茶餐廳2.0 (已結業)

上個禮拜六帶左表姐個女去左愉景新城放電 果度真係猶如兒童王國一樣 小朋友樂而忘返 玩左成個下午 大人細路無晒電 要醫返個肚先得發現左間進化版茶記2。0 除左基本茶記野食 仲有d fusion選擇 最緊要仲有珍珠奶茶同雪糕雞蛋仔食唔太貴 滿足小朋友既同時仲滿足埋我地先黎中西例湯一人一碗韓式泡菜牛肉飯 用石鍋上熱辣辣 香噴噴 味道唔算辣 反而甜甜地 小朋友都岩食飯面仲落左好多蕃茄同車厘茄 果然蕃茄同牛肉係最match既配搭 加埋泡菜就錦上添花好fusion既卡邦尼烏冬配日式溫泉蛋 又係用石鍋上 上枱時仲係滾緊味道really好卡邦尼 但變左烏冬就比平時意粉多左份彈牙質感 幾過癮係港式茶餐廳 竟然可以跟餐加$12有黑糖珍珠奶茶飲 表姐見到即叫吃貨小妹飲左啖覺得珍珠幾有趙頭 仲好重奶味不過小妹就覺得我杯雙層朱古力好飲d 因為勁濃朱古力味食埋個戲肉雪糕雞蛋仔 自己揀配料 小朋友見到勁開心

暑假黎講 成日都要帶呀仔周圍去放電愉景新城就係我首選 呢個商場好bb friendly有好多設施岩小朋友玩 育嬰設備又足連入邊d餐廳都好歡迎bb去幫襯咁樣今日去左食茶餐廳2.0  佢裝修模仿茶記但就比一般茶記光猛 整齊 乾淨 闊落因為玩到好肚餓 我地叫到成格都野食但賣單都只不過係二百幾蚊 真心抵食2.0豬扒包🐖🥖$32塊包略嫌普通 但中間塊豬扒真心好食醃得好入味 味道剛剛好 煎得好酥脆香口再加上沙律菜一齊食 絕對唔會覺得油膩香濃芝士熱狗配薯條🧀🐶🍟$34呢個熱狗冇改錯名 因為真係好多芝士而芝士又真係好香濃 食得出拉絲效果而條熱狗腸又好粗碌 好夠份量 好飽肚粗薯條外皮炸得香脆 而中間薯仔仲係軟林林石鍋日式雞扒烏冬🇯🇵🐥🍜食烏冬用石鍋上真係第一次 好正呀拎到上黎 碗湯都仲滾緊 炸炸聲咁樣雞扒夠曬大塊 烏冬夠曬彈牙 湯底又夠香雪糕雞蛋仔🍨🥚$42呢個雞蛋仔 就咁望落都好有睇頭 雞蛋仔熱辣辣 外脆內軟 仲好香蛋味添加埋冰凍既雪糕一齊食 口感好有衝擊黑糖珍珠鮮奶$22🥛🍬珍珠好香黑糖味 珍珠好煙韌 煮得岩岩好加埋鮮奶一齊飲 好香呀 而且咁既價錢有咁大杯真係超抵飲呀

同媽咪行愉景新城，行到攰只想搵個地方坐下食個嘢。呢間餐廳坐得幾舒服，牆上嘅圖畫有啲懷舊感覺。我地入黎果陣聞到雞蛋仔嘅香味，忍唔住叫左個鮮果雞蛋仔配雪糕。雞蛋仔好脆好香，係一種令人懷念的味道。香濃芝士焗薯條，份量幾多，芝士夠香，記得要趁熱食，凍左芝士沒咁好食。石鍋日式雞扒湯烏冬石鍋燒得夠熱，上台果陣滾燙滾燙的，令人期待啊，湯底味道不錯哦，烏冬都好彈牙。仲有個心太軟，香濃嘅朱古力帶有少少酒味，配埋雪糕食，真係人間美味🤩🤩我黎嘅時候係下午茶時段，大商場來講係超級抵食，連飲品兩個人飽到傻都只係食左161👍🏻

跟朋友食午飯短聚，點了石窩日式雞扒湯烏冬套餐石窩日式雞扒湯烏冬熱騰騰上檯，不過因為太熱，好快無左一半湯變左撈烏冬🤣湯底味道濃厚，可能因為蒸乾左一半水。雞扒份量足，味道亦唔錯，烏冬偏林身，算是不過不失。奉送的5分1底雞蛋仔好難食又唔脆又太甜…失望雪糕是牛奶公司的吧！

愉景新城相信有小朋友既父母都一定會識，因為呢個商場有好多適合小朋友嘅商舖，如果你同啲小朋友講話食茶餐廳，相信小朋友一定會扁晒咀，今日我呢個大小朋友就同媽咪一齊嚟到呢間茶餐廳2.0，相信呢間餐廳應該會滿足到大朋友及小朋友嘅需要餐廳門口會有雞蛋仔外賣以及台式飲品外賣，雞蛋仔仲可以加雪糕，水果，朱古力碎等唔同嘅配料，我呢個大小朋友見到都心心眼，更何況係小朋友不過食甜品之前緊係食左正餐先，餐牌上面有好多選擇，有港式，西式，韓式，仲有兒童餐供應，飲品嘅款式都好多選擇我哋叫咗一個粟米魚塊，套餐已經包括左例湯，白飯及飲品，個魚塊新鮮整出黎，熱辣辣，好鬆脆，一d都唔腥，配埋個粟米汁幾好味另外我哋仲叫咗一個溫泉蛋卡邦尼石鍋烏冬，卡邦尼意粉食得多，估唔到呢一個新組合都幾有驚喜，可以一試飲品我叫咗一杯雙層朱古力，原來係朱古力雪糕再加凍朱古力，好幸福嘅感覺另外一杯百香果梳打有鮮百香果肉，好fresh 好解渴最後就梗係要食返個雞蛋仔，我加咗雪糕，士多啤梨同朱古力脆脆棒，雞蛋仔真材實料，唔係食發粉，賣相好睇又好食我相信帶小朋友嚟呢間餐廳小朋友都應該唔會扁嘴，咁多選擇，果然係茶餐廳既進化版

每次黎愉景新城都會去茶餐廳2.0開餐，事關商場裡面既茶記通常都係連鎖野，識揀當然揀小本經營既。話明2.0，餐牌選擇當然亦與時並進，除左經典常餐多士菠蘿包，仲有all day breakfast同人性化既自選凍飲用mug裝，大大杯，走飲管夠環保♻️All day breakfast包火腿、煙肉、豬肉腸、蕃茄、茄汁豆、雜菇、蛋同多士，無扒但估唔到又幾飽肚烤蕃茄好juicy、無草腥味，雜菇炒得好香口又唔會好油。自選早餐+$8加配雞扒，厚滑嫩身，淋上蒜蓉燒汁幾惹味。炒蛋金黃嫩滑，呢份雙炒蛋至少用左三隻蛋，份量勁足難得放假當然要食好少少，+$20仲可以加配紐西蘭肉眼，朝早食呢啲會唔會太奢侈呀塊肉眼好鮮嫩，無諗過早餐都可以食到鋸扒質素既牛扒，有肉味，唔係雪藏野靠醬汁/椒鹽黎調味如果唔中意食典型茶記早餐既推薦揀呢款自選，想要咩自己揀

茶餐廳2.0 門口就已經嗅到雞蛋仔的香味雖然價錢比一般的茶餐廳貴但食材方面都會高級一些 環境也好點.石燒A4和牛片套餐🐄好精緻 三層架分別有和牛 溫泉蛋 粟米 椰菜A4和牛片每面燒5秒 超級滑😍無誇張石板夠熱又keep到溫度 煎到洋蔥香味四溢加配上日式燒汁拌飯 味道甜甜的 好好吃.2.0海陸空什扒餐🥩這個是被隔離枱吸引了 跟住叫的好豐富 有好大隻蝦 豬扒 雞扒 煙肉 薯菜份量全部都好多 特別是豬扒 大概有2-3cm厚加$10可轉套餐 有餐湯和熱飲.雞蛋仔$15 加雪糕$15來到這裏基本上每一枱都有叫雞蛋仔那般香味真的扺擋不了 價錢又合理雞蛋仔的邊弄得好脆 饀就很軟 重蛋香可惜的是最有特色的三款雞蛋仔甜品都賣光了本來想吃香蕉千層雞蛋仔的🙍🏻‍♀️只好下次早點來吧.餐湯: 紅湯/中湯 料很足 味道天然飲料: 基本上款式都有 連比較少見啡走都有

放工約左朋友去行愉景新城添下屋企傢私擺設,又聽聞有間服務鋪大減價,兩個女仔買到一袋二袋,銀包出哂血咁,當然搵間舒服餐廳坐下, 經過見到依家叫茶餐廳2.0幾得意咁就試下啦！初初以意普通茶記原來menu有咁多選擇, 岩岩冇哂體力當然要刷返餐勁補充下啦！先唻紐西蘭肉眼扒我地仲叫左芝士蕃茄雜菜沙津, 最後一個扇北大蝦意大利飯, 唻到份量好多兩個share就岩岩好, 估唔到擺碟都咁吸引！樣樣估出奇地有驚奇, 真係唔好比佢個店名呃到, 食到抱住個肚！

朋友介紹茶餐廳2.0來吃，果然沒令我失望，好味😋另外，朋友點了下午茶叉燒蛋飯（又名黯然銷魂飯2.0）叉燒肉好有口感夠淋夠入味，很有口感👍🏻順道一讚，佢地服務員的服務態度很好，有禮，值得一讚！「2.0叉燒蛋炒飯」一上碟米飯呈現金黃色非常美觀呢..炒飯配料簡單卻非常美味，每顆米粒吃來粒粒分明，叉燒蔥香氣撲鼻！香港地道小食之一雞蛋仔都有得食🥚✨「雪糕鮮果雞蛋仔」一次過滿足哂兩個想食既甜品願望，又雪糕又雞蛋仔，即叫即製所以要等一陣（約15分鐘）雞蛋仔幾有蛋香味而且唔算好甜，加上一球雲呢拿味雪糕無得輸😍雞蛋仔粒粒都好夠脆，因為影完相都等左一陣先食但都仲keep到好食既😋食完真係巨飽😂✨「黑糖凍仙草奶茶」同場加映充滿台式風味😍層次豐富，奶茶入口留香，黑糖唔算太甜膩！

紐西蘭肉眼扒（8oz，5成熟）薯菜，港式咖哩：牛扒真的很大塊，很容易切開而且肉質也很容易嚼爛，沾著咖喱汁可以吃到很正宗的港式牛扒，薯菜放在牛扒下面蓋住導致薯菜有點不脆，沾著番茄醬也可以吃得下，一盤吃下來感覺飽飽的。。。雪糕紅豆冰：我選的少甜，紅豆煮的很好，有種紅豆冰沙的感覺，在夏天來上一杯也是非常解暑的。。。生炸雞排配鮮雞果沙律：雞腿是先醃製過才去炸的，很入味，骨頭和肉很容易分離，每一口都可以吃到肉與醬汁的結合，吃上幾口，如果覺得一直吃肉有點油膩，沒關係，旁邊的沙拉已為你準備好。。。日式炸蝦兩隻：炸蝦是面上附上麵包糠然後放到設定的油溫去炸，蝦不大不小，適合作為小食出現，滿滿的都是蝦肉，回味無窮。。。凍檸檬茶：我也是要求的少甜，這是最常見的飲品，也是去每家店最多人選擇的飲品，既可以消暑也可以解渴，值得推薦！

中午跟朋友來吃午餐，我們點了多款互相分享，其中咖喱厚切豬扒意粉是我的最愛，豬扒厚身而咖喱味濃。雞蛋仔雪糕相當有創意，味道不錯。餐廳價格在愉城亦算相當合理，綜合來說值得推薦！

原來愉景新城商場多了很多供小朋友玩樂的設施呢～和朋友來到這家價錢很合理的餐廳，決定一試～餐牌選擇很多元化呢，有中式、西式、日式和台式，而且又有甜品！點了一份全日早餐、卡邦尼烏冬、蘋果批雞蛋仔和黑糖仙草鮮奶。全日早餐餡料都算豐富，不過牛角包變做香草法包，整體不過不失。推薦卡邦尼烏冬！烏冬出乎意外地夾到卡邦尼醬汁，好好食！烏冬還有餐湯，紅湯的餡料都很多，飲湯都飽呀～蘋果批雞蛋仔成為整餐的甜品，個人覺得雞蛋仔有點甜，但是即叫即做，所以雞蛋仔是熱騰騰，帶點脆口，都不錯。黑糖仙草鮮奶媲美到台式飲料店，哈哈！

係愉景新城行完街，就黎左呢間茶餐廳2.0食晚餐～我見枱面有個宣傳餐牌，竟然有石燒A4日本和牛，睇落咁吸引，即刻order返個先！石燒A4日本和牛餐，除左有大大份既A4和牛，仲有慢煮雞蛋、甜粟米同飯，另配燒汁～上枱熱辣辣既一大塊鐵板，自己燒熟啲和牛，撈埋半熟蛋、粟米同飯，好香又好味，和牛肉質嫩滑，薄切易燒易熟～朋友order既蒜香扒大蝦卡邦尼意大利粉，雖然賣相一般，但味道都唔錯，卡邦尼醬汁夠creamy,蒜香大蝦煎得香脆～

今日黎到愉景新城行街買下bb野，行到夜晚肚仔見餓，就搵到依間好潮好新嘅茶餐廳2.0，睇落裝修同食品賣相都唔錯，於是就決定入去一試啦！餐廳嘅座位好闊落，空間好夠，唔會好似一般茶餐廳咁迫迫夾夾。睇下個餐牌，見佢啲鐵板扒餐好似好吸引咁喎！於是就決定叫扒餐試下啦！依個石燒4A日本和牛，賣相真係夠晒吸引，喺依個相機先食嘅年代，用黎呃like影相一流！話雖如此，佢嘅牛肉質素又真係唔錯嘅，和牛紋路清晰，脂肪比例一流，就咁灑少少鹽，然後放上燒熱咗嘅石板上輕輕一辣兩邊，就已經食得！和牛香味四溢，入口即溶，唔需要特別調味就已經好好食！而我男人比較大食，點咗一份澳洲T骨牛扒，貪佢抵食夠大件！依份T骨食落去肉質都唔錯，咬落依然有肉汁，而且唔覺有鬆肉粉味道，配上港式黑椒汁，地道經典！臨走前叫咗個即叫即製嘅雞蛋仔，蛋味夠濃而且外脆內軟，唔錯！

尋晚返工返夜左，屋企又無飯食，於是約左個老友去試一試荃灣愉景新城2樓既茶餐廳2.0。呢間餐廳既門口，有個專做雞蛋仔既位置，香噴噴既雞蛋仔味搞到我好鬼肚餓！等左5分鐘左右就有位，入到去，間餐廳都算闊落，都算幾舒服。我同個老友揀左個卡位坐，一坐得就有人招呼，我個老友早就揀好左個7成熟既紐西蘭肉眼牛扒，而我就揀咗個咖喱紐西蘭西冷牛扒，野飲就揀呢間舖既特色野飲，黑牛同埋黑糖珍珠奶茶。等左十分鐘左右，所有菜都黎齊，可以開餐！西冷牛扒切落去充滿肉汁，配上絕配既黑椒汁，食落去唔硬口，加上價錢唔貴，性價比非常高！而特色野飲-黑牛，原來係可樂加柯華田雪糕，從來無諗過可以咁夾！食一啖雪糕，飲一啖可樂，然後雪糕慢慢溶化，估唔到原來柯華田同可樂可以咁夾！而呢到既黑糖珍珠奶茶，茶味十足，甜度亦岩岩好，只係珍珠硬左少少。食完正餐，咁緊係要滿足我第二個胃啦！我就點左個雪糕蘋果雞蛋仔！熱辣辣既雞蛋仔，加上雪糕，仲有蘋果干做配搭，非常好味！中意食甜品既話你實鍾意！不過呢個甜品都幾大份，記得食得晒先好叫丫！好滿足既一餐，有湯有扒有甜品有野飲，一次滿足三個願望都係每人百幾蚊，抵食丫！