莎樂美餐廳

营业中

休息中

今日下午差不多六點由元朗返市區經過荃灣，諗住試下呢間餐廳D豉油西餐，點知一入到去就見到一狗男女(一隻狗加一男一女)坐在門個卡位一齊 high tea。 我大叫有狗，個侍應重話唔怕，入面重有位。我就即刻掉頭走。估唔到而家D人(餐廳同客人)既衛生意識重係咁差。永久 blacklist....

七月廿一號出左ｃａｍｐ跟人車黎左荃灣三點幾都未食ｌｕｎｃｈ，就四個人黎呢度食第一次黎覺得呢度都幾得意呢裝修黑色為主，好有舊式西餐廳感覺！ｏｒｄｅｒ左龍脷柳沙律＋雪糕紅豆冰先黎雪糕紅豆冰哈哈竟然係士多啤梨雪糕丫～幾好味唔知係咪即炸ｇｅ關係．我ｇｅ龍脷柳沙律等左好耐都未黎．．友人ｇｅ飯同炒烏冬就好快到等到差ｄ唔耐煩ｇｅ時候先拎黎俾我　＝ｐ但係真係超好食呀～外皮勁脆，入面就超滑！又冇油膩感～～下午茶仲好平添大約三十蚊左右啦．．好似（唔記得左！）我見佢ｄ晚餐午餐果ｄ都好抵呢～如果唔係住得咁遠一定成日去！

8月2日行完CITYWALK!!... 之前一路都有聽女友提過呢間老牌扒房又聽過朋友話呢間既扒又抵又好食...今晚就同左女友去一趟... (1個week內第2次鋸扒... )一去到... 好多人... 兩層都坐滿晒人有D遲過我地黎既人要企係樓梯度等添........ 間餐廳本身D坐位已經SET得好迫... 仲要見到... 2樓個度...有2PAIR情侶要坐一D自閉位... 面住壁咁食.....好慘... 好似去左FOODCOURT/快餐店咁... 好彩最後分到個2人卡位俾我地......(不過個位好窄... 如果我地肥少少都唔夠坐............)好得意既係每當有客人既鐵板餐上左... 成層樓都會煙霧迷漫成層既客人都會聞到個個餐既香味... 所以唔鐘意食油煙味既人千祈唔好黎..... 最後同女友叫左一個阿根廷肉眼扒餐+鐵板黑椒牛柳餐大家都係要5成熟.................我跟蘇皮海鮮湯... 女友要左個紅湯 (佢話呢度既紅湯係佢食過最好食的...-_-)率先黎既係女友既紅湯我試左幾啖... 發覺真係好唔錯... 足料... 夠濃又夠溶.....不過係咪食過最好架呢

因為之前o係openrice見到依間餐廳好似唔錯，所以同女朋友去試試。總括o黎講不過可失，因為我o地九點後去，所以有八折，真係幾抵食，兩個人叫o左個什扒同埋西冷都係講緊$155蚊。而且有包有湯有主菜有野飲最正o既係有ice-cream，之前食開旺角o既花園餐廳，每次食完都好似欠緊o的野，原來就係甜品。o的廚師質素唔數，我叫7成熟。真係整塊扒也有7成熟。唔似其他地方一係太熟一係分佈得唔均勻(一邊熟一邊唔熟)。o的扒有牛味，但係冇咩肉汁。不過都幾好食其實地方都算係坐得舒服，但見到周圍都好多塵。(係o的千年塵積)最差o既地方係冷氣有點凍，o的野食好快就凍晒。我食o左半塊西冷，已經凍晒。o的waiter略嫌佢o地好似有點急，好像有少少破壞了整個氣氛。

今晚上,與太太二人到達,發現環境,氣紛及歌曲都很懷舊,點二份什扒餐（＄85x2 )份量好大,但食唔到一半,食物質素麻麻,一分錢一分貨,冷氣好大,野食凍晒,走為上着.

兩公婆去懷舊。ｗｏｗ～～同以前一模一樣呀！就連播困Ｄ歌都係～（飄雪）好勁呀！果個亞叔依然都係只會講～幾多位呀？樓上喇！不過Ｄ餐貴左好多～上當年＄４Ｘ，而家要＄８８，不過水準依然係度。我地久唔久都會去一次～～哈哈，一／兩年喇！好ＳＷＥＥＴ既感覺！！點野先～什扒餐（＄８８）　＆　西冷扒餐（＄８９）先黎餐包，牛油好咪，好滑！羅宋湯～好濃，超正！什扒～雞翼＋香腸＋火腿＋牛扒＋豬扒＋雞扒＋薯條＋蕃茄＋菜，一坐山咁高，仲係以前果個開花香腸呀～好開心！Ｄ汁好熱好好味！牛扒係肉眼，好林，豬扒都係好林既，岩哂我，當然食唔哂喇～！雞翼留左比老公食。西冷扒～塊扒好大，同個鐵板咁上下，好咬口，老公鐘意。經典甜品～朱古力碎朱古力雪糕＋新鮮碎果仁，超級好食！飲品～同茶餐廳一樣。埋單～～＄１９５果道Ｄ冷氣好大架，記住帶多件衫，Ｄ冷氣係吸走果Ｄ煙。

放假同老公去食下午茶，一個豬扒炒烏冬，一個迷你公司三文治……豬扒炒烏冬唔錯，唔會因為係下午茶而無乜料，我諗都有兩塊豬扒既粉量，味道都調得ok，相對一般茶餐廳算唔多油，份量比午餐飯盒細，但反而覺得啱啱好……如果午餐有呢種份量就好喇！迷你公司三文治同正常公司三文治一樣夠料，只是比平時少了半份，又係覺得少一半反而啱啱好，如果全份即共有四片方包份量，太誇！唯一不喜歡三文治伴沙律，金荀、薯仔果 d ……唔好食…….侍應還是以往那些，比較大年紀，但好像比以前有禮貌……餐廳依然係殘殘舊舊……

因為自己住係荃灣既關係, 所以成日都會經過呢間餐廳.覺得好似好老字號, 應該唔錯掛,, 之前亦都上過黎睇食評,, 真係大部份人都讚喎..前幾日我終於同朋友去試左...講真,, 我從來都唔係識飲識食之人.亦都明白.. 咁既價錢就係食返咁既野.我自問係一個超鐘意食牛扒既人.. 就算平時係快餐店都會全塊食哂.. 但係就係呢次.. 我食唔落.. 完全唔係想像中咁好食.. 我什至覺得係難食..食左一半就停左.. 哩一可以讚既係.. 餐湯同雪糕都好味

今天和幾位同事到了荃灣的莎樂美吃晚飯.我點了特餐, 餐前有湯, 餐包, 芒果沙律, 吃完已經飽了一半 -__-"特餐是巴西牛柳. 牛柳有兩吋厚! 可能因為太厚了, 所以不夠熟. 我點了7成熟, 但來的還不夠5成熟 >__<同事點了大蝦配豬仔脾, 賣相吸引, 味道也很好~莎樂美最出名的是雜扒餐, 足足有整個拳頭那麼高! 就算是男仕也不容易吃完啊!餐後除了餐飲還有雪糕, 以 $100 (已加一) 的價錢來說, 真是很抵!

本來聽d fd講呢間大件夾抵食.. 但係..以呢個價錢.....仲有食物既質素....就麻麻了....我地坐晌下層... 唔知上層情況如何lar...下層迫之餘.... 見到坐晌隔離既人都好不滿既樣.....唔係真係咁抵食囉.... 未必會再去...

莎樂美係tsuen wan老字號扒房,十幾年前仲係中學生時真係好好食,牛扒煮得好軟好香又夠新鮮,份量又夠多!但係e家真係差左好多, d牛扒唔知係唔係落左梳打粉/係來貨差...d肉質好怪,入口好似一粒粒一格格咁好難形容出個口感。 唉... 扒王之王果d肉仲好食。真係唔明做咩事一間老字號會搞到咁... (我都諗左好耐應唔應該出e一個食評,唔想講衰左莎樂美令佢冇人客要close...希望可以變返以前咁好食la!!!)

一直都有睇呢個website,但寫就第一次寫。呢次幫襯係上個月既事。 諗唔到去荃灣食咩, 問同事, 佢話呢間好, 同佢d朋友去過幾次個個都讚好。記得睇過都好多好評, 就同女朋友去。佢食雜扒餐, 我就叫左個雞扒晚餐。-麵包算ok, 但乾左少少-我個羅宋都ok, 但女朋友的周打蜆太稀-雜扒, 好大。有腸, 雞全翼, 豬扒, 雞扒。 豬扒一食就知道經過超強加工, 完全無豬扒既纖維。雞翼就唔係好夠味。腸同雞扒都好普通。但個薯角完全係唔掂, 俾d什菜出水浸住晒, 完全唔覺佢炸過。-我個雞扒就普普通通, 好似無煎過...無heart。-甜品----雪糕係唯一可取既食物, 幾滑都夠凍。總結: 150一餐唔算太貴, 但絕對唔係抵。我唔明點解咁多人講到好好(包括我同事), 我之前係咁話佢...完全唔覺得有用心去做食物。我office附近一間餐廳好食過佢勁多。咁多好評真係難以疊信，見d好評多數都係食lunch, 究竟係我不幸定夜晚唔好去???不過我同女朋友都一定唔會再去!!!

呢間野依家D野絕對唔可以講係好食，但絕對係對食冇乜要求既人同埋求其食得飽既人既選擇，不過價錢都唔係平﹗呢間野幾年食一次D水準都係咁上下，就算冇乜選擇，我諗都唔會考慮同提議去食﹗除非有人好想試食，如果唔係，都唔諗﹗

好懷念中學時，曾經同幾個同學仔冒住遲到嘅危險，Lunch Time 走去坐的士都要趕過嚟食。N年後嘅今日，佢嘅鐵板餐依然令人回味，而且仲係大大份好好味。無論裝修、味道、份量跟以前都是一樣，只有餐牌上的價錢高了，冇計啦，今時今日咩都貴晒~~

不知對是否可以作準, 還是因為自己的童年回憶~莎樂美的焗豬扒飯是近年最好食的~她的套餐甜品是雪糕, 不是一般糕點~餐飲更可以點啤酒~還有她的扒餐也是好食的, 意粉也很好, 燴汁味好像很久兒時所吃到的味道~有個人喜好分數加入~