華嫂冰室 (杜智臺)

营业中

休息中

係灣仔返工既我，每次見到華嫂門口既人龍都會好猶豫，由其中午食飯時間，所有人企晒係門口等，一等就半個鐘或以上，目測多數係游客慕名而來。建議想黎試既話最好避開中午放飯時間，3點後容易入座。依間華嫂我食過幾次，每次都叫皮蛋芫茜湯底既米線(需加8元) 配魚肉同肉眼筋。皮蛋既份量算多，只係被海量芫茜蓋住左，喜歡芫茜既我覺得好滿足，個人認為湯底夠味，不過同行既朋友覺得偏鹹左小小。我十分推介肉眼筋，肉質比一般豬肉爽脆有咬口，值得一試。不過魚肉就普普通通，冇咩特別。總括，十分推介皮蛋芫茜湯底同埋肉眼筋，不過以茶記黎講的確偏貴左d，而且等候時間都比較耐，大家就需要衡量一下了。