華記潮州滷水車仔麵 (民興大廈)

营业中

休息中

来香港第一件事，当然是吃车仔面啦！特别是这家佘诗曼都推荐的！非常港式地道，并且还很平价好吃，人均50吃到饱！ 不是饭点都依然很多人光顾，有堂食有打包，老板说高峰时日卖400碗！真的是非常有人气的车仔面店了！店里还经常做善事帮助基层群众，支持这样的良心店铺！ 我和老公是内脏控，分别了点了牛杂面和猪杂面，还有太阳饼。不愧是卤汁汤底，重口味推荐（全部汁）~ 牛杂和猪杂份量超足，猪大肠清理的很干净，牛肠肥美，牛肚牛旁弹牙，粉面记得选择油面错不了！他们家香菜给的巨多，香菜爱好者大满足！ 太阳饼其实就是潮州传统的「月亮饼」，每块鱼肉中夹着一只鲜虾，搭配甜辣酱，非常满足~ 温馨提示这家份量比市面上其他大很多，首次来的话，不要贪心叫四餸（$58），先试三餸面就已经吃饱饱的了！ 📍 华记潮州卤水车仔面(民兴大厦)地址：太子界限街34号民兴大厦地铺（港铁太子站D 出口, 步行约3分钟）

應該係明星效應先至留意到呢一間小店，店舖位置，對於我呢啲少出街嘅人來講，相對隱蔽，星期一嘅夜晚放工時間落大雨，一個人安排坐正對門口，落單用QR code OK嘅，可以有時間慢慢考慮，揀咗一個重口味小辣湯底嘅三餸車仔麵全部都係牛，包括牛腩牛蒡同牛肚，揀咗油麵，上菜時間非常之快，我冇加到一蚊多蔥，但係份量都唔少值得一讚👍 感覺上員工都比較有禮，本身唔係好食得辣，就算小辣我都會咳，不過飲得出個湯底真係好濃味，最鍾意就係食牛蒡，唔係咁多地方有，牛肚就靭咗少少，牛腩OK淋嘅，overall個份量都唔細㗎，$49有呢個質素，值得推介👍

經常見到扑爺稱讚到想飛天…本人由佢開張時都有幫襯過，當時係幾好的…今天幫襯堂食…Comment :1. 大件 - 叫左蘿蔔，三件超大件搞到成碗車仔麵冇晒位放其他嘢(所以其他餸菜份量相對減少？) 最慘嗰三件蘿蔔都有渣2. 分量多 - 牛腩好似有10舊左右(大部份都係肥肉、1⃣️係靭到咬唔到)3. 其他：叫咗魷魚鬚，碎濕濕，要喺個湯入面打撈… 叫咗豬腩肉(瘦), 但唔知點解九成都係肥肉4. 湯底唔夠熱同埋味道淡茂茂(本人10分介意)

今日喺忙碌的日子下返工，突然大家都想吃車仔麵，經好友介紹吓就從熊貓叫咗外買回工作崗位享用。嘩!真喺超出我們所想，清湯配搭上芫茜和葱，完全帶出湯的味道之餘，再加上潮洲秘製辣油，簡直無得彈。蘿蔔鲜甜無渣，生腸夠爽，牛肚好入味連鹵水豆腐也很出色。還有，太陽餅內夾住大蝦美味可口夠脆。一口氣差點連湯也吃掉，太美味啦!。總算為返工帶來了一點安慰和鼓勵❤️❤️❤️❤️❤️❤️❤️😋😋😋😋😋😋😋😋😋😋

有一日行過，留意到有一間專食滷水嘅舖頭把心一横，行入去試吓，先見到咁多人排隊，入到去嗰啲座位好擠迫，仲要等咗一陣先可以入去，入到去我坐底叫左個麻辣生腸，於是我就嗌咗一份，食落去非常爽口，佢唔算好麻辣，有少少香辣嘅感覺唔錯，好惹味，另外点了一份太陽餅，超級好食，非常香脆，仲要熱辣辣，啱啱整好，呢一個真係食唔停口，另外我嗌咗一個滷水豬腸，湯底方便非常清甜，好似有豉油嘅湯底，而且豬腸非常新鮮，好有咬口，如果簡單嘅午餐來說我得呢間餐廳好滿意♥

華記潮州滷水粉麵價錢💲: $49/ $49好味程度😋: 4.3/5服務🍴: 3.5/5環境🗾: 3/5性價比🥢: 5/5回頭率😚: 4.3/5!-Happy friday梗係要食happy food! 我的其中一樣happyfood一定係車仔麵！今次呢間好高人氣，唔少明星都係常客，平日夜晚九點幾去到都等左陣位。最特別係主打內臟！好多內臟款式其他舖頭都無架🥰 唔好的就係位置比較迫姐！-✅蘿蔔牛舌魷魚鬚幼麵小小辣。幼麵夠爽，唔會過軟！魷魚鬚彈牙新鮮，無漂味😎 牛脷已經軟晒，同一般的日式牛舌好唔同，不過呢個餸下次未必會encore，係可想像的味道🫢蘿蔔切到好大舊，但睇顏色都知道已經好入味，大概係D腩汁入晒味了，唔同一般的清甜，係濃味但有蘿蔔的清甜帶係入面，好juicy好食😗-✅✅蘿蔔牛膀生腸幼麵小辣重口味推薦。呢碗除左一定叫的蘿蔔都揀左牛膀，粉粉的口感帶啲膶的味道，係我心目中好食的牛膀👍🏻原本想食的粉腸無曬就叫左生腸！好爽口，無任何內臟的味道。主要係食口感☺️ 呢碗的湯底比上面個碗濃郁好多，重口味真係要叫🤣 食到有滷水汁、腩汁，同埋好香辣，小辣對我來講啱啱好。面頭仲有好多葱同芫荽，好惹味！-記

聽聞有羊肉店新開，就專程去太子食，但羊雜賣哂，就去返附近華記食，上次食車仔麵，今次食牛雜麵，而家多葱多芫茜都要加$1，湯底甜甜地，似足兒時車仔麵嘅味道，牛膀好厚身，等於人哋兩塊咁厚，大腸邊嘅油脂真係卯得頂，但腸身明顯未炆夠，靭到咬唔開，好似條膠水管咁，卒之都係要放棄，嘥料，牛肺唔入味，金錢肚一樣咬唔開，可能係好生意得滯，煮唔切，其實唔應該畀人食，寧願停咗佢。本來對呢間店都有期望，今次嘅遭遇真係令人失望。

牛膀texture 粉粉哋得嚟有d咬口 唔知係咪太好生意唔夠時間煮 如果可以炆淋多少少咁多會再好d牛脷件件都係牛舌芯 又淋又滑 原來放湯都咁正牛小腸個人推介 佢會冇大腸咁肥但係都有好香嘅牛脂香氣(特別嘉賓) 韭菜底韭菜當麵食 韭菜控 或 low carb 人士大愛******65分+10分成碗麵咁多韭菜******beef pancreaslike the grainly texture as always, could be cooked a little longer to hit a higher markbeef tonguetender and smooth, did not expect such a wonderful outcome in brothbeef small intestinepersonally recommend this over the large intestine as this is less greasy but still gives you the full package of that beefy sweetness(last but

以前經過舖頭，見到門外餐牌有好多牛、豬內臟，覺得幾特別；加上身邊有d朋友係粉絲，今次有時間經過就試下食。星期日下午三點幾，唔洗等位。nice叫個三餸：粉腸，大腸（瘦），春卷。為免過飽，唔食麵，轉左通菜底。盛惠49蚊。粉腸爽，大腸軟，無異物及異味。讚雖則大腸要瘦，但上枱嘅，其實唔算瘦。車仔面三餸黎講，有呢d功夫心機料食，其實值回票價。

啲湯唔熱，啲餸又少又唔新鮮，加芫荽仲要加錢，唔值得幫襯(ps以前成日食既熟客)，深水埗咁多好野食，下次真係唔會想再幫襯，超級失望，咁既野就收$66，我去周圍食兩份都得🤷🏻‍♀️🤷🏻‍♀️🤷🏻‍♀️🤷🏻‍♀️

今次帶外國朋友去試下香港車仔麵，見呢間好出名就帶佢地黎試下。星期日6:45開始排隊，因為一行7人，等左一個鐘，分兩枱卡位前後坐。蘿白瘦豬腩肉魚肉春卷重口味小辣蘿白十分入味，好甜好鬆化，入口即溶，勁推介👍👍👍豬腩揀左偏瘦既，怕肥人士之選，入口鬆軟，唔會嚡👍魚肉春卷索左啲湯底好正👍湯底香濃而唔會太鹹，小辣個人黎講岩岩好👍魚肉春卷牛腩牛肉餅油麵腩汁+滷水牛腩炆得好鬆而入味，呢度既滷水好岀色👍牛肉餅似牛丸既味道，加埋魚肉春卷好飽肚，湯底好香，好滿足👍感覺同一般車仔麵好唔同，滷水做得好出色，下次會想再試吓其他配搭👍

作為地道香港人的我，最喜歡的食物第一位一定係車仔麵，一聽到話邊間好食都必定慕名去探個真實，今次就去咗深水埗與太子交界之間的華記。離遠望到個門口已經見到排緊隊，但尙算人少，所以都跟隊，最後等左大約20分鐘左右。湯底都幾多選擇，大路口味當然就唔會揀啦，我地都揀左重口味推薦（全部汁），當中有分大中小辣，始終第一次食，保守d，我揀左小辣，老公揀中辣。蘿白+鮮魷魚鬚+粗麵+小辣 - 係我心目中，車仔麵係必食粗麵。蘿白比左三大舊，很入味，不錯。反而鮮魷魚鬚無乜驚喜，口感係有既，亦都夠彈牙，但味道就比較一般。重口味小辣湯底就好正，夠惹味，小辣對於我就剛好，加多一度辣應該攪唔掂。豬頭肉+牛腩+蘿白+公仔麵撈麵+重口味中辣 - 豬頭肉勁厚身，真係啖啖肉。牛腩就正常發揮。中辣撈公仔麵，我試左一啖就立即放棄，老公就食到標哂汁，不過佢話辣得好過癮。涼拌生腸 - 味道就唔錯，但稍嫌口感唔夠爽脆。煎釀三寶 - 煎得好靚仔，未食已經比個賣相吸引，入口的確夠香口，鯪魚肉好合我心意，因為竟然係冇蔥既，好好食。

華記係太子都好出名 ，收工時間日日都排長龍，有日早收工就同朋友去咗食。6點到都鋪頭，等咗三張枱大概15分鐘左右就入得去。入到去手機落單，原本想叫埋釀三寶可惜賣晒，之後就叫咗太陽餅（蝦餅）$40同新鮮魷魚鬚$45。魷魚鬚對我嚟講好辣但同時又好惹味，至於個麵滷水汁真係好好味，其他地方都食唔到，最好既地方豬大腸可以揀瘦既豬大腸。另外當日著白色衫，店員好好人上菜果時，提醒我同朋友食果時要小心啲要小心d湯汁彈到上身。至於值唔值得排隊等咁耐去食就見人見至啦🙈

呢間車仔麵 個別幾個餸係好食，湯底（唔夜去的話 係好嘅。。。。夜晚去會淡左） 舖面乾淨，我亦都冇話要食幾十蚊嘅麵 要有五星級服務， 說話講在前頭，我要分享兩次好受氣嘅經歷！大半年前 佢地個app有減3蚊優惠，但幾乎次次都係唔work,去到cashier 會自動減俾我， 除左有一次，銀白髮短辮男，態度惡劣好似當我去乞果三蚊優惠咁， 我幾個月唔去了！ 利申：本人住得好近，通常一人午餐食呢啲幾十蚊嘅麵，係幾好嘅選擇。 點解受過第一次氣仲會去， 因為我之後幫襯 都係要望到果個男職員唔喺度先入去。第二次，發生喺今日，門口有一對情侶排隊，我喺佢地後面，短髮四眼男職員拉開玻璃門，我話一位， 佢叫我排隊， 我隔住玻璃望下入面有冇人似係走 （我都趕趕地時間，考慮下排唔排） 喺我冇打情侶尖，只隔住玻璃門望入面，呢個男職員大聲喝我， 指令我向左排 （門口冇指示向左定右排 而前面果對男女又平排企嘅）眼神、語氣 態度兇狠到 以為光顧緊三合會店舖！所以，無可否認呢間舖有啲野係幾好食、抵食， 但記得，你就算未幫襯，要注意：1⃣排隊都唔好望下估下自己要排幾耐！2⃣ 即使隔住玻璃門望都唔得架！3⃣職員叫你排左就排左

最近唔係咁鍾意食飯，呢晚收工就去左之前經過呢間食車仔麵嘅一試！車仔麵嘅配料超多選擇！但我比另一樣野吸引左👀就係早排成日想食嘅牛雜河啦！！咁仲好啦，唔使揀得咁辛苦😛牛雜河$45好好食！河粉夠滑！牛肚、牛肺、牛蒡、牛腸！！全部整得好正！口質好，味道好！唔會有怪味👍🏼辣椒油都一定要試試！又香又夠辣！加埋落粉麵度食更加惹味！以後又多一間收夜可以去食嘅鋪頭啦😄