莎樂美餐廳

营业中

休息中

逛了一陣街,女朋友仔已經想鋸扒了,便出發去今天的目標:莎樂美餐廳吧.門口只有一對男女在看餐牌而已,還以為不用等位呢.誰不知一進去...哇,原來這店排隊的龍頭在2樓的啦,只好出去等吧@@等了10分鐘終於可以進店等了.不能不說這店很有舊式扒房的風味,四處彌漫著黑椒味道及油煙味.最近連旺角扒房美而廉也快將結業,希望這間莎樂美能夠保衛這種舊式扒房的集體回憶呢.連鎖式經營的扒房不是貴得很厲害就是食物水準很低啦拜託20分鐘後終於可以坐定定啦.既然來到舊式扒房,當然要吃鐵板扒餐才像樣啦,呵呵XD我跟女朋友仔各叫了一客鐵板洋蔥豬扒餐,一客鐵板夏威夷雞扒餐.剛落完單,餐湯及餐包已經來到了.我點了忌廉湯,女朋友仔點了羅宋湯呢.餐飽熱辣辣的,忌廉湯有大大粒雞肉及西芹,不像是罐頭湯貨色呢.而女朋友仔的羅宋湯也有一大粒牛肉,可惜她不吃牛肉的,注定要浪費掉啦.等了一會鐵板也上桌啦.我沒有看錯吧?份量也太多了吧?雞扒我的有2塊是正常的,而我女朋友仔的豬扒竟然有3塊之多!還有薯菜及意粉,以這樣的價錢真的很便宜呢.那些年的記憶又來了.在這種舊式扒房一定要拿好餐巾,否則剛上桌把燒汁倒上在鐵板上,汁會四處彈的,除非你打算吃

同朋友仔行花市前醫左肚先第一次黎比較舊式扒房樓底好矮, 好易頂頭午餐幾多選擇, 有鐵板的有非鐵板的餐包+餐湯+鐵板主食+飲品 = $48 加一有d 是日非鐵板類午餐就只係$38先上餐包+餐湯，兩樣都凍既不過個周打魚湯係幾creamy 的~一心黎到, 主食要食鐵板的我要左龍脷柳, 朋友仔要左雞扒兩set份量都好多, 每樣有兩件, 不過好油膩, 但味道唔差既依呢個價錢呢個質素的確幾好

約了幾位好朋友聚會, 這間餐廳經常是路經地, 但從來未揾啱朋友肯光顧, 今晚終於有機會試試 。晚上的門口是很光亮, 但裡面是黑漆漆, 根本唔知要等位 。入到去才發現有上下層之分, 但排隊等位郤是隨著樓梯而排, 等到大半數人才能入座 ，第一次入去真係有點有鄉里似的 。餐廳內的職員全是資深職員, 不像現在新式的模式 , 站在裡面只會見一層層的烟霧, 不是太好的感覺 。我們點了 T-骨扒, 鐵板牛柳套餐, 美式什扒套餐、西冷牛扒... 先來餐包, 餐包香軟 、滑, 配以牛油非常美味 。什扒餐真的一大盤，有半條香腸, 一塊雞扒、一塊牛扒、一塊豬扒,配以菜料及薯條, 還有半個蕃茄在底, 都算大碟, $95一份真的有份量。每種食品在醃料上恰到好處, 雞扒雖然不是太大, 勝在皮脆、香, 雞肉夠嫰, 真的做不到 , 香腸, 帶少少鹹, 可惜得半條, 唔多夠。牛扒配以肉汁, 真是好味, 雖薄薄的一塊, 但是非常冧, 同場試埋牛柳、西冷扒, 各有各特式, 就算厚身內裡都可以熟, 真的很滿足 。豬扒, 不過不失 ! 最後還有一杯凍奶茶, 這間是奶味重一點吧, 但味道都不錯, 但嫌細杯一點 。至於對客服

我從來未試過寫食評的，因為我從未遇過有一間食肆可以令我好肯定地說：絕對不會有下一次...一入店就見到嗰位極不禮貌的阿叔(企在門口嗰位) 完全不懂甚麼叫服務態度...未食已經一肚氣...講到食物方面~西冷牛扒同朱扒都可能雪藏得太耐卦...完全冇肉味！食物差都算，再加埋d咁既服務態度，真係唔會再去！！

本人從沒有寫過食評. 不過依間莎樂美真係太差.openrice有103個(好味), 重要search幾區都係放頭幾位, 真係不能相信.我就係俾依個食評, 由沙田開車去試試, 點知.......湯呀, 包呀, 檸tea呀, 甜品呀, 吾講嗱, 總之食吾死.講主菜, 我一家4口, 叫了3個扒餐, 分別7, 7, 5成熟, 最後全部同一2-3成熟, 好聽就叫O~VERY JUICY, 不過我吾識欣賞, 所以要全部再煮, 係再煮2次先到我要的7成.其次, 超雪扒, 味超咸, 味精超勁, 食完後去了Seven共買左2支水2支可樂, 大家勁飲.重有, 有個阿伯, 應該係老闆, 我係個度大約45mins, 就不停大大聲鬧d waitress, 地方得果2,3百呎, 重有咁多客人, 洗吾洗呀.每個餐大約都要HK$100, 要我俾依個$, 食依d野, 受依d服務, 冇可能再有下次.食完俾錢都覺得自己好白痴. 我去大家樂, 價錢, 食物, 服務 都好過佢好多好多好多.但真的不明白, 走時看到樓梯有好多人在等位, 係吾係荃灣冇野食呢?.

好失望. 今日去食覺得差左好多一黎到餐具就扔係檯要我地自己分!我女友個酥皮湯個皮係燶既. 仲硬綳綳. 浸左落湯都唔軟返.....我仲笑佢係餅乾湯份什扒餐既牛扒係雪到啲肉變晒質. 所有扒既味都超咸. 我同女友要食一啖飲一啖野先得!我地幫襯左好耐. 最近質素好似越黎越差....真係無下次!!!!

12點到去到,仲有位,不過比店員叫咗上樓上雅座坐!餐廳環境幾迫,好彩早去到食,若果唔係都幾乎枱貼枱!我幾乎次次都會食鐵板餐,今次叫咗個黑椒汁薄牛柳配薯菜!太太就叫咗個繽紛龍脷柳飯先來2個餐湯,我地揀咗每次來都必飲既羅宋湯!羅宋湯>>味道真係正!好濃味!好多湯料餐包>>好軟,好食!黑椒汁薄牛柳>>多汁,牛肉約6成熟,唔硬,薯條同薯角都ok繽紛龍脷柳飯>>其實即係白汁龍脷柳配雜豆,飯比起之前少咗,但係太太夠食,白汁少,唔夠撈晒d白飯,魚還可以,但都算好食!檸檬茶>>雖然望落去細杯,但係都有幾塊檸檬,雪糕>>跟鐵板餐送既,呢個係太太至愛,好味道,個雪糕杯依家無係其他見過,好懷舊!

女同事MK請我o地今日(12-9-2011 Mon)中秋節o黎呢o度食lunch,我o地一行五人,全部都食$36.00o既set lunch.我要o左紐西蘭龍脷炒烏冬,要周打魚湯.湯同餐包都好快到,餐包依舊暖同軟熟,周打魚湯味道淡,但莫講話蜆肉,就連魚碎都冇,只有洋蔥,青紅椒.烏冬都好快到,龍脷切成約2cm X 1.5cm,肉質冇炒老到,口感尚可,烏冬亦炒到上晒色,唔算太油膩,不過呢o度都係食扒好啲.餐飲我就叫凍奶茶,佢茶味夠但細杯.服務:唔知係咪又受最低工資影響,人手又唔夠,叫餐飲漏單同催o左三次至有.

昨天跟好朋友相約在荃灣，第一時間就想起了很久沒有去的莎樂美餐廳, 因為時間尚早的關係，不用排隊就有位子了.我點了最好吃的什扒餐，分量真是很大呢！羅宋湯也很濃味，餐包很軟，也是暖暖的, yummy !!!!!!最後來一客巧克力雪糕，這得是很滿足豐富的一餐呢 !!!!!!!!!!!

本來和友人想到"台灣小倆口三文治 "吃個下午茶, 去到才發現原來星期日休息, 見之前經過莎樂美, 下午茶價錢便宜, 在一試無妨的情況下便去了. 友人點了豬扒抄烏冬, 我就選擇了焗咖哩牛腩飯,餐茶都要凍檸茶 (其中一杯小甜). 先來的是豬扒抄烏冬 -- 抄得有鑊氣和夠乾身, 吃完不會留下一堆油在碟底, 豬扒切件不會太細件, 份量也不少. 再來我的焗咖哩牛腩飯 -- 咖哩味不太夠, 飯量不多, 但牛腩卻出乎意料比其它餐廳多, 牛腩味道不錯和夠腍. 最後餐茶來了, 雖然其中一杯叫了小甜 (阿姐拿來時, 都說明那杯是小甜了), 但發覺2杯都好甜.以2x的價錢來說, 這餐可說十分滿意了 . 下次可能會試下佢地d 鐵板餐.

其實今日下午又係諗唔到去邊到食，我呀媽又話要入錢，所以就去莎樂美餐廳食，附近有幾間銀行....入到去，就自己選位^^，因為去到個陣，唔算太多人...(約下午1點)我就叫左是日午餐 (3.) 意式青蠔炒意粉 配凍檸水&羅宋湯 $36 (另加一)呀媽叫左是日午餐 (1.) 比吉打豬扒 配凍啡&周打魚湯 $36 (另加一)家姐叫左鐵板午餐 - (C)黑椒薄牛柳(配黑椒汁) 配凍檸茶&羅宋湯，送雪糕 $46 (另加一)Order之後過左5分鐘就有餐包&餐湯餐包 - 唔太暖，渣起手個陣，都feel到幾硬&仲有少少"鞋"tim，食落去都係，硬左d，我諗佢係叮奈左....唔好味，但係d牛油夠溶，岩岩好 我就飲羅宋湯 - 佢比左好大舊牛肉比我，證明左佢係真材實料，仲有好多椰菜&紅蘿蔔，好夠淋，但係d湯就好hot，係條喉嚨揮發出黎，唔係幾鍾意...仲有少少油tim意式青蠔炒意粉 - 個份量都大架，但係好少青口，同瑪好閃 - 油.....食落下就覺得佢d汁好特別，比起茄汁甜d，但又唔會話酸^^好味，意粉夠爽，唔會煮得太奈，岩岩好，彈牙，d青口就細粒左d，得幾隻...好韌，一定係炒得太奈...但整體黎講都好

好多次路過這家餐廳，洋化的店名；漆黑的大門；大片的雲石；遮掩的窗簾，典型的舊式港產西餐廳模樣，懷著好奇的心上網查看，評論不差，盤算著找一天來試試，直至今日，終於推門進內一睹盧山真面貌。室內光線昏暗，才中午時分，從玻璃門望出去，好像晚上一樣，雲石桌子，塑框布椅，靠牆兩邊全是卡位，中間的過道也擺上了桌椅（香港的鋪租貴，為了多做點生意，稍為有點空地方都加桌子，導致在餐廳內走路都得側著身）。早在網上做了功課，知道這兒的鐵板以大件夾抵吃出名，於是叫了兩個鐵板餐，有湯、麵包、及飲品，還有雪糕！周打魚湯真的吃到一粒粒的魚肉，夾雜少許胡蘿蔔和洋蔥，湯頭濃稠適當，意料不到的是居然有片蘇打餅在湯裡（這是舊式的做法吧？）。老公的羅宋湯也很不俗，酸甜均衡，輕微的辣味，該是放了胡椒粉，頗多材料，竟然還找到一大塊牛肉！（別以為我大驚小怪，如今的羅宋湯除了顏色還是紅色外，就很少見過其它材料，更別提有牛肉了）麵包雖是普通的餐包，但烘得夠熱（麵包的基本要求就是一定得熱吃），密密麻麻地抹上牛油（整盒），熱乎乎、軟綿綿、鬆泡泡的，平凡的餐包都可以很美味！阿姐捧著鐵板過來時，早已有心理準備的我還是嚇了一跳，果然是很巨大呀！只

難得去荃灣, 當然要去吃莎樂美拉~~~莎樂美我已經不是第一次吃了, 這次是第3次了.令我鍾情於佢的原因不完全是因為他的食物, 而是那份自然的懷舊味道.香港現在流行懷舊, 有很多假懷舊的餐廳, 那些都太不自然了. 喜歡莎樂美, 就是喜歡係佢度個種歲月的痕跡. 暗暗的燈光, 舊舊的餐牌.莎樂美最令人難忘的當然係佢多到過分的 什扒鐵板餐啦....呢次我地order 左 什扒鐵板餐 & 蒜蓉龍利柳鐵板餐.首先當然是餐湯同埋餐包啦. 有紅湯&白湯. 我就叫左一紅, 一白. 紅湯: 羅宋湯-----好足料, 好濃ㄚ^^ 有白湯: 周打魚湯-----好味, 有魚肉粒，再加片鹹餅干配就更加好味啦~~兩款湯配上熱呼呼的餐包, 好味, 好有細個個陣的味道阿~~不過記住千祈不要再這個環節食太多, 因為要留反個肚黎迎接跟住落黎的鐵板餐.所以我同朋友都只吃了一點點餐包&一點點湯就留反個肚食主角.主角到有腸仔,雞翼, 火腿, 牛扒, 豬扒, 雞扒, 薯菜......哇, 超級豐富ㄚ~~ 滿足曬我地ge"肉"望ㄚ~~~牛扒當然不能跟高級餐廳ge牛排比較, 這裡的牛扒是港式牛扒, 係有醃過嘅牛扒, 但係這個價錢能夠有

之前見大家寫既食評都唔錯,難得入荃灣就同男朋友試下晚餐,環境幾懷舊但有d欠缺衛生,刀柄痴立立d staff態度都麻麻,不過至在食姐,就算啦.我地2個都叫左個西冷鐵板餐,5成熟,紅湯,凍奶茶少冰.紅湯--好好飲凍奶茶--味濃好飲,但佢冇幫我少冰西冷鐵板餐--係決定我以後都唔敢再黎食.一開始都幾好,食幾舊之後就開始覺得個身麻痺直至我食完冇幾耐先冇事.而且牛扒有d位係完全生既,所以扣左好多分返到屋企上網查,先知道原來係味精敏感,要食左2 gram以上味精先會出現,我成日出去食飯都未試過出現敏感,就算飲味精例湯都冇咁既情況出現.即係佢落既味精其實好多, (可能係d汁)以後都唔會再去食.

突然想据扒 , 之前試過莎樂美都不錯 , 今日再食一次 一行兩人去据扒 , 幸好6 : 00 到達冇咩人 , 之後多人到排出去 莎樂美係一間老扒房 , 今次都係坐二樓 , 好有懷舊feel ~分別叫左莎樂美什扒餐 & T 骨牛扒餐 莎樂美什扒餐配肉汁 -- $105首先黎個周打魚湯 , 好味唔似有D餐廳水汪汪加冇味 !! 餐包因為叮過比較un !!什扒餐係勁有份量 , 頂層有腸仔 , 火腿 , 牛扒 , 豬扒 , 雞扒 , 薯菜 餐廳裹既男士們好多都叫什扒餐 , 呢個餐可以滿足"肉"望 T 骨牛扒餐 -- $110T 骨牛扒都幾大份同厚 , 好嫩唔會老 , 雖然幾入味 , 不過冇咩牛味 !!餐飲係橙汁 , 超細杯 , 最後有個甜品 , 朱古力ICE-CREAM配上花生碎 , 好味 ~唔知係咪父親節前 , 價錢比之前貴左 , 有D唔抵食LO !!