莎樂美餐廳

营业中

休息中

上個WEEKEND, 同個朋友講起細個成日去食莎樂美,D扒大塊到呀.....講多無謂,食左先係,我就同個朋友即刻去左食返個牛扒dinner set. 無幫親咁耐d扒一樣咁大塊,莎樂美係唯一一間扒房我食扒係5駛跟飯,係跟薯菜,因為跟飯既話就會食5晒, 味道方面就見人見智, 因為莎樂美始終都係一間平民扒房,5可以同高級既扒房比,但相對於咁既價錢同分量,實在係十分超值.

星期六晚飯,叫左吊筒牛扒晚餐,送蘇皮湯;仲有焗海鮮飯餐,跟羅宋湯加餐飽,勁大碟.蘇皮湯有點失望,因為個蘇皮焗到又燶又平,同隔離枱相比完全唔同,人地o個個就好脹好靚,可能係因為個枱全部係女既關係.....~_~羅宋湯同餐飽都幾好味,個飽仲熱熱地添!湯入面仲有我至愛既湯渣--牛腩碎!到主菜,個吊筒好怪,好似好生咁,而塊牛扒就好好味,岩岩好五成熟,肉質幾腍身!抵番唔好食既吊筒.另外個焗海鮮飯因為太大碟,見到都已經飽左...食左一半都冇.....值得一讚係個飯上既時候,已經幫你分左落隻碟度,非常體貼.最後仲有雪糕同餐飲,都係$100一個人,超抵!!

今日放學落尼度食下午茶，一入到去，覺得自已返左八十年代既感覺。真係好懷舊呀，呢個可算係呢度既特色。本來想叫肉醬意粉既下午茶，但又唔想食得太飽，就要炸雞翼配薯條啦。飲品要雪糕紅豆冰啦。開餐啦，個炸雞翼我起初以為只係普通既雞中翼，如來佢地用雞全翼既。一食入口，好辣口呀。可見佢地係即叫即炸，好過好多快餐店啦。但個薯條就凍哂啦，可能佢地炸左薯條先炸雞翼啦。我叫個待應換個薯條，佢好樂意幫我換啦。仲有佢地真係炸過哂D薯條，真係食落好辣口呀。雪糕紅豆冰原來面頭既雪糕係士多啤梨味既。我起初覺得唔多夾，但飲落又唔錯呀。真係好正，但佢地既飲品好細杯呀。想飲多點都唔得。佢地個D鐵板餐好正下呀，下次試下先。

有朋友介紹,就黎試一試,以前唔黎都因為要等位想食餐經濟d,一行3人睇完menu都2話原說要左個set dinner55元無話可說頭盤係燒牛肉沙律...點知上之前話冇晒轉火腿沙律仲問o唔ok....我地諗...唔ok可以點雖然好似downgrde左...其實個火腿沙律我俾分10分都有8分,幾新鮮..唔錯既soup同飽都冇咩特別主菜係t骨扒,扒唔錯2個fd跟飯我薯菜,飯ok但薯菜得3條半薯條仲有ice-cream同drink冇咩特別同級既金鳳比,個扒就金鳳好d但依度就多左個頭盤2姐各有各好

睇完食評之後去試, 所以一早知道個鐵板少野同女友兩個去食, 入到去個裝修都ok, 唔會太舊同無咩油煙, 叫左個黑椒汁(+$3)什扒鐵板餐($85) 同 焗豬扒飯($65), 先黎餐飽同湯, 好正........之後嘩... 個鐵板餐高到好似玩層層疊咁...立即後悔叫多左個焗豬扒飯.......我諗加埋意粉(+$3)兩個人都夠食, 質素方面都係一般, 但係塊牛扒好un, ......而個焗豬扒飯就普普通通.......後上餐茶同一杯好好味既朱古力雪糕.........完全比佢ko左.............飽到行唔yo....(10% service charge)

咨詢完朋友及睇完開飯喇的食評,睇到好吸引,不過唔知好唔好食呀......點知先前去試下,呀又OK喎,d食物水準份量足,味道不錯,尤其waiter推介個黑椒牛柳 !!牛肉非常大件底食,d黑椒汁又夠味,最正係個廚房真係做到你要種生熟要求,唔係求其應酬你個種, 不過如果餐廳環境做番D清潔就VERY GOOD啦,內部牆身裝飾比較多塵.........

** 此 食 肆 的 第 二 十 二 個 OK **今日(21-11-2008Fri)放工唔去睇媽媽,男友咁o岩約o左人o係葵芳交低啲o野,於是join佢,原本想食越南o野,但諗諗吓,男友山長水遠o黎到,不如去莎樂美鋸扒,佢亦同意.我o地o黎到,應該係7:15pm,已經冇晒卡位,我o地坐二樓一張四人枱,我o地叫o左個$88.00廚師推介o既德國咸豬手餐同$82.00o既鐵板西冷牛扒餐.男友要羅宋湯,我要周打魚湯.一會兒,湯o黎到,我試男友o既羅宋湯,微辣,OK的.我o既周打魚湯都到o黎,係有魚肉,湯味都夠.而餐包係暖暖的.之後,男友個餐o既鴨胸意粉到o黎,有兩片鴨胸,幾夠味,不過茄汁味好重.等o左好耐,我o既鐵板西冷牛扒到o黎,七成熟西冷扒大大件,侍應唔問要咩汁就落茄汁,西冷扒好鬆,有少少黑椒味,應該係煎o既時候加o左黑椒煎.又好耐,男友o既德國咸豬手終於到o黎,大大個咸豬手,同樣侍應幫佢淋茄汁,見有黑椒粒o係面,心諗好辣,咸豬手好夠腍,但黑椒味多.最後o既甜品依然係雪糕,今次係朱古力,重有朱古力粒,好好味啊.男友食過後都讚呢餐好食.埋單$187.00

假日鐵板午餐只售$43, 當中包括餐包, 羅宋湯或周打湯任擇一, 主菜有數款選一, 還有食飲和雪糕, 十分扺食, 當日主菜我選了黑椒牛柳, 總括來說食物水準ok, 但可座位較狹窄, 不太很舒適, 至於服務員算快手快腳, 有效率.

經過好多次都無入過ga餐廳9點後有8折 就同豬生入左去食扒 ... 環境幾暗 又好凍wor >.< 叫左個豬脾+蝦ga餐 $68豬生食咩?唔記得左 好似係湯+沙律+雜扒+飲品+甜品上菜都好快手 9點幾10點都不斷有客入羅宋湯 好多料都 有少少牛肉碎個餐包皮好硬 無食到個扒餐其實係未可以跟飯or意粉 我地無叫佢又無問 又無問 蝦好大隻 肉質一般 豬脾 似豬扒再多肉少少 +埋鐵板上變左好多汁 幾好味豬生個餐點我就唔知了 ~主角出場喇 >>>> 朱古力雪糕配2塊仔蜜桃好正呀 !!成個餐最好味都係個甜品 有朱古力碎嫁 好味

鐵板餐唔難搵，好多茶記連大家樂大快活都有得食，但係好食又平嘅都真係有啲難度，呢間莎樂美餐廳係我到目前為止覺得最抵食又幾好食嘅扒房，每個餐都唔駛一百，又湯又餐又甜品，仲有星期一至四夜晚九點後入去食全張單八折，真係抵到丫！ 噚晚又係有折，所以又走去幫襯，我哋叫咗一個美式什扒，一個西冷牛扒五成熟，個餐有以下嘅： 羅宋湯：好重好濃嘅牛肉味，食到一嚿嚿嘅牛肉粒粒，仲有洋蔥同埋一條條切得好精美嘅甘荀喺湯入面，甘荀仲未煲到爛晒，稔稔地，幾好味，我覺得佢個湯仲要好味過森美！ 餐飽：夠熱夠軟熟，一貫水準，搽埋牛油點湯食一流！ 美式什扒： 嘩！多到丫！有牛扒、豬扒、雞扒、雞全翼、火腿、腸仔，配菜仲有薯角，椰菜花同蕃茄，真係好多嘢食！薯角得三嚿，可能怕裝唔落，稔晒唔脆，但係索晒啲蒜蓉汁就好好味，當薯蓉食囉！牛扒最好食，雖然薄，肉汁仍然豐富，而且亦好稔；豬扒差少少，味道可以但有啲硬身，雞扒煎得好香，皮亦夠脆，雞翼最快凍，所以麻麻，其他大路嘢，唔駛研究！ 西冷牛扒：肉身成吋厚、五成熟呈粉紅色真係好稔！成塊扒大到好似塊鐵板咁大，牛肉味濃又且肉汁豐富，啖啖都係享受，就算連牛扒側邊嘅肥膏都好香口，忍唔住食埋！ 甜品－

細個考試成績好，或者生日，屋企人都會帶我地班細路去d傳統既扒房kur扒，隨著時代進步，昔日後多的傳統扒房均已慢慢消失。最近發現了lee間傳統的扒房，好開心，所以約埋三五知己去試下。傳統的裝修設計、上了年紀的侍應......哈哈，真係好似昔日的感覺!!!羅宋湯好味、d鐵板扒都好夠熱(仲好多添)，有吱吱咋咋的汁聲，味道就普普通通啦，可能因為我其實不太喜歡很 "肉"! 開心的是，喜歡找回昔日那份感覺。哈，可能真的老了~!!!

行過荃灣, 去試成日經過但都無入過去既莎樂美。其實個門口真係唔係幾起眼, 舊d 囉, 叫做特別懷舊都ok 既... 去到7點左右, 唔洗等位, 一入去阿姐就叫坐下面卡位, 是旦啦~~~ 叫左個鐵板什扒, 同埋吉列魚柳配鮮果沙律, 飲紅湯。個湯幾好飲, 酸酸地, 幾濃味, 有好多菜~ 我覺得arm arm 好, 友人就覺得酸左d。跟湯既包叮熱左, 一般貨色啦~主菜到~什扒先到, 真係勁大煙, 成分鐘都仲係度"炸"緊。份量果然好多!!!!! 一食牛扒覺得幾好食~ 豬扒都ok, 有d 肉味啦~~~ 火腿同香腸都係一般貨色, 無咩特別。雞扒同雞翼就勁鞋, 勁硬, 而且一d 味都無。我食左一啖雞扒都頂唔住想吐返出黎, 因為真係唔知自己食緊咩!!!!!!! 吉列魚柳配鮮果沙律一上就覺得勁正, 2舊魚柳勁大舊, 勁厚, 即刻試下~ 點知.... 勁鞋而且一d 味都無.... 勁失望囉, 根本就無marinate 過, 魚本身又無鮮味(預左係無架啦), 不過估唔到真係勁鞋囉~~~~ 係個沙律好少少, 青瓜薯仔紅蘿蔔都幾難唔好食。同埋係有幾片仔新鮮菠蘿囉~~~甜品係choco ice-cream, 正

男朋友一直好推介呢度既鐵板餐，仲成日都話「成尺高架！」咁，於是有一日，終於同佢黎呢度試試有幾大個喇。一坐低，我就話要自己食哂一個，男朋友即刻以看輕我的眼光看著我，我不服，一嗌就嗌左個應該最多份量既雜扒餐，男朋友就叫左個豬仔脾大蝦。不過首先黎既係餐包同湯。我地叫左一紅一白，個餐包超級熱辣辣同好鬆軟，好味，個紅湯好足料，好好味，比較之下個白湯就失色左少少，我覺得麻麻地。跟住就黎到個主菜喇！黎到一睇，真係超大份量，雜扒餐有既包括：腸仔，全翼，火腿，雞豬牛扒同薯菜。轉個頭望望我男朋友，笑得好奸.....唔服氣！反正覺得自己又未食lunch，個肚咁多位點會食唔落姐？成個雜扒餐我覺得最正係雞翼。可能我鐘意食雞翼啦。真係好香口。扒又夠腍有肉味。不過....真係好大個呀....我又唔服輸，狂食食食食....食到呆呆地.......到我真係食唔哂之際，我就切左每樣扒半塊比男朋友食，哈哈哈！到我男朋友食哂全部。我仲食埋佢碗雪糕~~個環境唔錯，好懷舊feel~~會有下次的，但下次絕對唔夠膽自己食一個喇

今日下午差不多六點由元朗返市區經過荃灣，諗住試下呢間餐廳D豉油西餐，點知一入到去就見到一狗男女(一隻狗加一男一女)坐在門個卡位一齊 high tea。 我大叫有狗，個侍應重話唔怕，入面重有位。我就即刻掉頭走。估唔到而家D人(餐廳同客人)既衛生意識重係咁差。永久 blacklist....

七月廿一號出左ｃａｍｐ跟人車黎左荃灣三點幾都未食ｌｕｎｃｈ，就四個人黎呢度食第一次黎覺得呢度都幾得意呢裝修黑色為主，好有舊式西餐廳感覺！ｏｒｄｅｒ左龍脷柳沙律＋雪糕紅豆冰先黎雪糕紅豆冰哈哈竟然係士多啤梨雪糕丫～幾好味唔知係咪即炸ｇｅ關係．我ｇｅ龍脷柳沙律等左好耐都未黎．．友人ｇｅ飯同炒烏冬就好快到等到差ｄ唔耐煩ｇｅ時候先拎黎俾我　＝ｐ但係真係超好食呀～外皮勁脆，入面就超滑！又冇油膩感～～下午茶仲好平添大約三十蚊左右啦．．好似（唔記得左！）我見佢ｄ晚餐午餐果ｄ都好抵呢～如果唔係住得咁遠一定成日去！