莆田 (利舞臺廣場)

营业中

休息中

呢間莆田其實開咗一段時間，分店都唔少，見丁佢個蟶霸廣告好似好吸引咁，就去佢嘅銅鑼灣分店試下先黎一個豐富嘅前菜四小拼有紫菜、麵筋、大腸同肴肉。每一樣小菜都好入味好開胃，我最中意係肴肉，肉味香濃，口感豐富。紫菜酸酸甜甜都幾開胃架！福建三寶之一：莆田扁肉湯呢個湯我個人幾中意，清清地又帶點咸香，入面有紫菜同肉餃，d餃食落有d魚皮餃味，大小一口剛好必食莆田10醉之一：興化炒米粉炒米粉炒得乾身，配料又夠多，味道唔會太咸，份量仲好多呢！蟶霸 一個價錢 兩種食法主角黎啦！！呢到嘅蟶子size比較小，但蟶肉漲卜卜好肥美架！鐵板鹽焗蟶子呢個係Number 1最熱門嘅，賣相都好吸引，蟶子整整齊齊咁排係粗鹽上面。雖然見到一堆鹽，但其實唔會好咸，唔會有好多鹽沾上蟶肉，但微微嘅咸香令鮮味更出，加上唔會焗得過火，仲保存到少少汁，食落更甜。叄芭爆蟶肉中意食小炒皇嘅朋友一定中意呢個，微微辣配酒一流。