荔香園冰室 (已結業)

平時約咗朋友食飯，又唔想食咁貴嘅話就會去通菜街睇下有咩食🤓 見到有間新開嘅冰室個樣好似幾靚一於去試下～叫咗呢個MK巨脾雜扒餐 ($68) 個重點就係呢隻豉油王雞髀😻 雞髀係超級大隻，大隻得來都算好入味，口感好嫩滑！另外仲有兩隻瑞士汁雞翼，豬扒，煎蛋，腸仔，火腿同埋沙律，食肉獸揀呢個餐就啱晒😎 味道都好好另外叫咗一個重慶雞煲 ($68) 會跟一個白飯。雞煲食落去唔算好辣，但係就好香好惹味，雞既份量都算幾多～ 就咁用個汁已經可以撈飯食🌝

呢排旺角多了唔少冰室，標榜即叫即做，新鮮出爐，各有特色！作為一位修歷史的我，特別鐘意懷舊的餐廳，因為從中了解香港的過去。今日我約老媽子去了荔香園冰室，選擇荔香園，因為名子同某遊樂公園差不多，想帶老媽子一齊回憶當初店舖在通菜街，街道上滿滿各色其色的餐廳，日式，印度咖哩餐，西餐，中菜都有！一入去，已經滿座，幸好唔使等位，坐sofa位有d迫，我明白既，香港租金貴，欣賞老闆堅持開店。店中播放好多舊歌，我見食家跟住唱下午茶其他餐牌，食物多元化店裡擺設都係以舊式為主，我記得細個有用過🤪瑞士巨脾餐，撈面好好味，配上瑞士汁巨脾超級大，碗用上雞公碗，而家好少有！菠蘿油包，相較巨脾撈面，菠羅包失色，不過牛油香味重，一口牛油食落口，好正！去到懷舊店，當然食紅豆冰！哈哈之後我仲叫左外賣，一口西多，邊行邊食！

呢間旺角新開茶餐廳行懷舊路線，舖頭細細但係幾多「影相位」，裝修各方面睇得出有用心。（呢d係新開張嘅花牌，依家已經冇曬，圖片只供參考）但係但係！！點解d撈麵可以 咁 ！難 ！食！ 完全係酸忌廉撈丁！史上最難食芝士撈丁肯定佢攞冠軍🏆首先！個面份量應該係完整一個出前一丁。成個麵底係乜汁都冇，芝士醬極度少！芝士汁嘅責任就係要可以好足量好均勻咁撈勻成個麵，啖啖都有芝士香濃味先啱。佢反其道而行，出前一丁先係主角，芝士醬得一🥄勺咁多，啱啱好可以覆蓋大約頭3啖嘅麵。少唔緊要，我忍唔住出聲問佢拎一碗芝士汁 ，佢都好好態度咁比左一碗「芝士汁」我。服務態度ok！（可能因為嗰陣新開張）問題嚟啦。一路食我一路懷疑人生，到底我食緊d 咩啊？呢個根本就係sour cream 撈忌廉定係芝士粉定係奶。完全唔知到底呢兜汁係咩。就咁飲左兩啖我都係飲到sour cream味加非常隱約嘅芝士味。芝士呢？！豬扒唔大，但都幾厚，不過d 肉好柴好乾⋯🙏🏻我真係覺得，想主打賣芝士撈麵就真係比d 誠意，係咪真材實料大家一食就知道。d 汁好似水咁稀，又唔芝士又唔creamy，仲要打著懷舊、地道香港風味嘅旗號，真係唔應該係咁嘅態度。

懷舊香港情懷❤︎一個人旺角到處轉轉找地方開餐，試呢間懷舊冰室，真的很復古，80/90年代裝潢，香港最美好的時代哈哈，好耐無見過的紅雙喜痰罐仔，用來裝餐具，好match個主題❤︎想食下午茶但又太早，於是叫咗個精選午餐，紅酒燴牛腩飯，好大一碟未食已經聞到好香酒味，牛腩入味，而且炆煮得十分軟腍，不錯紅荳冰賣哂，無得試下正唔正宗。個姐姐介紹飲呢款荔枝QQ綠茶，就是綠茶加細粒荔枝椰果，正常發揮整體都滿意，重要是坐得舒服，唔會趕人走，大家睇下報紙雜誌，氣氛幾悠閒〜

喺旺角睇完戲，想搵個地方食個tea，經過女人街，見到呢間懷舊feel嘅茶記，見裝修幾特別，入邊又幾多客，所以就入嚟食個下午茶。佢用舊式香港做主題，裝修都圍繞着80年代香港特色，同時一路會播住啲舊歌，張國榮啊梅艷芳啊Beyond等等，充滿着以前嘅回憶啊。叫咗兩個下午茶餐，厚切豬扒菠蘿包 $38豬扒好林，不過美中不足係菠蘿包唔係好夠脆。雙拼公仔麵 $43因為我哋改咗做出前一丁，湯粉同埋麻油係另上既，店員好貼心咁同我地講出前一丁係用左佢哋嘅老火豬骨湯去煲，所以唔落湯粉個湯底都好清甜。再另外叫多咗一隻瑞士巨脾 $32瑞士巨脾真係好大隻！成隻碟啖啖肉，成隻巨脾都好濃瑞士汁味！喺旺角，想搵間坐得舒服啲嘅茶記，乾乾淨淨嘅，不妨一試呢間老香港風味茶記懷緬一下過去。

今日同朋友放工，去左旺角荔香園冰室食飯。叫左2個餐。重慶雞煲唔錯，佢係打邊爐嘅迷你雞煲。雞煲可以揀辣度，我無揀。平時譚仔食開10小辣，都完全食得曬。鍾意辣嘅要叫多辣。煲入面有13舊雞左右，份量都足夠，一個人食啱啱好。而瑞士巨脾滷肉飯都好抵食，佢嘅雞腿真係超級大，share食都覺得好多。佢雖然大，但全部肉都好入味，煮得幾好。飯撈左滷肉好香，好好食。椰果菊花茶，呢杯叫左少甜😂不過椰果幾甜，芒果QQ綠茶就比較推介，椰果同杯茶幾夾，甜得黎唔覺係人造糖味，幾好飲。另外值得一提係服務態度好好，環境幾舒服，好懷舊，經過可以試下。

女人街除了富特色的地攤檔口還有形形色色的食店餐廳隱藏在某一角有間懷舊冰室經過會見到一間細小的店面但裝潢及設計都充滿懷舊風味總會令人停下腳步想歇一歇呷杯奶茶咖啡緬懷一下舊香港風情格仔拼色的牆身綠色的拉閘牆上掛著80年代的電影像上映一幕精彩的故事這是———荔香園冰室舊冰室怎少得紅豆冰及熱奶茶呢？紅豆甜又起沙，呷一口直頭透心涼奶茶香濃順滑皇袍叉燒蛋飯滑蛋口感順滑包著熱飯每口飯充滿蛋液互相融化加上厚叉燒簡單又美味三杯雞配白飯帶點香辣的三杯雞雞食落嫩滑唔鞋口炆煮得入曬味香辣惹味配飯一流荔香園冰室平凡中顯得不平凡

旺角女人街有一間「荔香園冰室」富有懷舊裝飾，懷舊綠色鐵閘， 牆壁滿是深水埗街景及80年代的電影海報相片，很有懷舊氣氛。食物方面都很多選擇，有晚餐，午餐，下午茶餐，茶餐及小食特飲，款式多及價錢合理，晚上仲有雞煲非常特別。今次獨自一個自私食一個「瑞士雞翼鹵肉飯」，瑞士雞翼有三隻，味道夠晒入味，瑞士汁濃郁，雞翼肉滑，鹵肉甜甜香香，飯量剛好。再嘆一杯懷舊香滑奶茶，用黑白奶杯具裝上，茶香濃厚，奶味剛剛好，算香滑順喉都不錯。

旺角行街行到有啲攰，想搵間平平哋餐廳食下，經過呢間港式冰室，見佢嘅午餐同下午茶都幾吸引，就入咗去試吓😬入去發現都幾熱鬧，有唔少着西裝嘅人，我諗應該係附近返工嘅人會嚟食午餐~個餐牌樣樣都好吸引，不過最尾我都係揀咗清湯底墨魚丸瑞士雞翼加生菜稻庭烏冬，因為個人比較鍾意食類似車仔麵嘅嘢食，覺得比較有港式味道~發現個烏冬都幾吸引，色彩繽紛咁，而且生菜有光澤，應該係洽得啱啱好，唔會太老太林，仲保留到營養價值~瑞士雞翼顏色都好靚，成隻都充滿醬汁，而且食落都炆得啱啱好，啲肉唔會話太老，而且夠嫩滑，咬落去有肉汁流出黎，想食多幾隻👍墨魚丸都好彈牙，似係手製墨魚丸，食到粒粒墨魚粒，而且每粒都好大粒，食到墨魚香味，配埋彈牙煙韌嘅稻庭烏冬面唔錯👍最後飲埋杯熱檸水，平平哋食一餐港式懷舊冰室渡過一個寫意嘅下午係唔錯~

窮遊香港-毒毒一人食雞煲.呢日難得唔洗陪老婆終於唔洗食日式野食見到有間茶餐廳冰室毒毒一人去左食重慶雞煲.呢到一人⭐️重慶雞煲$68（跟白飯）👍🏻一開煲勁熱 出哂煙 幾香👍🏻唔算辣 連bb辣都未到 係香辣👍🏻底下洋蔥煮到幾入味 送飯一流🤔雞肉再滑d會好d（但我又未試過雞煲有超滑雞）（所以呢個其實做得好好啦）份量方面 一人份量加埋野飲岩岩好.難得毒毒一人享受耳根清靜既時光😂（😱比老婆睇到自私食 又要扭耳仔啦）.#荔香園冰室 (旺角)地址：旺角通菜街1號威達商業大廈地下N號舖.⭐️評分：味道：3.5/5環境：3.5/5 懷舊冰室feel 連歌都係服務：4/5 走果時仲叫我食完慢慢坐 加分抵食：3.5/5

又去旺角女人街捐窿捐啦搵嘢食通常行過啲食店都睇吓佢有幾多食客人多就多數冇伏呢間我就正正見佢人多就行入去啦果然女人嘅直覺係冇錯嘅入到去裝修明顯下過心思餐廳嘅背景音樂都係用80年代王菲啊譚校長啊嗰d香港人零舍有共鳴！我同老公一人嗌左一個煲share我地揀左卜卜蜆同埋酸菜魚煲跟埋飯先$68不過特別嘅係一般冰室menu 有嘅嘢例如常餐通粉炒滑蛋呀呢d佢又反而唔見有個卜卜蜆煲好惹味簡直食唔停口酸菜魚更加係我至愛原來跟餐果一碗飯係唔夠架個酸菜魚由其是直情可以當泡飯黎食兩個煲份量又大真係超級抵食

係旺角行街既時候見到間懷舊裝修既冰室，望落別有一番風味，所以決定入內食晚餐~入面有一度舊式既店鋪閘門，牆身既格仔瓷磚真係令人有種置身舊式茶樓既感覺。餐牌都特意用上泛黃既紙張，營造懷舊感覺。同朋友點了晚市推介菜式，芝士雞煲&沙爹牛肉菜苗，而每樣菜式都會附送一碗白飯，唔洗另外加錢。芝士雞煲唔只鋪塊芝士上面， 汁都係由芝士煮成，但雞件的碎骨很多，刀工很待改善。沙爹牛肉絕對係送飯之選， 食落惹味又唔會好鹹，而且牛肉一啲都唔un，份量亦很多，幾抵食既晚餐~

屋企對面新開左間荔香園冰室，主打1980年代懷舊風格，餐廳內的裝修同枱櫈擺設都好似回歸去到1980年代咁，帶爸爸媽媽黎懷念一下就最好不過星期六日都有精選午餐，$40-$50左右就有交易，仲包埋餐飲！另外亦有多款特色小食或醬汁飯熱奶茶用咗我最愛的黑白淡奶杯碟，奶同茶嘅比例啱啱好，茶香濃，奶夠滑，非常出色！台式雜錦滷肉飯呢個飯份量十足，好大碗！而且配料好豐富呀有：滷水雞翼好肥美又入味；香煎墨魚餅爽口彈牙又好食；但叉燒就肉質偏瘦，有點硬了；滷水蛋滷得好入味！底下嘅白飯都係重點，飯粒吸收晒滷肉汁嘅精華，充滿肉香同非常惹味魚片頭墨魚丸配番茄湯米粉番茄湯幾清甜，濃淡適中，加左適量番茄粒同洋蔥，所以好香口，配搭爽口米粉就特別美味啦！墨魚丸爽口彈牙，金黃魚片頭都好好食！

通菜街兩邊其實都好多餐廳，價位選擇由平至貴都有。上星期係附近就同朋友試下門面好有懷求風既呢間冰室門口裝修佈置都幾eye catching裡面都係有化心思既裝修同擺設，連用餐台面既decorations都係專登襯過我同朋友趕時間 所以都係揀左一個飯，加特飲 oreo朱古力。點左個 香煎墨魚餅滷肉飯，墨魚餅好香，同埋份埋都足旺區呢個價位（繼十蚊）一個飯已經係划算選擇，都竟然可以配到咁有氣氛環境，而且坐位都幾鬆動整體不過不失，價位、環境都唔錯，輕鬆開飯之選

這間冰室是位於女人街的，一進店內也感覺到有以前冰室的味道。裡面有不少香港特色的相片，例如電車，雷生春，港產電影情節等等，作為土生土長的香港人，看到都很有感觸，是迴響，也是回味。這個鐵閘也很有感覺，沒想到店家會把這個鐵放在店內做裝飾，作為IG 打卡位絕對沒有錯。坐下時都會看到其他帶有香港特色的擺設及裝飾，特別有感。事不宜遲都已經肚子餓了，就先來一客豐富的晚餐，這碟份量十足，雞脾十分巨型，喜愛吃肉的朋友對它應該愛不釋手呀。這碗牛肉飯已經給牛肉填滿了，多到看不見白飯，牛味可以，整體份量十足，可說是性價比之選呀。吃完之後，覺得十分滿足。平常行女人街時，都應該留意旁邊的餐廳，分分鐘會找到好像這間那麼好的餐廳。