茶餐廳2.0 (已結業)

下？荃灣愉景找素店？😦印象中，不論在過去或現在，從來未有素店在愉景出現過的啊！難道要虛構一篇「愉景新城未來的素店」？唔掂喎🤷‍♂️，這題目實在寫🖋不下去……….嗯，俗語有云：「退一步海闊天空，減一字思如泉湧」🤔。不如減去「店」字，改為「愉景新城找素記」🤣，咁就有得諗了。究竟愉景新城有乜素呢❓當然，不是和大家介紹羅漢齋炒麵、紅燒豆腐飯啦。早前有素友出POST，話原來有間「茶餐廳2.0」，有7款素食可供選擇，當中包括左意粉🍝、漢堡🍔、炸物等等，似乎有點吸引，所以就專程過來一試了。當天，我們點了「扒雜菜漢堡」和「素菜炸物拼盤」。漢堡出現時，其實有少許愕然的，「咦?怎麼餐單中的漢堡相片似乎較吸引呢？」🙈漢堡的主要材料有茄子🍆、青瓜🥒，並以汁調味，味道中規中矩。幸好尚有粗大的薯條相伴，挽回了一些分數。至於「素菜炸物拼盤」，包括了春卷、咖哩角、南瓜餅。當中以南瓜餅最美味😋，南瓜份量足夠，能吃出南瓜味道，比另外兩款炸物更為吸引。有件趣事挺得意的，食店的凍檸茶都幾呃到人，用熱檸茶的圓杯盛載，沒有飲管，加上冰塊沒有浮出茶面，起初，我以為侍應拿錯了熱檸茶給我呢😂。

聞說愉景新城係個小朋友嘅天地，聞名不如見面，最近有好朋友嘅仔仔生日，要買生日禮物，所以去左愉景新城一趟。超誇張，幾乎整個商場都係為小朋友而設。成功買禮物就順便喺商場搵食，見到間名字簡單直接嘅《茶餐廳2.0》就同朋友入左去食我地嘅晚餐。石燒A5日本和牛片，估唔到喺港式嘅茶餐廳可以食到咁精美嘅鐵板日本和牛，所以忍唔住要試下。牛嘅份量充足，就算同朋友仔開心share都可以食到足夠嘅日本和牛。和牛既鮮甜又唔會有韌嘅感覺，配上甜甜嘅醬汁，熱辣辣嘅鐵板同埋滑滑嘅溫泉蛋，令到整個和牛飯又熱又好味。卡邦尼烏冬配日式溫泉蛋，作為一個平時食西餐時最鐘意食卡邦尼意粉，而食日本野時最鐘意食烏冬嘅我，見到呢個卡邦尼烏冬已經心心眼，呢個西日fushion菜自然成為必點餐品。上菜時亦不負眾望，用熱辣辣石鍋上，令到整個烏冬都可以保持住熱辣辣，卡邦尼烏冬配上溫泉蛋令到整個烏冬更滑更好味！呢間港式茶餐廳以香港名物雞蛋仔作為甜品主打，本身想試香蕉千層雞蛋仔，但已經售罄，所以我試左佢果個蘋果金寶雞蛋仔。即叫即整嘅雞蛋仔，上面加上甜甜嘅cream，鋪滿大大粒嘅蘋果粒、提子乾同埋蘋果醬，非常好食，啖啖都食到甜甜嘅蘋果味，新鮮製造

今日行過Discovery Park，見到呢間茶記覺得好特別，先因為個名叫 茶餐廳2.0。2.0系新世代都知系進化嘅野啦。咁茶記可以點進化呢？我都習慣先留意裝修環境先嘅，一入到去系乾淨舒服嘅，唔系好香港茶記地道式好窄好逼kip，坐的舒服嘅，而系有新文化裝修嘅，一面牆系畫左香港原有嘅野食就睇得出，連餐具碗碗碟碟都有D中國/香港嘅獨有文化。咁入得餐廳都系食野啦，我分兩part講下先，第一part我會想講系2.0嘅精粹系將所有香港應有嘅野食佢都有擺曬起餐牌，特別D嘅系雞蛋仔啊，扒餐，快餐，特餐，炒粉面，最特別有個應該系餐廳較為平同特色嘅黯然銷魂飯（周星星果碗，本身好想試，但其他野好似好好食，結果無嗌）我地嗌左卡邦尼石鍋烏冬配日式溫泉蛋，星米兩樣惹味都系相對淡，可以自己加醬油，而紐西蘭肉眼扒系茶記高級野，不過下次嗌要再嗌生D，5份剛剛好。哈哈，野飲就嗌左黑糖珍珠奶茶，黑糖仙草鮮奶，黑牛，甜品系朱古力心太軟，呢幾樣都好食嘅，最特別系個鮮奶，本來預左無特別但原來襯埋個黑糖系好夾。

真係大件爽底食! 諗住求其揾間餐廳食下晚飯，點知又食到好野!兩個人叫左兩份扒餐， 落咗單冇耐，神速上菜， d食物咋咋聲熱辣辣😍🤤首先係8安士紐西蘭肉眼扒，塊扒好大塊，份量超級多呢! 😂 叫左五成，黎到都差唔多。。黑椒汁唔會搶咗肉味又唔辣。呢個餐跟意粉，分量都幾多下，麵唔會太硬。另外，仲叫咗石板香煎厚切豬扒。 又係大大件😂 豬扒好香口好正啊😍 不過蒜蓉汁略咸 ，自己落少啲就得。兩個餐都係跟羅宋湯，個湯好濃好足料! 唔會太酸! 好味!總結：價錢唔貴又食到份量多ge扒餐，唔錯!

今日約咗朋友食飯，朋友提議不如到愉景新城食，揀咗呢間，原因是個名好得意😆 茶餐廳2.0，即茶餐廳進化版吧😂😂一睇menu，佢的食物款式都幾多幾特別喎。我叫咗個特餐，包括：「石鍋日式雞扒湯烏冬+迷你雞蛋仔雪糕+餐飲=$50」石鍋真係熱辣辣滾住上枱😱 我一直最愛烏冬😍，呢個烏冬真係👍🏻👍🏻，日式雞扒的雞皮燒得好脆，好好味🤤 最後最後，甜品有個迷你雞蛋仔雪糕，我見真係即叫即整的，黎到仲熱，好感動！加埋雲尼拿雪糕！perfect match 🤤朋友叫咗個「紐西蘭安格斯肉眼扒（8安士）」$98配上黑椒汁，wow，佢嘅黑椒汁好有驚喜，超濃黑椒汁👍🏻 肉眼扒都好有水準，估唔到可以有咁好的質素！非常滿足的晚餐。

今日同fd行完荃灣就黎左依間茶餐廳2.0食Dinner。之後有朋友介紹過佢嘅扒並非用鐵板上而係石燒嘅，我心諗都幾有特色，於是就揀左佢啦😋石鍋底燒嘅西冷扒比平時嘅鐵板熱得多，食到最後一夠仲熱辣辣，而且西冷嘅肉質都唔老，好鮮；配上平時冇乜機會飲到嘅特飲-白牛（雲尼拿雪糕溝雪碧），絕對係一個唔錯嘅選擇，最後食埋個甜品-心太軟，一上枱入面嘅朱古力軟心已經流緊出黎，真係夠晒豐富。茶餐廳2.0食到嘅嘢唔係一般嘅茶餐廳食到，值得一試。

係愉景新城行完街，諗住搵野食醫下肚，行過見到呢間野叫茶餐廳2.0，唔知係咪即係茶餐廳進化版呢😂一於入去試下😂I 入邊環境幾光猛，座位都好闊落。餐牌選擇都好多，見到石燒系列有好多個手指公，所以就一人一塊扒😂轉左其中一個做套餐。先黎個紅湯，係茶餐廳既味道。塊豬扒煎得好香脆，但係又未至於硬晒，配上蒜蓉汁，真係好似鐵板豬扒咁。難得係茶餐廳仲有粗身嘅薯條。冇晒安格斯肉眼扒，就試下西冷。啱啱嚟到有一邊仲係好似有少少血水，反一反轉佢，隔多陣切塊扒，就啱啱好係我要求既五成熟！可想言之塊石板有幾熱。亦估唔到茶餐廳都做到呢個水準。而且咬落去，唔係普通街寶嗰啲牛扒，係真係有肉味嘅扒，唔使點汁都得。食完石燒扒，要杯熱檸蜜潤潤佢。食完之後，其實仲想要多個雞蛋仔做甜品，可惜嗰日部雞蛋仔機壞壞哋，所以轉左心太軟。一切開，啲朱古力醬就湧出嚟，好治癒😊

愉景新城呢一間茶餐廳2.0 ，食物質素真係唔錯，我們一行兩人下午一時來到，全場滿座，所以決定入去一探究竟！首先我們叫了一個午市套餐，鮮茄大蝦燴意粉，呢度嘅午餐每日應該都唔同，而大蝦都有五至六隻，蝦肉彈牙有口感，另外午市套餐仲有餐湯附送，而餐湯係羅宋湯！之後我哋單點左一個咖喱風情嘅紐西蘭肉眼扒（八安士)，平時食用安排一定揀燒汁，但係眼見呢度嘅咖哩好似唔錯，試咗之後先發現原來咖喱汁同牛扒出奇地夾！肉眼扒肉質嫩滑，油脂分布平衡，咖喱汁味道非常濃厚，而且仲有厚薯條！呢度嘅飲品杯非常特別，細細杯好可愛，我哋飲咗一杯菜蜜和一杯檸檬茶！最後一定要叫嘅係雜果雪糕雞蛋仔，雞蛋仔上鋪滿我們的忌廉和士多啤梨草莓粒，仲有一球雲呢拿味雪糕，每一啖都有齊忌廉雪糕水果，真係大滿足！

今日趁早收工，便跟老公去愉景新城茶餐廳2.0食晚飯。這裡環境光猛又寬敞，設有卡位、有大枱等，十分舒適。另有特色位：雞蛋仔外賣專區。可外賣雞蛋仔邊行邊食，仲可追加水果、雪糕、棉花糖、珍珠、朱古力棒等配料。店內除了提供茶餐廳基本的食物款式，還有好多驚喜，如和味十足，相機食先的石燒A4日本和牛片及搭配迷你雞蛋仔雪糕的石窩日式雞扒湯烏冬。見如此特別，即各叫了一客。石燒A4日本和牛片 (推廣價HKD168)配白飯、慢煮雞蛋、甜粟米粒、椰菜絲+咖啡或茶 (可加錢轉凍飲)送來時，賣相跟餐牌一樣，相機食先，超吸引，先來熱辣辣的熱石板，再來個精美和牛片層架，頭兩層有100g豐盛的A4日本和牛片配椰菜絲，底層則有慢煮雞蛋配甜粟米粒，材料豐富！A4和牛肉質鮮嫩，脂肪分佈均勻，在熱石上略燒即可品嚐，牛味足，入口嫩滑，配一啖飯，令人難忘！將慢煮雞蛋跟飯在熱石上炒一炒作自製炒飯都不錯！石窩日式雞扒湯烏冬配迷你雞蛋仔雪糕 (HKD58)+咖啡或茶 (可加錢轉凍飲)熱辣的石窩，內有外脆內軟的雞扒及有咬口的烏冬，仲有嫩綠蔬菜，配上美味凍檸賓，組合很不錯。  食完烏冬，再來個跟餐甜品：迷你雞蛋仔雪糕，雞蛋仔脆卜卜，雪糕凍

愉景新城有好多新餐廳進駐，住係附近既我表示很開心😃。今次去左食茶餐廳2.0，雖然叫做茶餐廳，但入面勁多選擇，連A4和牛都有。餐牌好多選擇，有小菜套餐，鐵板燒，去到素食系列都有，照顧到大眾不同需要，仲有好多甜品🍮。石燒A4日本和牛片和牛質素估唔到有驚喜，睇個賣相已經知唔錯。雪花紋理清晰，肉嫩，充滿住油脂香，仲有得自己燒，火喉可以自己控制，牛肉控必點！菜膽雞小菜套餐雞肉皮爽肉滑，唔會有雪味，份量十足，而且雞肉位置全部係啖啖肉位，好正。甜品心太軟配雪糕即叫即整，有心思，心太軟甜度適中，有流心效果，配雪糕一凍一熱超夾。

有日愉景新城睇完戲 想求其食個晚餐😇咁岩經過呢間茶記就入咗去但係原來茶記都可以咁特別😝咁創新🥰睇過餐牌就感覺到呢間餐廳係融合傳統茶記同新式食法黎吸引客人！😎我哋叫咗個素菜漢堡配薯條！雖然呢個係蔬菜無肉🤓但係都會整得好好味喎！好惹味！另外叫咗一個雜扒配黑椒汁😃黑椒汁好香濃同埋估唔到雜扒都有原隻大蝦🍤啖啖肉好過癮！配嘅意粉配埋黑椒汁都煎得好香！跟餐仲有餐湯同嘢飲！仲有叫咗我最鍾意嘅焗豬扒飯！🤩呢個焗豬扒飯係用石鍋上🤡一嚟到見到cheese好鬼澎湃！正呀！成個焗豬扒飯都好香😎豬扒大大塊😝配合芝士好邪惡好正🥰話明創新茶記即係有啲新野食🤗甜品我哋叫咗個雞蛋仔配雪糕加oreo碎！好味喎！雞蛋仔有蛋香味🤪佢好似有外賣專區！如果下次大家經過都可以試下😌

茶餐廳2.0坐位比較寛倘牆上有卡通既裝飾。另外門外有得外賣雞蛋仔及飲品，價錢與堂食不同。素菜炸物拼盤有南瓜薯餅、春卷及咖喱角。炸得香口而不油膩。春卷和咖喱角係素黎，好味但略嫌餡料少。南瓜薯餅有驚喜，有南瓜甜味薯蓉夠creamy👍🏻馬來咖哩豬扒意大利粉對我黎講唔辣，質感似沙茶醬，豬扒厚薄軟硬適中。加了10蚊轉套餐，選了羅宋湯。澳洲T骨扒今次試T骨叫了五成熟，燒得常算合格。鬆軟算大件但薄左d，薯條是粗切，因鐵板上所以唔脆。雙重朱古力特飲雙重是指朱古力加朱古力雪糕，加了雪糕後，朱古力味道更香濃。

今早又要去南豐紗廠，早早的先到愉景新城食早餐。太早的緣故，只有幾家店開了，有早餐吃，就在近警署門口那邊的茶餐廳2.0醫肚。這店門面有點高貴的樣式，店內裝潢也頗有心思，唯店面不大，不到30張枱吧。服務員挺好的，主動上前點餐，我說先等一下時也沒有不悅。2.0的餐單真有點不同，甚麼意式，法式都有，不過我都是點港式，餐肉炒蛋出前一丁。這裏出前一丁的麻油是另外給的，自己添油的感覺好實在，很香的麻油味，然後餐肉挺厚的士有1cm吧。最後點的奶茶不是很滑，加奶後好一點。

今日同朋友出去荃灣愉景新城步行街順便去食個下午茶呢間茶餐廳有別於其他嘅餐廳佢提供嘅款式除咗係常餐外仲有一啲新派嘅菜式 例如石燒系列菜式 亦有創意的雞蛋仔雪糕 飲品有黑糖奶茶同埋黑糖鮮奶系列飲品提供 紐西蘭肉眼扒（8oz） 配薯菜 $93由於係下午茶時間仲未提供石燒系列（6點後供應） 所以就叫咗個紐西蘭肉眼扒嚟食肉眼扒食落肉質 鮮嫩多汁 唔會過熟而啲個肉眼扒會跟咖哩汁 咖哩汁香滑濃郁配搭新鮮石鍋日式雞扒湯烏冬 配迷你雞蛋仔雪糕 $58石鍋可以保持湯底嘅熱度所以上菜乾時仲係熱辣辣滾湯雞扒大份嫩滑 另外仲有金菇 蔬菜等配料另外呢個餐仲會送埋迷你雞蛋仔加雪糕雞蛋仔香脆唔會淋 雪糕鮮果雞蛋仔 $58一底雞蛋仔上面加上忌廉朱古力醬同埋鮮果一個創新嘅配搭 雞蛋仔外脆內軟 煙韌蛋味十足 同朋友一齊share食非常滿足黑糖仙草奶茶 好重黑糖味 奶茶香滑 而且仙草配料十足跟餐只需加14蚊就有 抵飲

茶餐廳就四圍都有，不過有好食甜品嘅茶餐廳就要搵下啦！因為今次主打係甜品，我地叫嘅主餐都無叫到飯咖哩雞🐣配法包🥖法包上面搽左蒜蓉牛油，暖暖地加埋熱辣辣嘅咖喱汁就啱晒啦咖哩有少少辣，所以好香口，因為雞肉連骨，所以肉味就更加濃澳洲T骨扒🥩就好似舊式扒房咁，可以簡蒜蓉汁同黑椒汁T骨只有10安士嘅選擇，我地兩個女仔share 塊扒，加埋啲薯菜🍟，個份量都好足夠其實我個人就鐘意跟意粉🍝，咁就可以加埋啲黑椒汁係鐵板度整炒意粉啦🤤既然講到今次決定左要食多啲甜品，我地就足足叫左兩份朱古力心太軟配雪糕🍦心太軟唔會太甜，黑朱古力味為主唔好以為細細個唔會飽得去邊，但其實加埋中間嘅流心朱古力，都幾滯架！所以加埋個雲尼拿雪糕🍦就岩岩可以中和下啦雪糕鮮果雞蛋仔🥚個心太軟食到一半就黎左新鮮整好嘅雞蛋仔啦堂食嘅雞蛋仔選項只有3隻味，冇得另外加配料，我哋揀咗嘅鮮果雞蛋仔，有士多啤梨🍓同藍莓，雪糕🍦都係揀返雲呢拿味。因為雞蛋仔係啱啱整好無耐，食落嘅溫度好岩，雞蛋仔中間嘅口感好煙韌，加埋甜嘅🍓🤩尼個絕對要強推🤩！！如果堂食都有得加珍珠尼類配料就好啦🤤