莆田 (利舞臺廣場)

营业中

休息中

之前喺尖沙咀食過都唔錯﹐所以父親節飯就提早兩日食﹐到銅鑼灣店用餐﹐book位時並無提及到任何還枱時間。當日下午亦收到電話﹐re-confirm booking﹐忽然間提及用餐1.5小時。無所謂﹐又唔係食法國餐﹐加上都知星期五炒場﹐要還枱都好正常。到當晚7:00﹐侍應阿姐用手機落order﹐唔知係老花定唔識用﹐已經花上10分鐘以上﹐中途係不停重覆所點嘅菜式。及後亦加過一次單 (兩碟餸)﹐第二碟餸放上枱無耐大概8:00﹐企門口嘅樓面行埋嚟叫我哋埋單﹐話已經夠鐘交枱。我真係唔識計﹐7:00到8:00點都無1.5小時吧﹖貴公司同事落單都用咗客10分鐘﹐即係用餐時間50分鐘﹖之後樓面繼續想同我哋嘈﹐話1.5小時唔係咁計。咁做咩要打嚟re-confirm booking呢﹖7:00留枱﹐食1.5小時﹐小學生都識計﹐唔好同我玩語言偽術啦﹗服務同衛生無得揀無星﹐係一粒星都無呀﹗如果各位想貼錢買難受﹐莆田銅鑼灣店一定可以幫到你﹗

今晚同男朋友食飯，覺得有少少唔係好舒服，想食清啲，男朋友就話去食莆田😊入到去先知佢做緊蟶子推介，有好多有蟶子嘅菜，叫咗封面嘅鐵板鹽焗聖子一碟都有成十幾隻，每隻都好肥美，味道鮮甜😋😋之後就叫咗一個四小拼，因為得兩個人但也想嘗試多啲野，特別推介九轉小腸，口感好好又唔會有怪味之後就叫咗個紫菜扁肉湯，相係一位嘅份量，但入面都有好多粒扁肉，我自己本身好鍾意飲紫菜湯，因為清清地又易入口😋😋芋香棒棒，芋頭味好重好香，炸到外脆內軟，好好食，不過呢個都幾飽😂最後叫咗個漁民紫菜炆飯，濕濕地加埋啲紫菜，就咁食已經幾好食👍

Come again@莆田 網址: 地址: 銅鑼灣波斯富街99號利舞臺廣場7樓A舖 電話: 21118080 福建菜在香港地唔多地方有，第一次食莆田是因為家附近商場開了一間，但結業了，今次出銅鑼灣分店回味一下小食前菜要了肉湯，酸酸的,豬肉小雲吞，個皮好qq彈牙，夏天飲好開胃海鮮類以有殻貝類$198 蟶子兩吃（有成8款唔同，任選兩種），要了炒蛋同叄芭爆，前者啖啖肉同有蛋食到，另外就是馬來西亞/Singapore 風味，個醬微辣好惹味濃郁加九菜，蟶子肉彈牙夠鮮，有碗白飯就正啦。主食紫菜燜飯，大大碟似中式risotto，做紫菜湯仲好鮮甜加埋完美又飽芋香棒，好反炒又粉，加了肉炸香口

去一間餐廳食嘢 其實都冇乜期望 一般很少失望 正如坐的士司機正正常常都覺得係bonus一早訂咗今晚7點 （打去訂位）今日下午收到電話再一次確認今晚7點用餐1.5小時我哋一行6人7點開始落單。侍應定阿姐用佢部手機落極都錯，要我睇兩次都冇問題⋯⋯因我都驚佢落錯。我幫佢睇仲要話我delete咗佢兩樣 「唉唉唉...你搞到冇咗兩樣嘅！」怪我搞到佢要落過？ 其實我用手指拉/掃番上去就出現番。唔通我係你個女？真係R晒頭。中途已問佢不如你手寫啦。唔識寫字定唔識字定唔識啲餸名定唔識睇圖定唔識用智能手機定唔識廣東話- 我諗以上皆是。嘢食嚟到是但求其放上枱邊隊埋嚟或放餐牌上又差啲跌。食咗50分鐘（7:08先落完單，幾分鐘後已上菜 但最後碟蝦7:55先到，8:00撘正）另一女侍應定部長埋嚟叫/催交枱 「出面啲客到咗幫你埋咗長單8點交枱」我回「食個半鐘嘅係咪？7點食到8:30」 佢話「我哋只有6:30-8:00，冇話食7點嘅」。咁其實你唔一早拒絕我booking？ 又唔一早講要8點交枱？入坐時都話食個半鐘。餐飯有一兩味唔錯。最貴嘅一碟餸 xx蝦只得火藥味同罄咗。若果想食埋啲正宗同香嘅味道 覺得笨笨好親切。大推

今天有老朋友從深圳過來香港購物，所以約在了銅鑼灣這邊吃飯，以方便吃飽了可以瘋狂的去購物！在時代廣場這邊逛了一圈，再過去利舞臺逛了一下，發現莆田的廣告牌打很大，最近主推菜是蟶子！所以打算請朋友試試這個米芝蓮一星推介「小肠卷」：我對這個菜品的喜愛程度是每次必叫，小腸一層套一層，相當多的功夫，然後鹵得也相當入味，吃起來的口感是爽脆，很特別，雖然是小腸但完全不會有異味！以前有吃過別家的小腸，完全是苦的，完全不在一個級別上，所以這個超級推薦「猪手」:先把豬手鹵入味，再把外皮炸到酥脆，但是吃起來一點也不肥腻，因為外皮已經是酥脆了，但內里軟糯，真是讓人欲罷不能！冰鎮酒糟蟶子：這個絕對是夏天必叫菜式，因為冰鎮之後的蟶子吃起來很清爽，而且蟶子夠肥大，鮮甜無比，還有淡淡的酒味。興化炒米粉：這個炒米粉跟香港平時吃的炒米粉完全不同，真的很幼很細，但是竟然炒得一點也不糊，配上他家的辣醬，真的好美味！知道還可以外賣辣醬，所以特地買了一瓶回家！😋鹹香黃花魚：這個跟百秒黃花魚口感完全不同，這個鹹香黃花魚是集鹹，香，酥，脆為一體，感覺就是一個零食，哈哈，好香好味！鐵板鹽焗蟶子：這個相比起冰鎮那個口感紮實一點，配料也簡單

莆田係香港少有嘅福建菜餐廳，佢已經連續四年獲得米芝蓮推介。呢次我試咗佢比較有代表性嘅五道菜，分別係精美四小拼、紫菜扁肉湯、興化炒米粉、鐵板鹽焗蟶子、參巴爆蟶肉。精美四小拼分別係蝦苗嫩紫菜、滷水嫩豆腐、水晶豬蹄凍、九轉粉腸。當中我最鐘意嘅係蝦苗嫩紫菜。頭水紫菜細嫩口感佳，配上香甜醬汁，清新開胃👍🏻。扁肉燕係福州名菜，用豬肉同澱粉等材料手工打制。扁肉皮有好香嘅肉味，加上紫菜同芫荽，成個湯好清甜😻。興化米粉比一般米粉幼身，配上各類海鮮，炒得乾身之餘亦唔會油膩🤤。鐵板鹽焗蟶子、參巴爆蟶肉各有特式。鐵板鹽焗蟶子最食得出蟶子嘅鮮甜，而參巴爆蟶肉則充滿南洋風味。兩樣都值得一試。男朋友就偏好鐵板鹽焗蟶子，貪佢焗完唔縮水之餘，海鹽帶出咗蟶子嘅鮮味🤭。整體嚟講各樣菜式各有風味，而最抵食嘅一定係又大隻又鮮甜嘅蟶子👍🏻👍🏻👍🏻。

今日約了好友到銅鑼灣莆田食飯。好彩有訂枱，餐廳已經坐滿人，食慣廣東菜，想食福建菜，咁應該要來莆田，莆田出名食蟶子，打開餐牌，原來蟶子有8種煮法，有蒜蓉蒸，酒槽，盐焗，花雕，炒疍，燉湯，薑蔥炒仲有爆炒。餐廳坐得舒服，檯與檯之間留有空間，仲有卡位坐，照光明亮，裝潢時尚。芋香棒-4件芋頭炸好香，外層好脆，芋頭好香好，食唔停。仲叫埋福建肉粽。冰爽酒糟蟶子今次食蒜蓉同酒槽煮蟶子，天氣好熱，胃口麻麻地，食冰爽酒糟蟶子，蟶子大大隻仲好飽滿而且多汁，味道鮮甜，而且仲有好香嘅酒香味。福建肉粽，肉粽一定要加上辣媽辣椒醬，它可以帶出肉粽另外一種層次的味道，辣椒酱帶點酸辣味道，肉粽里面有蛋黃、豚肉、臘腸、蓮子、同糯米，帶有種荷葉香味。精美四小拼（有九轉小腸、紫菜、面筋、肴肉)小腸一點唔肥膩而且好爽口，肴肉味道唔錯，紫菜仲有蝦米仔同埋面筋。蒜蓉蒸蟶子另一種食法，蟶子肉質好爽口多汁，配上蒜蓉蒸，又熱又香蒜蓉令蟶子味道清甜。

端午節前夕，和同事一齊出來「做節」，揀咗莆田。作為一間嚟自星加坡嘅米芝蓮一星餐廳，我一直覺得莆田嘅餸菜好有特色亦好味，所以今日又來食好嘢啦！一坐低未叫嘢食已經送上酸酸味味的開胃小食，連啲茶都好飲過人，但我唔知呢個係乜嘢茶。叫咗呢度幾個馳名小菜，包括「福建三寶」：莆田扁肉湯、百秒黃花魚、莆田滷麵。扁肉湯($22/位)好好味，有好多小餃子，個餡有菜有肉，睇咗啲介紹先知，原來個皮係用肉來做嘅，經過12,000次嘅槌揼而變成「餃子皮」，所以食落好有口感，真係估佢唔到！一鍋湯四個人飲都有好多碗。黃花魚($78)就好大條，佢話用100秒就蒸熟一條魚，所以一啲都唔會過火，魚肉好嫩滑，亦有魚味。另外個莆田滷麵($88)係同事推介，佢寫住有12種食材，湯濃料足，確實又幾好味，個湯少少傑身，有蝦、蜆、菇、菜、肉碎等等嘅餸，而且份量不少。另外試咗兩個前菜：滷水嫩豆腐（$52）、蝦苗伴紫菜（$55），嫩豆腐有啲醬香味，豆腐煮淋但唔會爛！蝦苗伴紫菜好特別，啲紫菜好似有少少醋味，好開胃。仲有一個芋香棒棒，超濃郁嘅芋頭味，外層炸而不油，外脆內軟。剛好呢期又做緊蟶子promotion，所以亦叫咗一個蒜蓉蒸蟶子($10

最近屋企附近開咗間莆田，一直都好想去試但可惜要返工冇時間😣😣最近推出咗個蟶子特色系列😍😍😍即刻拉埋男朋友一齊去😍😍聖子食法有八種煮法，同男朋友叫咗個鐵板鹽焗聖子😍😍紅菇鮮蟶湯🙆🏻😍當然唔少得開胃菜😬😬就叫咗個精美四小拼，估唔到連小食拼盤份量都10分多😯😯，當中豬腸更加爽口彈牙😋😋😋，紫菜份量同樣都多😍😍清洗過程好乾淨完全冇沙🙆🏻🙆🏻之後同男朋友每人叫咗個福建特色紫菜扁肉湯，😋😋係福建當地特色菜，飲完成個人好暖和，而且湯底都冇味精👏🏻👏🏻👏🏻之後到鹽焗聖子😍😍，用鹽消去煮焗，感覺好特別，而且連個殼都好脆，但同時間聖子口感都保持到彈牙👏🏻👏🏻👏🏻之後去到聖子湯上枱，無論聖子甚至配菜都10分足料👍🏻👍🏻，聖子配埋紅菇做湯底更加不在話下，十分滋補😍😍😍再同男朋友叫咗個興化炒米粉，😬😬米粉口感唔同平時喺香港食到嘅冇咁一樣，麵質比較幼身，同樣地配菜10分足👍🏻👍🏻👍🏻埋單計落$600有找😎但食到滿載而歸😎😎，而且淨係$200就可以食到兩款特色聖子菜式😍😍，鍾意食海鮮嘅都不妨可以去試吓👍🏻👍🏻

叫左四樣野，最滿意係$22嗰碗湯。紫菜配淡淡芫茜味，正。見食評咁多人介紹蟶子咪試下，叫左蟶子炒蛋同薑蔥炒蟶子。蟶子唔算細隻，但味道一般之餘最大問題係蟶子好多沙，咁都比得啲客食？係lunch先中伏定係我地咁唔好彩食中全部有沙嘅蟶子？真係超失望個炒米粉冇乜味又冇乜料(除左好多小棠菜片），仲乾爭爭，好在有碗湯飲下。以為叫推薦冇死，點知⋯星期六lunch, 2人共四舊水食環境。服務係唔錯，坐得舒服，但唔會再黎。唔怪之得冇full house

🔎銅鑼灣波斯富街99號利舞臺廣場7樓A舖 *「午餐好選擇，二人夠哂飽」- 莆田.精美四小拼同親屋企人嚟都會想食呢個，因為有4個款，一家人食咩都可以試下。蝦苗拌頭水紫菜，頭水紫菜可以話係紫菜界嘅米芝蓮咁又點可以唔試。豬蹄凍勁重骨膠原，九轉小腸好彈牙，仲有滷水豆腐，好滿足。紫菜扁肉湯好厚實嘅扁肉，而且數量都幾多，加埋d紫菜啖啖口感，好惹味。蒜蓉蒸蟶子呢度嘅海鮮最出名一定係蟶子。而且用咗唔小蒜蓉蒸勁好味!!!如果大家都鍾興意食海鮮勿錯過。芋香棒芋香味重，但可能表皮炸得太勁，所以覺得食到炸個層衣多過芋頭。但整體好夠脆。興化炒米粉如果平日都鍾意食幼身米粉，呢個米粉就一定唔可以錯過。加埋佢哋特製嘅辣，真心係好味。🍽7.5/10

莆田每隔一段時間就會轉換新餐牌，今期新餐牌的主角是蟶子。精美四小拼九轉小腸——新鮮豬腸，由傳統「九摺式」穿套滷製而成，味道香醇、爽口彈牙，非常乾淨，非常入味。蝦苗拌頭水紫菜紫菜配上獨特清甜的小蝦米和香醋，爽口開胃。水晶豬蹄凍晶瑩剔透，口感香辣 Q 滑彈牙！參巴爆蟶肉東南亞傳統風味，參芭醬汁炒蟶肉。惹味開胃。蟶子隻隻飽滿非常，極奇滿足。薑蔥爆蟶子。紫菜燘飯口味清淡，帶出蠔豉香氣，如加上辣媽醬，更加惹味可口。

与朋友相约铜锣湾午餐，想揾个较静地方，倾吓偈午餐吓，选咗闽菜餐館，中午时段有3款二人餐，清淡濃郁各取所需，主食、甜品亦有三款选择，午餐套餐安排挺贴心，$198连茶芥全包，于铜锣湾区米芝莲一星，实屬抵吃之选👍各款小吃、主食及甜品均有一定水準，可以可以😋朋友为福建人，评论口味未夠正宗，但配合香港人口味，水準亦不错的😊下次有机会再试，必首选当店名菜，8款做法的聖子😋😋服务员雖为外省人，但亲切有礼👍👍

陪S到Sogo"感謝節"血拼一番，啱啱又到dinner time, 我諗起莆田，這間獲米芝蓮連續四年推薦的福建菜飯店，之前已食過數次，我認為是不可錯過的，最重要的是價錢非常實惠，真係又好食，又抵食6:30分已坐滿食客，所以記得訂位呀!起源自新加坡的福建菜館，在新加坡連續三年獲得米芝蓮一星，勁呀剛剛遇上了哆頭蟶節，4月至8月份哆頭蟶當造，我又怎能錯過如此美食冰爽酒糟蟶子$99~哆頭蟶隻隻都好肥美，好喜歡酒糟的香味，吸滿了酒糟的蟶子放在嘴一咬爆汁，甚是冰涼清爽，好正紫菜扁肉湯$22/位~扁肉的皮是以新鮮豬腿肉反復敲打12000次，再撒上蕃薯粉，再經一個半小時手工擀製而成，所以口感鮮美，彈牙，皮薄餡靚，一啖一口，完全没有腻的感覺，配上紫菜和芫茜，湯的味道帶微酸，非常開胃可口哆頭蟶炒蛋$109~肥美鮮甜的蟶子和蛋味甚濃的炒蛋非常配合，真係每一口蛋裏都食到原隻蟶子，份量好多，非常美味精美四小拼$129蝦苗拌頭水紫菜~一年只採一次，被譽為"紫菜中的黄金",為前菜銷量冠軍，紫菜黑中帶光澤，口感煙靱彈牙，加了醋調味酸酸的，有益又開胃水晶豬蹄凍~豬蹄肉造成果凍模樣，又冰凉又有咬口，好味滷水嫩豆腐~豆

呢間莆田其實開咗一段時間，分店都唔少，見丁佢個蟶霸廣告好似好吸引咁，就去佢嘅銅鑼灣分店試下先黎一個豐富嘅前菜四小拼有紫菜、麵筋、大腸同肴肉。每一樣小菜都好入味好開胃，我最中意係肴肉，肉味香濃，口感豐富。紫菜酸酸甜甜都幾開胃架！福建三寶之一：莆田扁肉湯呢個湯我個人幾中意，清清地又帶點咸香，入面有紫菜同肉餃，d餃食落有d魚皮餃味，大小一口剛好必食莆田10醉之一：興化炒米粉炒米粉炒得乾身，配料又夠多，味道唔會太咸，份量仲好多呢！蟶霸 一個價錢 兩種食法主角黎啦！！呢到嘅蟶子size比較小，但蟶肉漲卜卜好肥美架！鐵板鹽焗蟶子呢個係Number 1最熱門嘅，賣相都好吸引，蟶子整整齊齊咁排係粗鹽上面。雖然見到一堆鹽，但其實唔會好咸，唔會有好多鹽沾上蟶肉，但微微嘅咸香令鮮味更出，加上唔會焗得過火，仲保存到少少汁，食落更甜。叄芭爆蟶肉中意食小炒皇嘅朋友一定中意呢個，微微辣配酒一流。