莆田 (形點 I)

营业中

休息中

炎炎夏日, 不想煮飯, 也不想行出街吃飯, 整天在商場逗留, 行行逛逛。莆田一向受歡迎, 所以今晚提早拎位, 再行一圈回來, 也很快就大位了。前菜有個醃酸瓜, 酸酸甜甜的很易入口。興化炒米粉: 米粉是十分幼身那種, 有點像台灣的炒米粉, 米粉和材料的比例大約各佔一半, 很豐富的感覺, 蝦隻鮮度也不錯。莆田扁肉湯: 喜歡這個扁肉湯, 湯的味道剛好, 不會太重口味, 有少少醋酸香, 加上一口一隻雲吞, 美味。冰爽酒糟蟶子: 門口見到餐廳推介的蟶子, 一向喜歡海鮮的我, 選擇一次過叫兩款, 一冷一熱。冷的是酒糟蟶子, 有酒香, 蟶子新鮮肉厚, 令人吃完一隻再吃一隻。鹽焗蟶子: 熱的是鹽焗蟶子, 最初一兩隻有燙口的感覺, 吃到最後也是暖, 熱的蟶子無損它的鮮味, 咸香味道同樣出色。打和super!~冰鎮苦瓜: 朋友喜愛美的東西, 對這個菜式很欣賞, 因為砌出了花樣圖案, 苦瓜是刨出來的很薄, 口感爽脆, 味道有點苦, 如果可以苦味輕少少就更好。雖然知道苦口良藥(有益)。

今晚又黎到元朗Yoho mall 嘅莆田食飯啦，自從上次食完佢嘅哆頭蟶之後，就念念不忘啦😆平日夜晚黎到冇咁多人，等左一陣就有位了～等位期間又試飲佢擺係門口嘅薑茶暖暖胃先，真係好夠辣！鹽焗哆頭蟶，唔好以為會好鹹，因為蟶子肉係殻入面，唔會掂到鹽架，咁樣焗仲鮮味十足添，睇下啲煙幾勁，熱辣辣架！另一味係蒜蓉蒸蟶子，蒜蓉夠多夠惹味！同樣又點左呢味冰浸苦瓜，其他食肆好少見到有，而且又夠健康，點住蜜糖食唔會好苦架咋！莆田扁肉湯，好多粒細細粒一口份量嘅餃子，配埋紫菜湯，味道濃郁！莆田荔枝肉，即係咕嚕肉，真係有荔枝肉架，酸味味，好開胃！最後呢味興化炒米粉，好多材料呀，又有蝦，豬肉，花生，芹菜，紫菜⋯點埋枱面上嘅酸辣醬好食好多架！離開嘅時候見到有一兜薄荷糖免費享用，用黎解一解飯氣也不錯呢！

餐廳最近推出莆田海蠣節活動，有多款以新鮮海蠣作食材的特別菜式。 冰浸苦瓜冰鎮切成薄片的苦瓜，苦瓜處理恰當，所以入口味甘微苦，清新爽脆。 馬來風光鑊氣十足，油而不膩，賣相亮麗，味道咸鮮香辣俱全。 九層塔香燜海蠣🤤用上褔建出產的新鮮海蠣，比較鮮甜味厚，入口醬香馥郁，味道滲透海蠣，而海蠣味道鮮美，吃來有齒頰留香之妙。 興化炒米粉一看見米粉是用上褔建特有的幼身米粉，炒得乾而不硬，反而有軟綿彈牙的口感，絲毫不油膩，細嚼下更能品出米香，與清蔬及海鮮的滋味相配，令人有意外驚喜。🤩最後叫咗一個清炒時蔬（通菜）作結尾😬😬通菜青嫩入味，正😀

Family day，雖然得小弟同阿妹，不過都可以食餐好ge，所以今次就試一試一直以黎以為係日本菜ge中菜廳，莆田！冰鎮蜜糖涼瓜第一次咁食，外型都好靚仔！D涼瓜切到好薄，亦好夠苦味！加埋D蜜糖好食！興化炒米粉呢個激好食！髮絲米粉炒得岩岩好，唔太乾身，又有海鮮又有肉！呢個高質扁肉湯呢個就中規中距！無咩特別，不過D料都幾多！不過味道偏向酸酸地，食得都唔太慣。荔枝肉呢個咕嚕肉好食！酸甜岩岩好，份量又夠多！肉ge大小岩岩好，一啖食哂！參巴爆蟶子全場最好食呢個！超惹味！蟶子夠肥夠入味，蒜苗又夠甜！撈飯一流！蒜蓉蒸蟶子份量好多，好扺食！蟶子都係好肥，一D沙都無！美中不足係油幾多下，蒜味唔夠同無粉絲墊底。如加埋粉絲，不得了！野食質素幾高，唯獨擺盤差左少少，不過以咁ge價錢同質素，已經無乜野可以挑剔。

家人經過莆田，見到蟶子正做推廣，只需$198就可從8款食法中挑選2 款，如此吸引，就進去用膳. 店員安排我們坐舒適的半梳化位，座位很濶落. 冰浸苦瓜 ($49) 平時多數吃炒苦瓜，冰浸的甚少見到，賣相彷似一朵嫩綠花卉. 苦瓜很爽脆卻帶有苦味，幸好配上蜜糖就好吃得多了!莆田荔枝肉 ($89) 無骨的咕嚕肉酸酸甜甜，再配上甜到漏的荔枝肉，夏天吃感到相當開胃呢~哆頭蟶炒蛋 ($198/ 2款) 即叫即炒的蟶子炒蛋，蟶子肉爽滑配上香口惹味炒蛋，鮮味十足~叁芭爆蟶肉 ($198/ 2款) 用上辣辣的叁芭醬汁爆炒的韮菜蟶子，惹味非常，用來配炒米粉吃實在一流!興化炒米粉 ($86) 幼身的米粉炒得夠乾身，配有爽口蝦肉、蜆肉、紫菜及花生等，清淡又好吃~環境舒適、食物水準中上，再加上服務也好，難怪取得米芝蓮一星的美譽!!元朗元龍街9號形點一期2樓2040號舖31884850

莆田都食過好幾間，上個月先同屋企人係將軍澳個邊食，今日黎到YoHo, 之前又無食過依間分店，於是就黎試試。坐低睇睇餐牌，見到有唔少關於蟶子既餐牌，清明節前後都係蟶子既最好既季節，既然系咁就梗係要食應節季食物！😇而且我同男朋友都鍾意食海鮮，之前只係食過蒜蓉煮蟶子！首先叫左個一品醉蚶做前菜，每一雙蚶都好多蒜蓉，好香，同埋有小小醋同酒，酸酸地，蚶肉夠爽，做前菜一流，好開胃！😍鐵板鹽焗蟶子睇落去其貌不揚💩但每一隻都好鮮甜，只係用鹽焗做法好簡單，但係咁樣反而帶出食材既新鮮！參芭爆蟶肉我既習慣一餐飯都係要有D蔬菜既，咁樣炒既蟶子有D 似尤魚咁，但不失其鮮味。家鄉燜豆付男朋友鍾意食豆付，我就比較一般，所以依樣系佢食得多啲。漁民紫菜燜飯最後食飯個飯夠飽肚，煮到好乾身，好味，兩個人都食得哂成碗。下次應該會再黎🤔

本身就是蟶子怪，見到出了這個蟶子推廣，就特意過來品嚐福建菜。 冰浸苦瓜：苦瓜只有2 mm薄，吃下去有點像水果入口有清甜感覺，之後再有回甘的感覺，口感清新，不會只是苦。 莆田扁肉湯：紫菜湯湯底入面加入類似魚皮餃的餃子， 飲落非常重肉味，而餃子的肉質亦很有口感。 哆頭蟶炒蛋：蟶子份量非常多，幾乎每啖都食到。蛋不會太鹹亦唔會太濃味，唔會蓋過蟶子的鮮味。 鐵板鹽焗蟶子：賣相不錯，而且上台時溫度十足。本來以為鹽焗蟶子會好像鹽焗雞咁比較咸，但實際上卻唔會太食到鹹味，而且以鹽焗方式處理更大能突出蟶子嘅鮮甜味。 莆田荔枝肉酸酸甜甜般有點像咕嚕肉，還有點荔枝慨香味，而且真的有荔枝入饌。 興化炒米粉：平凡的米粉中有很多配料。除了蝦肉和蜆肉，還有各式各樣的菇和蔬菜，食落爽口之餘亦味道又唔會太寡。

今日行過形點莆田見lunch time人流唔算好多，但明明平時見到好常有人係到等位。有新推廣餐牌蟶子節同朋友都好中意食中菜，一黎就叫左好多野，好豐富。先講前菜，冰浸苦瓜，天氣咁熱食個苦瓜消消暑，苦瓜冰涼爽脆切得好薄，長長中片咁砌成花既形狀，好睇又好食。配上蜂蜜一齊食，味道清新，怕苦既朋友都會食到。真係一款好唔錯既涼菜。扁肉湯，細細粒好似水餃咁，外皮夠滑，肉質又彈牙。個湯就有d紫菜，同好重既醋味，第一啖飲落我會覺得酸左少少，但配番個扁肉一齊食就中和番個味，即刻順口左。食下飲下湯咁，不知不覺都飲哂。黎到好令人期待既主菜。叫左叁芭爆蟶肉同鐡板鹽焗蟶子。鐵板上放左滿滿既粗鹽，蟶子有條理地咁放哂係到，焗得好香，唔會焗到蟶子肉乾哂，裏面保持肉嫩鮮甜，仲帶點鹽味。叁芭爆蟶肉蟶子肉粒粒肥美，醬料分配平均，韮菜都好入味，唔會覺得太辣。好食到停唔到口，第1碟就將佢清空。興化炒米粉，米粉同平常食開既唔同，呢款米粉比較幼細，整體炒得好乾身，但又唔會食到口都乾埋，加上配料好豐富，配菜有豬肉片、蜆肉、鮮蝦、紫菜、白菜仔。荔枝肉，味道都有d似咕嚕肉既，都係酸酸甜甜，豬肉舊舊都無骨,啖啖肉唔肥膩。整體成餐飯碟碟都好美

海產當然鮮味，亦都較難處理，因為通常有沙，而且要控制好火候！經果米之蓮 莆田 有蟶子節🤤一於試下😆地方很大，但週未6點幾已經要開始等位😅😅裝修清爽乾淨，有福建特色👍👍一坐下來已有酸酸辣辣嘅椰菜作前菜，開胃😆二話不說點了$198 蟶子二食法，抵👍👍蒜茸蒸-～鮮甜，好肥美，用上蒜泥，很配呢😋鐵板鹽焗~特別的做法，估吾到效果超正，原汁原味，脹卜卜，食到最後都無任何一粒沙😬👍👍👍👍精美四小碟～閩香洋燒排，肉質稔軟，啖啖肉😍😍酥炒芋芯，外表徴甜香脆，好綿呀🥰🥰果然沒有令我地失望，很有特色的福建菜😊

約朋友行元朗，友人建議去莆田食福建菜，話我未食過福建菜啵。福建係沿海地區，應該都是水產之類。上次友人話同佢家人食過一次，用餐區寬敞，一大班人都可以坐得好舒適。 酥炒芋芯之前完全未食過，這芋芯好特別，以為類似竽頭的感覺，它口感係外酥內糯，帶點鹹鹹甜甜的味道，做開胃小吃特別好味。 九層塔香燜海蠣依個好味！這海蠣外酥內裡多汁，因為用九層塔，入口都有九層塔香味，帶出香燜的海蠣特別香, 整體好惹味。 江口家鄉海蠣湯最初睇名以為只是蠔仔湯。這湯內有不少配料，有海蠣丶豬肉丶菇等，味道整體唔錯，湯是帶點粘稠的，唔會好似清湯咁，整體味道濃而帶海蠣既鮮美。 百秒黃花魚百秒應該沒有兩分鐘，條黃花魚用百秒時間燜煮，用家庭爐具煮一條魚最少用八分鐘，條魚煮得剛剛好, 唔會過生，不會煮得過老。雖然用簡單烹調方法，更食出黃花魚的原汁原味，魚肉勁滑嫩鮮甜，唔算多魚骨，不過都要小心食魚，我同友人都食得津津有味！ 興化米粉第一次食興化米粉，上碟睇到興化米粉特別幼身，而且唔腍身又唔會一舊舊，配料有蝦丶蜆丶豬肉丶菜等，飽肚之選。

今日去莆田食午餐係Yoho Mall商場入面裝修優雅，非常光猛😊座位都闊落舒適服務員態度都殷勤👍🏻最緊要午膳冇時間限制🤣前菜係微辣甜酸菜都幾醒胃！再嚟冰浸苦瓜，賣相非常靚😀甘、爽、脆、苦味道集於一身配埋蜜糖食我覺得係莆田比較有特色嘅小食😍荔枝肉，甜甜酸酸🤩個脆漿好薄，啖啖肉🎉扁肉湯D扁肉粒好甜配埋紫菜飲好特別😀炒米粉材料有蝦、蜆肉、腩肉、菜D米粉好幼又乾身，唔肥膩👍🏻蒜蓉蒸蟶子，好鲜甜👍一味兩餸鹽焗、爆炒、清蒸都可以百幾蚊兩餸非常抵食😊

今日同朋友入左元朗搵食，朋友話想食莆田，冇所謂啦！陪你癲下！反正尖沙咀耐唔耐我都會去！今日黎到，原來係蟶子季節喇！仲做緊特價，朋友話想試，我一於陪到底！侍應介紹呢道既蟶子有別於出面嘅蟶子，採用莆田獨有哆頭蟶，外殼是金黃色，蟶肉比較肥身，食落非常有口感🤩。侍應話原來這裡的蟶子不同的原因是哆頭蟶培養於黑泥下，含有豐富的礦物質、有機質，所以才呈現金黃色✨✨蟶子菜牌共有8款不同煮法的蟶子，由於現時正在做$198/2份的推廣，所以我選了冰爽酒糟蟶子❄️及 鐵板鹽焗蟶子🔥❄️❄️冰爽酒糟蟶子的酒糟帶有淡淡酒香🥃，酒味亦很持久，把哆頭蟶放入酒糟裡進行冰浸❄️，更加突出了蟶子的鮮，非常適合這個熱辣辣嘅夏天！🔥🔥鐵板鹽焗蟶子使用花椒點綴在海鹽之中，又帶出了淡淡的香氣，毫不花巧，正正能品嚐蟶子的原味

呢排落雨，商場就係不二之選😊係Yoho 血拼完一田，食返餐好嘅😬😬見莆田攞過米之蓮，就食你拉😃六點幾都已經full house😅好在last 一張抬俾我地入左地方挺大，座位都大，干淨！裝修有地方特色職員好有禮，介紹我地當造蟶霸，$198可以試兩種口味，8種吃法，我地揀左鹽焗同蒜茸蒸前菜，酸椰菜，開胃☺都幾辣嘩，好大碟，肥嘟嘟，超鮮甜呀🤩🤩鹽焗用鐵板處理，用上花椒，清得來又香，非常特別👍👍精美小拼，好靚呀！四種地道小食，心機菜🥰🥰興化炒米粉算是福建菜另一代表！有大蝦仁，蜆，肉絲，春菜，面頭加上炸花生同紫菜，很乾身，好㚒！😋😋配上辣媽醬，好惹味！直頭想買返去😋😋閩香洋燒排，有D似燜排骨，但較清，肉質好軟酥炒竽蕊，輕炸完加左糖槳，微甜，好粉呀，選料真系好嚴謹！😝果然係米之蓮出品，有質素，有下次👍

今日同男友去元朗行街，睇YOHO揾食，見到有米芝蓮食肆，我地大家都未試過，就決定試一試！第一次接觸福建菜，唔知道有咩出名，唯有睇Menu揀嘢食啦！叫咗個扁肉湯$22位，仲以為係中湯，點知原來係類似紫菜羹加迷你餃子，好好味！我地對菠蘿咕嚕肉有情意結，但呢度嘅咕嚕肉係加荔枝肉食，仲有個好靚嘅名叫荔枝肉＄86！其實本來我係唔太食苦瓜嘅，會叫單純比佢呢個冰鎮苦瓜$49既外貌吸引！佢切咗薄片加埋冰鎮，其實已經唔會話好苦，有d似食緊火箭菜！不過仲係怕苦既可以點蜜糖食，完全打破咗我對苦瓜既印象🤣另外店員仲推介咗聖子，推廣價$198可以任選2款，價錢實惠，我地就揀咗招牌既蒜蓉同鹽焗2款！鹽焗好特別，將聖子沾鹽食更惹味，仲有d花椒香味！蒜蓉蒸就更加凸顯到個鮮味！兩款都好食！個興化炒米粉$89同平時食既質感好唔同，勁軟綿綿，口感特別！

放假入元朗悠閑一下，午餐突然想食好野~其中一間餐廳見到好多人排隊......米芝蓮一星餐廳(莆田)福建特色食物入去試下~雖然餐廳是開放式，但環境及擺設都很舒服。「九摺式」豬腸，明顯功夫小不了，而且味道爽口彈牙，加上滷味十足。酥炸芋頭皮包住了切片鹵鴨肉，鴨肉鹵味不是太濃，仍然食到芋頭香味，配上香菇醬汁，味道很夾。自家湯底很鮮，加入海鮮做配料更鮮甜，很有傳統的美食。鐵板上放了大量粗鹽包圍蟶子焗，可以食到原本的鮮味及小小海水味。莆田的食物除了滿有傳統風味外，還看到加入很多功夫在烹調食物方面。下一次有機會會再光顧這間餐廳