莱茵河餐廳 (已結業)

跟朋友睇完戲想食少少野, 就響餐廳對面隨意搵間, 朋友想飲下啤酒輕鬆下, 睇左幾間見呢度有手工啤, 所以就入左呢間.手工啤有晒說明, 啱唔同人口味.要左支蘋果啤, 味道酸酸甜甜好易入口, 啤酒味唔算太濃, 果味幾香, 酒精含量亦都較低.啤酒最啱配德國咸豬手, 外表焗得夠香脆, 咬落索索聲, 皮下脂肪咬落夠粘口, 充滿豐富既骨膠原.肉質夠嫩滑, 味道唔算太咸, 夠適中, 唔夠味可以點旁邊既醬吊下味, 呢個豬手正宗既外脆內嫩.