, 三扒兩撥食完. 另加飲品.此外, 此店人手有些改變了, 除了照舊見到"長髮老闆娘"(無野做, 坐在門外"蹬"起隻腳打機), 仲多左個中年男人, 點解特別留意佢? 原來店內雖然仲有兩個伙計, 但都係唔識落單、唔會收錢, 落單收錢都要個男人做, 但佢又要負責埋水吧, 差不多佢一個人做晒, d客就要等佢得閒. 最後埋單比五百佢, 佢話無散紙找, 卒之走出去報紙檔

下午茶真係十分抵食,$10既生牛河已經夠正,撈檬都好好食,加杯飲品都係加$5,Portion仲係同平時食一樣,最搞笑係老板娘唔收錢掛住打mahjong唔肯收錢..個waiter又唔敢開cashier,搞到要走去隔離鋪'唱'錢......

去北角買點海鮮，原來想試試肉骨茶的北角店，誰不知坐下才知沒有肋排賣。肉骨茶店沒有肉骨，等如粥店說沒粥賣，真係不如收檔啦！就去了隔離街的這裡，吃牛肉湯粉。叫了生牛肉粉、豬頸肉檬及炸春卷，另兩杯「凍滴」。吃PHO有如吃日本拉麵，湯底決定一切。這裡的湯底濃甜，雖然不算是頂級，但在香港，尤其這一區來說，已算不錯；豬頸肉檬配料豐富，豬頸肉都夠鬆化，交到功課。吃檬的話，一向都是配料搶鏡過主菜的；春卷熱辣辣，用生菜包著吃，都不錯；凍滴溜咖啡仍然香濃，雖然是22蚊一杯，不便宜，但都飲得過的。服務麻麻，老闆更是收錢也面黑黑，多謝也不說一聲的。埋單107蚊，下次在呢頭諗起吃越南菜，都會來這裡的。

很久沒有來了，辣椒女話想再食這裏的漁村湯檬曉，所以早幾日便再專程來這裏食了。我們叫了馬拉盞炒通菜、漁村湯檬曉、燒烤羊骨、南乳吊燒雞(半隻)和朝日啤酒。馬拉盞炒通菜- 通菜新鮮，很有菜味，又唔會韌；只可惜落得太多油炒，最後的那些實在唔想食了。漁村湯檬曉- 蕃茄加上碎豬肉，味道帶有微微辣，檬曉爽口，份量都幾大碗，值得一試。燒烤羊骨- 又係燒得太過火，雖然比較上又肥，但肉質唔會韌，也好入味，完全唔會羶。南乳吊燒雞(半隻) - 這晚最差的一樣，雞肉完全無味，相信都係雪了很久的雞，表皮微微的脆，雞肉好韌，最後我們食了幾舊便放棄了；早知就唔叫啦！朝日啤酒(一公升) - $20大大支，真係自已買都相差無幾，抵。

地點唔起眼，但人潮不絕。食物味道唔係太出色，但絕對係抵食夾大件。食過你就知道出面越南餐廳點解會咁小，點解冇咁好食，點解都係爭咁d，會有比較囉﹗2個人豪食都係200蚊有找，絕對係超值之選。

讀過多番關於華順的食評後,心思思想試下.不其然心裡又閃出一點希望.其實真的吃過很多地方的越南餐,但依然未能找到一間合心意的.可能因為以往生活的地方能常接觸到傳統的越式料理,所以現在很想在新環境裡尋找往昔的美味吧?昨夜和BF去試餐,到達時大概1930.入坐率若8成,一張長餐桌已為11人留坐,所以在2000時便full house.店外放了數張圓卓也有客人.環境並沒有想像中那般"街坊",一般餐廳應有的她也有齊.沒有大大的油煙,全晚也只看到一隻小昆蟲飛來湊熱鬧.侍應反應快,有問必答,出餐的效率也高.唯獨卓子間的空間較窄,感到有點侷促.我們點了咖哩牛腩配法飽:肉十分入味且軟,不黏牙.咖哩汁香味誘人,辣度恰到好處,(我們差點要掙吃!)法飽外脆內軟;酸蝦湯檬:湯底還像差了點什麼但十分清新;春卷冷檬:春卷皮和料很傳統,大小剛好,沒有油膩感.檬粉口感很不楚."凍滴":因喝過更好的,這裡的有點強差人意.我倆一致通過,得分最多的是那壺魚露酸辣汁!即使是中環開業悠久的"明X"也給她比下去.我們當然吃得很開心,肯會再來試其他的出品.華順,希望你能令我不用再尋尋覓覓!不奢求你更上一層樓,只願您千萬要繼續保持水準

1-1-2006 1546同外賓飲完茶後，返公司做少少野，之後就落去北角風花雪月一陣，攪到3點幾先有飯食，今日經過這裡，個人悶悶熱熱食個檬粉都係令人提起精神的藥方。好在假期都有下午茶餐，唔想叫普普通通既，有款叫蝦酸湯米粉，加多少少錢就有三色冰。上到檯已聞到陣陣白醋，內裡除了4隻中蝦外，還有不少配料，包括蕃茄及芽菜等等，食落去清淡，但酸味極之足，米粉份量亦唔少，夏天食間直一流；三色冰亦係足料之飲料，係稍為甜左些少，記住要攪暈先至好飲。埋單25蚊，好滿足的一個午餐/下午餐。

昨晚去了華順吃飯，叫了咖哩雞湯河粉及漁村湯檬曉。咖哩雞湯河粉：湯底不錯，味精略重，河粉幼滑，但雞肉很老。漁村湯檬曉：我試了少許，但不喜歡它有很重的海鮮味，但老公吃了讚不絕口，喜歡吃海鮮的人會愛吃。埋單$48，又平又抵食。

昨夜下著冷雨的晚上,即慶約Jeff同閒遊晚飯,上次略略講過一起去吃越南菜,老許未齊章,三個人是夜去北角巷記越南菜華順.巷記黎講,往往過目必忘,難怪我未到前,佢地點搵都搵唔到.睇見主理人係越南人,心想應該信得過,三個人點左幾味,生牛河做得不錯,湯底鮮甜,牛肉鮮嫩.咖喱牛腩,很稔熟,非常惹味,送幾個法包.視作等閒.小食拼盤,份量幾大,三個人分黎講.牛油田雞,用黎送黑牌,都幾夾.好香口.田雞肉質唔"鞋".春卷濱海,濱海質感剛好,唔un.之前吃過要用牙力,才能分開的濱海,諗起就無奈.黑椒生牛肉,必吃之選,食法係,就咁放入口.可能用左好多檸檬汁腌過.所以並不完全吃出牛肉的鮮味.不過還是好好好吃的.三個人分一支專尼走路,咩菌都殺得死.怕什麼?埋單$250,平得發笑.有理由下次再來.不過都係去左老許先.

味道係唔錯，但係未有意圖去試多啲款好係好在次次去服務都唔算差而我叫左湯粉都幾好味，　湯底幾清，料都幾足最梗要係夠平，幾抵食，由其係午飯時間．．．唔錯通菜都炒得好好，好夠味．．．．老闆娘好好人，有求必應，值得一試佢係越南人，所以我覺得啲野唔會太差

家住北角多年, 都未曾光顧...上星期身痕痕, 一食之下全部都好咸可能地道越南野就係咁咸啦好彩我唔係越南人姐

數年前曾在此吃午餐, 覺得麻麻地, 所以一直沒有再來. 見各位食友好評如潮, 上星期六便再試試他們的晚餐.雖然其中一位好朋友係越南人, 我對越南菜卻沒有認識. 蔗蝦沒有竹蔗的清香, 沒有蔗汁的香甜, 蝦膠沒有彈力也不可口, 相信好的越南菜不應是這樣的. 炸豬扒和炸雞翼都太乾, 欠肉汁. 越南炒檬也平平無奇. 馬拉棧炒白菜是把一大堆菜堆在一個小碟上, 不美觀之餘上桌時有些菜跑到碟底去了.全晚唯一較可取的是法式牛柳粒, 肉粒雖沒有香濃牛肉味但還算軟滑, 不過配菜的蕃茄和洋荵卻忘了調味!食物我覺得真的很不夠水準, 也很討厭不乾凈的餐牌, 洗手間又不提供鹼液, 吃東西前如何清潔被弄髒的雙手?

今日同同事2個1點左右行過黎食lunch,以前想試好耐,今日終於可以一嘗.我地坐外面,臺櫈系條巷仔,但環境不是太差.我地要左香茅豬排飯$26加咖哩汁+$3,及漁村湯燒檬$25跟越式飲品加$2---自己要左三色冰,同事要左石榴子冰+$3.香茅豬排飯加咖哩汁---份量足夠2個女仔食有突,豬排外脆內裏juicy,香茅味頗香!咖哩汁香而不辣,正!漁村湯燒檬---蝦醬蕃茄湯底,淡淡蝦醬香,湯底一d都吾油,加上豬肉碎加蝦肉,花生碎,蔥蒜粒,真系做得相當出色!檬粉爽夾滑!2杯飲品則一般,石榴子吾夠煙韌.服務一般,埋單$58,食物水準比好多越式餐廳高得多!Highly recommended!

之前看到KC兄說這裏幾好後，已經心思思想來了，昨晚沒有約人，就兩口子來這裏試試，我們由堡壘街入，一直行到尾都唔見，最後還是打電話去問，原來係由大街英皇道<陸福>轉入就最快了。坐下後第一就立刻叫燒烤羊骨，因知道燒製需時，之後再叫了燒蔗蝦、漁村湯檬曉和西貢啤酒。燒蔗蝦- 沒有蔗香味，蝦肉也很一般，相信都做了好一段日子了，可以不要。第一道菜就有點失望了！漁村湯檬曉- 一粒粒的豬肉碎，帶有新鮮的肉味，加上小許紅辣椒，更令湯底帶出鮮和辣味，而我最喜歡的是那些檬粉，很爽身又有咬口，味道也很好，真係好少地方做得這樣好吃。第二道菜又帶出一點驚喜！燒烤羊骨- 真係等了很久才到，羊肉味道幾好，但就肥了點；而我們叫菜時叫侍應燒四成熟時，她竟然說沒有，真係有點奇怪；菜來到時給我們的刀竟是牛油刀，心想點切丫，最後都好辛苦後才切得開，真係唔明，沒有利一點的刀嗎？西貢啤酒- 味道都算OK，可惜沒有其它越南啤酒選擇。一入到去，感覺都唔算太糟，但不時有小昆蟲飛來飛去，就真係幾煩，都唔明點解唔想辦法解決！越坐就越多人，看來這店都幾受人歡迎的！