茶舍 (北帝街)

营业中

休息中

成日經過土瓜灣都冇入到去試，今日就入去試吓，睇餐牌價錢都好似好抵食門面裝修都幾好睇，今日平日但都好多人入去食dinner。值得一讚去服務員態度好好，唔需要好高級，只要親民就會令到成餐飯都食得好開心。冬陰功雞肉pizza ：冬陰功味好出，有少少辣，餡料好豐富大量嘅芝士、菠蘿、洋蔥、雞肉、火箭菜，所有嘢味道都夾得好好。成個Pizza好惹味，Pizza底亦都啱啱好唔會太厚 。綜合水果紅茶：裏邊有藍莓、火龍果、士多啤梨、檸檬、青檸，最特別係個底有粒話梅，成杯飲品，酸酸甜甜好開胃，份量亦都好大杯。朱古力芝士蛋糕：係一種偏酸嘅芝士蛋糕，口感偏濕潤，朱古力味偏淡，芝士味偏重。意大利栗子法式布朗尼：裏面有蛋糕同cream，外邊有栗子醬包住，味道偏甜。

平時選擇茶餐廳食飯都係因為平靚正，仲要夠快同方便，食物嘅選擇可能來來去去都係常餐，快餐。今次呢間茶餐廳餐牌選擇卻多多，唔似食開嘅茶記喎。餐牌編輯精美，食物圖片張張都好吸引，見到好多款美食都流曬口水，樣樣都想試，最後好困難咁揀幾款食物。脆炸軟殼蟹芥末醬吐司，同餐牌圖片一樣咁靚，打咭滿分，軟殼蟹份量都幾大，吐司炸得色靚，兩者都香脆可口。中間嘅芥末醬成功搶分，微辣嘅味道，配合生菜，蕃茄，整個吐司口感味道大增，yummy.一口炸雞，炸雞嘅size啱啱好，一啖一口，熱辣辣，脆卜卜，雞肉jucy，唔會炸得太乾身，最估唔到嘅係一大碗芝士醬，瞬間變成芝士炸雞，好有趣啊。蛋黃煙肉卡邦尼長通粉，長通粉偏稔身，醬汁較稀，但勝在煙肉，磨菇夠哂多，仲有意粉配料上比較少見嘅芫茜，真係估佢唔到呀。再點多兩杯飲品：水果茶，鹹檸七。真係飽到非常滿足。

平時好少去土瓜灣，呢一日咁啱去完見客，就一於簡簡單單喺附近食個便飯先返屋企啦！北帝街附近都幾多餐廳，行左個round之後決定去試呢間叫做「茶舍」嘅冰室，因為睇menu見佢都選擇頗多，而且裝修都比較新淨呢日係平日夜晚，餐廳都幾多客，好彩餐廳都安排到一個位俾我。餐廳裝修同其他新潮嘅冰室差唔多，俾大家睇下：Menu嘅晚餐選擇頗多，本來想點個鰻魚炒蛋飯，點知隔離位嘅客人order左一份好吸引嘅鐵板美國牛柳香氣撲鼻，咁就一於豪少少order黎試下啦！個晚餐包左沙律、餐湯。啲沙律菜好新鮮，菜葉好脆。個湯就係龍蝦湯，味道唔錯！飲完湯個主角牛扒就上啦。用鐵板上嘅好處當然就係牛扒keep住熱辣辣，不過佢就比較容易太熟。我order 7成熟嘅，但可能鐵板太熱了，所以好快就唔係7成⋯好彩，塊牛柳本身雖然好厚，但都好juicy同tender，食起上來無話好鞋。以$168呢個價錢黎講，性價比頗高！另外可能因為辛苦左一日好想飲少少甜嘢，所以我就order左少少邪惡嘅orero沙冰特飲，再加一個蛋糕仔。呢兩樣嘢都唔會話好甜，合格！

係土瓜灣附近做完野，打算買外賣返屋企食路過見到呢間冰室，6點幾已經有唔少人堂食有個外賣部，仲有個窗仔比人拎外賣，幾得意另外有個凍櫃放細細件甜品、蛋糕、麵包、冷泡茶，幾特別入面裝修感覺舒服，大部份都係cart位現代感既設計，有幾個靚靚燈牌呢到主打西式料理，選擇眾多有漢堡包、吐司、pizza類 扒、龍蝦海鮮類，意粉 焗飯 蛋包飯 甜品叫左豬扒餐同長通粉，店員們服務態度都幾好 🥩生煎美國豚斧頭扒豬扒有2大塊 肉質爽嫩有嚼勁，厚身配菜都豐富，有3粒車厘茄、一大條翠玉瓜同粟米跟餐仲有埋薯條、餐湯、沙律、餐飲薯條同沙律都唔錯質素比得上cafe🍝蛋黃煙肉卡邦尼長通粉足料大份，啖啖都食到煙肉雜菌🥓🍄總括 性價比高，希望開多d分店~

見到有網上有網民推介土瓜灣哩間餐廳，放假就嚟試一試佢係咪真係cp值高先😋平日晏就1點去都已經好爆，同埋最緊要空間位足夠，完全唔覺得逼，個裝修都好靚見到menu有哩個龍蝦 好似幾吸引就試下佢🤤嚟到真係嘩咗一聲😱，真係幾大隻下，啲肉都好爽彈牙，冇雪藏味，唔係酒店入面任食個啲咁，然後個湯底都好香，帶有龍蝦淡淡嘅香味，入面仲有乾蔥同芫茜，令到個湯底有層次感，仲有啲魷魚 青口 蜆肉，份量都好多吓，我仲要叫咗湯飯，真係好飽🤤講真138食到哩個龍蝦飯真係抵喇😎之後，仲叫咗一個清酒蜆肉天使麵， 入面啲蜆肉都算多同埋都有啲煙肉蘑菇，而蜆肉size適中都冇沙，食嘅時候都食到有酒香味之後lunch set仲要加18蚊可以叫特飲，叫咗oreo 同 芒果沙冰芒果沙冰好出色，晏就咁熱，真係好消暑，仲要入面都好多芒果粒🥭，成杯野都真係好香芒果味整體黎講要我揀一個樣推介，龍蝦湯飯或意粉值得一試👍👍👍👍👍👍👍👍正

土瓜灣北帝街食的非常多，今日晚餐要咗茶舍嘅外賣，三個人叫咗三個餐外賣自取share嚟食，為左屋企人，人肉速遞都在所不辭啦😂😂6點半到左餐廳，時間還早都咁多人，證明應該係大家都覺得好食而咁受歡迎😉😉 餐廳裝修都幾特別打開menu, 見到餐廳理念，係有心既晚餐Menu都好好多選擇，節錄左些出黎：我落左order 15 min 就有得拎，店員話pizza即落即整，所以要點時間啦，真係拎到番屋企都是熱辣辣的👍🏻😂我們今晚分別叫了慢煮咖喱牛腩飯，牛腩好林好入味照燒汁鰻魚滑蛋包飯，鰻魚好好食，滑蛋夠滑夠半生熟千島海鮮pizza，pizza用料多，主要有魷魚、菠蘿海鮮pizza有成九吋，pizza 底都好厚身，正👍🏻👍🏻推介要試下而餐飲方面就叫了凍檸茶、凍奶茶、熱咖啡🥤🥤🍵：凍飲跟餐加$3，熱飲跟餐唔駛加，今餐其實份量4個人食都夠，二百蚊，抵食又好食😆😆

星期日下午去左土瓜灣食tea，去左呢間茶舍，環境都比較窄，餐牌都有好選擇，佢個百搭自選HI+TEA仲可以每邊簡一款，都好百搭。1.迷你卡邦尼+炸雞翼卡邦尼選用嘅係扁意粉做底，不過食落感覺都比較淋，個人食落口個汁都偏淡。而炸雞翼係相當有驚喜，夠哂熱陣炸到好乾身，食落口都好juicy，係好香好脆，值得一食，成份有三隻，咁樣成個餐連熱飲42蚊，都算抵。2.香脆魚柳包+滋味脆薯條包係有烘底，中間會有魚柳同菜、蛋黃醬，食落都唔錯，而薯條都正常，都係脆嘅。3.榴槤珈椰厚多士麵包都係選用厚多士，入面嘅榴連味都唔錯，食落都唔會太乾，如果多啲醬會更加好。下午茶連熱飲都係32蚊，自己一個食一份都會飽。

開業不足一年，由之前堆滿花牌到間中行過都總見到店外必排幾堆人，搞到我都想睇睇佢menu。開飯入面每日訂位只有下午二時後。13:50早到喺門外見有兩張吉枱問俾唔俾提早入，侍應擺出心不甘情不願嘅嘴臉，搞到我好似乞求佢咁，好勉強地俾我哋坐張起迫二人枱，五分鐘見未落單，又要就新入嚟六人而將我哋調去近落地玻璃稍為闊落嘅四人枱⋯⋯開心得太早，一樣係搭枱，係棟兩塊透明板同對面二人些牙同一張枱㗎⋯⋯於是乎喺呢個委曲求食兼崩緊嘅狀態下，食完全身筋骨痛。直至兩點至兩點半，店內又再坐滿。啲餐牌嘅照片無疑顏值頗高。理解到點解咁多返工返學嚟食，一字記之曰：平。同樣地，唔係因為平，差啲俾腐皮。既然仲有幾分鐘就下午茶時段（侍應㩒機落單，一定係頂多仲有一分鐘就搭正兩點先叫得）。下午茶餐係三十幾四十一個係算幾抵，嗌幾個懶係豪都冇問題，搭個散叫$60鰻魚滑蛋包飯。蛋漏蛋汁，鰻魚三分一段，兩碗飯飯量，交到差。鮮茄午餐肉通粉，午餐肉切粒煎香都有些少脆邊角；榴連咖咉厚多士厚度就一般，醬唧咗少少出嚟，薄薄一浸，叫做搽勻到接近邊緣；炸大雞髀係普通油炸光面樣，唔係見圖用麵包糠炸嘅款。茶餐廳嘅企理版變奏，僅此而已。

土瓜灣有港鐵後，好似都多左嚟搵食，因為真係方便左好多，今日工作經過就來買埋外賣回家慢慢歎。呢間茶舍係正街邊，泊車都好方便，見佢都好多野食，就要左2份餐，點了蒜蓉汁香草雞扒蛋包飯，晚餐價先48元，仲送杯熱飲，平丫！另外就叫左黑椒汁美國安格斯配薯條都只係88元！超值呀！即叫即整，不過都快手，等左10分鐘左右就有了，回到家仲熱，先講個蛋包飯，份量勁多，好大碗，一開蓋，就好吸引，個滑蛋好多，蓋晒d飯，仲有少少流心的，雞扒都煎得靚，味道好。扒就比我想像中好，因為之後老公都話怕煎得老，或焗熟左，不過回家食，熟度都可以，吾會靱，味道都唔錯，有牛味仲保留到肉汁，食落juicy好正！呢個價錢，食得飽又好味食到扒，真係吾錯，真心推介！

今日係迎月之夜, 我同亞女去茶餐廳食晚飯.睇完 menu, 好快就揀咗食物.照燒汁鰻魚滑蛋包飯, 份量好大. 黃金色嘅滑蛋鋪在飯上面, 加上香煎嘅鰻魚, 非常吸睛, 味道亦不錯.亞女嘅 oreo 碎片冰沙, 朱古力味嘅冰沙, 加上 2 塊 oreo 我杯大麥若葉紅豆爆爆珠鮮奶特調, 聽個名真係唔知係乜嚟睇相, 上層係忌廉, 好濃滑嘅綠茶飲品, 有幾粒紅豆爆珠, 幾特別.柚子芝士蛋糕, 好香嘅柚子味.意大利栗子法式布朗尼, 外表栗子蓉, 內裏係忌廉 d cake 細細件, 食完都係未夠喉, 又加多兩件 原味芝士蛋糕, 芝士味夠濃, 又滑朱古力芝士蛋糕, 係另一種味道, 各有千秋.甜品係我嘅最愛 今晚食咗咁多甜品, 開心同亞女一齊迎月

今日去咗土瓜灣工作，有經過呢間茶舍，覺得價錢好吸引 ，就買外賣拎返屋企試下。點左黑椒汁美國安格斯跟薯條先88蚊，大大份， 熟度啱啱好， 保留肉汁，唔會煙韌，超喜歡佢黑椒汁另外上， 可以自己調教黑椒汁嘅份量， 因為我比較喜歡少汁，唔想蓋過佢個牛肉嘅鮮味，所以很讚啊！回到家，再微波爐叮熱返少少，都仲係吾韌，好食！之後仲嗌咗個忌廉野菌雞扁意粉，份量好多， 意粉煙韌嘅，多漿汁好正丫！菇菌味濃，雞又好滑，熱辣辣食好正！呢間真係平靚正！原來堂食仲吾洗加一！超好！下次都係堂食算！

😆 屯馬線開通後便心思思想撘下！今日決定帶小朋友去土瓜灣公園玩下，有其他媽咪介紹過土瓜灣公園翻身後好大好多新嘅設施，亦有好多滑梯，小朋友會玩到唔捨得走！真係㗎！由天光玩到天黑，要黑乞兒土！喺地鐵站附近覓食，見到依間土瓜灣北帝街的茶舍都幾多人幫襯，睇個餐牌價錢亦都好吸引，款式好多元化，普通飯啦麵啦Pizza都$50至70 零蚊，仲包杯熱飲，於是就決定買三個外賣返屋企食啊！我地叫咗兩個pizza 及一個焗飯，追加一客甜品🍮。1. 香辣肉醬pizza好好味呀！必食推介！好香濃既肉醬，有火箭菜喺面，肉醬下仲有菇菇係厚切，食落口好似一塊塊肉😆😆超級好味2.煙三文魚火箭菜pizza呢個超級抵食，六十零蚊的pizza set 竟然係成個pizza 都舖滿三文魚！餐廳絕不孤寒！ 比大型連鎖店既仲好食！3. 菠蘿鮮茄三層芝士焗豬扒飯焗飯係炒底，豬扒超大塊，仲有啊真係有三重芝士，焗飯拎到返屋企都仲新鮮熱辣，芝士超級拉絲，小朋友食得超開心4. 甜品係意大利栗子法式布朗尼呢個甜品我自己就無食到...原因係我朋友霸左黎食，佢一口氣成個食哂佢仲話好難食喎，但又叫我下次經過再買幾個番黎....所以...再考慮埋頭先

自從屯馬線開通咗之後 都多咗過嚟土瓜灣食野😝 因為真係方便咗好多 今日去咗地鐵站附近嘅茶餐廳食飯 呢度嘅食物種類有好多 唔怪得得lunch hour真係要等吓位啦😚脆炸軟殼蟹芥末醬吐司配薯條呢個一睇menu就想叫喇🦀 啱晒打卡 吐司又唔算好厚身嗰種 配埋薯條份量適中🍟 軟殼蟹炸得啱啱好 上碟時熱辣辣 個人最鍾意佢個芥末醬 少少辣辣地 幾刺激😉菠蘿鮮茄三層芝士焗豬扒飯本身想嗌焗牛脷飯 但太好賣喇 今日咁啱冇哂🥲 變咗嗌焗豬 店員話呢度嘅焗豬都好受歡迎👏🏼 焗飯有炒底 但因為比較多茄汁 變咗有少少遮蓋咗蛋香 但係豬扒都好大塊 而且肉質幾好 唔會醃製到好腍🐷 第一啖食仲有拉絲添🧀OREO碎片冰沙杯身幾高 如果小朋友飲要小心啲🍧 全杯都好香oreo味 不過天氣太熱 沙冰都融得比較快 唔可以打太耐卡😂凍奶茶 走甜 多奶對茶餐廳奶茶都有信心🧋 呢度嘅茶底幾好 我會因為杯奶茶想再嚟朱古力芝士蛋糕賣相雖然唔係特別吸引 但係有好香濃嘅朱古力味🍫 size啱啱好 唔會太膩整體嚟講呢間茶餐廳食物種類都好多 幾有特色 難怪lunch hour會客接客啦😮

黑椒牛脷粒飯 $62雖然味道比較濃烈，但係配埋落白飯撈埋一齊食，其實係幾好嘅配搭。牛脷粒粒數目我估都應該有10粒左右嘅small cubes ~ 香煎豚斧頭扒煎蛋飯 $58名字改得好果然係會吸引我😂 雖然配搭上同一般嘅豬扒煎蛋飯分別唔大，但係其實豬扒都整到好食。軟殼蟹白酒海鮮天使麵 $78軟殼蟹都算抵食， Size 有返咁上下天使麵都炒得乾身，唔會林啤啤，而且有啲蘑菇嗰啲配料，收線幾好食而且都仲有蜆食奶茶 ☕️即使係外賣奶茶，但拎到上屋企屋企味道都唔錯～ 只要攪返均都有silky smoothy taste 所以，整體嚟講以佢嘅價錢來講，佢都算有正常合理嘅性價比。

前排出土瓜灣做野，所以買埋外賣俾屋企人食。佢地晚餐款式都幾多，有焗飯、焗意粉、意大利飯、天使麵等。菠蘿鮮茄三層芝士焗豬扒飯和米蘭肉醬焗扁意粉一打開已經覺得超正，兩樣都焗得好靚，勁多汁，焗豬扒飯有大量芝士，豬扒肉質嫰滑。扁意粉配肉醬真係無得輸，條條掛汁，夠惹味。鮮蜆白酒煙肉蒜香大使麵依間套廳外賣份量都幾多，入口有淡淡蒜香味，麵質剛剛好。黑松露野菌蠔仔意大利飯大大的一碗，意大利飯吸盡蠔仔粉華，每口都袋的蠔仔的香味，同野菌真係絕配。熱檸檬茶套餐送餐飲，一人一杯熱檸茶。