莎樂美餐廳

营业中

休息中

之前見大家寫既食評都唔錯,難得入荃灣就同男朋友試下晚餐,環境幾懷舊但有d欠缺衛生,刀柄痴立立d staff態度都麻麻,不過至在食姐,就算啦.我地2個都叫左個西冷鐵板餐,5成熟,紅湯,凍奶茶少冰.紅湯--好好飲凍奶茶--味濃好飲,但佢冇幫我少冰西冷鐵板餐--係決定我以後都唔敢再黎食.一開始都幾好,食幾舊之後就開始覺得個身麻痺直至我食完冇幾耐先冇事.而且牛扒有d位係完全生既,所以扣左好多分返到屋企上網查,先知道原來係味精敏感,要食左2 gram以上味精先會出現,我成日出去食飯都未試過出現敏感,就算飲味精例湯都冇咁既情況出現.即係佢落既味精其實好多, (可能係d汁)以後都唔會再去食.

突然想据扒 , 之前試過莎樂美都不錯 , 今日再食一次 一行兩人去据扒 , 幸好6 : 00 到達冇咩人 , 之後多人到排出去 莎樂美係一間老扒房 , 今次都係坐二樓 , 好有懷舊feel ~分別叫左莎樂美什扒餐 & T 骨牛扒餐 莎樂美什扒餐配肉汁 -- $105首先黎個周打魚湯 , 好味唔似有D餐廳水汪汪加冇味 !! 餐包因為叮過比較un !!什扒餐係勁有份量 , 頂層有腸仔 , 火腿 , 牛扒 , 豬扒 , 雞扒 , 薯菜 餐廳裹既男士們好多都叫什扒餐 , 呢個餐可以滿足"肉"望 T 骨牛扒餐 -- $110T 骨牛扒都幾大份同厚 , 好嫩唔會老 , 雖然幾入味 , 不過冇咩牛味 !!餐飲係橙汁 , 超細杯 , 最後有個甜品 , 朱古力ICE-CREAM配上花生碎 , 好味 ~唔知係咪父親節前 , 價錢比之前貴左 , 有D唔抵食LO !!

又去荃灣行街, 行到非常累. 是時候吃多點肉類增加自己體力(增肥)莎樂美是一個不錯選擇!!!! 莎樂美已經有十多年歷史, 聽住在荃灣區的朋友說, 那麼多年價錢也是實惠兼大份, 經歷幾次的金融風暴仍然屹 立不倒. 其實是有它的原因. 2人點了2個人晚餐!!!男友人點美國安格斯牛扒鐵板餐是日精選套餐頭盤嘩, 好有心機呀!!!用火龍果皮當盤, 上面有什果沙律, 火龍果及一粒日式大墨魚仔!!!之後來個湯, 男友點是白湯. 沒有拍照我點了我至愛我的紅湯--羅宋湯及餐包多料, 夠酸! 美國安格斯牛扒嘩, 有2大塊每塊都有1"至2"厚. 仲要係大大舊. 男友要六成熟!!!切開就知幾咁嫩,因為太容易切啦. 食落口, 好多肉汁呀!!!!! 我就嫌味道有點鹹. 因為本身本人食得比較清淡. 至於男友味道就覺得剛剛夠. 特別那蒜蓉汁, 有好多蒜蓉. 食完個口好香(臭)我點什扒鐵板餐, 因我貪佢樣樣都有, 但我個餐是少一個沙律豬扒的呎吋比我的臉還要大.牛扒與男友相比那一塊沒有那麼厚, 但肉質也是嫩滑雞翼, 火腿腸仔及雞扒是不過不失雪糕是我最愛的朱古力味伴以數粒棉花糖, 雪糕頂還有彩糖. 雖然雪糕不是最出名又貴

以前的香港有好多類似莎樂美的餐廳這種環境, 這種味道, 隨著時間飛逝, 已經越來越少今日一行四人來懷愐一番 來一客鐵板大蝦什扒餐配黑椒汁 $46餐湯點了周打魚湯餐包熱辣辣，軟淋淋，周打魚湯內有魚肉粒，片鹹餅干配白湯特別好味，連伯友都話好味道 什扒有火腿、腸仔、大大件雞扒、大大件豬扒，雞扒及豬扒都冇雪味，豬扒特別好味又鬆又香。今日好失敗，個個都成個餐食晒，只有我一個食剩大半件腸仔及雞扒。浪費晒 美中不足係主角大蝦, 並不新鮮 甜品係又香又滑朱古力粒雪糕球 快喲... 快喲... 快喲再來一客鐵板大蝦什扒餐

今日 lunch 同事仔提意去 "莎樂美" 瘋狂一下!!o岩o岩好 5 丁人, 夠鐘就出發...的士去~一落車就衝入去拎位, 見到有班學生仔等緊....仲估有排等, 正打算退堂之際....咦!! 入得...lol一坐低就急不及待睇下 lunch set 有咩 choose~結果....我地 5 丁友 order 既係....黑椒汁_鐵板大蝦 拼 雜扒 "雞 & 豬 & 火腿 & 香腸" 配 羅宋湯 (x2 set)黑椒汁_鐵板薄牛柳 配 忌廉湯 (x3 set)等左.....5 分鐘左右:當然係 紅湯 / 白湯 先上枱- (紅湯) 材料足, 味道適中, 唔錯!- (白湯) 味道略淡, 唔夠香濃, 麻麻!然後就係小包包- 包包熱呼呼, 可惜叮得太耐, 外皮好勒!再等左大約 5 分鐘左右:輪到主菜啦- 黑椒汁_鐵板大蝦 拼 雜扒 "雞 & 豬 & 火腿 & 香腸"黑椒汁香濃好味, 蝦果然大大隻亦算新鮮, 雞扒幾滑, 但豬扒比較"鞋", 火腿香腸就無咩特別!- 黑椒汁_鐵板薄牛柳黑椒汁香濃好味, 牛柳一 D 都唔薄, 大約 5 成熟, 肉質嫩滑, 正正!最後就係甜品同餐飲...甜品 (朱古力

星期五放工同黃生去左荃灣的莎樂美食扒餐, 記得年幾前同朋友黎食, 份量大到食唔晒, 依家都無變.先黎忌廉蘑菇湯, 有鮮雜菜, 重有魚, 足料又好飲! 黃生的西冷扒, 5成熟, 我不嬲唔識欣賞依D扒, 不過依塊都算OK, 肉嫩, 係黑椒蓋過牛味姐. 我比較喜歡雞扒, 個餐係寫夏威夷汁, 即係菠蘿汁, 我講明要蒜蓉汁架, 但個落單阿姐又話一樣, 咁好喇, 黎到咪就係唔一樣lor, 算喇, 唔係難食, 只係無蒜蓉汁咁好味.雞扒唔夠嫩, 但未至於鞋, 最重要無蒜蓉汁, 今次食無咁滋味. 甜品有罐頭菠蘿加朱古力雪糕, 雪糕有朱古力粒, 我鍾意!其實我order的雞扒餐真係太大份, 有兩塊大雞扒, 所以要$80/, 一塊對我黎講已經好夠, 感覺好似迫人食大份D, 收多D咁, 香港餐廳的弊病!!另外重有件奇聞, 我食緊時, 聽到隔離枱上餐時阿姐係咁講唔好意思, 原來佢話無晒鐵板, 所以用碟上無鐵板的鐵板餐, 咁都得! 比我真係接受唔到囉!!重有依間餐廳真係唔少人食, 7點10分去到已經要排隊, 但排隊的位置, 竟然係餐廳內的樓梯, 唔安全之餘, 重要比人望住你食, 點會食得安樂呀.兩份餐$203/

Love this place, I never thought that it would be that good. I drank fruit punch and chicken wing with fries. I love the fruit punch, it doesn't really have sooooooo much fruit but its still good. I love the chicken wings, thats because they have honey in it. The fries is good too. I just love this restaurant. If you want to eat something really good, try this restaurant

愛据扒的我，星期日去咗荃灣莎樂美的老字號扒房同屋企人撐枱腳！十幾年都冇變過嘅裝修，甚至啲扒，黑椒汁嘅味道都冇變過，好重感情！我叫咗個黑椒牛柳 $105 羅宋湯，超正，最鍾意佢入面有牛肉！黑椒汁，聽聞係震店之寶，讚！牛扒應該入過水，但都算有牛肉味。配菜，一般般啦，吸引少少就係個蕃茄，煎扒茄，唔係間間都有。另外，屋企人叫咗個鐵板美國肉眼扒 $99酥皮龍蝦湯，好夠熱，啲湯其實同羅宋湯一樣。洋蔥汁，真係有洋蔥，有洋蔥味。牛扒一樣係醃過，哩扒就覺得太諗了。可能係我個人比較鍾意冇醃過嘅牛扒，但以$100嚟講，係合格以上，唯一係環境，不竟係十幾年冇裝修，坐位唔係舒服，係食感覺，懷舊嘅餐廳。之前見人哋用莎樂美同樓上嘅扒王之王比較過，我個人就鍾意扒王之王，起碼坐得舒服啲，据完個扒都可以坐多陣傾吓計。以同級扒來說，扒王嘅扒冇醃得噤厲害。最後一句，荃灣据扒嘅地方真係唔多，唔係食麵就係茶餐廳或者日式餐廳，希望据扒嘅西餐廳繼續努力，俾多啲選擇我嘅食家！

朋友想鋸扒就帶左我去莎樂美初時佢話入面黑麻麻我仲諗一定係d鋪仔細細裝修簡單ge普通餐廳但去到又唔係咁wo外表就真係似舊式餐廳但入去裝修唔錯仲唔洗等一入就有卡位坐佢本來建議我食set d or e因為個份量會好多但我又唔係好肚餓就無理會佢個建議食左個set b有紅白湯紅係羅宋白係周打魚我地都飲白湯湯面有一塊2.5 x 2.5 cm ge梳打餅入面d料都唔小個碗湯亦唔細仲加埋餐包飲完都半飽不過個餐包唔好食...set b份量其實一d都唔小一黎到我就覺得大件事因為我覺得我根本無可能食得曬兩隻青口加兩塊豬扒d野多到傻係個鐵板上面根本搵唔到位鋸d野堆到滿曬個底又有薯條味道唔錯不過洋蔥汁呢就....好似唔係好名濃郁law無咩洋蔥味食完青口我食多一塊豬扒已經飽另外個塊我比左個fd食因為佢件牛扒有半塊生到仲流得出血汁...但味道聽聞都唔錯好可惜熱朱古力要+8蚊先有所以叫左華田同出面茶餐廳一樣...(都好難有分別咪又係華田粉沖)收野好快手d野未食完已經比人眼望望一食完就立即收不過收曬野唔記得比雪糕我地要我地問佢先上朱古力雪糕幾滑入面有一粒粒ge朱古力味道唔錯不過個雪糕球得乒乓波咁大到兩啖就食得完所以食飽

一直同男朋友都好想試依間餐廳.......直到今日終於都去左試喇.......又唔錯 wor"入到去等都唔洗等,,,,,,就有位喇......仲係卡位.....唔錯唔錯*我要左: 串燒大蝦拼什扒男朋友要左: 帶子拼雞扒個餐一黎到......我地兩個都 o 左咀"$46 一個 set lunch,,,,,,,竟然勁大份囉.......我地兩個都食唔晒凍飲唔洗加 $$......不過好細杯......甜品係朱古力雪糕.......好好食,,,,,夠凍餐廳既侍應既服務都唔錯架......一上左餐就會好主動咁黎問你飲咩餐飲.......當你食到咁上下.......亦會主動上埋甜品俾你" GOOD AR

19:30到達. 晚飯時間, 等咗15 mins. ok 啦 !一入去, 原來要係樓梯內等. 可能大部份人都係點 "鐵板". 所以都幾多油煙 ! (咪當食韓燒) 哇, 鐵板餐的份量都幾大. 我見坐後面個3位人兄 (兩男1女) 都只係叫咗兩份鐵板 share 來食首先, 羅宋餐湯幾好. 多料. 但d 肉好硬. 大部份鐵板都要差不多 $100. 份量都幾多,仲有飯或意粉 . ( 比起大 x 樂就真係可以一開二)不過如要轉 "黑椒汁" 竟要加 $3.00 (有點小家了). 要讚係 "涷飲" 不用加錢 ! 仲有佢地的雪糕 (甜品) 又真係幾好味. 有朱古力碎在內. 唔知係物牌子呢 ?

雖然渡過左咁多個聖誕節, 但卻沒有去食過聖誕大餐, 嗯...可能覺得為左呢日去食個比平日多出一倍或者二三倍價錢的所謂聖誕大餐不值得.今天就是聖誕節, 但我們兩個到左食飯時間都不肚餓, 而且我們根本無諗住要同人去逼食聖誕大餐, 但夜晚十一點幾時, 肚餓於是出去搵野食, 經過我們呢排食過幾次的呢間餐廳, 見到門口好大個海報寫住:聖誕大餐, 我停下腳步, 見到價錢不太貴, 但又怕巳咁夜餐廳巳收, 此時, 身邊的他巳推開門問是否還做生意, 近門口的一個睇似老細的伯伯即時招呼我們入內.今日的聖誕大餐有: 頭盤:美國煙火雞伴挪威煙三文魚鮮果沙律, 酥皮焗邁亞美海鮮忌廉湯跟蒜茸包, 主菜是北海道鴛鴦帆立貝伴萊斯卡肉眼牛扒, 我們要求牛扒轉豬扒都無問題, 另外甜品有彩虹新地, 另有一杯紅酒及餐飲.當時餐廳祇剩下一枱客, 等左一陣就有新鮮焗好的酥皮湯, 酥皮好鬆化好香, 我鍾意按落去浸一浸湯飲, 呢個湯入面好足料, 一d都無欺塲, 而且味道幾好, 蒜茸包亦是新鮮整好, 食落口脆卜卜, 而且好香蒜茸味.飲完個湯巳有少少飽, 但見到一大碟新鮮生果所做的沙律, 我又怎受得住誘惑? 兩大片煙三文魚令我胃口大開,

依間食店之前都有幫襯~不過對上一次已經差不多2年lu..因為上次水準跌晒~所以一直都無想再去今次再去~唔知係咪轉左廚師~食物水準略為回升~但味精都幾重食完好快口渴~依日一人一個lunch set餐包 - 餐包依舊大大個~暖暖上檯..入口軟軟的周打魚湯 - 個湯好軟滑有奶香~材料同樣足干炒越南扎肉烏冬 - 色濃味夠唔會太鹹~份量剛好..而且唔太油膩感鮮椰菜花焗日皇豬扒飯 - 好足量~豬扒夠鬆軟~但飯底唔夠乾身熱奶茶 - 奶味比茶味重凍檸茶 - 茶底好靚..唔澀口最後一個餐踉上甜品(更多相片 - http://hk.myblog.yahoo.com/yanomi_chung/article?mid=75773)

我地一行二人去到莎樂美餐廳-荃灣大蝦雜扒餐, 有大蝦墊底,仲有好多蝦膏, 但係豬扒雞扒就一般!焗日式醬豬扒飯, 醬汁一般, 唔太配合, 整體普通!最後再嚟朱古力雪糕, 內有碎朱古力, 好得好正, 有驚喜!

我地一行二人去到莎樂美餐廳-荃灣干炒豬扒意, 豬扒真好香幾軟, 意粉剛好, 平靚正!焗咖哩牛腩飯, 啲牛腩超軟, 好香, 好正, 好得!凍檸茶, 茶味夠濃, OK! 紅豆冰,一般啦!TOTAL 兩個下午茶, 超平好抵食呀, 可再試!