荳子 (PopCorn 2)

营业中

休息中

今日小編由中環專程過海幫襯佢皆因佢真心好味又唔貴。同事們都非常agree、成日都話想encore、好啦、今個禮拜老闆唔ｏ係香港當然大家要極度任性一下啦否則對唔住自己囉小編試新嘢，墨魚汁海鮮意大利飯，同事a叫南瓜帶子意粉、同事b叫蟹肉蟹膏意粉。大約10-15分鐘就上菜啦同事b加25元要左個臭豬士肉醬薯條見到都驚但佢地話唔錯wor，any肥小編勁憎豬士囉除左pizza hut或者pizza express既mozarella、其餘都極度dislike呀服務唔錯、又快又唔會粗聲粗氣 雖然冇催我地交檯但睇到出面條隊，大家都自動自覺食完就走啦做個considerate既人係好緊要，呢d係品德黎

今日係同男朋友嘅紀念日，所以就諗住食間貴少少嘅西餐就揀咗beans。之前有經過開都知道依間餐廳好多人排隊，所以就早少少去咗食大約七點，可能因為我哋兩個人所以等左15分鐘就可以入座。我哋叫咗紅酒燉羊膝配竹炭麵包同埋黃金蟹肉意大利粉。個羊膝真係幾好啲肉好淋同埋有紅酒味，但個竹炭麵包因為太飽就食唔落，但係都幾鬆軟。去到個黃金蟹肉意大利粉，啲蟹肉比我想像中多同埋佢個汁都幾入味。依兩樣野食都包咗餐飲，個黑糖薑茶都唔錯值得推介。

同朋友食晚飯揀左呢間beans晚飯時間要排隊等位有個staff見到我地有孕婦，攞左張櫈俾孕婦坐真係要讚下呢個staff呀5分鐘到就入得去啦食物好快就上齊 擺碟都擺得好靚呀呢間餐廳既食物都幾有水準，價錢又唔貴之後都會繼續幫襯

發跡地在荃灣的Beans，其實在將軍澳也有分店，住將軍澳的我也幫趁了不少次。今次和舊同事聚餐兼收「紅色炸彈」，又再次選了Beans作用餐地點。 惠顧了幾次的心得，就是這裡的餐點都很有份量，女士們點餐時千萬別眼闊肚窄！ 黑松露焗釀燒雞 半隻$119燒雞size非常大份，燒雞上有兩至三塊黑松露片，內裡釀了黑松露和一堆我說不出來的東西…（感覺像濕軟的麵包，吃了兩次，每次我也把它們拿走再吃）黑松露濃，雞肉也算嫩滑可口，配上燒汁感覺也不錯。另外配菜的焗薯仔看似平庸，但焗得軟糯，是我喜歡的口感。但是燒雞當中釀的一堆濕濕軟軟的東西真的有點令人覺得膩口，不能吸引我encore。 手撕豬仔骨漢堡(焦糖洋蔥+太陽蛋)配薯條 $112這個手撕豬仔骨肉用上BBQ醬烹煮，配上焦糖洋蔥和太陽蛋，好惹味！跟餐薯條是粗薯條，炸得香脆，又是邪惡但令人不小心便會吃清光的配菜。 吃完以上兩款餐點後真的非常飽肚，所以奉勸女士們，人數不多的話真的不要再另點沙律/小食了哈哈！ 另外說一下，餐廳裝修別緻但危機重重，用餐時已見過不只一次，進餐廳的人都會不小心被石頭路弄得叉錯腳或被小梯級跘倒。幸好每次也沒有意外發生，希望餐廳會留意到此

Beans長期有人龍，唔通真係好好食？今日見得幾位人排，一於排吓！ 排咗5分鐘，非常好！➡️叫咗backyard breakfast ($138)勁貴！如果你喺外國食過cafe 嘅早餐，你就食得出呢碟嘢真係好普通！成碟嘢唔夠熱、beacon同waffle 都唔夠脆，又唔係白蘑菇。唯獨個egg Benedict 尚算ok！➡️半隻雞$118 仲平過個早餐，賣相好好，但唔好食！煮得好乾，d肉好散，sosad。其實就唔難食，不過呢個價我唔expect 咁嘅味，所以劣評

很久沒有來這裏吃了，今天下午經過看到不用排隊，剛好又未吃午餐，就決定進去。午餐價錢合理。見到款式都轉了不少，幸好還有這個黑松露軟殼蟹意粉！軟殼蟹不算大隻，但勝在炸得酥脆可口、而且有膏。意粉煮得彈牙、軟硬適中，粗幼剛好能掛上醬汁，滿口都是松露香喜歡這個意粉還有一個原因， 就是裏面很多什菇！這個菇菇的份量甚至比野菌意大利飯多，上次點了野菌意大利飯，明明什菇主角，卻只有幾舊菇這根本就只是在吃飯嘛！幸好意大利飯煮得不錯，要不是就真的大失望了！

呢間意大利西餐廳開咗好耐個人都食咗好多次一路覺得唔錯今次第一次寫食評分享下如果大家特登嚟呢間餐廳 想叫一兩個菜share建議叫返意粉同risotto或者最後可以叫多個甜品我哋幾個人叫咗一個黃金蟹意粉一個肉眼扒豬手之前食過軟殼蟹意粉都唔錯 今次諗住試吓新野主要黃金蟹意粉有蟹膏同埋鹹蛋黃嘅味道但如果第一次去食我建議大家都係叫返軟學蟹意粉一定唔會令大家失望今次食咗個肉眼扒 牛扒來講中上 始終意大利西餐廳唔係主要食扒另外我哋叫咗個豬手 大概二百蚊 味道來講其實幾好 個皮炸得幾脆 但係份量真係太細每人只係食到幾舊基本上每次去都一定會叫甜品食今次叫咗綠茶窩夫因為太鍾意食佢個窩夫同乳酪綠茶雪糕 如果大家第一次去建議大家可以試吓另外有個流心伯爵茶吐司都唔錯總體來講 如果大家想主要食意粉飯甜品 呢間算係一間抵食嘅意大利西餐廳環境亦都幾適合傾計 值得一提嘅係服務員全部都好有禮貌 你都好親切會主動問啱5啱食 已經不知不覺做咗佢哋嘅定期客仔！

這輕色的西餐廳在這一區較少，而且其實他們主打是甜品。我們到達時已經接近8時，但店外仍有人龍，排了20-25分鐘才可進去。幸好這家店有BB椅子，讓我們大人可安心吃飯。⭐️All Day Breakfast老婆說要點這個，留肚子吃甜品。雖說「Breakfast」，但它的份量可不小。有窩夫2件，淡淡甜味。黑松露炒蛋及炸煙肉很好吃！煙肉炸得卜卜脆～⭐️龍蝦沙律包+炸薯條看到身邊的客人大部分都有點，於是我也試試。薯條有水準，龍蝦有件大大件既蝦拑，之後只有碎碎的龍蝦肉在包中。不太喜歡酸味沙律醬的朋友可能會不太喜歡。⭐️心太軟老婆必試，太好吃了。流心很有朱古力味而又不太過甜，配雪糕簡直是一流！

公眾假期放假一天，當然要瞓晏啲。本身諗住食另一間Brunch, 但係點知想食嗰一間開12點。見到呢間開11點，所以就去呢度。之前都係呢度食過晚餐，想試吓呢度啲egg benedict 整成點。我哋兩個人一個叫Egg Benedict一個叫五花腩，結果Egg Benedict 黎先一黎到就比隻蛋同埋啲蛋黃醬吸引住，是值回票價的Egg Benedict.另外一個中西合璧的五花腩漢堡就要等耐啲，一嚟到嘅時候其實有啲不是想像中的，本身以為五花腩會似漢堡扒一樣那麼厚，但是原來其實係五花腩一片片搭好切好夾係中間。其實份量很足夠，雖然比較早時間食午餐，但是那些沙律菜其實很飽肚，這個餐還有薯條跟，而且那些五花腩都有很多片。不過，食落其實似上海菜北京菜的，算係叫做特色的菜色，但是如果想吃返西式菜，就要嗌其他啦

13號嘅星期六黎咗呢度食，都有好一段時間無黎。一來，黎親都要排，二來，食物未去到勁好味，所以都唔會成日黎😅但呢個星期六見自己早咗便過來睇睇，點知都係排😮不過，見女友未得，我哋又好耐無食過。。。好啦，照排，排住等女友到來😁我諗都排咗半個鐘有多，終於坐下來！睇睇餐牌，好似都有啲新款，終於揀兩個意粉，呢度叫親all day breakfast 同主菜都會有杯飲品送 (honey with lemon/ginger tea/americano)。 其實幾低㗎，好似我叫個兩個意粉都係98蚊，包杯檸蜜，係咪幾低呢？而且份量都唔算少😊👍🏼今次杯檸蜜，超級失望👎🏼 次次飲都覺得好正，一飲覺得好清新，好香，好舒服嘅感覺。。但今次。。。無哂🤨 居然唔夠蜜味兼檸檬是苦的。成杯失哂水準，超失望😞女友意粉到先，嘩！跟埋垃圾！呀！唔係🤭係蟹蓋😆 其實，本人就麻麻地咁嘅presentation... 一來都唔會食，係無嘢食，只是裝飾，但又唔係靚，我就覺得無咩必要。 至於味道，ok好味，但寫有咸蛋黃，係完全無咸蛋黃味🙄🙄 條蟹柳就唔錯嘅😋👍🏼到我個個，之前都食過，份量足，好味到，黑松露味都算夠，但覺得啲菇多咗少少😅總

由入餐廳已經覺得好舒服，唔太逼又文青感裝修，3-5個人聚餐幾好既一個地方，餐廳燈光暗暗地令人好舒服，，💃🏻💃🏻食物既擺盤都好吸引，顏色份量都幾好，好岩幾個女仔食下傾下，震滕滕既梳乎厘好好玩，玩左好耐先食，入面好多空氣😂😂😂個魚整得好好味，滑滑的又唔會細細份，，幾好！餐廳職員都好細心，經常幫忙執枱👍🏻將軍澳高質cafe，如果再平多小小，一定會經常幫襯，雖然而定已經經常好多人排隊😂😂

星期六，去了 popcorn 吃飯，之前來過，覺得不錯，所以今日再來。七點鐘已經要排隊，還要是長長的...... 等了30分鐘，終於都可以入座。Caramel single bone chicken wing：很好味，焦糖味很重，吃過不停！Spaghetti  with  Crab  &  salted  egg  yolk：見到個蟹殼，心想是真的還是假的呢？好像不覺得有蟹肉，只有蟹柳，但我喜歡這個醬汁。Cozy：選甜品時，見到旁邊點這個，乾冰飄出好美喔！所以我都點了這個，但原來看上去美，吃下去沒什麼特別，哈哈 整體來說，覺得沒有之前好吃。

睇戲前想食個快飯，泥到戲院附近既beans因為時間比較早，所以都未客滿，本身係吾洗等位！但因為吾想坐無椅背既位，所以就等一等🙈大部分既食物都有包一杯熱飲，可以揀檸蜜，薑母茶或者美式咖啡☕️今次叫左個茄汁牛柳絲意粉同安格斯牛肉漢堡！因為天氣突然轉涼，所以就揀咗黑糖薑母茶！兩樣主菜都好味！茄汁好開胃，不知不覺就食晒👍🏻唯一係漢堡嘅太陽蛋增加左進食難度😂😂會係甘滴汁！啲staff服務都唔錯，食物質素又keep 到！會繼續泥食

兩個晚餐 跟飲品我揀熱薑茶 無乜特別 唔係話非常好飲脆豬手切件 可選原隻上兩個人 食唔晒 豬手好大份 多肉 皮好脆伴甜甜的蜜汁 中和番豬手既咸味 非常好薯條即炸 好味多人分享推介👍🏻👍🏻半成熟牛扒，蝦，黑松露薯條Medium 牛肉真係做到岩岩好 色好靚但一分錢 一分貨 唔算貴 所以牛都唔係特別靚不過都okay 既☺️👍🏻反而黑松露薯條就唔夠濃味拉 需改善 改用dipping sauce可能好過每條少少黑松露甘蝦都幾好 正正常常兩個人食到超飽 每人大約200$

好味又抵食，意想不到的驚喜！Food is surprisingly good, just the decor may sometimes trick people and cause accidents. While I ate, 3 persons were tripped and almost fell on the floor and steps. 意粉煮得剛好，口感極好！creme brûlée is so yummy!! 值得一去再去的餐廳，只要記得望地下👍🏻👍🏻