莎樂美餐廳

营业中

休息中

叫了兩個餐，一份是牛扒，另一份是雜扒，牛扒肉質粗且老，得過大份，但完全沒有牛味，間直食緊枱布，份雜扒等了半小時有多才上湯，d蝦一d都唔新鮮，豬扒無豬味，總之呢間餐廳九個字可形容：服務差、食物差、環境差，呢世一定唔會再去

當日去到過左2:30有tea set~(星期一至五) 2-6pm~ 另加1 service fee~餐廳內幾有情調,昏昏暗暗的~黑色格調,waiter制服看來也很pro咁~menu也頗高級,皮製的~連餐巾的logo也很特別,sharp!!我地落order之後先扲杯水俾我地~我order 焗拿破崙通粉 $25深知以往咁多次order「拿破崙」款式的都係茄汁,今次都唔例外~need to 等耐少少~10min左右都唔算內~點知上菜竟是忌廉汁 不過我order前又無問清楚..too sad............我當日仲要 胃不適,唯有死頂.......難度不吃嗎?? 幸好個汁唔算好杰身,都幾有水準~唔似一般茶餐廳勁cream狀的...淡淡的cream味~棒~每粒通粉也幾爽口,口感一致~附少許芝士粉,很足料~附切粒西芹,南瓜粒,滑雞切粒,洋蔥粒,紅蘿蔔~都幾多料~每啖也很滋味,好飽~個餐跟雪糕紅豆冰~係士多啤梨味,但係好鬼大粒冰下次1定要叫走冰.......味道ok~

中午時間和同事共三人在附近工作完後到這裡吃個遲了一點的午餐，雖然已到午膳時間的後段，但也要侍應安排一輪才能在閣樓的一張小小的四人檯坐下來。拿起餐牌一看，午市一個鐵板餐也只是四十多元，這一餐我選了串燒大蝦伴什扒。經曾經光顧過的同事提點這裡的食物分量巨型，所以沒有再加白飯或者意粉。餐湯我選了周打魚湯，湯內有點魚肉，喝起來也不錯。到了主菜串燒大蝦伴什扒上場，份量果然十足，有大蝦一隻，豬扒雞扒各一件與及香腸及火腿，還在墊下底下的薯菜，一看之下已經先聲奪人。當然以四十多元的價錢，食材的質素不會太高，大蝦只是雪藏貨色，吃起來蝦肉還有點霉。豬扒帶點鬆肉粉的痕跡。最後我還是不能把整份鐵板吃完，份量實在是太大了！餐後還有用不鏽鋼杯上的雪糕一球，這個午餐實在十分飽足！

同朋友慶祝生日，很少來荃灣，不知吃什麼好，聽講這兒很出名便試試。一入去已經有不少人，要在樓梯排隊，差不多排到時，排頭位個八婆呱呱嘈，話同老公已經等了半個鐘，阿仔就快到，讓她先入去坐，但職員堅持未齊人，把座位給了排在八婆後面的班女仔，八婆就繼續呱呱嘈，話以後不會再光顧，不過職員無理會。所以記得要齊人，過半數也入不到！順帶一提，我們只是隔了八婆一張檯，聽到班女仔話只是等了15分鐘，八婆邊有可能等了半個鐘本來想試牛扒，但見到其他人吃鐵板好似好好食，於是我同友人都叫了鐵板，一個雜扒，一個雞扒，餐牌霉霉爛爛，擋鐵板油的布亦穿了好幾個洞，好聽叫懷舊，但我連碰也不想碰，好像很骯髒般...湯叫了白湯，中規中矩，沒什麼特別，不過幾多肉，算足料！餐包則是普通的麵包。份雜扒餐超大份，有牛扒、雞扒、豬扒、雞全翼、香腸、火腿、少少薯角、西蘭花，我覺得份量多到不用再加飯或意粉，最好食是牛扒，煙韌度適中，不會太硬又有小小紅，很好！豬扒就普普通通，沒什麼特色。雞扒和雞翼就不行了，好"鞋"，又沒有味，雞翼的肉好硬，我懷疑廚師不懂煮雞....可憐叫鐵板雞扒的友人，難食程度完全物非所值...最後有個雪糕做甜品，有點融，不過

明知賣點只是抵食夾大件, 加懷舊豉油西餐, 口慷慷走去明知故犯, 有時都係一種樂趣.叫兩個餐. 紅湯白湯各一. 皆極一般貨色. 意料之內.什扒餐配肉汁 ($98+10%)真係大大份食到你滯. 豬扒好食, 肉質OK, 入味. 雞扒牛扒火腿一般, 雞翼略硬. 黑椒牛柳餐 ($110+10%)係呢D地方叫扒, 我係唔敢叫5成, 一來好多時都變7-8成, 二來D肉唔靚, 太生有咩事上來就自己肚皮受罪. 所以我叫咗7成出到來係全熟, 都係意料中事, 無所謂黑汁聞落好香, 食落又覺得唔夠重味. 牛柳無太大鬆肉粉味. 肉質算係咁. 兩大塊真係好抵. 雪糕新地對我來講, 全餐最好食係甜品. 好耐無食有朱古力粒粒嘅朱古力雪糕+啫喱喇! 呢種令人懷念嘅"中學味"令到成餐飯加咗感情分.

人人嚟到都係食扒餐, 咁其他手勢又掂唔掂呢???下午茶餐連加一都係$30, 而且種類繁多, 飲品方便除了普通的啡茶外, 還可選什果賓治、雪糕紅豆冰就不用加錢緬甸炒飯$28...正宗與否就不得而知, 這炒飯是咖喱味道, 帶點濕炒的質感, 飯內都是海鮮什錦, 蝦仁、魚肉粒、魷魚條都沒有雪味, 濕濕地的炒飯都幾開胃(尤其是當天天氣超級熱)芝士焗肉醬意粉$28...剛焗起便送上來, 香噴噴呵 意粉彈牙而那肉醬就有好香的紅酒味道, 茄醬香濃還有絲絲甜味溢出, 牛肉香氣再加入醬內, 直情是煮得淋漓盡致什果賓治、雪糕紅豆冰...雪糕紅豆冰就最失色, 因為紅豆上面那層稀流流的花奶水 還有雪糕攪了很久也沒溶掉一些(本希望能加重奶水的質感)

今天和男朋友入了荃灣剪頭髮,基本上每次在荃灣剪完頭髮之後指定動作便是去莎樂美餐廳食扒所以今次也不例外,依舊如常有很多人排隊,等了大概20-25分鐘左右便有位了,我們點了一個雜扒餐和一個西冷牛扒假日套餐,個餐有湯有意粉有餐包有飲品同埋甜品,它們的扒餐十分有睇頭份量十足,西冷牛扒超大一塊,叫了5成熟,不過來到的好像熟了一點,大概應該是7成左右吧,牛扒底部的薯條,雖然好大條,但是放耐左,吸左d油淋晒不太好吃,至於牛扒味道尚算ok,另外雜扒餐份量也相當驚人,有牛扒,豬扒,雞翼,腸仔&火腿,塊塊都大大塊,質素和味道過得去,這裡的扒可以說是以份量取勝

上星期日去荃新天地行完街, 經過呢間老牌餐廳, 好耐都冇幫親, 林住去懷舊一番, 6:30 半, 未係好多人, 樓下已經坐滿, 於是上閣樓樓上, 坐多大約20分鐘, 連樓上都坐滿哂人, 雖然係咁多人, 因為好多都係一pair pair, 所以都唔算好嘈; 點咗兩個鐵板餐, 一個牛柳餐要黑椒汁, 另一個西冷扒都係黑椒汁。先黎兩碗羅宋湯跟餐包, 個湯幾足料, 濃味, 唔錯, 餐包都係熱的。等咗冇耐, 兩個扒就到, 兩份都係要5成熟,。但係唔知點解個牛柳好似7成咁熟, 所以覺得唔夠林, 但係就超級大份, 只可以講ok啦。西冷扒就好好, 又大件, 又好味, 夠林, 幾好。甜品係菠蘿朱古力雪糕, 個雪糕裏面有朱古力碎, 小朋友一定好鍾意。個餐仲連埋餐飲, 食完真係好飽下。

琴日同男友撐台腳 個餐有湯有主菜 飲品同埋甜品。佢食雜排餐我食栗米肉粒意粉 味道賣相各樣都okay正常，但食完第二日就不停地肚柯, 重要發燒足足3日, 我男友都柯左一日。… 嗚。 之後立即睇醫生, 再將此個案已告知食環處更進。我上黎寫係要大家小心。以上全為事實, 有個句寫個句。

18號,小妹突然想食扒。。。於是同個老友即興去到荃灣莎樂美餐廳！其實小妹一早已經有心水餐。於是諗都無諗叫左個雜扒餐。。。個扒來到。。哇。。真係超多。。。估唔到。。。。Ｄ個係朋友叫既扒。。。Ｄ扒夠大份！可惜個意粉干左少少。。。同埋杯橙汁細杯左Ｄ。。。不過呢個扒餐大份到食完超飽。可以唔使加＄３叫多碟意粉。。是關飽得濟。。。。碟意粉無點食過！扒來講。呢個質素都ＯＫ。百零蚊有大碟扒，有湯，有餐包，有野飲，仲有雪糕。。。都ＯＫ既。。。。值得再試下。。。。

15-Apr-2012 (SUN)一進餐廳已坐滿食客，我們便在樓梯位排隊等位，這裡有2層，一會兒便有枱空出，而且是Car位，雖然環境擠迫，但坐得尚算舒服。在等位時已看到很多食客都點了什扒大蝦餐，所以我坐下後都不例外，點了試試。還有選了一客焗飯、周打魚湯、羅宋湯和加了意粉。這裡的鐵板午餐價錢最吸引，48蚊一個串燒大蝦皇拼莎地亞什扒(配肉汁)，配餐湯、甜品雪糕和餐飲，加3蚊有飯或意粉，另需加一小賬。什扒裡有一塊雞扒、一塊豬扒、一條腸仔、一片火煺、一片蕃茄和一點薯菜。餐湯材料頗多，周打魚湯清香鮮甜美味，而且有2塊魚肉在湯內。羅宋湯有點偏辣，有很多什菜和一舊牛肉在湯內。餐包軟綿綿微暖。串燒大蝦皇拼莎地亞什扒肉汁濃味，雞扒帶有點黑椒好嘢味，豬扒肉質有點粗，大蝦不太夠新鮮。但我覺得用這個價錢能夠食到大蝦什扒既熱辣辣鐵板真不錯！

今日(16-3-2012 Fri)係我o係呢間公司o既last working day,女同事MK同MF同我食lunch,佢o地揀o左呢間,我同MK先到,我要$38.00o既一號餐,西冷扒配薯菜,周打魚湯,飲凍奶茶.MK要二號餐,非洲辣牛肉意粉,羅宋湯,飲熱檸茶.MF o黎到,佢要$43.00o既椰菜花焗雞扒飯,都係要羅宋湯,飲熱檸水.暖餐包同湯到o黎,周打魚湯中有帶子肉,半塊梳打餅,味道唔太濃,係適中.而西冷扒配薯菜呢,薯菜好少,薯條已經好短,重要等5,6條L,兩件西冷扒唔係全熟,肉質鬆軟,不過牛肉味道唔濃,但都有1cm厚.MK話佢o既意粉份量都幾多,好飽食唔晒啲牛肉,不過牛肉係唔辣o既.MF o既飯好多,佢話好好食,雖然中間o既飯冇乜汁,感覺好似好乾,但佢都大讚好食.我o既凍奶茶一般啦,奶同茶o既比例係均勻但唔係濃.服務:今日都好多人,但服務勤快o左,唔錯.味道分係3.45分

其實一早知道呢間老牌扒房~又平又抵食加啦~只係每次都去得唔係咁著時…有日同男人經過諗住食…點知排隊排到出門口！唔鐘意等位既我地就緊係唔等啦~~點知26號行完街走過去望下…咦~~無人wo~~咁就緊係食啦喂！一入去就上上層…燈光好暗…都幾有氣氛既~上層都有分內外廂咁有得揀就緊係揀入面D la~~同埋出面都好大煙下…因為都已經有人鐵板緊~一坐入去…嘩~~~凍到震！咁就快d叫野食la~男人叫左個T骨帶子套餐…有頭盤同甜品的~我就叫左個西冷扒餐~有湯、迷你意粉同甜品~先泥個頭盤~好搞笑~入面係平時食日本菜d八爪魚仔同螺肉~好似仲有小小什果~總之就搞笑la~個木瓜仲好甜添~~之後就係我個湯~一開~~嘩~~之後就係我個迷你意粉~雖然真係迷你的~不過我食完個湯…再KO埋呢個意粉都已經飽了~~但係說時遲那時快~主菜已到~先係男人既T骨~~嘩~~~正呀~~再睇睇~真係好大粒帶子wo~~之後我個西冷都來了~~~塊扒真係大過個鐵板…見到都飽飽地…=.=不過~我都差唔多食晒架~~可惜冷氣真係太大！d野好快就凍晒…之後係我地震騰騰既時候…甜品來了~~係個連鐵碗都雪過先羅泥用既綿花糖雪糕呀~~正係好正…不過真係好得

話說呢幾年不斷有老牌食店相繼被逼結業，理由各有不同，惟『成本劇增』是最大原兇。在此cheap喱不打算針對什麼霸權，只是想說小弟偶爾也想來些集體回憶而已。早兩天摯友報料，荃灣有家老扒房，餐點份量很大很滿足云云。摯友說話剛好挑動了cheap喱的懷舊神經，好吧，不妨一試。晚上和摯友約八時左右到達，店內爆滿、樓梯排滿等待的客人，只好在店外等一會，不久就被看店的一位老人邀請進入樓梯排隊『等上樓』。食評中有些說這老闆對客人沒有禮貌、大聲鬧伙計云云，當日這些態度並沒有出現，反而他也頗有禮貌呢。在樓梯等不久已經成功上樓坐卡位，過程順利。侍者很快送上餐牌，啊，是皮套來的嗎？質感有點怪怪的，怎樣也好，是有懷舊的味道啦。我和摯友都是大食之人，二話不說，兩份是日晚餐-雞扒拼魚手指(HKD$68)加一份鐵板西冷(HKD$98)﹗﹗下單後侍者擺台紙，這種手繪風格印刷的餐紙現在已經很小見了﹗拍完照餐湯面包一起來，啊，那湯很足料，魚肉大大粒，本來想拍下的，不過已經是把湯喝完才想起的事啦﹗伴湯麵包很一般，包底很韌、也不夠熱。餐前的炸帶子沙拉也是行貨，用來填肚尚可。主角之一的是日晚餐來了﹗掀開大雞扒，嘩﹗原來還有半塊雞扒

岩岩同成班fd去食，說諗住試下個扒餐，點知…沙律：螺肉加奇異果己經九唔搭八，餐湯杰撻撻咁晤夠味…雞扒又老又鞋，薯菜又老又唔好食，面包好硬，連甜品(雪糕加棉花糖)d棉花糖都好靱囉，真係食第二間無咁嬲…