茶餐廳2.0 (已結業)

同班同事搵食晏，見呢間新開又幾多好review就決定行黎試下環境唔錯，一行12人都肯幫我地拍位一齊坐。佢menu選擇好多，價錢都唔算貴。見佢有個特餐係石窩雞扒udon,併waffle加雪糕都係$58連熱飲，就試下唔駛等好耐就有野食，石窩好夠熱要小心唔好掂到邊。個湯其實同平時茶餐廳通心粉個味精湯係一樣食完好口渴雞扒浸到軟晒食唔出好唔好食個雞蛋仔好失望，好乾好硬每粒都無咬口份量有6粒雪糕就普通無咩特別另外一提佢個凍飲係用熱飲杯，可想而知佢份量有幾少..加埋冰嘅話同場其他同事食其他野都麻麻地，眼見叉燒好乾葡汁雞啲雞亦唔掂應該唔會返轉頭lu

第一次嚟呢間食，夜媽媽，諗住茶餐廳會快，點知等了又等..... 叫咗個牛扒餐，正常。叫咗個雞扒餐，侍應話要耐少少時間，好，咁我地等。等了成半個鐘（跟據落單時間）之後問一問侍應，佢問廚房先個無雞扒😒 聽到時真係O晒咀囉！成半個鐘都無人知！唯有叫多個牛扒餐..... 茶餐廳變咗做慢茶餐廳！大家嚟呢間食真係要預多啲時間。雖然員工服務態度都唔錯，但真係好突然好失望囉。隔離枱叫咗星米，炒飯，亦都係等了又等🤣🤣

第二次到愉景新城的茶餐廳2.0，其中一間對小朋友好friendly 的餐廳。大家叫左自己鍾意食既食物，我既蔥油雞公仔麵，好正，份量一般，不過好味～細好揀左炸雞脾，佢覺得唔夠香口，不過，佢個女同仔好鍾意食。姨甥仔揀左招牌雪榚雞蛋仔，蛋味不夠，不過不失。我媽媽原本叫左榨菜蛋麵，榨菜無曬，轉左餐蛋麵，份量比較「的骰」，另外加左雪榚朱古力心太軟，同埋西多士，心太軟味道無乜特別，西多士反而是驚喜，炸到剛剛好，香香甜甜，份量又足，讚。埋單二百幾。

今天約了朋友去榆景新城逛逛，朋友想食西式，而我想食中式，最好的選擇就是茶記。剛好上網見到這間餐廳風評好像不錯，就在商場內進行一段尋食旅程.....餐廳不太好找，近體育館那邊再轉入少少.....茶餐廳門口有位置可以外賣特色雞蛋仔和幾款台式飲品，唔食正餐都可以買黎食吓。入到去睇吓餐牌，石燒A4日本和牛片個SET的確好吸睛，朋友二話不說就決定這個了。而我就有點三心兩意，諗揀邊種餸好，小菜套餐有8款，最後都係清清地點了紅棗杞子蒸雞，加多20蚊要碟炒菜。另外，仲有石鍋類、素食類、石燒扒類、甜品，當然也少不了一般茶餐廳也有的炒飯/粉，選擇也不少。飲品方面朋友點了仙草奶茶，很快就到，杯內仙草很多，茶味夠，唔錯。餐飲我點了柚子蜜，不同於外間淨係放好多柚子落去溝水死甜咁，呢度柚子份量唔會太多，同加咗一片檸檬，味道清新。熱辣辣的石版及牛肉先到，牛肉用三層架送上，兩層牛+一層粒粒粟米&生蛋，自由控制牛的生熟度。牛肉偏向肥一點，不過相對牛味很重。朋友怕石板很快便冷下來，所以很快將牛放在板上。不過其實食到最後石板仍然很熱~應該可以慢慢享受的~ 蒸雞大大碟，肉嫩滑且厚，非常滿足。炒菜正常亦不錯； 餐湯有幾粒青紅蘿

行開附近發現呢間茶餐廳2.0裝修感覺系幾新派既茶餐廳雪糕紅豆冰味道唔似出面d連鎖餐廳，紅豆冰紅豆同奶的比例剛剛好，而且甜度適中，再配埋舊雪糕，整體黎講紅荳冰很原不錯👍🏻2.0牛肉漢堡包配薯條，漢堡嘅厚度十足，入口鮮甜的，整個餐很包肚。 雙層朱古力入口與紅豆冰比較嘅話，味道冇紅豆冰咁濃郁，但是多等幾分鐘待朱古力與雪糕融合後飲用，味道才是最好的感覺。全日特色早餐雞蛋出面仲有一啲蛋漿喺度，餐廳唔會將個雞蛋煎到好熟，所以感覺好新鮮好惹味，再加埋嗰啲粉，另外菇的味道突出，腸仔、煙肉、火腿煎的火候控制得剛剛好，挺香口的，麵包配上那個醬汁，味道挺匹配。茄汁焗豆是冷的，味蕾的衝擊。

晚上在愉景新城行街, 肚子餓見到一間餐廳名字叫做茶餐廳2.0， 門口有些特色雞蛋仔甜品檔， 便進入去試試， 餐廳menu也有略多的選擇， 除了一般的炒粉麵飯， 也有特色甜品， 竟然也有和牛食， 但今晚我選擇了紐西蘭肉眼扒， 重量8安士， 跟餐配料薯菜， 加十蚊還有餐湯和飲品， 牛扒使用石燒板上枱 配上黑椒汁， 石燒板的好處是可以保存肉類的溫度， 食到最後一口肉類也是熱的， 牛扒叫了五成熟， 切開還是微微粉紅色， 不會過熟， 配上黑椒汁味道不錯， 這個價錢， 也算是物超所值

同男朋友去愉景新城買櫃，順便食埋lunch。見到有人排隊，就羊群心態行去望下，發現係間傳出雞蛋仔蛋香既茶餐廳😆-常餐A($45)男朋友揀左叉燒公仔麵，配奄列多士。黎到先發現轉左火腿奄列，最驚喜係多士！佢搽左香草牛油，好香好正呀，多士又夠脆，估唔到塊多士咁驚喜😋-石鍋日式雞扒湯烏冬($58)睇落好似好細，但食落好多，食唔哂🙈由於係石鍋，keep住食到尾都好熱好熱。烏冬偏淋，但雞扒好大塊好厚。仲有菜同金菇，湯底幾濃係豬骨湯🤔跟餐有野飲，但我飲雙層朱古力，要+$19。係凍朱古力，上面有球朱古力味既雪糕🍫-大概食到2:30後先無咁多人🤔

1.紐西蘭西冷扒（8安士）$98因為係鐵板上，所以叫五成熟，如果唔係啲肉質就會變得好老，叫五成熟就啱啱好，因為鐵板既餘溫令牛扒變咗七成熟。牛扒軟腍有嚼口，一塊大大塊，份量十足👍2.石窩日式雞扒湯烏冬$58豬骨湯底十分鮮甜，雞扒外皮煎得好香脆，但同時又保留到雞扒嘅鮮嫩肉質，配埋烏冬一齊食，正😋3.扒雜菜漢堡$58平時食開牛扒漢堡、豬柳漢堡，今次第一次試扒雜菜漢堡，里邊有煎咗既茄子🍆、黃青椒、生菜，連同芝麻醬夾埋個包食，口感十分特別同清新，適合食齋一族4.芝士番茄烤大啡菇配雜菜沙律$58大啡菇上面放咗半隻番茄同一塊芝士烤制而成，芝士融入蕃茄同埋大啡菇中，一啖咬落去番茄同大啡菇仍然保留其水份，連埋溶咗既芝士一齊食，多層次口感，十分唔錯😋再食埋沙律菜，健康又消滯5.黑糖仙草鮮奶（凍）跟餐加$14杯嘢飲唔會太甜，飲落去有淡淡嘅奶香，再配埋黑糖仙草，飲嘢嘅同時又有啲嘢咬下👍🥰不過杯野都好大杯,飲完都幾飽㗎😂

有時候都會懷緬一下茶餐廳嘅感覺~但依家香港嘅茶餐廳通常都花樣百出~就好似呢一間茶餐廳2.0咁，佢哋喺菜式上面都有別於以前傳統嘅茶餐廳例如有澳門炒飯、石燒A4日本和牛片、雞蛋仔等等我今日見完客諗住食小小野等朋友之際就食左個《全日特色早餐》$75呢個餐包括左豬肉腸、炒蛋、炒菌、煙肉、火腿、牛角包、茄汁豆同埋蕃茄就咁睇入面嘅食材都覺得好豐富我嘅order嚟咗之後都嚇一嚇，因為圖片真係僅供參考！🤦🏻‍♀️🤦🏻‍♀️🤦🏻‍♀️同埋我本身嘅牛角包無啦啦變咗香草奶油多士？ 🤷🏻‍♀️🤷🏻‍♀️🤷🏻‍♀️呢一點餐廳應該改善一下，如果賣晒牛角包應該通知我一聲！同埋我唔鍾意食香草...😊😊😊餐盤上嘅食物有一個共通點就係全部都非常油！炒蛋唔香滑唔緊要！炒菌份量少唔緊！但個蕃茄都唔知點解好油🤢🤢 同埋茄汁豆係喺雪櫃攞出嚟！食落口嘅感覺真係唔係咁好~ 又唔係室溫唔係熱嘅！同埋，杯凍檸茶好得意！係用一個舊式漱口盅咁嘅杯裝住。我開頭見到都嚇咗一下😂😂😂幾有創意，但係略嫌檸檬片太薄冇乜檸檬味😂有待改善有待改善~唯一值得一提嘅係餐廳環境幾光猛舒適同埋侍應態度幾不錯👌🏻

呢排成日落雨好鬱悶，最啱落商場開餐乾手淨腳唔使煮🤣又唔使驚濕身！呢間新派茶餐廳裝修新穎，食物選擇超多，仲有素食系列，一家四口各有唔同口味都冇問題。午餐、茶餐都係幾十蚊，價錢好實惠。我點左個全日特色早餐$75有豬肉腸、蛋、炒菌、蕃茄、煙肉、焗豆、牛角酥、火腿，非常豐富味道唔錯！素食系列：蘆筍菜條南瓜忌廉意粉$54南瓜蓉甜甜地，幾靚幾好味，口味清新又健康。石鍋日式雞扒湯烏冬$58上枱時仲係熱騰騰不斷滾動，份糧十足，仲有啲菜芯和金菇菜係裏面。2.0豬扒包$34豬扒夠淋，薯條粗身香脆。最後叫咗兩個心太軟配雪糕@$25味道OK啦係甜左少少😘

是日和老公探完BB，落番愉景新城食埋個dinner先回家！經過呢間茶餐廳2.0，難得唔想太多人就試下！見到menu有新出既燒牛，見價錢唔想太貴就order黎試試。和老公一人叫左個餐share黎食！🔸石窩日式煎雞扒湯烏冬呢個餐夠灑豐富有例湯、雞扒烏冬、甜點及飲品！湯烏冬都煮得幾腍身，雞扒入味煎得幾香脆入面肉質夠鮮嫩，有警喜且份量都幾多！🔸A4日本和牛片套餐和牛有灑認證都知質素一定唔錯！和牛片肥瘦適中，在石上燒熱好香好重既牛味，肉質腍身只係簡單加了小小甜豉油及黑椒巳經很美味了！跟餐還有粟米、飯、蛋及疏菜一齊食，香口又野味😋🔸雞蛋仔雪糕食茶記都跟甜品，真係幾特別！雞蛋仔都焗很幾脆口1d都唔馬虎！好食又有香港特色呢！

茶餐廳2.0在愉景新城二樓。餐廳內座位舒服，燈光光猛。本來打算點牛扒餐，誰知看到推介石燒A4日本和牛片 (推廣價HKD168)配白飯、慢煮雞蛋、甜粟米粒、椰菜絲加咖啡或茶 (可加錢轉凍飲)，價錢尚可。另一個餐點了牛尾紅酒飯，不是好多餐廳會有，於是決定點這個餐。和牛餐來到，有個三層架擺放A4和及配菜，還有熱辣辣的熱石板。頭兩層大約有一百克A4日本和牛片配椰菜絲，底層則有雞蛋配甜粟米粒，有肉有菜，健康配搭。牛尾飯有些驚喜，是用石鍋盛裝，熱到出煙，立即吃一口，酸酸甜甜，很開胃，不錯。最後是甜品時間，點了一個心太軟，這個心太軟跟平時見到的不同，多了一個雪糕在上面。切開心太軟，朱古力流出來，朱古力味濃，好吃。總括而言，價錢合理，味道不錯。

茶餐廳係最能代表我地香港飲食文化標記，大大小小嘅茶餐廳總有一間響左近；茶餐廳嘅食物款式種類非常多，中西式合壁有時仲會有日泰韓嘅特式美食，應有盡有，係香港人生活上不可或缺嘅餐飲店。今次蕃薯妹專程嚟到荃灣試茶餐廳，到底呢一間茶餐廳有咩咁特別？之唔係就係為咗呢個石燒和牛片！↓↓↓響網上見倒有blogger介紹呢個套餐，睇倒立即決定要嚟試下門面感覺不錯～ 餐廳內環境都整潔寬敞，唔會覺得好迫好唔舒服牆身有標誌香港美食嘅圖畫，啱曬喜歡香港情懷嘅朋友講返食物質素先蕃薯妹點咗石燒A4日本和牛餐，跟餐有餐湯同餐飲，做緊推廣價$168黑牛 $25（跟價減$10）講起茶餐廳嘅昔日情懷，又點可以唔叫返杯黑牛！ 黑牛即係可樂+朱古力雪糕，蕃薯妹小時候去親舊式扒房都一定會Order呢度轉餐飲仲可以減$10，正！餐湯-羅餸湯 餐湯可以選擇中式老火湯或者羅餸湯，味道不錯。石燒A4日本和牛片100g $168主角登場 淨係個外觀已經贏咗！和牛片佈滿一個三層嘅架上面，最底層係粟米粒同埋慢煮雞蛋，視覺上都幾吸晴，我見隔離檯叔叔係咁望住我個餐～塊石燒板溫度非常之高，和牛放上去每面燒幾十秒就已經可以食。 和牛片好肥美，厚薄度適

收工冇咩嘢做, 又唔想太過破費食好西, 又行開愉景新城搵個地方坐低食嘢坐得舒服啲, 就搵到呢達地方啦港式茶餐廳version 2.0哈哈餐廳的裝修是茶餐廳的經典, 卡位中間桌子都有應該是這個大型商場唯一一間比較樸實的餐廳菜單選擇多, 叫了一個雞髀鐵板餐, 咖哩龍利柳餐前菜西湯紅湯巨型雞髀鐵板餐配薯菜, 隻雞髀真係好巨型鐵板超熱的, 移動時要小心喎份量足夠至於咖哩龍利柳餐, 分量也很多的, 味道ok, 價錢抵食來個大合照先所謂新式嘅茶餐廳, 還有甜品心太軟!!呢個價錢嚟講喺呢個地方, 唔錯

今日同朋友出咗荃灣行街，食lunch見呢間茶餐廳好似幾吸引所以就入咗嚟呢到啲裝修唔錯啲chair做得幾舒服我同朋友都叫咗個咖哩紐西蘭肉眼扒但我就配飯而朋友就配意粉塊牛扒真係超級大塊好似壽司咁包實晒差啲睇唔到啲飯 啲牛扒熟成度啱啱好, 我估大約5-7成熟左右啦, 肉味濃郁之餘亦唔會好難咬開, 好好食 佢啲咖哩亦好有層次感, 點牛扒同配飯食都好夾沙津好新鮮好開胃, 啲蝦好大隻而且份量唔小, 食落似係用牛油同香草煎過, 好入味好好食