茶餐廳2.0 (已結業)

今日約咗阿哥到荃灣食下午茶，這間在愉景新城2層的茶餐廳是阿哥介紹的，話食物種類好多款式。門口好大，有外賣、更有雞蛋仔位置！坐位都幾舒服又大間，空間感大，都幾多客人來；牆上是手繪的圖畫，好靚好特別，好貼近茶餐廳主題！真係好大選擇，下午茶、常餐、特餐、石窩飯、扒餐、甜品等等，包羅萬有，實有你喜歡的我們點了一個常餐及一個特餐。飲品2.0咖啡及熱鮮奶咖啡好香滑，咖啡味剛好；鮮奶好香好好飲常餐可選番茄牛肉、叉燒，也可選米粉/公仔麵/通粉；份量好足夠，豐富又健康多士是厚厚蒜蓉牛油，好香好蒜味；火腿奄列有好多火腿，蛋煎得唔錯，都大塊喔叉燒湯通粉唔會好咸，食完唔口渴；有菜一同上，便多蛋白纖維！叉燒唔會好肥，軟腍易咬特餐（石窩日式雞扒烏冬）熱騰騰送上枱，好香好吸引！賣相好正烏冬彈牙又不會硬，煙韌美味；湯底唔咸；有金菇及蔬菜，健康又有口感雞扒好多件，軟香喔！更配上雪糕雞蛋仔，雪糕冰凍又軟滑雞蛋仔可以點上雪糕，口感不同！顏色好靚啊

晚飯時間，想食翻d中餐，嚟到依間，坐位好舒服😌唔會好迫，可以舒舒服服食個晚餐由於選定食中餐，今次就揀左個2人餐嚟食，168元，有湯有菜有2個餸，同平時街邊茶餐廳晚餐差唔多價錢，不過環境坐位舒服好多店內畫左2大幅畫喺wall度，幾特別我地叫左個咖哩牛腩，咖哩就of course 要配薄餅，加左5元食薄餅，無揀錯，個印度薄餅熱辣辣，好有酥皮好多層既感覺，配埋熱辣辣好香既咖哩，正！推薦一定要叫印度薄餅另一個叫左個西檸雞，份量都唔小，酸酸甜甜好開胃依間難得有特飲，見到有黑牛，白牛，我係未飲過既，不過今次叫左double chocolate 同紅豆冰，2個都跟一個雪糕球意猶未盡，叫個甜品先，鮮果雞蛋仔，賣相可以靚小小既😂不過個雞蛋仔係做得幾好食，係用類似平時食窩夫既粉嚟整，好香，加埋cream 同生果，成個感覺好夾，為依餐畫上完美的句號

好員工夠主動勤力真係幫到老闆搵生意, 做完野成8點, 唔熟有咩食, 就要走圍睇下... 某盡頭有好多間食肆, 兜左一圈都唔知食咩好, 竟然就係因為收銀呀姐主動介紹咩都有得食, 好多唔同款, 咁就入左去試... 哈我叫左個晚餐紅酒燴牛尾石鍋飯 $98, 包是日餐湯及咖啡或茶; 我見佢a la cart本menu都有的, 不過要加$10才有drink得一個人叫唔到隔離一家3口果d小菜套餐, 又見到其他食客叫的鐵板餐的牛都好大塊~今日是冬瓜中湯, 另有羅宋湯一大兜燴牛尾石鍋上, 個石鍋好熱~ 望落好多牛尾, 有大件有細件都好fair, 白飯另碟上, 都好細心擺埋一邊, 方便我倒牛尾同汁撈埋一齊食.. 個汁ok, 我愛的紅蘿蔔入味, d牛尾分量足, 又好淋十分易入口易食, 夾d肥一入口夠香濃... 撈飯係正既~另見門口有雞旦仔即整即食, 好受歡迎, 不過我已經食唔落, 少有地茶餐廳有free wifi提供

行完愉景新城阿信屋，拎住好多嘢，又到食飯時間，近近地就係對面嘅茶餐廳開飯。好彩早左小小，人唔多，係卡位舒舒服服坐低左。餐牌好靚，仲好多選擇。最後揀左佢地嘅石燒系列，紐西蘭肉眼扒。$98加$10有湯和餐飲。當然一定要加埋佢。餐湯可選羅宋湯和中湯，個人比較喜歡羅宋湯。湯碗好靚。味道好不覺得很酸。好有水準。紐西蘭肉眼扒雖說只有8安士，份量不少。放在特色的石燒。感覺份外清新。配上濃濃的黑椒汁，份外惹味。涷檸檬茶，沒有主動送上飲管，為環保出一分力。抵讚！

雖然愉景新城近年轉型成為兒童樂園，但場內還有數間潮流服飾店，筆者間中也會過去逛逛。今天和朋友約會時，看到了「茶餐廳2.0」的宣傳燈牌，大家都一致決定體驗一下新餐廳。從門面上看，「茶餐廳2.0」跟一般的港式茶餐廳無異，看來要在食物層面上去得知分別。餐廳不幸的位於商場死角位，手機數據接收得奇差，還好餐廳提供免費Wifi， 要知道手機對現代人來說是何等重要。晚巿套餐附送餐湯，其他散點食品也可另加10元配上。筆者品嚐的是中湯，事前侍應也頗友善簡介是晚中湯材料。湯品味精感不算重，都算喝到有冬瓜味。石燒系列可配白飯、意粉又或薯菜。筆者自然是選配惹味薯菜，粗薯條炸得香脆，但有1-2條被石板熱力弄至乾巴巴，硬掉了。吃鐵板扒餐，最剌激就是倒下醬汁一刻。醬汁有黑椒汁跟洋蔥汁可選。圖中的是黑椒汁，倒下的一刻有非常濃郁的黑椒香溢出，令人食慾大開。12安士的豬扒相當足秤。但亦因為豬扒厚身，為了確保它熟透，烹調時間明顯過久了。煎得雖香，但肉質則有點過實。這是晚巿小菜套餐，價錢已包括餐湯白飯。咖喱鍋可選豬、牛、雞肉，筆者和友人選配的是雞肉。咖喱置於石鍋中，上枱時還是帶著熱呼呼的氣泡。咖喱入口有椰香味，不辣而惹味。雞

今日同仔仔去愉景新城玩同埋買嘢。食飯時間見到哩間「茶餐廳2.0」食物都幾多元化就入去食左個 early dinner. 仔仔想食烏冬，就揀左 《卡邦尼石鍋烏冬加温泉蛋 》。石鍋裡面滾住上。卡邦尼汁很香濃。另有煙肉係裡面。食到最後都係仲係熱辣辣。烏冬掛滿卡邦尼汁而且亦口感彈牙，喜出望外的好味道！仔仔超鐘意！熱情果梳打有很多熱情果肉係裡面。甜度適中。味道不錯！我自己就叫左《紐西蘭肉眼扒配蒜容汁》牛扒本身都大件足8oz。肉質淋諗有口感而且牛味濃。食肉獸必定喜歡！可以揀飯/意粉/薯菜。因為唔想太heavy叫左*爭菜*廚房都能配合到，讚！焦糖咖啡味道香濃，底層是咖啡，中間有層蕉糖糖漿，上面鋪滿厚厚的cream. 層次分明。味道香濃。頗好飲！最後我地試左個甜品叫《朱古力雪糕鮮果雞蛋仔》。味道都唔錯。 一次過可以滿足仔仔又想食雪糕又想吃雞蛋仔的願望！食埋甜品大家飽飽又滿足！

愉景新城裡面竟然有驚喜，話說當日係商場shopping完畢，準備去停車場取出，行過見到裡面潔淨舒適，餐牌多元化，於是食埋飯先走。叫左個卡邦尼烏冬配日式溫泉蛋 $68，紐西蘭西冷扒 $98，百香果蘇打卡邦尼烏冬配日式溫泉蛋 $68，石鍋上，竟然石鍋上，真係好有心，$68竟然可以滾住上，個烏冬好滑好彈牙，個卡邦尼汁非常香滑，重點推介，不可不試。紐西蘭西冷扒 $98，石板上，竟然石板上，此餐廳真係好厚道，石板比鐵板好好多！熱量保持得耐，熱量源源不斷興住塊扒，而且唔係鐵板濃曬咁，塊扒足足八安士，我覺得分分鐘唔止，好大好厚，又夠淰，真係超正。叫左黑椒汁，紅湯，黑椒汁非常香，係口腔直上鼻腔，紅湯料足，牛味重，鹹酸味平行得好好。百香果蘇打，百香果味香，加上蘇打好爽口，都話這餐廳夠厚道，睇下杯野落左咁多甘香果醬就知道。抵食又好食，一定會再來。

前幾日由於朋友一起相約到附近的餐廳吃飯，除了因為這裏的地方比較舒服之外，價錢有比較實惠，而且很少在商場裏面的餐廳是沒有加一的。我們每人選擇了一個餐，我選擇了厚切焗豬扒飯，朋友則選擇了2.0叉燒雙蛋飯。很快就來到了，這是我選擇的焗豬扒飯，而且還用煲仔飯的窩載着呢，很有風味。這個豬扒飯真的很厚切，豬扒很大塊，差不多有一隻碟那麼大，肉質很結實。豬扒飯底下的是炒飯，炒得很香呢！很快就來到了，這是我選擇的焗豬扒飯，而且還用煲仔飯的窩載着呢，很有風味。這個豬扒飯真的很厚切，豬扒很大塊，差不多有一隻碟那麼大，肉質很結實。豬扒飯底下的是炒飯，炒得很香呢！這是朋友選的2.0叉燒雙蛋飯，黑椒份量也挺多的，肉質偏向比較瘦，味道很入味。

昨天來愉景新城買鞋時，經過見有間茶餐廳好多人幫襯，就諗住搵日來試下。話口未完，今朝就有機會來食早餐，不過試完之後，就覺得跟期望有點出入。早餐有A至E，價錢唔算平。叫咗一份A和一份D餐，合計$76。D餐是法式洋蔥湯米粉配薯餅加煎單蛋，而A餐是沙爹牛肉麵配多士加煎雙蛋，餐飲是即磨咖啡。洋蔥湯底味道偏鹹。沙爹牛肉麵的麵都未煮夠腍，都未散開，牛肉肉味和湯底的味道都係偏淡。炸薯餅就OK，而且仲係非常熱，咬落去差點覺燙親咀。

今晚想搵間茶記食個快嘅晚餐，正當經過商場準備去後街搵茶記時比我同老公發現呢間「茶餐廳2.0」簡單望望收費，同一般茶記差不多，但有靚裝修，所以即刻停下腳步坐底了。餐廳裝修好光亮，環境寬敞，土地問題，好難再搵到傾計唔洗好似鬧交嘅茶餐廳。我選了小菜套餐，有湯有菜有飯包埋嘢飲都只係一舊水左右，仲要分量唔細，抵食！老公話要食番男人食嘅嘢，就係叉燒煎蛋飯，真係估唔到呢個有驚喜，一上枱已經俾佢賣相吸引，豉油煎蛋已經好開胃，叉燒小小肥，女士都唔怕食😍跟餐加$19可以有雪糕紅豆冰，飲得出佢係用煉奶沖，好落本!一般快餐或茶餐廳係唔會用煉奶沖紅豆冰㗎，所以加$19都好值得！不過美中不足嘅係冇粗飲管，下次可以自備環保粗飲管先😆最後仲追加了呢個雪糕蘋果金寶雞蛋仔$38，呢個配搭好新穎，但食落又幾夾喎😋😋當今世界誰怕誰餐廳門口設有雞蛋仔外賣區$15一底，仲可以自選加雪糕、生果、棉花糖等等配搭，呢個價值都好超值。餐廳主打都係平民食品，但有高級餐廳嘅寬敞環境，仲有免費WiFi, 配合茶記嘅價錢，我同老公又多個飯堂選擇喇🤩最後仲追加了青檸梳打

茶餐廳2.0, 個名好似將茶餐廳upgrade左咁想知道可以將本地特色既食物點樣upgrade1個grade黎到荃灣既愉景新城呢D大既商場到一試茶餐廳先肉眼扒(8安士)配薯菜 (98)我就揀左蒜蓉汁，因為想香口D肉眼扒唔會太熟，切入去都見到仲係紅既肉未算係好嫩滑，勝在牛味都足夠卡邦尼烏冬配日式溫泉蛋 ($68)呢個係佢既dinner set黎，有湯同野飲講講個烏冬先，佢用左個煲上，所以入面既汁都係滾住同起泡，好有中西合壁既味道卡邦尼汁好濃，奶油味都重，煙肉同烏冬既份量都好多而烏冬係急凍有咬口個隻，食耐少少個汁會收乾D，個味道就更加濃郁加上有溫泉蛋撈埋好似有蛋花咁奶茶就不過不失，D人話茶餐廳好唔好就睇杯奶茶好唔好飲XD茶味都夠，係奶差少少，可以叫佢加多少少奶既蘋果金寶雞蛋仔 ($38)因為想食下甜野所以叫左呢個XD雞蛋仔份量都夠，但唔係好脆，入面都好飽滿既，蛋味足夠不過cream好似多左D，而蘋果令到成個雞蛋仔更加香，補番少少不足呢個腫蛋仔就要趁早食，唔係凍晒冇咁好食啦

通往愉景新城的長長天橋上見到茶餐廳2.0的廣告，引起我地既興趣，所以決定中午去試下。店內裝修不錯，環境清潔，坐位舒服。午餐抵食，不過選擇不算多。于是我地嗌特餐。特餐有2.0叉燒雙蛋飯，本身48蚊，如果跟套餐只是加10蚊就有餐湯同野飲，凍飲就另外加3蚊，非常抵食。餐湯揀左中湯，青紅羅卜豬骨湯，料好足，幾好味。野飲揀左西洋菜蜜同凍檸茶，清清地，幾爽口。叉燒雙蛋飯，半熟太陽蛋蓋在上面，底下系叉燒。叉燒份量足夠，肉質不錯。另外我地仲嗌左份全日早餐，賣相好靚仔。有牛角酥，茄豆，火腿，炒蛋，腸，菇，好豐富。最出乎預料好味的系雞蛋仔，香香脆脆，好有蛋味！

同fd行愉景新城(D.Park)時，揾個地方食lunch，揀左嚟度，似茶餐廳又似快餐店入到去，坐位都幾闊落，午市都幾旺，但亦然坐得舒適朋友叫左個午餐咖哩牛肉飯，咖哩味濃，很香，而且辣味頗重，可以話係香辣咖哩而我明明無叫煲仔飯點解會嚟左圖中的瓦煲當我以為搞錯了之制，打開一看，原來真係我叫嘅焗豬扒飯，用瓦煲裝著焗豬扒飯，真的很有特色，而menu亦完全無寫，亦無圖，令我好surprise另外，飲品的器皿亦同樣有特色，貌似漱口盅，我叫了的是凍奶茶，水準不錯茶香奶滑

財爺公佈的財政預算案沒有驚喜，較去年的更差勁，退稅、減差嚮的款額較去年的少許多。看來我們的銷費要再節約一點，外出吃飯都要選一些平靚正，經濟實惠的來吃。茶餐廳當然是必然考慮之選。今晚去了一間茶餐廳，叫做2.0，名字好搶，位於一個大商場內，人流很旺。食物款式多，常餐、鐵板餐、海南雞飯、咖喱、素食等都有，還有特色雞蛋仔雪糕甜品。晚市套餐很抵食，選了一個黑椒厚切豬扒飯，加配泡沫咖啡。再點了咖喱牛腩飯配雜果賓治。Honey想吃點蔬菜，所以，又點了一個烤大菇露筍雜菜沙律。晚市套餐是有餐湯附送，今晚的是雜菜湯。湯內材料充足，味道少許酸甜，令人食慾大增。雜果賓治冰涼，飲下去令人心擴神怡。泡沫咖啡確然有很多奶泡，飲下去感覺特別滑。更特別的是，它用了毛主席的肖像杯，上面還印上毛語錄金句，警醒世人。豬扒的確很厚，全熟的，雖然帶點乾身感，但肉味都OK，加上有黑椒汁，非常易餸飯。咖喱牛腩飯的份量很大，咖喱的味道濃郁，辛辣程度適中，辣中帶香。牛腩煮得軟腍，容易吃。沙律上的烤菇大隻多肉，吃下去感到甜味。露筍爽甜。雜菜沙律加了和式芝麻醬，味道很不錯。

茶餐廳嘅茶餐廳之中，點解佢會叫2.0呢？茶餐廳畀人既印象都係好污糟， 嘈. 但茶餐廳2.0入到去畀人哋好乾淨既感覺， 服務都不錯。紅酒燴牛尾配飯： 牛尾用石頭上，係非常熱辣辣嘅， 食到最後個鍋都依然係好熱。 講番啲牛尾， 好淋好淋， 好耐冇食過咁淋嘅牛尾， 紅酒味唔會太重， 份量啱啱好。紐西蘭肉眼扒(8安士) 配港式咖哩： 肉眼佢冇問到我要幾多成熟， 但出到嚟估唔到嘅係啱啱好呀， 應該有六至七成熟， 啲肉咬落好有趙口百香果梳打：甜，好夠味。青檸梳打： 青檸乾味道不夠。價錢合理, 環境好, 值得推介!