莱茵河餐廳 (已結業)

今日要返學，所以很夜才吃飯，我們來到這間餐廳叫了一個二人餐。南瓜湯很香很滑， 十分creamy。然後那個芝士炸雞值得一讚，是雞全翼，有四隻。芝士很香，但是不會有很膩的感覺。需要趁熱食，不然芝士就會變硬。煙三文魚意粉，不過不失。而且都頗為大碟。主菜我們叫了慢煮紅酒羊膝，由於醬汁是用紅酒調校，所以感覺味道有少少苦，侍應之後補上一個燒汁給我們，所以可以接受。另外一提，羊的肉質很嫩滑。侍應的服務值得一讚，他們知道我老公的車子泊在門外，所以他專登換了一個近門口的位置給我們讓他可以看到車子。

大大隻豬手邊到食呀，你唔食丫？我要食！荃灣區都有抵食大豬手？！餐廳入面嘅格局打做到好有打獵嘅感覺！好似係獵人間木屋入面食野咁！牆上面仲有個鹿頭添！除咗有野食仲有好多啤酒飲！而啲啤酒都好特別，係手工啤黎㗎！食野前先飲個湯！今日有南瓜湯呀～飲落去好甜好滑！好味！個friend揀咗個松露漢堡，個包好大個！芝士上面有一埋松露醬！食落去緊係香啦！漢堡扒雖然無問我地要幾成熟，但就整得岩岩好，唔會太嚡或太生！格離仲有一堆薯條添！夠晒飽丫！油鴨脾燴飯一樣好好食！隻脾啲肉整得好鬆！用叉吉下佢都已經可以鬆開晒！而且個飯因為加咗忌廉同芝士所以好香好好食！大大隻烤豬手終於都整好喇！原隻送過嚟真係好吸引！不過最後都係決定叫餐廳幫我地切好佢！廢事自己切到散晒啦！豬手外皮超級脆！肉都夠嫩口！餐廳有分大隻同細隻兩個size嘅豬手俾你揀，而我地衣隻就係大嘅！四個人分岩岩好，每個人分到兩至三大件！估唔到荃灣區嘅一間餐廳可以整到衣個質素！

呢排愛上左西餐，所以不停上網搜尋有特色的西餐餐廳食呢間主打德國咸豬手同手工啤酒，冇飲過手工啤酒的我決定一試二人套餐$378，兩個人share都幾抵食！另外加$38upgrade左其中一客甜品為心太軟，另外叫左兩支手工啤酒，第2支有半價（$68+$39）。叫多左個漢堡，真係飽到食唔晒！南瓜湯幾滑，唔油膩；蒜蓉包烘得脆口，好香蒜蓉同香草味蟹肉柚子雜菜沙律好大碟，柚子加埋沙律醋好fresh, 蟹肉好似加左蛋黃醬？食落幾creamy, 又不失蟹肉味。黑松露和牛漢堡好巨型鐘意食黑松露的朋友岩曬！肉汁鮮甜，再加埋流心的芝士，望落好吸睛。粗薯條外脆內軟二人餐包埋的黑松露長通粉，長通粉口感剛好 軟硬適中，食一啖口腔已充滿黑松露味，真係好好食！大推！！主角：慢烤德國咸豬手，即叫即整，外皮好脆，食落吱吱聲，朋友食到停唔到口，豬手肉好淋。餐廳落order時會問清楚豬手切開定原隻上。如果要影相緊係原隻夠睇頭啦！ 我見隔離枱個女食客好輕易咁切開晒，總之我都揀原隻上啦！ 有蘋果醬同芥末醬點， 芥末醬最好味配埋手工啤酒！啤酒的麥味同酒精帶來的少少苦澀味，中和左肉的咸味同油膩。雙劍合璧贏曬！手工啤有好多款，餐牌好詳盡

今日同男友、佢媽媽一齊食飯，就諗住揀間高質嘅西餐廳啦! 最後就揀左呢間係荃灣嘅萊恩河， 裝修好靚, 雖然爆滿但一d都唔嘈，可以好舒服咁傾計 無揀錯！食物方面，揀左個2人dinner set, 另外散叫幾款小食。餐湯係南瓜湯，飲落有少少甘筍味，加埋濃郁嘅南瓜味，幾fresh! 餐包係蒜蓉包，好香脆，auntie 好鐘意頭盤揀左蟹肉柚子沙律，蟹肉好好味 沙律本身已經唔錯！柚子味嘅沙律汁真係好清新，加埋蟹嘅鮮味提升左碟沙律嘅層次呀額外叫左香煎煙燻鵝肝配慢煮焦糖菠蘿柚子雜菜沙律好長嘅菜名鵝肝比想像中大塊！ 差唔多手掌心咁大！好多汁，底下嘅菠蘿減低左鵝鵝肝本身嘅油膩感好滿足黑松露和牛漢堡因為和牛肉嘅關係，漢堡較鬆軟 好有牛香味，入口充滿黑松露味道，廚師落黑松露沒有手軟足料！黑松露野菌長通粉，呢個又係auntie至愛！ 長通粉好creamy, 好鐘意一咬落去就必晒d汁出黎嘅口感推介重頭戲！慢烤德國咸豬手眼見四周每一枱都有點呢碟豬手，就知呢款係餐廳招牌啦！落order後30分鐘送到，一上枱已聞到好香 豬皮好脆，一d都唔乾身！皮下帶點油脂，真係好香口！！附上3款醬：芥末、蘋果醬同茄汁，茄汁係用黎點薯

荃灣一向都有好多好嘢食，呢一間叫萊茵河嘅餐廳，名副其實，食物都好有德國特色，一入到餐廳，已經覺得設計好優雅，幾有氣氛。我哋試咗店主推介嘅德國豬手，冇令人失望，肉質非常軟熟，燒得好香，仲好貼心咁幫我地斬件，方便食用。另外，我哋仲叫咗黑松露薯條，薯條炸得好香，加上黑松露汁，值得一試法式雞腿凱撒沙律，雞腿肉好香，加上沙律菜，都算開胃。嘢飲方面，不得不試吓佢哋嘅手工啤，我揀咗佢哋新嘅修道士白啤酒，係釀製嘅過程入邊冇加入到其他香料，係原汁原味嘅啤酒香味！叫第二支啤酒仲有半價，價錢相當合理。

和媽媽及男友來吃, 因為媽媽愛吃咸豬手, 而之前我已試過一次了, 很好吃, 所以便帶媽媽過來. 三人點了一個意粉, 咸豬手和沙律.沙律的雞肉有點乾, 但沙律菜很新鮮爽脆. 意粉中上, 有咬好, 醬汁濃稠. 可是今次主打的咸豬手, 肉太淋, 沒有了往常的咬口…有點像煲完湯然後

萊茵河餐廳位於荃灣廣場對面，行完街食飯，非常之方便。點菜嘅時候，職員有介紹佢哋最出名係手工啤酒，個職員仲介紹男士應該揀九龍系列嘅手工啤，如新界啤和華花啤；而女士就應該飲荷蘭修道士手工啤酒，最後我哋揀咗新界啤，個味道好特別，有啖啖嘅果香味，同一般啤酒味道好唔同，絕對值得一試。套餐加30蚊可以有餐湯或沙律同埋咖啡或茶。餐湯係忌廉湯，唔好以為係普通忌廉湯咁簡單，佢入面有薯蓉粒，口感豐富特別。蒜蓉包有非常香嘅蒜蓉香味，包身係軟的，不過如果可以烤至香脆會更加好。頭盤揀咗黑松露薯條，薯條炸得金黃 香脆，黑松露足夠，但如果薯條可以粗身少少會更加好。主菜有巴馬火腿牛肝菌野菌意大利飯同埋慢烤德國豬手。由於德國豬手需要30分鐘製作時間，建議大家如果想叫就喺入咗嘅時候即刻叫會比較快。巴馬火腿牛肝菌野菌意大利飯的確好好味，佢啲忌廉汁唔會太過杰身，巴馬火腿唔會太鹹，牛肝菌同埋野菌嘅比例都配合得非常之好。另外慢烤德國豬手皮脆肉嫩，佢側邊會有三種醬配合一齊食，包括茄汁、芥末同埋一種比較特別嘅蘋果醬， 茄汁同芥末就唔多講 ，但不得不提下個蘋果醬，當你食得咁上下比較膩嘅時候，如果點小小蘋果醬，會令到成個味道更加清新，食

萊茵河是一條國際河流、故名思義、是集合了幾個西方國家的文化。今晚就來遊一次萊茵河的美食之旅吧。一踏入餐廳氣氛都很有情調套餐價錢合理近年手工啤酒很流行、而且味道選擇很多友人試了個修道士四料 $68比起平常已厭倦的啤酒味道、手工啤的確是一個非常好的選擇、他說味道不錯 下次會再試不同的，因為見到手工啤還有很多選擇是日餐湯是忌廉薯蓉湯、每口都有粒粒的薯仔蓉配試忌廉真的很搭還有那個焗過的蒜蓉包是剛剛出爐、很香很可口 慢煮澳洲西冷 $178近年來亦流行慢煮、這個方法雖然沒有煎的香口、但勝在最能保持肉原來的味道、肉汁多、肉質嫩看著圖片都想念了、口水直流 然後是套餐的拿破崙煙鴨胸香草腸意粉 $78拿破崙醬汁很惹味開胃、而且煙鴨胸和香草腸份量很多 最後來一個紅酒漫鮮果作完美句號用紅酒調配了一個很特別的汁來浸梨、那個汁是甜甜的味道加上紅酒的香氣、我是個對酒沒太大興趣的人也覺得這個太讚了，然後汁完全滲入了梨中、清甜的梨配這個汁可算是非常配合總結是價錢很合理、埋單4百多元、還有服務態度很好、有問題樂意詳盡回答，大家如果對手工啤的選擇感到困難可問一問他的意見，環境也坐的舒適，對這個萊茵河美食之旅感到滿意

呢幾日天氣幾好，就出動美食之旅😋 行完citywalk 就搵下附近有咩食，係停車場對面俾我搵到間幾有feel既餐廳，就不期然行入去我地叫左個二人set，餐湯同蒜蓉包上得勁快，是日餐湯係菠菜薯仔湯，十萬個正呀，d薯仔磨得好幼細，完全溶係湯入面，有種好特別既口感，平時d西湯都係有一粒粒薯仔，呢到既湯係完全唔同，肉眼見唔到半粒薯仔，但食落去好香薯仔味，估唔到連餐湯都放左咁多心機去設計龍蝦湯入面好香海鮮味，有蟹肉絲，都幾足料，加上非常香脆既蒜蓉包，令龍蝦湯更出海鮮味。蒜蓉包個邊焗到脆而不硬，好考功夫，至於蒜蓉係用一粒粒蒜頭整，唔似街邊用現成既蒜粉，所以比較香頭盤既芝士雞翼賣相吸引，雞翼炸得幾脆，變成外脆內軟，d肉幾juicy，芝士比較淡口味，所以成件事一d都唔膩，仲食到其他主菜主菜到喇，黑松露雜菌配合得幾好，好新鮮好甜，d菇茹厚薄適中，食落容易咬得黎又不失口感，意大利飯更出色，青口好肥美，所有海鮮都鮮甜多汁，一d雪味都冇，又唔會搶左墨魚汁飯既香味到最後甜品係焦糖布甸，蛋香十足，非常滿意

今日lunch嚟咗荃灣廣場嗰條街既萊茵河食。 呢條街其實有好多間食肆，萊茵河都幫襯過好多次。佢哋嘅裝修都叫ok嘅只係我嫌佢啲燈比較暗啲。今次我哋叫咗蕃茄芝士豬扒焗飯同埋意大利香醋煙鴨胸意粉。蕃茄芝士焗豬扒飯我試左小小份量覺得ok嘅， 豬扒都幾滑 。鴨胸意粉炒得幾香，但係落多左醋所以食起上嚟比較酸同埋啲煙鴨胸好似比較鹹。今日餐湯係菠菜蓉忌廉湯 飲落幾creamy同埋幾足料。鍾意食西餐嘅你哋可以嚟試下。同埋佢哋最出名嘅應該係德國豬手。但係我咁耐以嚟都未試過，下次一定要試一試！！

依間餐廳雖然地點有啲遠，但為咗食好嘢在遠都冇辦法啦見依度出名係芝士炸雞野，我哋叫左一分試吓啦，一上，啲芝士真係勁多啊，雞翼亦都炸得好鬆脆，連埋芝士食雖然好邪惡，但真係幾好味健康啲我哋叫咗個沙律食，份量都幾多然後叫咗個burger , 啲芝士滿到出晒來啊，今餐真係太邪惡啦豬手，嘩外皮好鬆脆，但入邊啲肉都好鮮嫩，而且仲可以配埋唔同嘅醬汁添，餐廳仲好細心將大大份嘅豬手切開方便我哋食食完啲咁邪惡嘅嘢，當然要飲返枝手工啤酒啦

跟朋友睇完戲想食少少野, 就響餐廳對面隨意搵間, 朋友想飲下啤酒輕鬆下, 睇左幾間見呢度有手工啤, 所以就入左呢間.手工啤有晒說明, 啱唔同人口味.要左支蘋果啤, 味道酸酸甜甜好易入口, 啤酒味唔算太濃, 果味幾香, 酒精含量亦都較低.啤酒最啱配德國咸豬手, 外表焗得夠香脆, 咬落索索聲, 皮下脂肪咬落夠粘口, 充滿豐富既骨膠原.肉質夠嫩滑, 味道唔算太咸, 夠適中, 唔夠味可以點旁邊既醬吊下味, 呢個豬手正宗既外脆內嫩.

生日同一班好朋友食飯，經過荃灣廣場隔離呢條街，原來都幾多特別西餐廳，地點好就近😄但當時間間都爆哂位，唯一呢一間雖然都係爆位，但佢地既男經理（？）真係好好，叫我地行多陣，有位即刻call我地。太貼心啦！我地大家都覺得呢個湯麻麻地，可能大家都鐘意好濃好滑既質感。呢個食得出佢係足料既，但佢blend吾爛啲菇，食落口一口渣甘🙈飲左一半就放低左。我個人就麻麻地佢地既酒，當時佢地做緊promotion，所以就試下啦！冇記錯的話呢杯係百香果啤酒，好酸，真係酸，可能我飲吾慣掛🤔🙈野食方面，我地係叫左set。先黎係一個柚子沙律（？）冇乜特別，正常沙律一碟，幾鐘意中間個舊芝士，淡淡地同沙律幾夾。芝士雞翼。好一般，我覺得好厚粉，冇juicy既感覺，芝士味都吾錯既。但食完可能會生十粒痱滋🙈😂海鮮墨汁燴飯。墨汁味算叫香濃，海鮮都ok呀👍🏻吾記得咩長通粉，味道都ok😀煙三文魚意粉，幾香濃，開胃，尤其有我喜歡既煙三文魚，夾意粉係good good!🙈😄打左甘多，我最想講呢個豬手！冇記錯既話，佢價錢好似要300幾，但真係！好好食！烤得好香，切開一睇，啲肉好嫩，食落有啲黏口，可能係我暫時食過算係好好味既豬手。啲fd話仲

男朋友住係荃灣，真係當荃灣愛上柴灣。正好這天是紀念日，我們選了這家西餐，浪漫一點嘛！店員推介我們試德國豬手，看到隔離幾枱都有人食緊，$188也算是合理，就叫一個啦！慢烤德國鹹豬手＄188 ，豬皮十分之硬身，用叉拷亦拷唔碎，食落去口感很香脆，還微帶一層脂肪，質地幾好。而豬手肉比起出面食到的為淡，只是微微帶點鹹香，不會讓人勁口渴，這方面取勝了。肉的質地較乾，很容易變得一絲絲。份量很足夠，二人一個也有點吃不消，我猜，3-4人是剛好的！除了豬手，我們還點了risotto巴馬火腿意大利飯, 跟餐加了$30便有蒜蓉包和餐湯。餐湯好好飲呀，係薯仔忌廉湯， 口感較為杰身，喝下去軟綿綿的，口感十分不錯。而忌廉和薯仔的份量適中，令味道十分匹配。整碗湯也滿充了薯仔蓉的口感。而蒜蓉包也挺好吃，蒜蓉味香濃，加上熱辣辣且口感香脆。巴馬火腿意大利飯$98 呢個意大利飯真係十級推介，最好食係佢個汁，吸引到你繼續食落去！！汁夠曬香濃而不膩，creamy得很。而意大利飯的飯身比較軟熟，只是微微中間較硬，是很正宗的risotto，十分好吃呢！菇菌十分入味，正正吸收了汁的味道，且十分軟熟。巴馬火腿則比較鹹，感覺一般般，不算太

又到每星期Happy Friday！係時候同閠蜜飲飽食醉一晩。朋友附近返工已經推介餐廳lunch唔錯，今次約埋食晚餐。打開menu樣樣都吸引，而且2人餐$300-$500。不過對女仔黎講2人餐係3人份量，絕對抵食夾大件！啤酒 Foris (蘋果味)啤酒同Apple cider接近，而且酒精唔濃只得3.6%，配豬手一㳘蟹肉龍蝦泡沫湯 (+28)面層打成泡沫，入口bubble感覺幾得意，湯非常鮮甜而且有蟹肉蟹肉柚子雜菜沙律 沙律菜新鮮爽脆配柚子肉同柚子汁，上面有啖啖蟹肉，同柚子汁味道好夾好清新伏特加煙三文魚意粉煙三文魚意粉食得多，加入伏特加第一次食。意粉帶微微酒香，再用上煙三文魚煮汁，唔同平時出面忌廉意粉慢烤德國咸豬手豬手皮十分香脆，內裏嫩滑而且少脂肪，絕對係慢烤成果。最特別可配上蘋果醬，豬手配果香幾特別食落清新！傳統食豬手可夾酸菜可減少油膩感覺。另外，侍應會將豬手先上枱餵飽相機之後拎入廚房切件，細心服務👍🏻牛奶果凍最後甜品有牛奶果凍為晚餐畫上完美句號Menu