荳子 (海壩街) (已結業)

想當年還沒多少間咖啡店的時候beans已經座落在荃灣食街，到今天一舖變兩舖，人氣依舊無減。我想說，gimmick不可以使人回頭光顧，要實力才可留得住客人和口碑。Beans除了有簡約舒適的裝潢外，服務和食物確是有水準的，之前一直來這裡只喝咖啡和點輕食，今天一家人再來，試一下這裡的晚餐，果然有驚喜！晚餐+20換購的海撒沙律，沙律菜，煙肉碎和麵包糠全部有齊，一人分量，水準之作！老公亦加了25換一款小食，薯仔蝦。醬料並非一般沙律醬，而是蜜糖紗律，吃到超濃郁蜜糖味。沙律菜亦混有黑醋，不是求求其菜葉兩塊。唯獨25元兩隻蝦我覺得有點小貴，不過的確是可口的。老公最愛的意大利飯，南瓜大蝦雜菌。自己在家煮過，就知意大利飯實在不容易handle，且可以做到外軟內硬的，汁creamy而不黏糊，上街之作。我因賞它沒太多多餘的調味，感覺沒那麼重口味，很有自家料理的感覺。炸軟殼蟹黑松露意粉。意粉al dante，蒜香適量不搶黑松露的風頭。炸軟殼蟹不油膩，而且出奇地啖啖肉，非常滋味。我亦很久沒吃過如此美味多肉的軟殼蟹了！餐飲有黑糖薑茶，和我加了錢換Mocha。Beans的咖啡，濃郁，有點小苦，正是咖啡應有的苦味，我自

今日放假整完頭大概都係五點，又未食得飯住，見到無人，今次終於到我試下呢間熱店！餐廳一如咖啡廳，中間有個開放式咖啡台，可看見咖啡師沖咖啡，而另一邊廂，落地大玻璃加木紋枱，坐喺度睇下書都唔錯的約左人食飯，所以就叫左兩個甜品打打底，而店家最新推出了抹茶系列的甜品，全都是用山政小圓山的綠茶粉入饌！玉露蘋果金寶 $52上面係抹茶雪糕，中間有綠茶金寶同蘋果粒！旁邊仲插住一支抹茶味的糖漿，可根據自己的口味去加，個樣都幾靚仔㗎！抹茶雪糕口感細膩，細嚐下有少量回甘，而蘋果碎粒用糖煮過，不會過甜可吃到蘋果獨有的果香，中間的抹茶金寶脆身富茶香，宜趁早吃，否則易被上層的雪糕浸淋！另外仲叫左個焙茶口味的Cream Brûlée,樣子都幾大堆頭的，燉蛋上放左紅豆蓉，Mochi 及焦糖薄脆等等！入口即嚐到濃濃的焙茶香，燉蛋質感偏向稀身帶點水感，自己幾鐘意呢個質地，但另一邊廂，因為焦糖面上放了會出水的食材如紅豆，Mochi 等，我食的時候沒有了明顯卡一聲，因為焦糖面已被浸淋左，對於一個破壞力強的孩子來說，顯然有點失望，幸好脆餅同燉蛋味道也不錯。3D 咖啡 -- Hot Hazelnut Latte,咖啡師整左個胖胖的

閒日到人龍店beams，一行四人都是首次到訪，看到隔離枱有3D咖啡拉花即刻心心眼！查看餐牌原來餐廳有提做即場拉花！我們四人各點了一杯咖啡和甜品，問店員是否有3D拉花咖啡可選？店員說每枱只能提供一杯3D拉花服務，大失所望的我們再問店員我們有四個人，可否要兩枱3D拉花？店員說因為制作需時，每枱只能做一杯。同行友人說你當我地兩枱客，分開單，可否為我們做兩杯3D？店員堅持不能！我們繼續說我們不趕時間，可以等架！而且在場客人不多，可以例外一下？店員繼續堅持不能。。。。 最後我們說算吧謝謝.... 我們點了兩杯rose latte和兩杯earl grey latte，rose latte先來，兩杯甜度不一，而且都過甜，明顯咖啡師下了過多的rose syrup，Rose syrup 的分量，一不小心放多一點，就容易令rose latte帶點藥水味。之後的earl grey latte，喝下不夠熱，只是微暖，估計是咖啡打的奶泡未夠熱就冲調咖啡，說真，這個不熱又不冷的溫度是最不能接受的。抹茶聖代賣相滿分！表面的忌廉幼滑充滿奶香，只是綠茶雪糕太甜，幸好內有啫喱和紅莓等，整體比xxx遜色。綠茶卷蛋賣相滿分！

聚會前同好友先食午餐，先去到門口排隊，人龍唔係好長，而家多了一間舖，自由選擇排左右，我哋就一左一右排兩邊，店家好窩心地放了椅子及遮陽傘，仲有餐牌，可以趁等待期間睇定食物！終於到我哋，安排我哋坐大廳中央嘅大木枱，四個人打對面，已經唸好晒食乜，好爽快落好單！店員再攞餐具同碟比我哋！忌廉汁蟹肉蟹棒件蟹籽意粉（$85）食家推介，整體非常夾！蟹肉極多！蟹籽卜卜脆，意粉有咬口！巴馬火腿火箭菜薄餅（$98）熱辣辣，份量唔大，薄餅底好脆，火腿少韌，火箭菜甘味！小食拼盤（$98）單骨雞翼有兩款，自己較喜歡蜜糖！肉醬薯條重薯味，肉醬夠多夠濃，洋蔥圈脆口！好味！早餐茶（$）主要比套茶具，上茶壺下茶杯，茶具精緻！茶夠濃夠熱！解膩一流！仲可加水！抵飲！牛奶乳酪沙冰（$37）賣相精緻，酸酸地益力多味！開胃！凱撒沙律（小）（$20）主食加錢！所以份量少！蔬菜爽脆，芝士粉好香！好味薯仔蝦（$25）蝦爽口，薯仔絲脆口！沙律醬先係焦點！好味！Discovery（$128）甜品大雜燴，季節限定，攞出來時冒晒煙好吸睛！大雜燴！乜都有！在香滑朱古力布甸上放滿各款甜品！雪榚筒、心太軟、冬甩、不過食飽再叫呢個就太多太甜了！榛子咖啡

見到呢間係荃灣都幾出名 仲係要排隊先可以去食 咁就一齊去試下啦 我點左一個蟹籽蟹柳忌廉磨菇意粉 蟹籽鮮味 蟹柳普通 個汁係忌廉但唔係太濃果隻 意粉比較硬身果隻黎既 食落不錯 不過份量適合女仔食量 環境都幾好 有外國feel...只可惜外面係馬路 排隊時會有大量廢氣 同埋坐位唔算多 有機會會坐沙發 沙發坐得會辛苦少少

第二次來到還是選擇了新店，貪其木色質裝潢較光猛簡約，有型有格。今次坐吧枱，呆望著人來人往的馬路也挺特別的。黑松露卡邦尼煙肉意大利粉 $88意粉煙韌有咬口，都掛上了香滑蛋汁，滲出黑松露香，只是略縑醬汁不夠香濃。附送的熱柑桔檸檬，味道酸酸甜甜，相當開胃及潤喉。香蒜蘑茹蝦意大利粉 $98小蝦份量足約有十隻，富彈性但冇味，意粉只有淡淡的蒜香味，個人認為可再濃味點。飯後放棄了一直想試的綠茶甜品，因為再次遇上冷氣不足的問題，感覺很焗促。店員解釋頭上的冷氣機滴水而不能開 (灰) 早前於九月惠顧時也發生過同樣的事情，那次用餐期間都開了手提風扇乘涼，當時正值打風前的悶熱天氣，冷氣機不夠凍。希望只是個別事件，要不很影響食慾呢

難得既平日唔使返工！要食返個All day breakfast, 悠悠閒閒咁，影張相比朋友睇，等佢地葡萄下☺️☺️有煙三文魚，腸，炒蛋，什菇，番茄，茄汁豆，窩夫！不得不提窩夫，咪睇佢咁樣，原來好鬼好味！！入面好鬆軟，甜甜地，再飽都要食埋佢呀😍😍😍仲有杯蜂蜜檸檬，酸酸甜甜，好開胃！

朋友早有準備…今日終於有機會拜訪呢間豆子…好好彩十二點幾黎到唔駛等位…但地方就比較淺窄…肥d都幾難埋到位…呢頭落order...果頭好快就上菜…首先係飲品…上枱時有好多泡泡架…但慢慢就散左…朋友話呢杯梳打苦了一點…好齋啡感覺…之後就係呢個湯茶壺…算有d心思…龍蝦味出眾…仲好抵飲…讚！！薯仔整成薯絲炸皮…好脆……一口都可以成哂一粒…意大利飯較腍身多汁…南瓜味重…菇多蝦多…好好味…等候多時既3d latte終於到場…餐牌指明係latte先有3d拉花…可惜無得自選公仔…侍應話係隨機而做…latte奶味好夠…好啱我飲…一個pizza切開4件...每件都有帆立貝蟹子蟹肉…芝士同沙律醬都好均勻…幾好味…最後仲order左甜品…原本以為有吉士汁果種…原來係抹茶黎…有枝抹茶糖漿…其實唔落糖漿…蘋果都好夠甜…脆脆亦係甜既…總之冷熱腍脆幾種口感…整體黎講…食物係有水準之作…唯地方淺窄…人流多而唔可以慢慢坐低hea下…期待將來可以擴張營業…愈做愈好…

數個月前曾打算在假日的中午到荳子用餐，但作為荃灣的人氣店之一，去到時門外已有一條人龍等著我們，那時正值夏天而不得不放棄排隊。是日趁著平日的晚上再訪荳子，終於不用等位了～我們點了兩款正餐，可以加錢配凱撒沙律 (小) ，以增加是日的膳食纖維。  凱撒醬汁份量均勻，上面灑滿芝士粉，除了沙律菜外還有麵包粒，整體頗清新開胃。主菜方面，我點了黑松露軟殼蟹意大利粉 $95。平時外出吃西餐多會點意大利飯，不過今次見有軟殼蟹而破例選了意粉，其賣相不俗，軟殼蟹都算啖啖肉，但意粉犯了常見的毛病，質地弄得有點乾澀。他則選了每次到咖啡店必選的豪華英式全日早餐 $98。集合了各種常見配搭如香腸、炒蛋、蕃茄等，最特別之處在於其呈冬甩狀的窩夫，蠻可愛，全日早餐的份量對男生來說略少，味道正常。很久以前我已很想喝立體咖啡，所以今次在荳子點了慕名已久的榛子拿鐵 (熱)立體版。飲品在不知不覺間送上，一隻超可愛的白色熊熊浮在拿鐵上，熊熊弄得很立體，拿起咖啡杯時熊熊還會左右搖擺又不變形，完全不捨得喝！都是平時榛子拿鐵的味道，但重點在於其精緻的立體拉花！最近發現原來他蠻喜歡喝巧克力曲奇沙冰，這裡的沙冰用上渾圓的杯子盛載，有點像小盆

笑匠 Mr. Bean 相信不用多說，早已為人熟識，荃灣的《BEANS》餐廳，你又聽過未？當然，在荃灣這小小的區分裡，一間小店子未必人人知曉，不過，居住附近，或熟識這區美食的，一定知道，BeautySearch 也經常聽朋友、同事說，位於荃灣海霸街的《荳子 BEANS》不錯，值得一試。忘了這店子何時開業，不過每次途經時，都看人龍，這裡由一間小店擴充至兩間，不過，輪候的人龍就依舊不斷，BeautySearch 早已放棄了要輪候的店子，雖然，應該吸引才會這麼多客人願意輪候，但輪候的等待實在太苦了，BeautySearch 不希望品嚐這種先苦後甜！早兩日，晏了一點點收工，來到荃灣時，只打算在美食林立的大河道一帶找間店子吃晚飯，誰料，途經《荳子 BEANS》時，剛好只有數人在門前，可能已夜了，食客早已用饍完畢返回家罷，難得沒有長長的人龍，BeautySearch決定與蝦子餅稍候片刻！餐廳佔有兩間相連的舖位，但中間是沒有打通的，所以，每間店子都屬小店的格局，而且，還見店員從A店經大街把食物傳往B店，感覺倒有點怪怪的... BeautySearch 當晚入座的，是後期開設的新店，地方比舊店略為大一

這是一間很有風格的店鋪，不單只得賣甜品，也有各種飲品、意大利菜和咖啡，店鋪的環境十分舒適，給顧客有種寫意休閒的感覺，拋開生活壓力。今次沒有品嚐其他菜式，著眼於品嚐甜品，點了一個心太軟，心太軟的份量不算多，正所謂'重質不重量'，味道才是最重要。上碟的配合也頗有特色，左手邊放著一個心太軟，右手邊放著一球雪糕，中間用草莓醬作少少的點綴，灑上少量綠茶粉。味道方面，心太軟的份量比起其他的甜品店較細小，可是朱古力卻與眾不同，濃濃的朱古力味，一口一口食著，好像吃著一粒一粒朱古力般，口腔充滿朱古力的味道，並且流心的效果也造得不俗。第一，切開時不會太''水狀''，不會一瀉而下，不可收拾。第二，流心效果不會太''硬身''，切開後等了一等才流出來。這個心太軟的流心效果值得推介，切開後慢慢流出，不快不慢，可以清楚看到朱古力漿緩緩流下。配合雲呢拿雪糕，可以減低'漏喉'的感覺。而且雪糕的質素也不差，有淡淡的雲呢拿味和牛奶味。整體評分:7/10

大花貓睇到食評好似唔錯，荃灣區好少呢個格調既餐廳，所以去試試有咩"符fit"。 夜晚7點去到唔洗等位，不過已經坐左好多人。同小老鼠兩個人坐係窗邊既bar枱，左右有人，感覺好迫。小老鼠好鐘意啲奇怪野飲，佢叫左藍柑lemonade，唔太甜幾好飲(最重要果杯野好令！) 大花貓肚仔唔舒服 ，叫左熱野飲---Berries Tea(可以refill架！)，味道一般，普通果茶咁。黑松露卡邦尼煙肉意粉，黑松露味好香，意粉軟硬適中。小食拼盤，焦糖雞翼幾好，其他三款無咩特別，薯條肉醬太少，好乾。總括黎講唔錯，waiter好有禮貌，野食味道同賣相good good， 只可惜土地問題，地方淺窄，偽文青係非繁忙時段黎，先可以慢慢嘆杯茶，享受一下悠閒既氣氛。

去完working holiday 返黎，第一樣要做既就係學車。因為無車牌，喺澳洲成日都要搵人車先可以去玩，太唔方便！所以，返到香港終於走去學車。由於今日考筆試既關係，唯有請日假應考。成功pass左筆試，梗係要慶祝一下(雖然個個都話common sense，正常都pass...藉口既野唔好咁執著la... )。最後去左屋企附近成日排長龍既beans~ 因為平日，所以唔駛等就入得，餅櫃既蛋糕都好吸引，因為減肥關係，自欺欺人咁揀左件認為無咁肥既玄米抺茶蛋糕：)蛋糕買相精緻，食落層次分明，底層係榛子味脆脆，中間玄米蛋糕，上層抺茶忌廉，一啖咬落去，脆，鬆，軟一次過品嘗到，口感豐富，又唔太甜，最正係榛子脆底，但美中不足係抹茶忌廉抹茶味不夠濃。不過，配合休閒既環境，呢個下午茶實在叫人滿足，而且令我又諗返喺澳洲自由自在既生活！

This place seemed popular from my brief research on the web (openrice reviews and Instagram). And indeed it was pretty packed on a Saturday afternoon and the decor was nice. As we sat down, the food on the table next to us looked really stale and mediocre. So we decided to just get drinks.I ordered the green tea latte and it was gross. It looked very nice and green but it tasted like cold water and syrup. My boyfriend got the flat white. It came with some decent looking latte art but tasted milk

是日下午去到竟然小貓三四隻，平日就算下午都總會有人龍排隊⋯所以今日諗都唔洗諗即入去坐底。叫左朱古力吐司、綠茶吐司各一份，上枱時先知道原來各跟一小球雪糕⋯朱古力同綠茶吐司兩款都好好味，朱古力食落又唔太甜⋯但又有濃濃的朱古力甜香⋯而綠茶就更加好味，食落有淡淡綠茶的甘香⋯吐司上亦加上小小煉奶，感覺中和了綠茶的甘香⋯但又不失綠茶的味道，愛好綠茶迷必試啊。叫左青檸梳打、藍柑橘梳打⋯雖然係兩種唔同嘅梳打，但味道竟然入模一樣⋯完全冇唔同嘅分別，而杯野竟然同普通梳打水一樣⋯係冇味道。可能時日咁啱冇乜人幫襯，所以我和友人談天說地很久也沒有關係⋯可惜店內太多蚊滋，建議店方應該注重一下衛生環境。