茶舍 (北帝街)

营业中

休息中

下午3點幾鐘 係北帝街 想食西餐下午茶見路口有間茶舍就叫左卡邦尼雞扒意粉，外賣拎番屋企食。意粉完全唔係卡邦尼應有既材料完全冇煙肉、冇洋蔥、冇芝士粉、冇蛋黃、冇忌廉，係咩餸都冇，完全一個冇味既白汁意粉🤦🏻‍♀️有既只係得半塊溶左既芝士，真係難食到⋯⋯⋯😖雞扒油到連個外賣盒都出哂油🤮明明唔係卡邦尼意粉做法，做咩要叫卡邦尼意粉呢，完全係欺騙顧客真係好後悔有甘多間餐廳揀左呢間，完全係中伏雖然價錢唔貴，但真係自己煮都好食過佢

早排去土瓜灣朋友屋企開檯，玩吓麻雀咁，所以就到附近餐廳‘’茶舍‘’買d外賣上去。貪呢間鋪，樣樣都有，食物多選擇，價錢大眾化。非常抵食。👍👍👍我要贊美吓個千島醬海鮮Pizza, 食落外邊薄脆，裡面又多料，千島醬又足，呢個價錢，一個字，‘抵‘’’。🌟🌟🌟🌟鰻魚炒飯都大大盒，可以分兩碗，而且鰻魚都算足料，有別於其他餐廳只得鰻魚汁同飯，所以，我都覺得好滿意。蕃茄芝士焗豬排飯，芝士味都足夠，一塊豬排。亦算可以啦！。我叫左3個餐，加埋都係$200。份量都足。算是值得之選了。

去土瓜灣探朋友順便係附近餐廳食個靚飯，經過茶舍被門口個甜品櫃啲甜品吸引咗入去，餐廳裝潢簡約時尚都幾舒服。選擇困難症朋友應該會好苦惱，餐牌好多選擇而且價錢又親民，同朋友諗咗好耐先決定到食乜，晚餐價錢都平過好多連鎖茶餐嘅午餐，叫多兩樣嘢都唔貴蒲燒饅魚珍珠飯本身以為咁嘅價錢碟飯會好迷你或者會唔足料，結果係大大碟而且好足料，睇佢色水咁深以為會好咸事實係恰到好處，而且飯粒粒分明唔硬之餘仲有少少煙韌嘅口感和風醋煙鴨胸沙律沙律份量都大，煙鴨胸冇想像咁咸，但醋落太多導致沙律底啲菜過咸，落少啲醋可能會更好，整體算合格。千島醬海鮮Pizza Pizza一上枱就聞到香噴噴，賣相都比餐牌張相吸引， 雖然有啲唔似樣厚厚嘅芝士層啱曬中意芝士嘅朋友，pizza底鬆軟得嚟個邊又脆脆哋，就算放到凍咗都仲係脆，抵食綜合水果紅茶&檸茶杯茶賣相唔錯而且好足料，可能太多青檸我覺得太酸同有少少苦，下次跟朋友飲返檸茶，檸茶好夠茶餐廳好豐富實惠嘅一餐，下次嚟附近探朋友會再揀呢間餐廳試下啲甜品

餐廳位於土瓜灣站，搭屯馬線係B出口出，步行大約5分鐘就已經到👍今日星期五夜晚大約七點入座，餐廳已經滿座，服務員態度好好，好有禮貌👍坐低左一睇menu就見到有好多種類🥰例如：Pizza、焗飯、鐵板餐等等……滿足曬唔同人嘅喜好🤩價錢亦都係走平民路線，唔貴好抵食😍睇咗好耐menu之後，我同朋友order左👇鮮茄汁香煎豬扒滑蛋飯（$48）份量好足！豬排好大塊，滑蛋好香好滑🥚，加埋茄汁酸酸甜甜，好開胃！幾多飯都可以食得曬😆😆南瓜野菌皇烤雞意大利飯（$62）呢個意大利飯份量都係好足！有好多紅蘿蔔、烤雞、菇粒，令到成個飯好有口感，好好味🤩濃蝦湯（$28）好濃味👍中意飲蝦湯嘅一定要試下🤩柚子芝士蛋糕（$21）有香濃柚子同芝士嘅味道👍重有粒粒柚子肉，用黎做飯後甜品非常好🤩意大利栗子法式布朗尼（$26）有好多栗子蓉，入面主要係有cream同埋一層海棉蛋糕🍰飲品方面我同朋友都叫左熱檸水🥤個杯大大隻字寫住香港情懷😆好有趣👍總括嚟講，呢間餐廳走平民路線，價錢抵👍食物種類又多，份量又好足，一定飽！真係好值得黎食下🤩🤩

大部份外賣都要等二十分鐘以上，堂食就好快上餐，叫外賣都快過自取，有冇攪錯！食物質素都還好，但外賣真唔好好。如果可以堂食就堂食啦，起麻不用在外面食油煙。

同阿仔經過土瓜灣北帝街街口見到這間茶舍，餐廳內坐滿客人好奇望一望餐牌，以為只係港式茶餐廳，原來有西式意粉、扒餐、pizza、甜品等很多選擇，見到甘多款式急急腳同阿仔享受一下二人晚餐先！🤩😍🥰餐牌上真係有好多選擇唔係呃大家！🐠🥚🍚🧀 芝士汁魚柳滑蛋包飯配凍檸茶💵💵💵$52＋$3原條魚柳大大塊炸得剛剛好，不會太厚脆粉仲聞到蛋香味！整碟飯份量十足！啱曬阿仔食！✌️✌️✌️🦀🦐🦑🐚🍝 軟殼蟹白酒海鮮天使麵配凍檸茶💵💵💵$78＋$3原隻嘅軟殼蟹炸得脆卜卜，好香口！配埋其他海鮮包括：魷魚圈、蜆、蝦與天使麵一起炒，香濃美味！天使麵煮得軟硬適中，賣相仲好靚好吸引添🍟🍟 薯條💵💵$25新鮮炸起的薯條，金黃可口，冇得輸！熱熱辣辣嘅粗薯條，係我至愛每個套餐仲可以優惠價加$16配甜品蛋糕，我同阿仔當然一人一件啦！🤭🤭🤭🧀🍰 原味芝士蛋糕濃郁嘅芝士蛋糕，不會太膩~整件蛋糕厚實，味道不錯！😋😋😋🌰🍰 意大利栗子法式布朗尼好香嘅栗子味及朱古力布朗尼，又唔會太甜 ~是飯後最佳嘅甜品！🤤🤤🤤整體這間餐廳可以再去， 價錢合理又大碟， 離開時，仲見到有人在門口排隊晚餐添🤗🤗🤗🤗🤗

入到去見到餐廳其實唔算好大，所以6:30前去到已經坐滿晒人🙈好彩有啲吧枱嘅位所以就唔使等好耐🫶🏻見到個餐牌好吸引🥰價錢唔算好貴，而且都有啲特色嘅嘢食推介！龍蝦湯海鮮扁意粉 $72見到心諗係咪咁抵食🤣又海鮮又龍蝦竟然唔洗100蚊😳上到菜，見到佢真係好足料，又有青口，帆立貝，魷魚，大蝦！！質素好得！唔cheap!!!湯底都好正，好濃，係咁飲啲湯🤣🤫意粉軟硬程度適中，唔錯咼！！軟殼蟹白酒海鮮天使麵 $78勁香!!超大隻軟殼蟹全隻上，好吸晴！唔算好油！好食！！佢好有心思咁落咗九層塔，同小蕃茄，令成個意粉嘅味道多咗一個層次！我鐘意！！一個餐我哋加咗$24要綜合水果茶！入面有奇亞子，話梅，唔知點解溝哂所有之後，啲味有少少似益力多🤣好特別！而且好大杯，由頭飲到尾！！！最後仲見好多人推粟子布朗尼，所以$26點咗🤣🤣性價比高！上面好多粟子蓉，入面主要係cream同一層海綿蛋糕！店員好貼心地我哋遲啲上甜品🥰唔怕熱咗🤣🤣

茶舎喺北帝街街口，土瓜灣站個邊行過去會近好多🤣舖頭坐位亦十分闊落，叫返杯茶慢慢欣賞，聽下歌都幾relax同enjoy😌
💁🏻‍♀️今次叫咗2️⃣款set dinner 2️⃣杯星級特飲🦐濃蝦湯海鮮扁意粉💰72蝦湯比想像中濃郁，海鮮配料都好新鮮，同時都加咗菇類，令到整體口感有唔同層次，除咗海鮮嘅味道，更有鮮菇香味～不過，唔好睇佢個樣好似好細份咁，其實意粉嘅份量都唔細，都好抵食😋🦀脆炸軟殼蟹芥末醬吐司配薯條💰98好少冰室有呢類吐司提供，再加埋用軟殼蟹做主打，好想食之外仲好吸引眼球添呀😍仲要原隻軟殼蟹上，配埋個芥末醬食用，都幾刺激味蕾🤣值得一讚嘅喺個吐司，食落更係香脆可口👍🏻🍹鮮芒果冰沙💰18（套餐轉配價）用咗新鮮嘅芒果製作沙冰，再加埋小小嘅芒果肉🥭酸酸甜甜夠哂開胃，飲落去涼浸浸岩哂怕熱嘅我🤣大麥若葉紅豆爆💰18（套餐轉配價）大麥若葉唔係茶類飲品，雖然望上去好似係綠茶，但其實係大麥仲未成熟嘅嫩葉😝紅豆爆珠口感好得意，外面飲係啫喱包住紅豆🫘就算加咗cream嘅topping都唔會太甜👍🏻溫馨提示✨ 所有晚餐包1杯熱飲

老細請食下午茶，點了雞扒配雜果沙律，凍檸茶走甜。可能同事比較多，分餐時間較長，拿到下午茶的時候雞扒已經凍了，碗底都是油，雞扒比想像中細塊，味道一般。因為很久沒有食雜果沙律，點來一試，但沙律醬太多，有點甜，令到好像比較健康的沙律變得不太健康了。生果大部份是罐頭生果，沒有驚喜。凍檸茶走甜，原來不甜的凍檸茶不太好飲，少甜會比較好。這樣一個下午茶組合要$40多元，雖然是老細請，但感覺仍是比較貴，不是太抵食。或者其他配搭比較好，是我選錯了。這次送餐有甩漏，好幾位同事的餐不齊全！

以前在土瓜灣工作的時候從來沒有好好探索過究竟這地方有什麼好吃的，現在離開了居然發現這麼多好吃的！呢間小店唔係係土瓜灣人流最多的地方，但係都幾近地鐵站，周圍幾乎都係食店，但因為佢出面裝修得都好乾淨好green吸引左我哋入去幫襯一直對食物的第六感都好強，凡係被選中的普遍啱食高質素！今次都唔例外！店內唔係好多位，我哋坐到巴位，望住出面街道，靜靜地在一角啱開始都好想點早餐類，但被告知晚市不供應，咁就食豪d，點左三個餐一個飲品👇👇不得不讚的一樣，餐廳上菜真係好快，畢竟收工之後真係好餓魚籽三文魚炒飯：炒飯望落已經好有食慾，睇到誠意滿滿的配料，好滾動。唔會油膩得來又唔會太乾身，好想請教一下師傅係點做到哈哈哈哈！味道咸香，豐富，滿足每咬一口都有爆汁的魚籽千島醬海鮮pizza：pizza係一人份量，薄皮餅底，皮上鋪一層千島醬，再加海鮮和芝士，表面再躺著幾條粗糙的火箭菜。海鮮唔係特別多，但啖啖都有！海鮮+千島醬+芝士=好好味😋。價錢仲好平！下次食都會再點豬排蛋包飯：驚唔夠食叫多一個飯，但係個飯居然好大份！豬排煎香得均勻少少就更加正啦！會比較香，滑蛋就好滑，相比前面兩個，呢個較普通，但係性價比都好高！綜合水

翻兜土瓜灣新式茶餐廳HI TEA🥰呢間野真係唔錯🤣大埔同土瓜灣都有分店🫴🏻大家可以去試下😆.#米蘭肉醬焗扁意粉 👅7.5/10 $54極大份‼️‼️好彩👦🏻食得曬😂😂😂芝士夾埋一齊食真係不錯🥰🥰個芝士可以再多番少少🧀.#芝士汁魚柳滑蛋包飯 👅8/10 $52成碟嘢都好大碟🤣🤣芝士汁唔係好濃 但我都中意🥰魚柳好好好大塊而且炸到脆卜卜唔會太淋/ 太乾🤣個蛋好香 好滑🤣我中意呀🥰

普通的西餐廳的水平。價格很平價人均100，配送的龍蝦湯味道很濃，海鮮麵類似於冬陰功的那種感覺那個麵的味道比較淡般般不推薦，洛神花茶是甜的水果茶也還行扒類中規中矩吧。炸魚排。還沒有食堂的好吃

經過呢一間店舖成日都想試吓，細細間但係經常坐滿人。夜晚諗唔到食乜就一於試吓，一試鍾情細細間店舖但係食物嘅本色亦都唔算少，竟然有我喜歡嘅軟殼蟹。脆炸軟殼蟹芥末吐司配薯條～呢個餐嘅份量夠，一啖軟殼蟹啖啖芥末加埋吐司～一個字形容好正😉⋯⋯薯條都好有口感，新鮮脆炸好香口。濃蝦湯海鮮飯～呢個其實可以配扁意粉，幫我今日又想食飯試吓個味道好夾，幾十蚊好足料而且仲好大個，熱辣辣上菜～正！真心性價比高。整體而言非常滿意，建議你哋繁忙時間可到OpenRice預約，如果唔係應該都要等位！😃

#粟米白汁雞絲湯扁意粉 👅 8/10 $38（茶餐來的）啲雞幾滑 唔會鞋烚烚😌個湯都算幾香扁意粉就正正常常😉.味道👅：7.8/10賣相👀：7.5/10扺食💰：8.5/10 .#炒蛋 👅9/10滑蛋 好味 鍾意食滑蛋嘅人一定要😋#火腿 👅唔比分啦正正常常#丹麥酥包 👅 8/10香噴噴 係好味嘅😉中意食呢隻包嘅人應該都會中意呢間餐廳嘅丹麥酥包😋.魔鬼芝士脆炸薯條 👅8/10 $38上面有啲類似煙肉嘅東西😂好香噴噴有啲似想當年麥當勞出嘅芝士煙肉薯條但係個薯條就好食過M記多多聲嘅（sorry我歧視麥當勞嘅薯條）.味道👅：8/10賣相👀：8.5/10扺食💰：7/10.凍檸茶正正常常冇乜嘢特別要介紹😂😂😂😂😉

初初搬到土瓜灣， 四圍搵好嘢食 今次嚟到呢間 茶舍茶餐廳。 已經畀 路邊攤牌的鐵板燒吸引。 咁就首先叫咗一下安格斯牛肉 鐵板燒 我哋叫咗五成熟 因為五成熟配上鐵板 已經可以去到六成熟。地方裝修簡約安格斯牛扒大大份 配料仲有薯菜 粟米 青瓜 配上燒汁 凍檸茶 豐富的一餐。叫咗五成熟 因為鐵板的熱量 已經令到塊扒有七成熟。安格斯牛扒口感嫩滑 肉質鮮嫩多汁餐前仲有沙律同湯 非常之豐富馬來西亞大蝦喇沙 大大隻新鮮生蝦。 蝦的肉質感彈牙。 喇沙 爽口 湯底成為 又唔覺得太鹹。