莎樂美餐廳

营业中

休息中

好似沒同你食過扒房, 你雖然話無所謂, 但我卻一直記在心頭, 因為成日經過呢間餐廳而沒有入去食過, 所以, 今日我決定用加左人工呢個藉口請你來呢間餐廳鋸扒.入到去, 樓上樓下二層, 樓梯上企左幾個人係度排隧等位, 一向唔鍾意等位的我今日乖乖的排在人龍後, 好快巳安排左一張卡位枱俾我地, 我叫左個什扒餐, 將牛扒轉左火腿, 佢叫左個當日特選晚餐, 當知道有牛柳時佢想取消, 因為佢應承過我同我一齊唔會食牛, 不過我聽人話如果唔食牛不如唔好食扒餐, 所以我同佢講今日例外, 再三要求佢唔好因為我而錯過美食, 經過一輪爭論, 佢最後終於妥協, 不過再三強調祇此一次.我地兩個都要左忌廉湯, 湯及包都熱辣辣, 不過不失, 佢個餐有個細細個焗魚柳飯, 因為佢成日叫我食多d魚同菜, 咁的魚柳就梗係入左本小姐個肚內啦, 剩番的飯理所當然推番俾佢, 一心等我自己的雜扒餐 等左一陣兩個鐵板扒"吱吱吱"陸續上枱啦, 黑椒汁一淋落去即時四圍彈, 我個什扒餐好大份, 豬扒同豬扒都大大件, 全部都好入味, 唔錯唔錯 而男友一路食一路讚佢個牛柳好正, 話好耐無食過咁正既牛扒, 我聽左好開心, 見佢食得開心我就最滿足最開

我地二個人六點半就到左，所以唔洗等位，但係到左七點半左右，我見到好多人排緊隊，所以要食，我建議早D去，費時要等。我地叫左兩個餐：1. SET DINNER豬扒意粉 $58我覺得呢個真係超正。首先野食豐富，先來個炸帶子沙律，所以上餐包，之後上餐湯，跟住有主菜，然後再上飲品，最後上甜品雪糕。你話一個餐有咁多野食，真係去邊度搵。其次係D野超好味。個炸帶子沙律好正，份量夠，又夠凍，味道一流。羅宋湯又係正，仲有舊牛腩，夠味，超好飲。主菜唔駛講，二大塊豬扒跟個茄汁意粉，豬扒做得真係好好，好腍，而且夠味，仲要有成二大塊，真係抵食夾大件。檸茶又係正，香濃有茶味，雪糕更好，超好味。2. 西冷牛扒鐵板 $98呢個就差D，但勝在夠大塊，如果係食肉獸類既朋友可一試，不過味道我覺得麻麻地，幾韌，同埋無咩味，所以唔太推介。但係其他跟既野，包括餐湯、餐飲、甜品同上面一樣正，可以話瑕不掩瑜。總之，呢度真係好，有機會一定要試。

星期日下午四時許到達, 原來還可以點鐵板午餐,老公點了豬排鐵板餐, 包括有羅宋湯, 餐包,青口2隻豬排2件, 餐飲和雪糕一球, 只是$46, 抵食.羅宋湯味夠濃, 什菜夠多, 味道不錯.鐵板夠熱辣辣,份量足, 豬排夠厚.我則點了下午茶餐, 炸魚柳配沙律, 餐飲點了雪糕紅豆冰, 不用另加錢, $24抵食.炸魚柳和沙律是一般行貨水準,雪糕紅豆冰, 紅豆冇味, 水準之下, 下次還是點奶茶較可靠.

見今日有時間，就同個同學出黎呢度食飯。其實呢間野都食過好幾次，味道都唔錯。而且個鐵扒餐lunch賣既價錢都幾合理，有時間都會黎呢度體驗一下懷舊既扒房既美味。呢間舖就無乜燈光，真係夠哂懷舊feel。羅宋湯幾鍾意飲呢度既紅湯，因為呢度既湯茄味好夠。而且真係有舊牛肉個湯到，因為正宗既羅宋湯係咁整架。而且佢地加左小小辣椒仔，飲落去更添惹味。而個餐既餐包都暖暖地，加上軟滑既牛油更美味架。黑椒牛柳餐個份量其實都幾多，只係友人既雜扒餐份量還要多。個牛柳其實都唔錯，已經算幾有肉味同好juicy。而且無乜野可以奢求，而個黑椒汁就惹味相當。而個配菜就係普通既薯條，遺憾既係，只係比我手指還要幼既薯條。但整體上都算唔錯，個份量呢個價位真係好。朱古力雪糕呢個做甜品已經算唔錯，有個甜品作總結。為呢個午餐劃上句號。整體上都ok，服務都算幾有禮。價位都算幾合理。值得一提既係，我杯凍咖啡比平時既酸，佢地好樂意同我換杯凍奶茶。

莎樂美，是荃灣老牌扒房。對上一次食，是和一班中學同學的午餐懷舊派對；今天，是和老婆來的晚上鋸扒。很傳統的舊式扒房，跟花園餐廳差不多的燈光格局。連招牌也是廚師在做鐵板餐。侍應服務只是一般，好聽一點是一副久經戰陣的樣子…餐牌其實很多選擇，最後兩人決定一鐵板一咖哩飯，兩樣都試下。先叫了一客鐵板莎樂美什扒餐配肉汁，這裡的扒餐，轉黑椒汁竟要加$3，我都係第一次見，到底值唔值$3？今次唔試了，留待下次吧。餐跟湯和餐包，點了羅宋湯，夠濃味也夠辣，菜也足料，蕃茄、青椒、洋蔥都有，算是不錯。餐包夠熱，也足夠熔掉牛油。什扒鐵板異常大碟，一個人應該未必食得晒。腸仔、火腿、雞翼、牛扒、豬扒、雞扒，是真正什到唔什的什扒。鐵板肉汁夠濃也夠味，但就略嫌少汁了點。腸仔、火腿正常，雞翼本身是炸過的，牛扒有點像快餐店貨色，豬扒、雞扒是整碟板最出色的，煎得香也有豬味雞味。整碟什扒沒失準，如果如此價錢份量的確是超值的。鐵板跟薯條，如果跟飯或意粉也是加$3。我地因為另叫左咖哩飯，所以這個加了意粉。意粉令人失望，凍 + 碎，送都未必想要，更何況要加$3。咖哩牛舌飯不錯，咖哩汁很香，撈飯一流，配菜有蕃茄、青椒、洋蔥，但唯獨欠了薯仔

好多荃灣人都食過呢間，心諗：無理由自己到而家都未試過Gar，行成十分鐘，見到個價錢又唔貴，就入左去食鐵板扒.......個湯係周打魚湯，真係一貫傳統有魚有餅乾，不過估唔到有青椒@@"叫左日本帶子配美國雞扒，一上檯，嘩，兩塊大雞扒（！！），一上汁既時候都唔知好定唔好，其實鐵板已經唔算好熱，不過都Keep到Last Bite.......帶子都好Juicy=)之後個雪糕真係勁好食，不過見到個款......Haggen Dazs?!唔駛落咁重本呀嘛.......缺乏西餐既荃灣,佢的確係有Market.....嗯,食完呢間我又想試深水埗某老店tim.....

這家不太起眼的餐廳, 內部裝潢跟花園餐廳很像, 是同一時期的舊式餐廳。位於沙咀道, 但是進內的人並不多。這天是路經荃灣, 於是聽朋友推介一試。到了樓上卡位吃了個下午茶, 我叫了的是吞拿魚沙律, 準備食物時間不算很快, 而且來到時令我覺得它的份量很少。比一個人的份量少了點吧, 但是它的質素很好的。它的吞拿魚沙律是用新鮮水果伴碟的, 賣相已經不錯了, 而且它的水果很新鮮, 吞拿魚比例上也不少。朋友叫了的是西式炒飯味道也非常好, 雖然份量一樣是下午茶的小份量, 我們還待不及為它拍照已經把它吃完。所以它的食物真的不錯。只是飲品比較遜色, 一來它來很太慢了, 我們把東西吃完它的飲品都沒有來, 二來它的飲品味道不夠而且不太好喝的。

生日大哂 ~~~ 專登遠水路去試下傳說中既莎樂美聽唔少荃灣之友推介 ~~~ 食過都話莎樂美正果然名不虛傳！先黎個周打魚湯 啖啖魚肉 配埋俾d湯汁浸到淋淋地 勁好味既梳打餅 已經夠哂心思同誠意!頭盤沙律造型亦非常別緻主菜朋友就點左牛扒 ~ 佢都話好好味我就要左個夏威夷雞扒上菜果時落汁 ... 鐵板"炸炸聲" ~~~ 勁香! 基本上成間餐廳都係鐵板熱辣辣的香味一入味好多驚喜夏威夷係用新鮮菠蘿整嫁 ~~~ 超好味雞扒肉質超鮮嫩 ... 好出名果間老字號金鳳都無得比!仲要超大份 ... 係平時食雞扒餐既兩倍有多 ... 絕對係mega size! 男仔都未必食得哂 ... 女仔更加起碼兩個先食得哂 ...我見到其他客 order 左豬扒 ... 成座山咁 ... 好正!下次要試下!!! 我以前係幕後做過 tvb 飲食節目 ...自問都食過好野... 都覺得呢間扒房 真係goodgoodgood總之一句講哂~~~ 正!!

今日(09.09.2010)去荃灣莎樂美餐廳食飯, 遇到一件十分不快事, 寫出黎希望各位小心呢間餐廳.呢間餐廳星期一至四晚上9時後都有全單八折優惠既, 咁今日我同老婆係條街度行, 仲諗緊去沙樂美定係稻草人食好, 經過沙樂美見到個八折牌, 咁就決定入去食啦, 未行入去我阿哥打比我, 我就一手聽電話一手拖住老婆入去, 入到去樓下冇位, 侍應就叫我地上樓上, 上到去我仲未講完所以未睇食咩, 咁老婆諗到食個精選特餐$98我就叫佢叫先, 跟住3分鐘後我收線後好快就決定叫個精選晚餐$58, 我個餐係有隻帶子既, 食食下先發覺冇黎到, 咁岩又有人問點解冇左隻帶子, 咁我都問埋一份, 侍應姐姐就好有禮貌話唔好意思轉頭補番. 好快就食完叫埋單, 剩惠$159, 我比$160, 落到樓下未出門口已經覺得唔對路, [($58+$98)再加一跟住8折]應該係$137.28喎, 點解會係$159呢!? 於是走返上去問佢, 幾個人圍住左我, 一check單有個女人叫左一句:哎呀, 你又折漏左一個餐呀. 有個四眼男人就話: 咩呀? 拎張單黎啦. 睇左幾秒就好大聲同我講, 你$98果個餐冇折架嘛. 由於我唔係好熟,

記得個日系我同我女友一齊的第200日我地選擇了哩間餐廳慶祝一入到門口 就好熱情地招呼我地兩個仲記得個日系落雨 仲幫我地收傘收入膠袋我同我女友點左兩個西冷牛扒餐我點了個白湯上面加一塊餅 都OK 幾好食個扒我都幾鐘意好大塊 完全夠食個汁好正 7成熟 幾好

今日家人生日，諗左一陣就決定去莎樂美開餐雖然7點前已經去到，但已經要坐方檯 今次試特餐(巴西牛柳配田螺及菠蘿沙律)餐湯就忌廉湯(無得改其他) 剛落單不久，餐湯已經奉上。不過湯未飲完已經分別上菠蘿沙律及牛柳，好像很趕收工咁不過牛柳又煎得唔錯，食落淡淡肉味 差不多食完主菜就奉上 碎朱古力雪糕，時間夾得剛剛好。抵讚 剛離開店門，我地係咁叫"好飽呀!好飽呀!!要找地方"行街"幫助消化

不嬲都鐘意去呢一間餐廳食, 入到去一定係食用鐵板食物,今次叫左兩個餐, 一個係大蝦+豬仔骨, 一個係海鮮沙律餐,我食大蝦+豬仔骨o個個鐵板餐, 一o黎個紅湯都幾好, 最愛佢個餐包, 好食!!今次個餐就比較肥o的, o的豬仔骨唔知點解會咁肥? 不過都好好食!但佢個薯菜我就覺得唔太好食, 最後叫左橙汁, 如果佢個杅可以多o的大o的就好喇......超貪心添~ 當然唔少得個杯雪糕, 真係點都覺得好好食, 次次食都覺得好好味~!個沙律餐我衹係食左少少, 因為份野唔係我, o的海鮮唔係用太多粉去整, 好好~!佢個魚好好食!但o的沙律..........我覺得今次唔多好味........希望下次食唔會咁啦~!

印象最深的是......　黃金沙湯雖然味道一般，但又挺特別，有很多西米　大大件的肉肉肉肉肉!!! 不怕用不夠飽~ 牛和豬的肉質都不錯~ 　　但反而太多肉了... 想吃多點蔬菜呢...　雪糕好味道! 有朱古力粒在雪糕裏面的呢　侍應動作太快了... 常常想收走我們沒吃完的東西...　　不過也常為我們添水，又肯幫我們調另1個坐得比較舒服的位置，算過功相半吧!現場所見有很多人幫襯喔!... 但這晚餐給我的感覺只是OK而已~ 可能我不喜歡拼命吃肉Anyway, 支持中小企，不要大集團!

今晚, 細佬請食飯, 去左'莎樂美', 好彩, 7點前到, 晏少少已經要等位....一入門口, D哥仔就叫我地上樓上, 原來已經坐左8成人, D姐姐都算係咁, 見細佬飲左半杯水, 即刻加水, 不過就加到一枱都係囉 我地都係點左一樣既'莎樂美什扒' 我戒左牛肉, 所以改走牛,多半塊雞扒同一塊火腿囉,上菜勁快, 基本上一飲完湯就上扒, 俾D細佬都算食曬呀!好彩到好後先有人點左黑椒汁....咳到呢.....成左杯仔雪糕, 我好快食埋少少, 飲完杯茶就讓位俾等緊既人啦, 返到屋企都好口渴....應該係MSG作怪

為左表達極度不滿, 我呢個非openrice user+打中文極慢ge人都要係度出comment....main course食到一半已經上餐茶, 未食完已經行過黎想收我隻碟...main course食到3/5...已經上雪糕....初頭諗住佢黎左就由得佢...怕佢再攞黎會玩野"加料"....點知食完main course...我杯雪糕熔左大半...我朋友個兩杯都無我嗰杯熔得甘勁...>< 甘我唯有同waitress講,,"唔好意思,我地未食完你地已經上雪糕..而家熔左..." 我仲未講完, 佢已經攞走我杯雪糕, 然後話"乜都你講晒啦"...我同班frds O 左.....甘都得??!!! 我地未食完未話要甜品你就上...好聲好氣有禮貌同你講..仲要俾你鬧!!!!!等左一陣佢都無意欲俾過杯我,更怕被"加料"...所以埋單走...食物方面...西冷ge邊緣同豬扒都好韌...係個餐包好dd...加上d甘ge服務....真係一定無下次!!!