華星冰室 (克街)

营业中

休息中

好想食下華星好耐，因為真係好鐘意蛋! 成日都食澳牛，真係好味到想死! 但賣同一樣野，標榜使用日本3.6牛奶既華星又係咪咁好味呢?? 原來唔係果囉!!營養餐 ($24)炒蛋冇蛋味!! 又唔夠滑，仲要幾實下! 話就話用日本3.6牛奶，但一D奶味都冇，我覺得佢冇落牛奶炒囉，如果唔係起馬滑D先啦!火腿未食就知唔得啦，一睇就知係平野啦! 火腿好深色，好唔新鮮咁，一味得果鹹字。麵包係唯一較好既。烘得平均又夠燶，大小剛好。鮮奶唔知係唔係真係3.6牛奶，不過奶味好濃，亦夠fresh。一心諗住一定好好味啦，點不知....唉!真係一D都唔好食，澳牛同佢差唔多價錢就好味得多!真係一次就夠啦!!!

以後出去想食炒蛋港島區都有個好選擇 - 華星冰室唯一美中不足之處就係佢個冷氣好大好凍就算係剛剛上枱o既食物好快就會凍o左或者, 佢就係特登用呢一招加快食客o既用餐速度 haha

基本上華星同一般冰室茶餐廳差不多，來來去去都係得常餐、通粉面選擇..咁就叫了個常餐試下啦，方包不夠軟 (澳洲牛奶公司好食D)，個奶油豬不夠脆，紅豆冰好細杯賣成$18 ，無乜期望，所以無失望，醫飽肚就算。不過我死蠢地忙了叫炒蛋，試不到他炒蛋的功夫，失策失策....

星期天的下午，在金鐘、灣仔一帶行了老半天，終於來到克街，原來最近甚多人在openrice提及的「華星冰室」就在這裡，見不是很肚餓，雖然這裡供應的食物只得最基本的三文治、多士、湯通粉、湯意粉等，都入去試一試啦，看看是否有澳洲牛奶公司的水準。這裡的食物除了散叫外，只有三款餐選擇，（1）「早餐」時間已過，可以不理。（2）「營養餐」的飲品是冷熱鮮奶，不是這裡的標用北海道3.6牛奶沖調的奶茶，不要。雖然自己不是太肚餓，始終還未致於只叫一份三文治或多士便夠飽，所以在揀無可揀之下，只可以選擇（3）「常餐」。這個「常餐」包括的是叉燒湯意粉、火腿煎蛋/炒蛋和飲品。既然這裡的宣傳句語說自已是用心做好炒蛋和奶茶，當然是叫炒蛋和奶茶啦！（其實，這裡是不是其他食品不用用心呢？）「叉燒湯意粉」：湯底普通得很，有點過鹹；意粉一般，無甚特別；叉燒大約有五塊左右，切得不厚不薄，也不會太乾瘦或多肥膏，質素尚可。「火腿炒蛋」：火腿只是大路貨，炒蛋則炒得尚算嫩滑，莫非真是北海道3.6牛奶的功勞？「熱奶茶」：只是普通貨色，奶味不夠出，也不夠滑，假如這是省招牌出品之一，那就不及格了。順帶一提的是，太座要的不是叉燒湯意粉，改了牛肉

同事一起邀約到華星冰室午餐，聽聞這裡最出名的是3.6牛乳炒蛋。坐下一看餐牌，原來只有常餐和營養餐。分別在於有没有通粉。我們全部都選了常餐，同事還點了一個奶油豬仔包。常餐包括：叉燒通粉(可選牛肉)：湯嫌略鹹，叉燒偏肥，味道麻麻。牛油多士：是用厚身麵包，本人比較愛吃。炒蛋：聽聞是用3.6牛乳炒，炒得比較濕，蛋味一般，没有傳聞中好。餐茶：我點了柚子茶，茶餐廳比較少有。奶油豬仔包：我没有吃，但看樣子都不錯。

一間近期頗獲好評的茶餐廳，食品款式簡單，專注製作「常餐」。用料標榜用上北海道3.6牛乳及清真牛肉。常餐的厚多士及火腿未算特別出色，尤其是厚多士，個人喜愛較「燶」之作。主打的炒滑蛋質素算是中上，倘若烹調時間略減少許，以增加蛋汁數量，相信口感會更嫩滑。至於牛肉通粉，牛肉數量不多，但肉質軟腍頗有住家製作的感覺。因忘記了此店的賣點在於用上北海道3.6牛乳，竟點了「茶走」一杯，未能為此店的奶茶評分。

朋友仔叫我同佢試下華星冰室既炒蛋係未真係禁好味, 所以就走過黎試試.叫左一份常餐(火腿炒蛋加多士,义燒通粉, 熱奶茶), 朋友仔叫左一份營養餐(火腿炒蛋加多士, 熱牛奶)火腿炒蛋加多士-炒蛋炒得好滑,好好味 .多士都算厚身, 同炒蛋一齊食, 重好食過只係食炒蛋熱奶茶-好滑, 好有奶味, 好飲义燒通粉-通粉overcook, 太淋, 义燒又無乜味

餐牌與澳牛相若, 多了點貴價東西 (黑松露炒蛋), 其中一個伙計也是調過去 (因他的服務態度十分好!). 連收銀也像一家人!可惜整體較差....奶茶較佳, 因有多點茶味, 比澳牛只有奶味好.通粉亦較佳, 沒有那麼鹹.但致命是多士及炒蛋 : 多士不新鮮, 一陣陣隔夜味; 炒蛋不滑, 火腿也沒有火腿味.$28 也只是想吃多士及炒蛋.服務雖較好, 還是去佐敦吧!

因為老公係灣仔番工, 成日都聽到佢話食華星冰室於是我都忍唔住走過黎試試之前食開澳洲牛奶公司都覺得好好食咖喇但係就食得好趕黎到華星冰室, 除左唔駛等位之外, 又唔會話好趕雖然係冇澳洲牛奶公司咁快咖喇不過最緊要係食物既質素今日黎到華星老公食左個牛肉意粉,煎蛋多士,熱奶茶我就食左個义燒意粉,炒蛋多士,熱檸茶义燒就麻麻地喇, 不過牛肉就唔錯炒蛋多士好正,尤其炒蛋夠哂嫩後黎我心郁郁想試個奶油豬於是就叫左黎食, 味道一流!!!相對黎講, 兩間既食物質素差唔多不過我鍾意華星既環境多d .價錢都好合理!

華星在灣仔駐紮了好一陣子,但是都沒有機會到來試試,因為每次途經均門庭若市,對於只有珍貴一小時吃飯的打工仔,的確會卻步但因為是日遲了外出吃飯,食客都走得八八九九,好興奮終於可以試下了!小女未吃過澳洲牛奶公司,所以不能比較,只覺得這裡的炒蛋的確不錯,有牛奶滑之餘火喉控制得很好多士是厚身的,貨源的質素都不錯可惜是份量其實不是太多,(特別是對於我們公司的焚化爐-們)所以吃了一次之後都未知幾時可以再光顧了 (哈)

之前都聽過lee度架啦~同佐敦o既某一間店都以炒蛋、常餐做賣點lee間表明用北海道牛乳炒.......仲show哂d牛乳packing出o黎近近地當然要一試啦~$28常餐, +$2改凍飲1) 火腿蛋+多士2) 叉燒意粉3) 飲品 1) 蛋o既烹調法我相信係可以俾客人自己選擇o既, 我地今次都係揀炒蛋, 用北海道牛乳炒應該幾滑o既 出到o黎效果唔錯, 份量都多, 咸度都算適中, 因為男友之前話味道偏淡, 不過今次食落都夠味, 但滑o既程度冇我想像中咁滑, 可能自己太高要求呱 overall達標 =)至於個多士我就確要讚好, 因為厚多士係我o既至愛, 平時要+$$先可以轉多士o既地方我係唔捨得轉架, 今次終於可以享受到, 而且食落去仲係外脆內軟添~~~ yummy!!! 2)叉燒意粉我就轉左牛肉意粉, 仲可以改通粉添~~~ 平時我多數轉通粉, 不過今次係當晚餐食, 所以個人覺得食意粉會o岩feel D 牛肉有3-4舊仔, 不過味道無"檀x"咁正, 亦唔夠嫩, 而且意粉比較硬, 佢採用較幼身o既意粉, 比平時食開o個d幼少少, 所以口感冇咁好!!! 不過要讚係反而個湯, 味道都幾鮮overa

Last time I came during grand opening days, I had reason to believe the eggs here were slightly below 澳牛 standards as it was less fluffier. However - after trying 澳牛 recently again last week and I've tried that like 7-8 times, my conclusion is that nowadays from my latest 2 visits, 華星冰室 > 澳牛 in terms of Scrambled Eggs! The toasts however are too under toasted in 華星, which is opposite to my 1st experience here.1) One important thing is that at 澳牛, the Eggs sit on top of the toast which make

勞動節同男朋友去左中央圖書館做功課,,點知早閂,,7點就趕人lu,見未肚餓,,米行去灣仔先食=3=本來想去試再興,,點知無開門,,見華星食評都唔錯,又無咩人,,入去試試~叫左常餐($28@1),,叉燒通粉,D通粉好澱粉feel.,唔夠爽口,差少少-3-炒蛋,,入口好滑,,因為有好多蛋汁..不過了開,見到D蛋原來炒到好老,,全靠D蛋汁-3-算唔算染眼法呢?熱奶茶~好飲,,好有奶味,,又有茶香,,讚~ overall 都食得過,,因為服務好好我地在個度玩晒iphone 坐左好耐 都無黑面抵讚~~

4月16日（星期五）晚，因晚上女友有點事情要來灣仔處理，又怕太夜才吃晚飯又會餓壞女友，我們就趁還有點時間，就來這間人氣冰室來參觀。地方很容易就找到，店內環境光猛，裝修明顯帶點復古懷舊，賣的是“高級”一點的茶餐廳食物。最初我們想吃常餐等這類東西，但女友見到桌面上的『特別推介』有咖央西多就要一個，我也叫個黑松露炒蛋來試試，再加熱朱古力和熱咖啡各一杯。落完單後，“伙計”竟然放下刀叉的同時，還放下糖漿樽，令我們非常疑惑。熱朱古力味道不淡，熱咖啡也不澀，入口順滑；咖央西多外表炸得金黃，麵包亦夠軟熟，內裡的咖央醬亦夠椰香，甜度適中，當然不用再加糖漿了，伴著麵包來吃剛好；黑松露炒蛋放在厚多士上檯，有點新奇，自問本人平生未吃過真正的黑松露，所以不知如何評價，祇見到炒蛋上的黑松露粒下得不少，味道很濃味，炒蛋雖然很滑且有蛋香，但見不到蛋汁，明顯有點炒得未夠火候。還記得曾經吃過兩、三次佐敦的「澳牛」，但印象已經很模糊，而且今趁沒有吃常餐等食物，未能作進一步的比較，不過這裡店內環境較寬敞，而且“伙計”的服務態度亦較友善，這些總算略勝一籌。

這天相約一位朋友食下午茶, 我們都是在 Leslie Cheung and Anita Mui 年代成長的,期望有很多偶像的相片佈置, 但不知道是否更換了, 現在是一幅偶像的相片也沒有。我叫了一份常餐跟鴛鴦, 朋友選擇奶油豬跟奶茶。 首先, 常餐的份量很足, 兩塊厚厚的軟熟的多士, 塗上的牛油恰到好處, 兩片火腿, 加上香滑炒蛋伴多士一齊食, 很滿足! 還有叉燒湯通粉(本來是意粉, 但我要求改通粉), 用匙子食通粉較方便, 通粉中間的洞很細, 皮比一般的通粉厚身, 不會很"林", 叉燒味道也很好, 只是湯不夠熱 。豬仔包叫朋友有些失望, 不是法式包, 只是普通的漢堡包, Grill 完再塗上奶醬。最後, 有耳茶杯盛載的鴛鴦和奶茶也OK, 濃淡剛好。