荔香園冰室 (已結業)

有一種飯，號稱<黯然銷魂飯>，來自電影，進了民間，人人趨之若鶩。究竟是從何處來？🧐.黯然銷魂飯，是一種「叉燒煎蛋飯」。叉燒飯加煎蛋，本身是廣受歡迎的港式碟頭飯，一向上至老闆、下至打工仔都愛吃。🤩.它命名為「黯然銷魂飯」，是自 1996 年香港電影《食神》開始。《食神》中周星馳飾演的史提芬周，落難時曾遭莫文蔚飾演的火雞贈了一碗叉燒煎蛋飯，他在結局食神大賽中做出一碗叉燒煎蛋飯，就叫「黯然銷魂飯」。🤪.黎 #荔香園冰室 除左有懷舊風情既裝修，仲有好多懷舊冰室食品飲品，出開旺角，不妨試下！😚.地址: 旺角通菜街1號威達商業大廈地下N號舖

到了這間裝修挺有風格的茶餐廳吃晚餐, 裝修以懷舊風味做主題, 還播著一些舊歌。他們有一系列晚市套餐供選擇, 晚市套餐可以選擇一款餸菜, 然後會配一碗白飯。亦有一些多士和小食供選擇。點了一個海鮮雜菜粉絲煲套餐, 另外再加配上湯浸菜心。雜菜粉絲煲裏面有粉絲、少量海鮮和蔬菜🥬。晚餐來說, 份量剛剛好。花生醬多士 - 是其中一款我喜歡的下午茶選擇。蕃茄雞蛋三文治🥪 - 裏面的煎蛋份量非常多, 充滿蛋香, 同時有牛油味。三文治幾厚身的。

今日喺旺角搵嘢食～見到呢間荔香園冰室～唔知點解令我聯想起荔園，所以就唔小心入咗去食喇～環境裝飾得好懷舊，店內都播住八九十年代嘅歌侍應都幾有禮，仲介紹我哋食每日限售嘅套餐～不過，我不敵巨脾嘅誘惑～揀咗巨脾雜扒餐～呢個巨脾雜扒餐又真幾抵食～有一隻大滷水雞脾、一隻煎蛋、兩隻雞翼，兩條腸仔、一塊豬扒、一塊火腿同埋沙律菜賣相幾吸引，雞脾同雞翼都入味，但滷耐咗，肉有啲鞋煎蛋煎得好靚仔，蛋黃流出好吸睛～兩條腸仔用心煎過，而唔係求其煎兩嘢就上碟～係我鐘意嘅煎腸仔～沙律菜剪碎咗容易入口，好快就比我食晒～最後食剩豬扒同火腿，其實好飽喇～但我都切咗小小豬扒嚟食～不過好乾好鞋～不過呢個餐真係好抵食，咁鬼多嘢～朋友揀咗限售套餐～薑蔥魚腩煲～即叫即整，買晒就無～嚟到嘅時候熱辣辣出晒煙，好似好好味咁我就夾咗一舊嚟試～老實講....一般般，有啲腥，食唔到薑蔥味...個人覺得唔需要限售～都係我個巨脾吸引啲～

碰巧去到旺角的女人街，便想找找新的餐廳試試看。看到這一間蘭芳園，充滿懷舊的味道，可是環境乾淨，店員也很有禮貌，坐下來的時候都是一些懷舊茶餐廳的佈置，可是翻身了之後乾淨企理，還有可東西選擇也很多，我們只有兩個人，最後點了一份扒餐還有芝士撈麵。食物大概10分鐘後便想到，分量十足。扒餐一個人也吃不完，芝士撈麵香濃多汁， 10分好吃。還點了一杯懷舊的紅豆冰和檸檬茶，都是有水準。環境可以用來拍網照，大概七點以後，人也漸漸多起來，價錢不貴的關係，實在是一個不錯的選擇！

茶餐廳係香港嘅地道特色，所以每次有朋友嚟香港玩嘅時候，我都會帶佢哋去茶餐廳食下野，感受下香港地道文化　而呢一間荔香園嘅特別之處，係以老香港嘅裝修設計，有得食之餘仲有得打卡添！入到去見到一個香港六十年代嘅舊式鐵閘，以綠白色階磚砌成嘅裝飾，後面嘅位置，仲會見到有一幅以地鐵站名同香港街境嘅相係牆上面，當然唔少得九龍皇帝嘅墨寶圖，一分鐘遊香港~ 香煎墨魚餅瑞士汁撈面（$42)墨魚餅嘅外表煎得幾香口，咬落去啖啖肉，而呢個瑞士汁我就覺得淡左少少，如果可以濃味d就好啦，公仔麵就用左出前一丁，香味唔洗多講啦~紅豆冰（跟餐 +$14)細個嘅時候，最鍾意就係飲紅豆冰，因為椰奶嘅香加紅豆嘅甜，混埋一齊嘅味道係冇其他野可以取代嘅😋

懷舊冰室呢排我都去得多,呢間係旺角既鬧市之中,個侍應既衣著好配合個餐廳既主題-懷舊。佢地好NICE好有笑容,見我等緊野食會幫我打點下,睇下D野食得未。我果日唔係咁想食飯,就叫左一隻巨型既瑞士雞比,仲有兩條菜添,真係好大隻,同時我叫左OREO凍朱,因為我話要少冰,所以OREO沉左低。呢度都近MTR,下次想一個人快食會再黎呀!呢度既裝修真係好比到我果個年代既感覺,有WALLPAPER,有閘,我見真係有小朋友係度影相打卡。呢器皿都係當年既人會用既,真心正。我見佢仲有其他食物既推廣優惠,不過要消費130蚊以上,而我得自己一人就叫唔到咁多野食啦,下次叫埋FD黎就叫到個抵食既鮑魚雞煲啦,話時話,我未食過雞煲呀!

又到月尾，又系小妹節衣縮食的時候話明節衣縮食，梗系要揾番D平靚正的平民餐廳醫肚仔喇所以呢個weekend 小妹黎到旺角女人街的呢間懷舊冰室醫肚荔香園走90年代懷舊風，裝修都好別緻，一路聽住舊歌chill 住嘆下午茶真系好正下午茶餐約廿零三十蚊左右，有唔同款的菠蘿包簡通常茶餐廳下午茶都剩係得菠蘿油叫，偏偏小妹好鍾意食菠蘿包但係又唔鍾意食牛油，咁多唔同款嘅菠蘿包啱晒小妹<厚切豬扒菠蘿包$38>菠蘿包好鬆軟，外層菠蘿皮脆卜卜好又香又好味厚切成3cm厚，認真唔話得平時豬扒好容易剪到好乾，但係呢個好似豬扒食落似五花腩好D，油脂均勻，肉質又幾爽口，夾落菠蘿包裏面食，好邪惡但係停唔到口<爆芝流心蛋牛肉菠蘿包$38>勁多餡的一個菠蘿包，芝士雞蛋牛肉菠蘿樣樣齊，成個包口感極豐富，咁多樣野加埋出嚟感覺又幾夾手中間隻太陽蛋一切，蛋汁漏出嚟沾滿成個菠蘿包，成個菠蘿包當堂好濕潤，好味到傻<(左)紅豆奶茶+$8 (右)椰果菊花茶+$8>港式奶茶好有懷舊風味，特別要讚下我奶茶裏面嘅紅豆，粒粒都食到甜甜地，好明顯係浸左蜜糖，而且紅豆煲到起晒沙好有心菊花茶少少甜味， 幾健

一間洋溢懷舊氣氛的冰室。播住80年代金曲，室內設計及餐具都係舊香港冰室味道。晚飯時段，人流都好多，需要等候片刻先入座。店員服務周到，無論安排座位還是落單都非常迅速。餐牌花盡心思，介紹冰室文化，餐牌有台式、星馬泰式、中式都有，晚市仲有雞煲/魚煲，幾抵食。酸菜魚煲一煲正宗酸菜魚，魚片滑嫩，雖然魚骨多左d，但證明係鮮魚製成！酸菜湯夠哂味，好在酸菜&荳芽。煲面放左小量辣椒粒，喜歡食辣的我，當然浸埋入湯，變左酸辣，送飯食一流！瑞士雞翼撈麵經典港式菜式之一。撈麵分量適中，麵靭度剛剛好，唔會太淋又唔會太硬身。雞翼有三隻，仲附上菜，性價比高！凍奶茶天氣熱辣辣，order杯凍奶茶消消暑。

位於旺角嘅荔香園, 就好似一個老香港嘅縮影。無論係裝飾定係裝橫, 都充滿咗濃濃嘅香港情懷。餐廳播住廣東話嘅老歌, 令大食妹好想一路跟住唱。<厚切豬扒芝士撈麵$48> (好味: 4.3/5) (抵食: 4.2/5)呢個厚切豬扒芝士撈麵真係好抵食。豬扒 好有肉地, 個大細就同你塊面一樣大~芝士量都幾唔錯, 配上公仔麪好爽<咖哩香煎墨魚餅飯$48> (好味: 4/5) (抵食: 4.2/5)咖喱少少辣, 但好野味。墨魚餅應該係用新鮮黑魚打成, 口感有啲似打邊爐果隻墨魚滑, Q彈Q彈。<椰果菊花茶(左)$25> <荔枝QQ綠茶(右)$25> (好飲: 4.3/5) (抵飲: 4.5/5)野飲方面都唔錯, 好飲又大杯大食妹推薦: 厚切豬扒芝士撈麵

近幾年香港愈開愈多「乜乜冰室」「物物冰室」，但係有唔少都係濫竽充數，根本就係掛羊頭賣狗肉👎🏻今日就抱住鬥士精神，再試多一間冰室😎！門都未開，老闆仔已經衝出嚟開門，態度好好🤗！點解叫老闆仔？因為佢真係好後生，亦睇得出佢份魄力，一個睇住成個場🏃🏻‍♂️🏃🏻‍♂️「蔥油豬扒蛋飯🐷🍳」整體唔差，豬扒夠嫩口唔太老，蔥油份量亦剛剛好，唔會令到個飯太油太濃味，好食😋！朋友叫左個「椒鹽豬扒飯」亦都食唔停口，又香又脆，正！呢到嘅環境佈局好有心思，每一樣擺設都經過設計，務求令帶食客進入30年前嘅香港🇭🇰！

荔香園冰室今日同朋友出旺角行街，經過女人街嘅時候，見到一間叫荔香園冰室既餐廳！出邊睇落去個裝修好特別 好有懷舊香港嘅感覺，好似返咗去80年代嘅香港！ 所以就決定咗入去食個下午茶試一試。入到去見到餐廳嘅牆身設計好特別，而且兩邊都貼上昔日舊香港嘅畫像 好有懷舊嘅氣息！ 我哋叫咗兩個下午茶餐。百花蝦多士我知道唔係好多餐廳都有得叫蝦多士。因為製作複雜，需要大量時間處理及製作！ 所以特登叫呢個蝦多士試一試！ 外層炸到金黃色 食落香脆可口 咬落去蝦膠雖然唔多但蝦味十足。有4件，好抵食好小可有得食。瑞士巨髀撈丁好多茶餐廳都未必有得叫撈麵食，就算有都唔係間間都做得咁好食！ 不過我好欣賞荔香園冰室尼個瑞士巨髀撈丁，瑞士汁雞髀，食落去唔會太咸 瑞士汁香甜 而且雞髀食落去啖啖肉。撈麵食落好有咬口，彈牙。無過腍又無過硬情況。 紅豆奶茶第一啖飲口感好特別，配上粒粒紅豆，都唔會太甜！ 奶茶茶味香濃，十分香滑。值得一試！

旺角行完街，老公話想飲杯奶茶、簡單食個飯。我地又唔想食連鎖茶記，咁岩經過一間裝修懷舊既餐廳，就被吸引內進了。牆身造了一幅特色既懷舊閘，另一邊就貼滿香港上一代既照片，未開始食已經充滿驚喜。安格斯牛爆蛋撈麵 $68一上碟，賣相相當吸引，豉油汁甜得黎又麻辣，好開胃，牛肉爽口彈牙又入味，重點係唔肥膩!!篤爛隻蛋黎撈麵，令每啖麵都索均了豉油及蛋味。重慶雞煲$68，連一碗白飯雞件麻得黎又唔算十分辣，適合平時食開小辣既人，而且雞件都算多，兩個人share岩岩好，洋蔥鮮甜，好好送飯!熱奶茶加$6茶香濃、奶夠滑，黃金比例!

茘香園，懷舊冰室，令人眼前一亮的懷舊氛圍，吸引左我地入去。門口貼左好多海報，五花八門，感覺豐富頗有意思，價錢也都實惠。餐廳入面牆上有一道懷舊鐵閘門，獨特的通花字樣好吸睛，「馳名啡茶，內有雅座，港式經典」顏色配搭得好舒服。店內環境清潔，坐得舒服。而每張桌上都有小小裝飾，配合返懷舊的主題。餐牌有晚市推介，選擇豐富，我地就想試廚師推薦，皇袍叉燒飯，皇袍即糸滑蛋，蛋味十足，好香滑。叉燒色澤靚，大塊入味，肥瘦適中。份量飽足，抵食！墨魚餅撈麵，墨魚餅彈牙鮮香，啖啖爽口。最愛撈麵的口感。招牌菠蘿包，酥皮香脆，熱辣辣，勁吸引！

香港懷舊的冰室越開越多，不過，大部份都只是以懐舊掛帥，其實與普通茶記無分別。最近就到了位於旺角通菜街的荔香園冰室開餐，感覺超讚。餐廳裝修非常懷舊，深綠色拉閘趟門，配上經典圓枱櫈，牆紙是香港舊街道圖片，還有餐廳霓虹燈牌，懷舊氣氛濃郁。餐廳的選擇非常多，除了有精選午餐，還有精選下午茶、特色醬汁飯、招牌撈麵、港式瑞士汁撈麵等等。而精選午餐方面，共有8款式價錢由HK$42 - HK$48，已包咖啡或茶。紅酒燴牛腩配白飯牛腩切成小塊，與紅蘿蔔與紅酒醬汁混在一起，牛腩粒粒煮入軟淋入味，味道甜甜的，有點像兒時吃到的鮮蕃醬汁，佐飯一流。香煎墨魚餅滷肉飯賣相不錯，墨魚餅煎得非常香口惹味，口感彈牙，而滷肉的味道剛好，味道甘香，最重要是不會過鹹，吃後整個口腔都充滿著滷肉的油香。港式多士多士可由4款醬料中點選一款，而我點了最全統的煉奶，多士口感超香脆，配上味道香甜的煉奶，非常好吃，HK$14來說，超值。熱華田原本以為只是普普通通的柯華田，想不到口感竟然會這樣香滑，相信是加了牛奶的關係，所以味道變得香滑豐厚。

今日同男朋友去旺角波鞋街買野，我地掃貨前先一起食個靚lunch。又黎左依間老字號荔香園冰室，好鍾意餐廳個懷舊環境。 令人猶如走進80年代的香港，即使在這裡食過快lunch ,也是別有一番風味。除左環境有特式，食物款式選擇多，價錢相宜。 -男友點了瑞士雞翼、白魚蛋喇沙湯稻庭烏冬配凍啡 $56餐廳做的喇沙湯底好岩口味, 濃郁不稀，味道香甜帶微辣。爽彈的稻庭烏冬配上Q彈白魚蛋、肥美的瑞士雞翼、豆卜、芫茜，味道不錯。-至於我呢，就睇中左皇袍叉燒飯 $58，加熱檸水。 賣相好靚，看得出用心製作。片片肥瘦適中的叉燒躺在鮮黃的嫩蛋上，如皇袍般。叉燒口感軟稔，炒蛋一大片完美無瑕地包著米飯，淋上甜鼓油及香蔥調味，值得推薦。