莎樂美餐廳

营业中

休息中

跟友人到此已不只一次了，但唯有今次的起心肝寫個食評。因為以前多吃外國人煮法的牛扒(西式晚宴或自助餐的)，今回可看看香港的"土炮"如何。先來的是配角餐飽及羅宋湯，兩樣都熱辣辣，湯味合格。主角出場了，是一塊份量頗大的西冷牛扒，七成熟的煎功還可，平放在熱鐵板上，淋上黑椒汁(加$3)隨即"渣渣"聲冒煙，不過卻欠黑椒應有的濃香....第一個的失望。切開牛扒看看，還有三成紅嫩的，真要讚火喉把握得準。可惜....第二個的失望來了，吃下去一點肉香也沒有(小部份還有筋)，只有些黑椒汁的咸，真有些清心"寡肉"的感覺，此與外國人煮法的肉香滿溢有天淵之別。後來向一些前輩問及，知道莎樂美這做法是經過"渣水"，是用來辟去肉腥但肉味則同時流失，真是顧此失彼，因小失大。奇怪的是不少人到此幫襯駱驛不絕，他們可會是牛趙牡丹呢？

今日白色情人節..唔慶祝都叫會出街食下飯啦呢間咁ge野"醒"左份"禮物"俾我地真係十萬個"唔該"....!!事緣8點零鐘去到o係樓梯等左一陣入座安排果張都唔知叫唔叫做"檯"...只係一排對住個窗ge窗台位......呢個都算......湯ok, 傳統扒房style牛柳份量算多, 一路食都尚算正路點知到食完收碟就出事個阿姐收野果時十分求其, 非常不小心!!!!!!!成隻叉跌左落男朋友件衫度.....件衫係禮物黎ga...................大佬ar..黑椒汁跌落白色衫唔一定洗得甩囉....仲諗住側側膊唔多覺咁款....一聲"唔好意思'就算呀???整單咁ge野你好意思收我加一?????ok, 唔免得丫嘛賠洗衣費囉......................問佢地拎番單黎搵邊個, 有無電話一味話"得架喇, 話係莎樂美得架喇"堅持之下先有一位自稱"徐生"ge四眼先生話搵佢....食物一般, 中上價錢; 無service, 求其, 卸膊就係我地對呢間野ge comment呢d服務態度....一定無下次.....!!!!let's see到洗完之後係咪claim得番錢囉......:

今日同幾位朋友唱完k後, 決定搵間餐廳食飯,由於一直想試雜誌也介紹的這間莎樂美, 所以決定一試 !!八時多入去, 已經排晒隊..因為我地5個人既關係,等枱有d困難, 因為好多枱都係2-4人...所以通常都係比左2個個d先..個餐牌都幾多選擇, 不過最尾我就揀左假日餐 。酥皮焗俄羅斯什菜湯 (跟蒜蓉飽),鐵板美國肉眼牛扒,連餐飲及雪糕 $98連加一 $108一個扒餐真係幾貴..不過以扒黎講, 如果好味既當然值啦酥皮焗什菜湯~估唔到入面都有幾大塊牛肉..再浸埋d酥皮落湯度食, 真係正呀 不過由於飲飲下既途中, 鐵板餐黎左, 所以未飲晒都比佢收左先喇..如果唔係實在太迫..................鐵板黎喇, 有塊大餐巾幫我地擋住倒汁落去時會彈出黎既汁 !!哈哈~聽到"jaja聲" 真係開心 7成熟既肉眼扒黎啦~塊扒真係好大塊, 切到我拿手唔成世呀不過我覺得味道普通, 同埋塊肉眼扒都幾多根..一個人食晒都已經勁飽...........仲有樣唔好既係..轉黑椒汁要加 $3...使唔使咁貴既......同場友人都有叫呢個餐, 但唔知點解我個份會有枝小旗仔 !!之後老闆聽到後, 就為我地解答

食左雞扒帶子鐵板餐...講份量真係無得輸..2大塊雞扒!!味道 .. 帶子無味既..雞既味都係一般..好油..但好嫩!! d 薯條 ... 不吃也可 !!反而羅宋湯好飲..好多蔬菜..味道岩岩好!! +$3 既意粉都好食..唔會太林..口感有意大利餐廳感覺!!仲有最後既朱古力雪糕有d朱古力碎係入面...味濃..不錯!!d waitress and waitor service 幾好 ... 做野快又有禮!!$ 51 ..... 收貨了 !!

考完試既午餐就同幾個同學去左呢度食，都係四十幾蚊就可以食鐵板餐。又有湯、野飲同甜品，味道又唔錯。邊度可以搵到呀，真係好抵食。羅宋湯依舊咁足料，個湯有小小牛肉。個湯好多料，飲落去有小小酸，好開胃。個餐包又係新鮮整既，熱辣辣好好食架。鐵板牛扒主角黎度啦，新鮮熱辣既鐵板送到面前，氣勢迫人。黑椒汁唔會太辣，係好既。牛扒就好煙韌同好有肉味。好juicy。配菜都幼多，薯條好好味。凍奶茶無乜特別，唔算好飲又唔算難飲既。雪糕係有朱古力碎既雪糕，好味道。有甜品作結就完美啦。四十幾蚊食到個鐵板午餐，真係抵到無人有。一個月一次都好，仲有下次既。

今晚同老公9:20分到, 但要等左一陣位(咁夜都咁多人), 我叫7成熟既牛柳,都係咁好味 ; 老公order咗西冷,佢話多根及難咬個set有跟湯(紅湯/白湯)、餐包(又大又熱又軟)、餐飲、雪糕啫喱,好飽, 最LIKE嗰黑X汁

lunch time仲響荃灣, 去莎樂美整個鐵板食食先~~唔知係咪耐冇去既關係, 樓上裝修都唔知.....我地上左一樓, 跟住穿過左個後樓梯經後欄出番dining area, 怪怪的, 感覺自己好似食環查牌咁, 左穿右插......坐低叫野食, 幾十蚊個鐵板, order一個牛扒先~~~野食黎到, 白湯上有一兩滴紅湯, 是但!! 味道都係一般....同事個大蝦沙律先上檯, 偷食一啖先~~~沙律味道ok, 大蝦有d雪藏味, 不過唔過份~~~到我既牛扒上檯, 明明話薄牛扒, 點知黎左三件牛柳咁既野, 仲要鬼咁細件, 餓死人~~ 是但.....照食~~ 味道就ok, 但口感就真係麻麻, 鬆肉粉整到隻牛肌肉鬆弛, 冇咬口!! 同事既什扒就幾讚, 豬扒好味道, 雞扒夠肥嫩, 衰在隻蝦又係有雪味!!! 扣分!!!唔知係咪lunch既問題, 有d是但......牛扒口感真係唔係好得~~點攪呀!!

同屋企人在尖沙咀睇完阿凡達,去咗荃灣据扒,之前都黎過一次,覺得D扒好大份,抵食!!今次照舊order咗一份5成熟既牛柳,都係咁好味 ; 男友order咗什扒,依舊超大份量,有雞全翼、火腿、豬扒、牛扒、雞扒 ; 表弟就order咗一份7成熟既西冷,勁多根,好難咬個set有跟湯(紅湯/白湯)、餐包(又大又熱又軟)、餐飲、雪糕啫喱

咁岩行過呢間野...老公又鍾意据扒所以就黎左呢間野度食坐左O係樓上最角落既位幾經辛苦先攝到入去我叫左鐵板夏威夷雞扒餐老公叫左炸帶子T骨扒餐總覺得黎到呢度一定要食鐵板但叫左之後就後悔啦因為個度實在太焗太多人食到成身一陣味不特止D汁仲要彈到我周身都係避無可避鐵板夏威夷雞扒餐兩大塊雞扒除左份量驚人之外...D油既量都幾驚人啖啖油同埋個所謂既夏威夷汁實在太多蒜頭(平生最憎就係蒜汁)口渴到第2朝炸帶子T骨扒餐帶子得一小粒...仲要係雪藏炸帶子(橙色個D)兩大塊T骨扒...仲有好多薯條伴碟塊扒又冇問人要幾成熟...就比塊應該得4-5成熟既扒黎D肉勁紅質素都係極普通呢間D野食除左大份之外完全冇其他優點反而唔好處就一大籮質素普通, 又唔平, 環境極差, 職員態度又差(收野個陣整左D沖落我度仲扮見唔到)$150我寧願揀食椰林閣或者珊瑚堡起碼坐得舒服D又唔洗一身油煙味咁走出黎

第一次去食...感覺都ok...唔知係咪冬至既關係..有老世係度就服務好d???前兩日再去食...d服務差到無朋友...話說果晚都無乜客..我地坐角落既一張卡位....叫左飲品...係度等緊之際...阿姐係度抹緊玻璃鏡...我仲同我朋友笑說我最怕呢d"吱吱聲"...起晒雞皮...抹完幾塊玻璃鏡之後...阿姐就去"搓"布...再抹其他野...餐飲送到路口位...擺低左...兩個阿姐唔知o係度做緊乜...咁抹緊野個阿姐就去送餐...記住...佢係"搓"完塊有去抹野...無洗手...再去送餐飲...仲要係一手"拿"落兩隻凍飲杯口度....咁我地咪好自然地問...小姐...你唔用托盤送餐飲既...個小姐答我...我地"不嬲"都係咁樣送餐飲架wor...我真係未見過有阿姐洗完野唔洗手抹手仲要一野"拿"落個杯度送飲品...仲要一句唔好意思都無...好似佢既做法係正確既...我以後唔會去呢間餐廳...幾十蚊個餐既茶餐廳都唔會咁做啦

今年親戚到左香港,話點都要試下試莎樂美所以排左成粒鐘隊都係值得!!5個人點左3個餐,要左兩個聖誕大餐+西冷牛扒聖誕餐前菜係煙火雞拼三文魚沙律非常好味,所有野都配合得好好,食完唔會滯,好開胃飲左酥皮蟹肉湯同埋紅湯紅湯一貫既好味同足料酥皮蟹肉湯係聖誕大餐先有,一上桌就好香酥皮味,好飲主菜首先係鐵板西冷牛扒大份好夠牛肉味,係鐵板到上熱氣騰騰,好正!跟住就係聖誕主菜.澳洲龍蝦拼波利連牛扒龍蝦好好味,好彈牙既蝦肉牛扒係外脆內軟,不過牛味冇西冷牛扒咁濃郁最後甜品係o者喱雪糕,食過咁多次,仍然覺得佢既雪糕好正聖誕大餐有聖誕禮物送,都係一d小小既玩意,不過收到非常窩心過左一個好開心既聖誕節,祝大家聖誕快樂=]

十二月上旬環境十年如一的昏暗，來的客人都是「麻甩」為主，豉油扒餐與衛星麵包，還有反應從來是慢半拍的侍應，這裡有著二人孩童回憶的豉油西餐廳。明知死路一條，但老弟仍想回味豉油扒的味道，結果是雞扒似是白灼後，未瀝乾水再煎，濕而無味，是神乎其技之作。嘆過口氣續吃窩蛋牛，是學生餐帶著茄汁與醬油的味道，肉是機打的絞肉，無纖維亦乏肉味，但加隻窩蛋，總算較無味雞扒對口味，大家談論著豉油扒何以發展到叫窩蛋牛會較穩陣的田地？只怪與時並進，一點不易，希望下回有機會再來的話，不要迫偶吃揚州炒飯．．．

偶爾也會幫襯港式老扒房，貪佢大件夾抵食。是晚一家四口出街找吃，老媽子話去扒王之王，老豆就反建議去莎樂美，我當然支持後者。老牌港式扒房格局，跟灣仔的金鳳和深水埗的飛鷹相似，喜歡懷舊的應該會鍾意。知道這裡的食物份量巨大，所以四個人只點了三份餐，有牛有豬有海鮮，很豐富了。羅宋湯材料足，酸辣度對辦，總比周打魚湯好；這類餐廳的麵包，總是又大又夠熱，再塗上牛油，美味；什果，火龍果、木瓜、哈蜜瓜、奇異果等均是鮮甜又冰凍，不錯的，唯獨是雞肉雪得沒有味道。薯茸海鮮什會，旁邊的薯茸焗得香口，海鮮種類繁多，但俱不太出色，如青口太韌、蝦不爽等，始終這些地方不是專長做海鮮。鐵板豬扒相對好一些，肉質不韌，夠香口，淋上洋蔥汁，味道唔差，三大塊的豬扒，一定吃得滿足。最後是大蝦拼牛柳，那隻大頭蝦確是很有睇頭，可是肉質不爽，亦欠鮮甜，蝦頭的羔亦不甘香，有點失望；牛柳挺厚身，也真的做到五成熟，只不過整塊肉好像了無生氣，肉雖稔身，牛味卻不濃，感覺一般。餐後的甜品是朱古力雪糕，只一小球，好味，但不夠喉。三個大大份的套餐，吃得飽一飽，埋單三舊水有找，認真是大件夾抵食呀！

放班後去了荃灣電腦展看看順便接友人去吃晚餐一直都已經想來吃這份量十足的扒餐的了可惜總是沒有機會,現在難得在附近當然抓緊機會啊!叫了個雜扒餐兩份食,其實光是想到這麼多肉都飽一半了餐湯選了白湯,是用料十足的周打魚湯,比起一般的淨白湯來得實際湯中輕易撈到粒粒魚肉,還有少量蔬菜和半塊梳打飯餅,味道十分好呢!扒餐上桌的時候還是被嚇到,這根本是兩個餐的份量嘛!鐵板上有雞翼、腸仔、火腿、豬扒、牛扒、雞扒等,尤如一個小山丘雞翼、腸仔、火腿都是普通貨款,沒什麼特別反而豬扒有驚喜,沒有了一般的又乾又硬,鬆化得來還帶著陣陣的香茅味,好吃!雞扒是厚厚的一塊,吃得出沒用什麼醃料去醃,幸好沒有雪味還把皮煎得香香脆脆,也是抵讚牛扒有點雪味,不過不太韌就算數了另外加的意粉雖然是淨粉,不過也比外面街的做得好,沒有料材也有味道補數最後是甜品和飲品是普通的朱古力雪糕和幾顆棉花糖,兩者都是我不愛的東西,淺嚐了口就算了凍檸茶不太甜,茶味亦不濃總共用了半小時就完成了整頓飯了,感覺比等位還要快呢一入座後大家十分勿忙的點餐 送餐 收拾餐桌然後再做第二輪我們想說多坐一會都不好意思呢雖然是這樣,但是比起機械化的大型連鎖餐館,他們獨有的傳

尋日同幾個同學黎呢度食午餐，大家都叫鐵板餐。因為呢個真係幾出名，而午餐都算幾多人。而張卡位就唔係太舒服，坐得有小小迫。羅宋湯好香蕃茄味，我又飲到小小辣椒仔既味。又幾好飲，整得好足料呀。鐵板牛扒我估唔會太大塊，但我估錯左啦。有成三大塊，而且牛扒又唔韌。又有肉味，肉汁都幾juicy，係幾好食。好耐都無食過咁既牛扒啦。黑椒汁又唔會太辣，但好香、呀。凍奶茶唔係太好飲，硬係覺得唔夠甜。甜品係有朱古力碎既朱古力雪糕，有驚喜。個午餐又唔係太貴，野食又算大份。下次有機會既都會再黎。