茶餐廳2.0 (已結業)

新正頭，梗係要食番個豐富既開年飯啦！今日得我地班細既番工，無得有大食大，唯有係茶餐廳尋找點慰藉。約埋一班同事去試新開既茶餐廳2.0，既然要豐富d，同事叫左牛尾意大利飯、日式照燒雞扒漢堡，我就叫左石窩日式雞扒湯烏冬。牛尾意大利飯，好大碟，大碟到我地呆左，個位大食男同事食極都仲有，食到食唔落仲有一半，睇黎今年佢橫財就手到一個點，好好運喎。日式照燒雞扒漢堡連薯條，薯條非常脆口，好有茶餐廳1.0既既味道。好有小時候既味。至於我個個烏冬，不過不失，上菜時，可窩超熱，d湯仲滾下滾下，好癡線。臨走，我地仲叫左雞蛋仔外賣。今年一定可以過一個好年。