華記潮州滷水車仔麵

营业中

休息中

平時比較少去西環一帶，今日行過見到間食車仔麵諗住簡單食一餐，點知咁驚喜😍我叫咗一碗牛雜麵，一嚟到已經見到有大量芫荽，好香；湯底熱辣辣又好濃味，飲完一啖又一啖都唔覺得咸😃 牛雜好豐富，而且處理得乾淨，牛肺牛肚大腸牛蒡，都好入味好煙韌，口感不錯😄加埋經典嘅油面，全碗嘅配搭都好好然後我仲嗌咗一個小食，係一個太陽餅，佢塊皮係好薄嘅，炸得香脆可口，而入邊就係有好豐富嘅手打蝦，點埋甜酸汁食，好開胃高質😄有別於一般嘅車仔麵，呢間潮州舖頭真係唔錯

每次經過都見到門囗要排隊等候入座，今日又路過見門口竟然冇人排隊，於是立即入去試下，餐單得一張紙，但車仔麵餸款式都算多，唔想諗太多，一於試佢嘅牛雜麵，貪佢可以一次過品嚐多款牛嘅內臟。用佢枱面上提供嘅 QR Code落單，點選咗牛雜油麵，多湯多蔥同多芫茜，湯底就要咗滷水汁加牛腩汁，碗麵一上枱就有一陣陣好香嘅莞茜味，先試下個湯，好有滷水汁嘅香甜味，加埋蔥同莞茜更加係絕配，油麵份量就一般多，但牛雜份量都好足，共有五款包括有大腸、粉腸、金錢肚、牛膀同牛肺，每款都有三件，大腸好有油脂香味冇怪味，處理得非常好，粉腸夠淋，金錢肚就有啲咬口，加果再淋啲就最好，牛肺同牛膀都幾大件下又夠入味，冇得頂！下次再來就要搵多一兩個人，試下佢啲推介小食。

ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ 米線，蘿蔔，牛肉餅，牛腩，冬菇，腩汁 58油麵，猪皮，鮮魷魚鬚，蘿蔔，牛腩，腩汁 58蘿蔔冬菇超級入味。鍾意啲麵唔會好林，佢有得揀林身啲定硬身少少。腩汁可以再濃味多少少 hahaha 每樣配料都大大嚿，食哂成碗真係超飽。食唔多都係叫兩三餸好啲。無加一 ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ ◇◇◇◇◇◇◇◇◇🔎 #cass_車仔麵🔎 #cass_西營盤🔎 #cass_syp 🔎 #eatwccinhk

《親民豐富車仔麵😆》———————————————#華記潮州滷水車仔麵 😊-車仔麵要整得好食，一啲都唔簡單🤭 之前去西環果邊專登去食呢間人氣小店，份量相當多，配料有好多唔同選擇😍 而且價錢亦好親民，最平嘅車仔麵$32就有交易喇，CP值高💰-🍜 三餸車仔麵鮮魷魚鬚切得好大塊，份量都好多，爽口帶微辣！滷水豆腐同蘿蔔超入味，尤其係蘿蔔超正，煮到完全淋哂，而且唔會有渣😝推介大家一定要嗌佢嘅秘製重口味醬汁，mix咗滷水汁、咖哩汁同腩汁，味道濃郁得嚟唔會係味精味好頸渴😙 而且芫荽香蔥控嘅人一定中意，滿滿一碗！仲可以加入秘製潮州辣椒油，令到整體嘅味道更加昇華😎-🍜 牛雜麵如果食到內臟嘅人一定唔可以錯過小店主打嘅牛雜🤩 豬大腸清潔得好乾淨，唔會有怪味，口感帶有嚼勁！豬紅亦唔會一夾就散，好有咬口，夾埋微甜嘅滷水湯底好唔錯👐🏻-另外仲嗌咗個小食，店員好熱情咁介紹咗我哋食呢款太陽餅，好特別，唔係台中嘅太陽酥餅，而係蝦餅🌞 薄薄地外層好脆卜卜，裡面就非常彈牙👍🏻-⭐價錢參考：三餸車仔麵：$49牛雜麵：$45太陽餅：$40🍌抵deal 指數：8/10💰人均消費：$70

話說好耐之前已經好想試哩間唔少人介紹過嘅人氣車仔面, 原來最近又開左多間分店喺西環，OT放工經過，梗係買碗外賣醫肚啦！車仔面價錢認真實惠，三餸只係$48！仲要大大碗，好足料！我同朋友各點左三餸油面同粗面, 大碗到差啲食唔哂👍🏻認真抵食😍味道亦非常唔錯，湯底夠香濃，我加左秘制潮州辣椒油，幾辣不過好過癮！我中意！配料方面非常推介巨型魚蛋，大得黎又好彈牙，拍得住長洲名物👍🏻👍🏻👍🏻 另一款正野就係蘿蔔, 炆得好夠稔，索哂湯啲味，好正😍😍 加上芹菜同香菜，香上加香，唔怪得咁多人排隊，超抵食！私心評分食物質素 ⭐️⭐️⭐️⭐️性價比 ⭐️⭐️⭐️⭐️

點解說是明星效應呢?因為Bob常分享自己吃華記西環店開了後我吃了兩次上一次是11/10/2022scan門口QRcode落單等10分鐘今天等了15分鐘最差的經歷是兩次出了外賣都沒有店員出門口叫號...白等...我兩次都是吃3餸車仔麵第一次吃蘿蔔底+3餸,但蘿蔔不甜也不入味,湯底選了重口味推薦(全部汁)少辣,除了咸完全唔知咩味,選了豬頭肉原來全是肥豬肉,我真蠢...今次選了滷水汁加腩汁反而好好多,又可能因為今次選了米線,米線吸到湯的味道,不過豬紅無咩味,滷水豆腐普通,五香牛肚最好,入味不會咸秘製辣椒油普通唔香相比同一條街的人氣粉麵店,另一間較為令我成日想食

📸華記潮洲滷水車仔麵🍜高質食材車仔麵為食妹諗唔到食咩就最鍾意揀車仔麵貪佢唔洗做選擇可以直接全都要🤣唔好以為車仔麵就一定係求其食無乜質素今次就喺西營盤附近發掘到一間高質有誠意嘅車仔麵🤩入座見到唔止一枱街坊自己買埋啤酒入嚟邊飲邊食就知佢咩料😳🔸自選四餸車仔麵 $58💛8/10為食妹揀咗：豬心 豬膶 豬手 冬菇呢度嘅車仔麵餸比起坊間嘅餐廳更多選擇，主打潮洲滷水嘅烹調方法所以多咗好多滷水食材選擇今次揀嘅豬心 豬膶 豬手都係車仔麵比較少見嘅餸菜滷水汁煮得好入味加埋重口味推薦湯底的確好惹味😋🔸滷水蘿蔔牛雜 $68💛9/10超級好食仲要超級抵食！大推！✨首先一人份嚟講份量已經非常重手抵食過平時掃街嘅份量好多🥹🥹🥹然後味道同口感都非常之好講緊係唔同嘅部位都處理得好好！夠入味又唔會太淋太韌真係太岀色牛雜fans must try🥹❤️立刻明白點解幾枱街坊都自帶酒水嚟捧場🤣🔸新鮮魷魚鬚 $45💛8/10魷魚鬚好爽口，唔會灼得太熟變咗橡膠醬汁帶少少甜辣突顯到魷魚鬚嘅鮮味份量同樣大份抵食👍🏻原來除咗西營盤餐廳喺太子附近都有分店下次去試埋睇吓keep唔keep到水準先！🤤

#您想食咩 #咩都唔諗.係呀~我唔知點解好鍾意食粉麵架~由其是 #車仔麵.華記潮州滷水車仔麵📌西環西營盤正街40號地舖.今次其實係聽過佢嘅滷水好好食所以慕名而來架!!.‌我哋點咗2️⃣個麵同埋2️⃣個小食♦️豬雜麵佢個豬雜麵好足料架有豬大腸, 豬肚, 豬耳等等~碗麵超多餸, 而且每味餸都好入味♦️牛雜麵牛雜麵都唔弱牛腸, 牛肺, 牛膀, 金錢肚等等同樣都係好入味係其他車仔麵店都好少有咁多餸呀!♦️太陽餅呢個係自家製嘅蝦餅外脆內軟蝦膠好爽口彈牙🦷!♦️韭菜豬紅呢個有啲微辣韭菜爽甜好味~大大碗~.我哋食到捧住個肚走呀~~正!!!.仲有一點, 就係佢哋有推#愛心麵劵 幫助低收入及基層人士.環境同座位好闊落，卡位好坐～服務態度正！.整體評分：最高為🟣🟣🟣🟣🟣味道：🟣🟣🟣🟣🟣服務：🟣🟣🟣🟣🟣環境：🟣🟣🟣🟣地點：🟣🟣🟣🟣🟣.總括嚟講，華記潮州滷水車仔麵無論服務，食物出品正！大家鍾意車仔麵嘅都不妨一試!!••••••••••••••••••••••••••••••#攸桐媽飲飲食食遊蹤 #攸桐媽 #攸桐媽媽遊樂團 #zozimama #6B29production #路邊研究事務所 #華記潮州滷水車仔麵 #西環美食

放工去左西環探朋友，之後買左外賣番屋企食，見到有間新開店既車仔麵店，外面睇到又光亮，有卡座係入面食麵坐得舒適👍🏻睇睇餐牌麵幾多餸簡，我就簡左煎釀三寶、太陽餅（蝦餅）、四餸車仔麵，等我一一介紹一下啦！煎釀三寶煎釀三寶有茄子、青椒、紅腸，即叫即整好香口，魚肉釀好林又入味，青椒夠晒辣，如果唔食得辣既朋友要小心唔好食青椒🫑太陽餅（蝦餅）太陽餅原來等於蝦餅，同平時炸起既樣好唔同，外皮好鬆脆可口，內裡蝦肉鮮味又彈牙😋😋😋推介～～～四餸車仔麵點咗車仔麵，有四個餸包括牛腩、牛筋、魷魚和蘿蔔，魷魚是店家推介，有別於出面令立立果種，食落好爽口鮮甜好味；牛腩夠林又入味👍🏻

🇭🇰華記潮州滷水車仔麵·呢間我哋之前喺太子食餃子嘅時候見到超多人排隊 好似好正咁 所以bookmark左一路都好想試 近排見佢喺西環開咗新分店就終於嚟咗啦😎😎·四餸車仔麵$58我哋見到佢有四餸揀好似好豐富咁 所以就嗌咗兩碗😈不過佢真係超大碗 佢個麵就算扣咗底都仲係超多 而且佢每樣餸都有四至五舊 好足料🤩🤩而且佢個滷水湯底係超正 佢係勁甜 而且完全唔會油膩 就咁飲都好好味😋之後佢呢度係好多嘢都有得俾你揀嘅 你可以自己揀芫荽或者蔥嘅份量 亦都可以揀麵嘅質地 辣度 超貼心😚麵底方面我自己覺得油麵同米粉都好襯個滷水 油麵食落就會有口感啲 米粉就會索湯啲 兩個都好正🤤🤤·豬手 l 豬肚 l 豬心 l 豬大腸(瘦) l 豬潤蘿蔔 l 滷水豆腐| 油麥菜佢呢度係有超多豬雜同埋牛雜揀 我哋今次就主要試左佢既豬🐷我自己最鍾意佢個豬手 佢呢個係炆到勁入味 而且佢係炆到仲有少少咬口個種黎既 中間嗰啲關節位勁好食 我自己好鍾意🤤🤤之後佢個豬肚同豬心口感都好好 而且處理得好乾淨 比較特別既係佢呢度嘅豬大腸係有得揀瘦既 冇咁多肥膏食落就冇咁騷😈反而佢個豬膶我自己就覺得佢有少少澀 相對上冇其他咁好食🫢🤣🤣之後素菜方

話說經過西環，見呢間華記潮洲滷水車仔麵好多人，就好奇入左去醫肚叫碗女人的浪漫「牛雜麵」，結果有驚喜😝💓首先，碗麵放上滿滿的芫荽，自問係芫荽愛好者，即刻眼前一亮🤪除此之外，牛雜（牛肝、牛睇、牛肺、牛沙瓜）大大件，淋身滷水汁又入味！不得不提佢既麵底很有口感又無鹼水味，整體配搭非常好！喜歡食辣既朋友，記得要嘗下佢地自家製的辣椒油，好香而且好夠辣！😋😋除左牛雜麵，我仲叫左太陽餅。好特別既小食，裡面有蝦同魚肉，好香脆可口😚😚估唔到仲有咁有heart既車仔麵檔，有心思而且唔貴！好滿足👍🏻👍🏻

華記潮州滷水車仔麵有幾間分店，今日我就試下佢西環西營盤新開呢間，始終岩岩裝修好，好乾淨舒服，座位算闊落，呢到落單係QR掃code自己落，價錢貼地，野食質素高👍🏻啲小食幾特別架，呀bob富貴仔都有推介過😋🌼🌼🌼🌼🌼🌼🌼🌼🌼🌼🌼🌼🌼🌼🌼牛雜同豬雜米線，呢到可以要求多芫茜蔥架，芫茜蔥控記得要來試吓😛成碗滿晒噤制，湯底濃郁夠味，啲牛雜同豬雜超乾淨，啲牛腸真係勁好食，好粉又唔會好多肥膏🤭超正，必叫👍🏻太陽餅 呢個一定要點，佢係自己整嘅蝦餅，即叫即炸，個皮超鬆脆，蝦膠彈牙，點埋泰式醬食😋一流新鮮魷魚鬚 呢個係凍食，份量超多😋自家制辣汁好惹味，好有咬口

本人係車仔麵L 🤣，可以為咗好食嘅車仔麵坐個幾鐘頭單程車，好痴線🙈今次膽粗粗試咗呢間無乜食評嘅車仔麵店。OK!總算無令我失望，雖然唔係嘩一大聲，但勝在勝價比高，份量多，價錢適中又近地鐵站。可放入回頭再食List😙。仲有就係，有個斯文侍應姨姨，好醒好勤力又衛生，服務態度好好，值得一讚👍🏻。因為大部份車仔麵店嘅EE都係粗聲粗氣🙈元茜控佳音😂，好多！正！出前一丁麵竟然唔使加錢，仲要係爽嘅，唔係淋晒發漲晒嗰啲

九龍華記潮州滷水車仔麵終於來到港島，之前係太子食，食到念念不忘，家下終於食到，仲要好近我呀🤣裝修企理，格局走向木系店內清晰表明店招牌老闆勁細心解釋主打菜，而且又好有禮貌，明我食唔食荽茜，我梗係表明我係芫荽控❤️🤣又想食小食，所以我同朋友一碗麵兩份食牛雜麵$45勁多蔥勁多芫荽，岩晒我，放心，食之前老闆係問左我先架，滷水湯底够湯够濃够味，仲好够熱，滷水湯底唔咸，無味精牛腸：唔腥，腸又彈牙牛肺：味道鮮美，口感軟糯，同我成日咳要補補🤣牛膀：口感粉得來够層次金錢肚：有咬口，有彈性所有牛內臟各有千秋，但也帶著同一點滷水味汁索够，店家講明用多重功夫潔淨❤️涼拌生腸$28抵食夾大件，送酒一絕，再加上洗得好乾淨，無臭味，花生炒香够腸太陽餅我想左好耐，車仔麵店有太陽餅，老闆話係用墨魚同蝦造成，食左後，太陽餅煎得金黃，而且食落香口鮮甜既然甘近我，梗係隨時可以叫外賣❤️

之前經過太子總店都見到好多人食，咁啱係西營盤附近做完野，見到開左港島分店，緊係要即刻試下🤩嗌左個3餸車仔麵，牛肺，蘿蔔同滷水豆腐，米粉底，有得叫多蔥多芫荽，啱晒重口味人🤤 黎到見到啲沖同芫荽真係多到成座山咁😂 蘿蔔超淋+甜!!! 仲要超大舊😱 超級推介👍🏻滷水豆腐有啲硬豆腐feel，索晒啲湯汁好正🤤 個湯嗌左重口味推薦(全部汁)，夠晒濃味惹味😝 另外仲嗌左招牌太陽餅，係薄薄地炸到超香脆嘅蝦餅，仲食到粒粒蝦肉，點埋泰式酸甜醬，絕配👍🏻 聽店員講佢地啲牛雜豬雜好出名，中意食內臟嘅一定要黎試下😝埋單嘅時候見到餐廳有賣愛心麵劵，幫下有需要嘅人，咁有善心食物又有質素嘅小店，絕對要多多支持!!💪🏻