荳子 (PopCorn 2)

营业中

休息中

因事入將軍澳，特登揸車過去吃。餐廳環境幾好叫左芝士薯條，蜜糖雞翼，一個龍蝦湯，一個沙律，2個意粉！再一次强調，真的好好味！不過，上左2前菜，湯同沙律前，2個人坐細枱，成台都喺野，個侍應無啦啦隊左碟雞翼俾我攞住，個人就走開左，我知你忙，我幫你執枱，幫你放，無問題！ 5分鐘之後，又突然隊碟意粉要俾我，大佬丫，張台無位，唔想要我一隻手攞住個盤，一隻手攞叉吃野？美味，抵吃！ 但真希望提高小小服務質量，小小心聲同意見！

呢間餐廳喺將軍澳人氣好旺，同三個同事嚟食晏，懶醒諗下午兩點過咗食晏時間，點知嚟到依然有客人排緊隊，等咗大概二十分鐘入座。坐低每人叫咗一份午餐，另加兩個小食兩款甜品，食物份量唔多，不過味道真係唔錯。客人多枱當然會密，但某部份嘅枱密到有啲似放題，傾計唔係一個好選擇，勤力嘅我哋都係食完急急腳埋單返公司做嘢。芝士肉醬薯條，肉醬唔係茸有粒粒咬口，薯條新鮮，芝士太少。自家製蟹肉薯餅，食唔出薯仔味，有淡淡嘅蟹肉味，裏面嘅蔬菜粒中和炸嘅油膩感。黑松露軟殻蟹意大利粉，完整一隻軟殼蟹，意粉調味較少，令黑松露味更突出。黃金蟹肉意大利粉，以蟹蓋做裝飾，意粉舖上蟹肉蟹黃煮成嘅汁，另外仲有兩條蟹柳，好味。黑蒜.蜆肉.帆立貝.白酒意大利粉，味道唔錯，但無特別地方。手撕豬仔骨漢堡.焦糖洋蔥.太陽蛋.薯條，包同薯條係唔錯，但手撕豬仔肉實在太鹹，連包食都遍鹹。午餐後想食甜品可以加$25揀一款甜品。玫瑰紅莓千層酥，夾心比一般嘅千層酥實少少，唔太甜，都幾清爽。焦糖燉蛋，燉蛋入口厚滑，焦糖脆口。午餐包以下三款飲品：檸檬蜂蜜，黑糖薑母茶，普通裝美式咖啡，除薑母茶外，其餘兩款可以揀凍飲。

平日lunch難得唔洗排隊，lunch set價位又唔算太貴。所以就入黎一試。試d平時少見d既野先: 北京燒鴨蒸包漢堡，薯條，沙律。今舖發達啦！燒鴨好多。哦，原來係個包偏細個。hmmmm,其實可以考慮下買個饅頭，切開一半，，搽下燒汁，再放返燒味檔既燒鴨，再加返d洋蔥。自己整，絕對無難度!!北唔北京，就見仁見智飲品係凍檸蜜（唔洗加錢）,潤下黃金蟹肉意粉好多醬，每條意粉都被醬汁包圍住。口感唔錯。寶物尋歸底，臨尾有返個重d既咸蛋味

排隊從來唔係問題 為左食想食嘅野而排隊係心甘情願但哩啲咁嘅質素嘅餐廳 就算唔洗排加唔洗錢都唔會再食食物普普通通但服務？你唔需要對我好恭敬 只要你正正常常就得落單個女人黑口黑面當你係天生但全程唔耐煩 比餐具個陣又悔氣 整跌野仲要望一望跟住行左去算中間答左幾次未食完都仲係咁問想收走想食哂先走都唔得？我地唔係嗌兩杯野飲坐足一日嗌到成枱野唔可以比啲時間我地食嗎？入來時其實唔夠位坐 同我地講陣間會拍多張枱比我地 後來無左件事都算 當你地多客想做多啲生意 理解 但起碼講返聲啊 今次第二次來食但唔會有下次

朋友極力推介既餐廳，見到d食物相真係幾吸引。第一次嚟都係亂咁叫，見到佢有3D立體拉花，即刻唔洗諗叫左杯玫瑰latte。真係好可愛，完全唔捨得飲佢落肚😆朋友見到有杯沙冰寫住話有煙霧效果，為左打卡，點都要試下。杯野送嚟個陣真係好大煙，不過好快就散晒😂呢杯係橙味既沙冰，好甜，勁甜，仲可以自己加埋爆炸糖，不過如果唔係為影相，應該唔會叫，真係太甜喇。食物方面，我地叫左焦糖單骨雞翼，甜甜地幾好味，而且仲方便食用。巴馬火腿哈蜜瓜·陳年黑醋，價錢唔貴，不過可以俾多幾粒哈蜜瓜既，切到咁細粒。主食方面就揀左手撕豬仔骨漢堡，d薯條份量好多呀個手撕豬仔骨d肉好入味，而且份量都係好多，唔會食食下個包就無晒肉。另外仲叫左個肉醬溫泉蛋長通粉，唔會點衰既菜式，不過不失。今次食得太飽，未有機會試佢d甜品，下次一定會再嚟食過

呢晚試左人生第一次味蕾試既大衝擊！話說見平時咁多人排隊，應該幾受歡迎👏於是睇睇個餐牌，又唔洗等位既情況之下，就同朋友入左去。眼見窗邊位有人走左，就想坐呢張，點知女侍應黑面🌚就話有人要左，點知原來係比排係我後面既人，咁我排黎做咩？先到先得唔係咩？同埋後面既人無話hold呢個位，我明明對個女侍應態度都好好😞見到餐牌有new，紫薯燒雞飯，諗住新野試下，加上第一次，點知就係呢知飯出事🤣意大利飯上菜時已好漲，飯就加左紫薯汁撈落去，一食落口已面都青，勁難食，飯本身都有甜味，加埋紫薯仲要無點調味之下，為呢餐帶來一陣陣衝擊，諗住食啖雞中和下，點知雞亦無味..😨🌚情況係食左兩啖已頂唔順😭😭究竟個廚係有冇試菜既情況下推出呢個餐呢？根本浪費食物。最後由友人幫手秒殺左個飯，事關啖飯咬多兩啖都反胃🤢同侍應反映佢地深領神會咁笑笑口話會同廚反映🌚其他餐點如拼盤，意粉都一般之作，究竟大家為咩勁排隊食呢？😅😅😅呢間野無下次包括服務態度同餐點，亦唔值得排隊，以呢個價錢係將軍澳大把好選擇！

周末一早山步行，由五塊田行到入布袋澳入口。返到Popcorn已經快4點，要食番餐好，揀咗beans。排左10分鐘順利入座。叫咗墨魚汁海鮮risotto，Rose 3D Latte，期間限定柑子甜品(忘了正式名堂)。可愛的貓貓3D Rose Latte完全征服少女心，飲起上嚟都特別賞心悦目。Risotto千呼萬喚始出來，誰知超級極度嚴重咸。每食一啖都要鼓起無比勇氣，個人當堂灰哂。最後叫了柑子甜品。有幾多層次的味道。柑子似炸奶黃「煎堆」，配上乳酪味雪芭，然後有朱古力脆脆舖底。總括而言，食pasta或者All Day應該穩陣啲。是次畀分喺衰在Risotto也~

依間beans 次次經過都好多人排隊，想無甘多人一定係簡下午茶時間黎，星期日下午4 點只係等左5 分鐘就有位喇～我同老公兩個人仲比左張4 人梳化位我地添我叫左雲呢拿籽拿鐵，老公叫左earl grey latte, 店員仲主動問要唔要3D 拉花，當然係要啦 跟住仲叫多左個mixed berry waffle~ 黎得依度一定要試下依度既甜品！Earl grey latte, earl grey 味好重，好味雲呢拿籽拿鐵加3D拉花，咖啡好creamy好岩我口味，個拉花就....老公話係貓而我就覺得係老虎，好似普通拉花仲靚個拉花好似糟蹋左杯咖啡跟住到主角出場喇個waffle 口感好似雞蛋仔，再加埋中間既吉士同益力多雪巴，好夾好好食！我同老公都食到唔停口！下次下午茶時間要再黎食呀！

The Backyard breakfast combines English breakfast, eggs royale and waffles in one dish! An OK eat, with decent coffee. The odd thing was not being able to change the bacon for salad or anything else in fact other than sausage! service could be quicker but a comfortable place to eat and chat.

同屋企人食過幾次 Beans, 每次都要排很久的, 而且食物唔算太有驚喜, 所以不會經常幫襯。這晚路經這商場, 可能太夜了, 已經沒有人龍, 於是排隊入內吃晚餐啦。等左一陣好快有位, 而且今次係近窗的 4 人枱。正啊, 終於唔使坐長枱同其他人搭枱了。因為肚餓, 所以各自叫左 pasta, 飲品同埋甜品。現場燈光昏暗, 影相有 D 難度。先上沙律及飲品, 沙律幾爽脆。熱薑母茶及熱檸蜜 ok 喎, 幾好味, 夠濃夠足料 (最怕水汪汪, 淡而無味)!黑松露軟殼蟹意粉, 松露很香, 軟殼蟹原來很大隻, 切開一半上。而且炸的外脆內軟, 裡面不會乾。我的黄金蟹肉意粉, 有蛋黄, 連蟹殼上。不過一食就出事了!!!蟹殼是空的, 只作裝飾, 本來都無問題! 不過意粉入面只有蟹柳, 普通假蟹柳充當蟹肉, 有搵笨上嫌。係人都知假蟹柳是用魚肉做的。下圖可以見到一條條蟹柳, 而非蟹肉, 完全吃不到一絲蟹肉!可否報海關?因為它確實觸犯 "商品說明條例" 喎。甜品一般, 沒有太多驚喜。短時間內應該不會再來了。

食過幾次beans 對佢印象品質唔錯，最鍾意係佢個圓圈窩夫，但係發現已唔可以另外散叫，只有 all day breakfast 先可以配上窩夫，因我唔喜歡茄汁豆同蕃茄，今次就試下意粉啦~我order 左 ”魚子三文魚蜆肉意大利粉” & ”榛子朱古力”。朋友order ”軟殼蟹黑松露意大利粉” & ”朱古力”。喜出望外朱古力都有精緻孔雀拉花，朋友嘅係葉形拉花，好開心。榛子味未夠突出，朱古力香濃頗甜。每次客人都好多，所以意粉要等15分鐘以上。白汁雖然香噴噴，但入口唔夠濃郁唔夠creamy，都幾多蜆肉但普通，由煙三文魚砌成玫瑰花形狀上面灑上魚子，而魚子份量唔多只用作點綴，煙三文魚味道幾突出蓋過本身白汁嘅味道。朋友嘅軟殼蟹黑松露意大利粉，黑松露都好有電油味，雖然入口味道濃度唔及之前某店，朋友認為個汁夠哂creamy杰身，軟殼蟹係大大件一啲都唔市儈，朋友都幾滿意。見其他食客既甜品蛋糕賣相都非常好, 其中會有煙霧噴出類似盆栽嘅甜品/飲品，嘆為觀止。另見 poster多左中式食品，如片皮鴨漢堡，似乎將來會有更多嘅新嘗試。總括窩夫終於係我既至愛下次要試甜品

這兒的午餐意粉一定要試試，仲有飲品，lunch set 好抵食。周未這些意粉都約一百元左右，所以平日下午有機會就要到這間食了。蟹肉意粉超creamy!! 整體不錯，但肉可以再多一點。黑松露意粉很出色，我較喜歡，因為無蟹肉那一個咁creamy但軟蟹很鹹，松露亦無我在另一間試那麼香。

今晚約左太太係將軍澳Pop Corn食晚飯。太太話想食意粉，我第一時間想起Beans. 最重耍食佢哋甜品。叫主菜加 $25有一小碟Kale Salad,沙律汁調校好好味。黑松露軟殼蟹意粉 軟殼蟹雖然细細隻，但炸得好脆口。意粉煮得軟硬適中，好有咬口。配合黑松露磨菇醬汁，真係好好味。火箭菜巴馬火腿Pizza Pizza雖然厚底，但很脆口。火箭莱配巴馬火腿好夾。薑汁梳夫厘 我一向都好喜愛這間餐廳的甜品。今次想食梳夫厘，諗住有一定水準。點知一試非常失望。梳夫厘好濕，薑汁唔夠，最致命係好好甜，好似食沙糖入口。這個甜品令整個晚餐失色。

朋友生日想黎呢到食，兩點鐘黎到唔洗等位就有得入去Set lunch加28蚊可以點一份小食，我地揀左蟹肉薯餅，28蚊黎講份量偏少，蟹肉唔多，單論薯餅味道不錯，但唔算抵食想食risotto，又想食燒雞，結果叫左呢個望落配搭好特別嘅蜂蜜紫薯燒雞意大利飯，單睇顏色有啲伏，食落去似甜品，蜂蜜加紫薯嘅sauce食落好甜無咩咸味，食左一半飲返檸蜜都變左無味，不過味道上除左出乎預料嘅甜其實可以接受，未至於伏，燒雞嫩滑肉味香，risotto飯粒半熟口感岩岩好，鐘意挑戰特別菜式嘅可以一戰成餐嘅亮點係waffle, 樣似donut，食落濕潤綿密好似雞蛋糕咁，焦糖做得好薄舖滿蕉面，雪糕雲呢嗱味濃，仲有cream cheese, cream, syrup同奶可以配搭，值得一試

#燒黑椒牛肉水牛芝士帕尼尼配薯條 $55上菜既時候已經切開咗一半 方便啲食入面夾住左黑椒牛肉 芝士 蕃茄同菜不過好可惜 個包烘得太乾 令個包大大扣分而薯條就幾脆 味道都ok評分:4/10