茶餐廳2.0 (已結業)

呢間超地道嘅港式茶餐廳，聽朋友講呢間餐廳有雞蛋仔同埋出名嘅奶茶，所以就入去試試佢，雖然有好多人光顧，但好快就有位啦！可能環境大啦，所以就算多人都唔會話太嘈! 晚飯時間去食款式超多，花多眼亂，好多人都好想食，佢有小菜晚餐，又有西式晚餐，最後決定同我朋友一個叫中式小菜，一個就叫西式試吓😂中式小菜就見到佢寫住海南雞2.0 ，同間餐廳個名一樣，就應該係特色小菜啦！佢個小菜會有加$10有白飯同埋一個湯！好有住家菜味道🤗加咗$20要多啲菜！最值得推介就係呢一個黑松露野菌帶子意大利飯👏🏻估唔到一間港式茶餐廳煮呢一個飯都住得咁出色！食咗第一啖就停唔到口，實在太好味！個中式套餐就包埋杯嘢飲，所以就叫咗杯凍奶茶，奶茶超滑，果然係特色奶茶！最後試埋佢個招牌鮮果雪糕雞蛋仔，我同朋友食到好飽都要食晒成個雞蛋仔食晒成個雞蛋仔😁

這幾天天氣都不太穩定，於是在家附近的商場行街食飯，不用擔心受天雨影響行程。愉景新城有很多特別的餐廳，今次看見這間餐廳有非常特色的雪糕雞蛋仔，非常有香港情懷的感覺。餐廳的食物種類眾多，最後點了海南雞套餐。海南雞非常有雞味，配上獨有醬汁更是非常出色。白飯分量剛剛好，不會太多或太少。套餐可以加油菜，今次是娃娃菜，味道不錯。飲品點了青檸檬梳打，都非常不錯。最後沒有試雞蛋仔，因為實在太過飽，下次必定一事。值得一提的是，愉景新城泊車優惠非常抵，駕駛人士可以駕車前往。

放工同男朋友留在荃灣區搵食，因為落雨所以就去咗愉景新城，之前好似冇見過呢間餐廳，應該是新開的，我哋最鍾意試新野!!環境是名副其實茶餐廳格局，但勝在地方夠大坐得舒適，打開餐牌選擇都好多，有晚餐有小菜套餐有常餐有咖喱有鐵板餐! 男朋友揀咗晚餐A-菠蘿海鮮炒飯($58)，海鮮炒飯嘅海鮮包括魷魚蜆肉同大蝦，呢個飯食落一啲都唔油，味道唔會太濃，菠蘿甜甜地很醒胃，食到最後隻碟都唔會有好多油，其實喺茶餐廳食炒野，最怕就係多油，呢一個咁少油係會加分嘅。時不時聽到沙沙聲係鐵板嘅聲音，受唔住引誘叫咗個海陸空雜扒餐($88)，跟餐要加$10有埋湯同飲品，呢個鐵板餐有大蝦火腿煙肉雞扒豬扒，非常豐富，豬扒雞扒口感不錯，大蝦新鮮爽口夠大隻!

一行4人分別叫左一個鐵板西冷扒，3個特餐特餐係石頭鍋雞扒烏東，雪糕配雞蛋仔叫餐時冇同我地講雞扒同雞蛋仔已經賣哂。一上枱見到3個特餐變成白切雞烏冬。啲雞仲要係好似餸尾咁既樣囉！見到啲雞都唔開胃囉！最後個雪糕配雞蛋仔變成齋雪糕。同個啊姐講啲野食貨不對版！個啊姐話下次搵番佢請番底雞蛋仔我地。都9唔搭八！唔會有下次囉！服務態度又唔係好！地方同餐具又唔乾淨，張枱仲要勁濕！冇果樣野食又唔同我地講，比埋啲餸頭餸尾人地食！

一開始落單時又話有 落完單後 出個甘既野比我 雞肉老到完全咬唔開 ，都唔知係唔係賣剩既是但丟落去沖數 煮左勁耐甘 。落單個阿叔又 傻下傻下甘 都係第一次食野食到火都黎 以後都唔會食呢間野

上次同閨蜜👭嚟咗呢間新開嘅「茶餐廳2.0」食晚餐，發覺呢間真係平靚正又性價比高，今次就拉埋男朋友一齊黎再食多次🙆‍♀️.餐廳裝修以簡約為主，乾淨企理👍.石燒系列-紐西蘭西冷扒。8安士 （$98）呢個紐西蘭西冷扒真係好抵食！至少有1.5cm-2cm嘅厚度，係勁熱嘅石板上慢慢燒。咬落嫩滑多汁，牛味濃郁，肉汁豐盈😍沾一沾惹味黑椒汁，不得了！💁‍♀️ 小妹建議，最好叫五成熟，因為個石板真係好熱架🙈配合埋薯菜，就冇得彈啦！厚切薯條，外脆內薯，好正～加多$10仲有埋是日餐湯同飲品，好抵食🙆‍♀️.香濃芝士肉醬意粉 （$58）性價比超高！$58有齊意粉，餐湯同飲品😍用勁熱嘅石鍋承載着，每條意粉都沾滿左香濃嘅蕃茄肉醬，真係好juicy！意粉硬度亦恰到好處😋最正嘅係頂層鋪滿爆多芝士， 輕輕一拉就可以拉到勁多芝士💕.飲品杯盞鬼又搞笑🤣💁‍♀️小妹建議一定要飲埋餐湯，材料真係勁豐富呀🥰.素菜炸物拼盤 （$58）拼盤有南瓜餅，咖喱角同春卷。即叫即炸，底部仲鋪左一層沙律菜，吸哂多餘嘅油份，一啲都唔油膩👍特別嘅係旁邊嘅醬料， 唔係常見嘅番茄醬，而係芝麻沙律醬呢🙆‍♀️.雪糕鮮果雞蛋仔 （$58）黎茶餐廳2.0， 千奇吾好放

本身行開愉景新城,附近就有三間飲品店,不過就行佐入一個角落見到佢。試下就嚇親我啦黑糖仙草鮮奶(冰)$24評分:2/5鮮奶係保羅嘅(唔係用新鮮嘅,係用可以放室溫個隻),也還可以,我都有飲開保羅奶,又唔可以話好香。黑糖完全唔香,甜度就夠。佢會落糖去打D 奶,有D奇怪。仙草其實係涼粉,佢地好唔一樣架,貨不對辦吧!我係完全唔食涼粉架!😭冰係一大杯,真係唔洗咁多吧!!!(請看下圖)唔洗幾啖就飲哂,因為大多冰,其實飲唔到咩味。保羅奶係超平嘅奶,不用太吝嗇吧!

見到咁多笑臉就黎試下，中晒伏。嗌左西冷扒，得一舊仔西蘭花，而且肉質麻麻地，（後尾睇返其他人食評既相，原來都係得一粒西蘭花）... 另外我地嗌左兒童餐，意粉係凍既，啲雞蛋仔好硬，小朋友食唔到 服務有待改善，隔離枱想要水，侍應上左個雪糕，而另一張枱就漏單，應該係唔夠人手。

今日同朋友去咗愉景新城行街🙆🏻🙆🏻因為平時好少嚟呢邊所以都唔知呢度有咩好嘢食🤔🤔見到呢間茶餐廳2.0諗住入去求其食下嘢🧐 估唔到都幾好食餐廳環境幾闊落 好光猛👍🏻牆上面有啲懷舊港式茶餐廳食物嘅圖畫 幾特別😆😆食物選擇都幾多除咗傳統茶餐廳嘅常餐 特餐 小菜同埋扒餐仲有素食 👶🏻兒童餐仲有埋Pasta同Risotto都幾多元化😆😆🐮美國安格斯肉眼扒(8安士) 配薯菜黑椒汁 $148☕餐湯 白牛 +$15今日餐湯有兩款一款係中式嘅冬瓜湯一款係西式嘅羅宋湯我哋都揀咗羅宋湯💁🏻💁🏻呢個牛扒真係好大塊🆙🆙食得出係靚嘅安格斯 鐵板夠熱一淋黑椒汁落去就沙沙聲好正😍😍 薯條都好大份🍟白牛個🍦雲呢拿味雪糕好滑好好食本身想叫常餐點知俾我見到呢個肉醬意粉好多芝士好吸引😍😍🍝香濃芝士肉醬意粉 $58凍檸蜜 +$3呢個肉醬意粉真係超級大份🤗🤗 面頭仲有一層燒得好脆嘅芝士🧀 芝士下面有超級多肉醬撈埋一齊食好正😋😋😋

Tsuen Wan is such a big district to explore, its not until last year that I started to search for good food around this area. Cha Chan Tang 2.0 is a newly opened restaurant located inside D-Park (a popular shopping mall for families). This restaurant is a HK style one with some creative fusion of both Chinese & Western. We ordered the dinner set for two in which we can pick two main dishes, it also came with a veggie and two soup to start with. 1. Soup (with the sets) - it arrived first, there a

位於大型商場入面既冰室即使晚市既價錢都唔算貴而且內在環境唔差，樓底又高，望落乾淨，沒有一般茶餐廳的焗促。鐵板燒充滿濃厚的香港特色, 成隻鐵板咁上既牛扒係比起西餐廳碟上更加香脆同有味道!!!佢可以揀配飯或意粉我選擇既係配上意粉 味道味味覺都係一流！外皮香脆，入口即溶的口感。加上了黑椒汁，不但味道濃郁，黑椒粒燃點味覺同口感，令到牛肉更加香。意粉份量多，軟硬剛剛好，一啖肉一啖意粉，既好味又飽肚最後加埋杯熱辣辣既檸茶就岩岩好

餐牌都係d茶餐廳選擇，輕輕睇過下openrice既評價，套餐類既會比較受歡迎。晚市人均六，七十蚊，又唔係貴，食到飽一飽，都算係咁！小菜套餐呢度既晚市可以叫一人或者兩人既小菜套餐份量都唔少, 包左有湯, 主菜, 飯, 同飲品佢有兩隻湯可以選擇 我就揀左紅湯湯夠濃味，食到材料都幾多下，別看這一碗的份量！碗可是相當的大！可以當係一個好豐富既前菜海南雞雞係幾滑既 雖然係有骨 但係幾好食的 醬就得兩隻 一隻辣 一隻係蒜香 甜甜地凍奶茶呢隻杯好懷舊，同呢度既主題都好match!!味道唔錯, 茶味好香濃

來到荃灣愉景新城行街，老公話想簡單食個茶記，見到「茶餐廳2.0」，怎料一D都唔簡單。餐廳裝修簡潔，菜式選擇多，讓人喜出望外。白酒忌廉蜆肉意大利粉$68蜆肉很多很飽滿，忌廉芝士味濃，意粉好吃。紐西蘭肉眼扒配薯菜蒜蓉汁$98肉眼扒肉質鬆軟，有黑椒的香味石板香煎厚切豬扒$78鐵板燒得很熱，很喜歡聽到把汁淋落去的「咋咋聲」，豬扒煎得很香，裏面軟。蘋果金寶雞蛋仔$38很少茶餐廳有雞蛋仔食，「茶餐廳2.0」的雞蛋仔還分堂食和外賣。我選了這款蘋果金寶雞蛋仔，雞蛋仔上面灑了些 藍莓、提子乾、桃肉、cream和一球雪糕，很特別。

第2次來，其實唔多想來，如非同事約咗響呢度食埋早餐後坐大巴上皇崗，真係唔會來。它勝在位置好，喺愉景新城裡面，食完早餐之後，行去大巴站好近，非常方便。餐廳其實都算大，店員又多，唔驚搵唔到店員落單。同事點咗火腿米、薯餅、煎雙蛋配即磨咖啡。火腿米來到時，啲湯都唔多夠，我叫佢快啲食，否則好快被嗉乾。煎蛋OK，煎到有脆邊。薯餅番炸夠熱。我就點咗炒蛋、煎豬肉腸、菠蘿包配即磨咖啡。咖啡和菠蘿包先上來。個包凍的，無番熱，肯定係隔夜的。因為炒蛋和豬肉腸等咗好耐都未來，而且又肚餓，所以勉強用咖啡餸咗個包來食。最後，炒蛋和肉腸終於來。幸好，兩樣嘢都過得去。

這間茶餐廳新開的，都有裝飾也不算細！飲品杯好特別，好懷舊雞扒漢堡配薯條，賣相好吸引，薯條係粗身的，好夠熱又香，但好似不是實心的，粉多過薯仔，雞扒夠淋好滑，包是脆身的。整體也是好味的。卡邦尼意粉，同事話幾香，料也足，意粉也是彈身的，只是味道欠少少。慢煮咖哩牛腩飯，好大碟，牛腩好香又夠多，都幾辣同惹味，牛腩可能係慢煮，所以不是好夠淋，但也是好入味好香，仲有薯仔，紅蘿白，洋蔥，青椒。用商場apps送一個迷你雞蛋仔配雪糕，好細份呀，又唔夠熱，雞蛋仔的外邊是脆的，但可能不是即整，所以淋了。