荔香園冰室 (已結業)

星期一放假，去旺角處理一些個人事務，之後去吃下午茶。路過通菜街的>>>荔香園冰室<<<，被其懷舊風格吸引，於是內進。 內裡裝修，以至餐枱擺設和餐牌，均花上不少心思，帶食客回到那些年的香港，值得細味。餐廳背景音樂以90年代經典金曲為主，讓懷舊風格更加貫徹。 食物除了走懷舊風格，也加入潮流元素。 譬如宇治抹茶紅豆冰，便是新一代會很喜歡的飲品。比起傳統紅豆冰，加入宇治抹茶，令香味更加豐富和吸引。大概因為選擇了少冰，所以沒有裝得滿滿的一杯吧。 下午茶餐主打菠蘿包，我選了在餐牌有心心的爆芝流心蛋牛肉菠蘿包。內裡放有一塊真菠蘿，菠蘿包變得名副其實。加入太陽蛋、蕃茄和芝士，營養更加豐富。 牛肉躲藏在雞蛋與菠蘿之間，要細心留意才會見到。

行街行到餓餓好想搵間茶記樓下享受個港式下午茶就見到呢間荔香園冰室見到個名諗都諗冇諗就入去入到好有驚喜裝飾好懷舊好有feel坐低即叫個紅豆冰同西多士紅豆冰同奶0既比例非常好 好正😍仲有食西多士仲令人回味 好juice 呀好喜歡💕d醬同麵包混合0既程度剛剛好食完甜野我0既習慣一定要食咸食叫左阿姐好推0既瑞士雞翼本身佢地最出名係瑞士巨脾但食吳落咁多野 所以都係叫左雞翼配沙律都係出自荔香園瑞士汁應該冇死掛果然 好入味 好好味呀有d後果冇叫巨脾😩為有下次食啦💪本人有少少要求如果下午茶餐可以選擇配沙律或配薯條就正啦呢到有少少不足啦整體個環境同食物都good good👍

荔香園冰室之前一直都想試下佢❤️今日終於都食到佢喇，餐廳係用左80件代既裝修，一入到去懷舊既感覺真係出哂黎，而且餐廳既卡位都幾好坐，係幾舒服既🙋🏻‍♀️🙋🏻‍♀️今次我嗌咗芝士巨脾撈麵😮😮賣相就相當吸引，雞髀好上色，雞肉都厚身，啖啖肉叫唔錯嘅，可惜嘅係汁咸左啲，要扣啲分。芝士汁相當濃郁，同夠多汁，撈埋公仔麵真係好香，而且夠熱，真係好邪惡呀瑞士汁叉燒炒蛋撈麵就比較失色喇😆😆首先佢個炒蛋炒得太老，唔夠滑，蛋味亦唔係好出衆。叉燒係凍既😖😖而且唔算太厚身，我就唔太喜歡，瑞士汁都叫多，撈麵起黎都唔錯既😳😳😳茶走都幾滑既，而且唔會太甜，不錯。熱檸水都唔會好澀

餐廳除了注重食物外，環境也同樣重要。 位於旺角通菜街的《荔香園冰室 》就可體會到啦！ 價錢抵食，地方舒適不驅客～ 😎餐廳裡裡外外都有濃烈懷舊味道反影1980年代 —— 如門外鐵閘、店內桌椅、牆上畫以至碗碟。 特別是偽紅燈招牌～～ 客人大多是年青人，旁邊有四人梳化位，挺舒適～ 瑞士雞翼撈麵、紅豆冰 要原汁原味吃，必選撈麵～ 麵軟度足夠而且充滿醬汁好好味～ 另外點了一杯懷舊紅豆冰，紅豆量多而每粒分明。 不會太生硬或太棯身 一位職員一眼關七地負責帶位、落單、上菜、埋單，實在太利害了。最重要不會讓客人感到急趕的樣子，慢慢地感受下當年環境～

絕對因為間餐廳內部幾靚所以先入黎試下~男朋友中意食叉燒(炒/煎)蛋飯,所以就嗌左呢個皇袍叉燒飯!張圖真係幾靚仔~我就叫左個上湯菜心苗就算菜葉好甜,唔知係茶心本身甜定湯,可能兩樣都有啦!!茶梗易咬!最正係個上湯,唔知佢點煲,真係好好飲,我飲完唔覺得口渴,好鮮甜!!!叉燒飯唔講得笑,上一枱個蛋香味真係令人忍唔住一啖又一啖!蛋味好濃!蛋色好黃,我唔識睇佢係咪咩農場蛋,我淨係覺得好好味!!由於個蛋太出色,豉油呀叉燒呀飯呀,完全唔記得咩味,淨係記得都好唔錯~見佢餐牌都有好多其他特式mix and match,下次可以再試下!!!

荔香園冰室放工去咗旺角買電視，然後睇咗陣桌遊，見過時間差唔多，走去食飯啦！去到呢間餐廳門口，個店員好有禮貌，咁招呼我哋入去，仲話有卡位添，所以我哋諗都唔諗，就坐低左！打開個餐牌，嘩，啲價錢真係好誇張，一間冰室收嘅價錢，可以同高級餐廳相比，你話驚唔驚？我哋叫咗個酸菜魚煲，個煲就唔係好大，不過都算幾深嘅，但係啲餸就得一半囉，酸菜湯底嘅味道，都算唔錯，但啲魚就中伏啦，夾落去全部散嘅，仲有好多好細嘅魚骨添，唔小心真係出唔到餐廳門口。另外點左個香煎墨魚餅，佢擺低果下，心都離一離，堂堂$32嘅一個小食，嚟到好似煎釀三寶咁嘅size，有少少覺得自己好似俾人打劫咁！不過！ ！ ！ ！食落去好厚身、Q彈、好有墨魚香味，仲食到有墨魚係入邊添，真心覺得出邊唔容易食到呢個質感嘅墨魚餅。總算彌補唔到心靈嘅損失！仲有點左個MK佢比集扒餐，又係驚人之作，真係未見過鐵板嚟到冇煙㗎囉，仲要喺上面背啲生嘅沙律菜，真係想問佢錶佢有冇？總括來講，我只會因為個墨魚餅，而再幫襯，完！

今日同朋友去左一間好有舊香港感覺既冰室到食晚餐，呢間冰室好有懷舊既感覺，唔單止裝修好有香港特色，連播既歌都係以前既舊歌，好有感覺。呢度既野食除左有冰室既懷舊美食之外，仲有台灣既滷肉飯，都幾多選擇。我同朋友分別叫左瑞士巨脾滷肉飯同台式雜錦滷肉飯。隻雞脾真係超大隻，雞肉亦都幾嫩滑，啲飯淋上啲鼓油，好惹味！而雜錦滷肉飯入面就有好多料，包括有墨魚餅、叉燒、雞翼同埋滷蛋，好豐富啊！仲有呢杯Oreo朱古力，唔錯！

咁啱出開旺角買D野，經過呢間冰室又剛好又熱又肚餓~就入去坐低食個LUNCH啦餐廳主打懷舊風~上至裝修下至擺設都充滿懷舊色彩Menu都好多款食物揀~有喇沙、咖哩、碟頭飯、滷水、撈麵同燒味飯都有，可以話係應有盡有本身有選擇困難症既我坐係度都諗左10分鐘....最後就揀左台式雜錦滷肉飯$68~加杯凍奶茶$9個飯包括有墨魚飯、叉燒、雞翼同滷蛋~當然唔少得最精華既肉燥啦~仲搭左幾條菜心份量比預期中多，我估男仔食都會夠飽叉燒肥瘦適中，肉燥都好入味，送飯一流!而雞翼佢都滷得幾入味，但肉質唔夠鬆軟~墨魚餅都幾彈牙，食到有墨魚粒，都唔錯~但個人認為如果煎香少少會更加好食!

X香園，X香園買手信，買手信就聽得多。今次食飯間餐廳個名同買手信果間幾似吓。不過就唔係買手信，係間冰室嚟嘅。發覺好多茶餐廳都以叉燒飯為主打，例如黯然銷魂飯。今次我就試下佢嘅特色叉燒飯——黃袍叉燒飯，我加咗一碗 上湯浸時菜。有菜有肉先係健康飲食啊嘛。我覺得佢個名改得幾好，因為佢有一塊蛋蓋住啲飯，就好似黃袍大大件咁。都可以叫做叉燒蛋包飯嘅，更加貼切啲嘅形容係港式風味叉燒蛋包飯！我中意佢塊蛋嘅口感同厚度，食落香滑。叉燒都唔錯，口感鬆軟。果然係招牌，係食得過嘅。環境坐得舒服又適合打卡！唔錯。

超有格調的茶餐廳，感覺回到60年代，內裡佈置懷舊逼真，好多回憶返晒嚟。下午茶食西多士，入面無花生醬，其實係正宗。西多士有花生醬先至算係西多士呢個問題，都有好多爭論。傳統的西多士係無嘅，只係後來社會富裕咗，花生醬唔再係高級食材，所以西多士就加了花生醬。另一說法就是花生醬有助黏貼2片麵包，半煎炸時不易散開，所以後期為方便製作，就加入咗啦。呢個西多士好食，炸得金黃色，又夠多煉奶，一定會再encore。加埋一杯茶走，下午停低30分鐘，好好慢活一下，享受屬於自己的時間及空間。

行行下街無啦啦落大雨, 搵左間冰室食個tea, 入面都幾多人, 無晒卡位~除左下午茶仲可以叫其他午餐/飯/多士等等, 我地叫左個巨髀撈丁, 同埋一個餐蛋波羅包~巨髀都真係幾巨, 淡淡肉, 而且都幾入味, 不過個汁唔算太甜, 似滷水汁多過瑞士汁不過都好正好好食!撈丁好鬼大碗, 完全唔似下午茶份量, 食到好飽~重點一提紅豆冰好好飲, 因為好重花奶味!!!!另外個波羅包就無咩特別, 不過入面塊餐肉煎得幾好食XD

近來旺角開左好多呢啲新派主打裝修 復古既冰室荔香園就是其中一間主打瑞士雞髀就去試下叫了個招牌巨脾什扒餐賣相好似好呃得人首先係瑞士雞髀 明顯唔入味 假瑞士汁 真嘅瑞士汁 係偏甜好黑嘅，佢果隻係少少咸 冇乜味 得啲色 呢種叫豉油皇做法 即係平時去快餐店食既油髀 佢係好大隻但肉質偏老偏鞋 唔嫩入面冇味 好既豉油皇 係可以連入面既肉都做到嫩滑又有生抽鮮味，佢呢隻根本係唔得兩條雞肉腸整得好燶 入口係苦既入面食到輕微雪味，冇理由瑞士汁同豉油皇都唔識分， 條腸整到咁都夠膽拎比客塊豬扒就係普通煎個兩面嘅 解凍得唔好 有輕微雪味嘅厚豬扒基本上食物質素真係差🤢除咗個沙律 係用邱比特芝麻沙律醬 正常外根本上係唔得😖

今日去左旺角買電話殻，買完之後好肚餓，就想搵間餐廳食個tea。經過一間懷舊既餐廳，入面裝修充滿舊式香港味道，懷舊擺設。餐牌食物都係懷舊港式食物。下午茶唔想食太飽，我就叫左一個瑞士汁巨脾撈丁。巨型雞脾好大隻好吸引，滷得好入味好濃香，雞肉變哂啡色。瑞士汁好咸香好重口味！麵質彈牙唔乾身，撈埋瑞士汁味道非常好滋味。巨型雞脾肉質爽口結實，唔會好乾身，結實有咬口。我叫左一杯熱阿華田，食完麵就飲埋華田，非常滿足啊。

最近去左喺旺角嘅荔香園冰室食飯🥢，佢地嘅裝修好有特式💁🏻‍♀️，好有舊香港嘅style呀🇭🇰本身見到個皇袍叉燒飯🍚都幾想食，不過之後見到佢地有個推介嘅安格斯牛肉爆蛋撈麵🍜，好似幾特別，就叫左呢個喇😊叫做爆蛋🥚係因為面頭隻半熟荷包蛋個蛋黃會爆蛋漿架🤤，碗飯有唔少嘅牛肉🐂，都有牛味，雖然都有d根🙈，個公仔麵就有特制醬油😋，令我呢個平時唔特別中意食公仔麵嘅人都食左好多呀👍🏻

見這間冰室很有特色，所以我們二人就進去了。女店員問搭枱是否可以，我們不想搭枱所以選擇等一等，感覺他們有點不悅，然後女店員就讓我們先在搭枱那里坐著等候。坐下後，一直沒有餐牌，我們想先看看吃什麼，就問男店員，他說“好“後就走了，但沒給我們餐牌，只好等到有卡位然後調枱，但我不介意，至少他們貼心的讓我們坐下。但落單後等了很久，中途女店員有主動詢問及追單，最後等了23分鐘才有食物。點了一份雜扒，連一杯凍檸茶要97蚊。但鐵板完全不熱，倒上黑椒汁後完全沒有反應，而且味道一般，牛扒非常生，不敢吃(當然有些人不介意)，整份雜扒最好味的是粟米。部隊鍋 - 連特飲要82蚊，但只有少許肥牛，4條芝士腸，菜，豆腐，菇，3隻蜆，公仔面，不抵食。餐牌寫少少辣，但特辣，而且是麻辣，不能吃辣的朋友不要嘗試。特飲 Oreo朱古力 - 味道很淡，不是Oreo碎，而是一大塊，要自己努力吉碎，但大部分都吸不到...倒不如給我一片Oreo加一杯朱古力。正常凍檸茶一杯總括而言，我跟朋友都一致認為服務態度一般，等候食物時間及食物質素均是差評，只此一次。