茶舍 (北帝街)

营业中

休息中

去到土瓜灣，6點左右見到入面幾多人食緊野，都應該唔錯wor🤔睇落環境又幾吸引。就同fd入去試下 Hi Tea。睇睇manual，哇 都似西餐廳，野食選擇多，賣相吸引眼球。落雨天濕濕，急不及待咁想叫個熱辣辣嘅西湯飲下。友人提醒，原來牛扒餐 跟沙律 同埋 濃蝦湯wor😋😋😋 好啦 咁貴dd食個谷飼牛扒5成熟，相信都唔失禮嘅。 難得系呢類餐廳有谷飼牛wor 應該再滑身香口d嘅先嚟左嗰沙律菜同濃蝦湯。到底濃蝦湯有無落龍蝦調味呢🤷🏿‍♂️唔理喇，入口真系好舒服。濃郁嘅蝦甜，帶出湯嘅creamy。湯身濃稠而不失細滑😀😀好正。味道可以比美高級餐廳嘅龍蝦湯。（似乎佢仲有好多其他蝦嘅食物🍲可以再試）鐵板牛扒嚟到，好明顯 真係5成熟，烹調控制得相當好呀。肉香又滑身。配菜系新鮮嘅翠玉瓜同玉米 有樣👍嘅系我覺得d薯條墊底，但因為飽滿，而無又乾又硬。好味！朋友叫左個 香蒜 蜆肉意粉， 有酒香同埋蒜香嘅包裹， 令意粉味道有提升。佢話份量好十足， 啲蜆肉隻隻好飽滿，計起都10隻8隻。

阿女約咗我去土瓜灣食晚餐，因為有屯馬線地鐵，而家去土瓜灣都好方便，去咗一間叫茶舍嘅茶餐廳，阿女話食過餐廳的食物都好好味，而且價錢唔貴，所以叫我嚟試吓！千層海鮮pizza ，pizza焗得好香脆，餅底厚薄適中，用料有魷魚、粟米、菇菌和紅洋蔥，加埋芝士，除咗有豐富口感還很惹味！濃蝦湯海鮮扁意粉，上枱時熱辣辣，蝦湯還在滾動中，首先喝一口湯，非常濃郁鮮甜，用料有青口、帶子、大蝦、蜆、魷魚。豐富又新鮮。扁意粉吸左蝦湯的精華，啖啖都充滿蝦的香甜味！芝士汁魚柳滑蛋包飯，魚柳炸得外脆肉嫩，包住飯的蛋好嫩滑，加左芝士汁更惹味！所有套餐都奉送熱飲，凍飲只需加$3，凍奶茶、凍檸茶、凍華田，冰凍夠濃夠味！

今次黎咗土瓜灣呢間餐廳，距離地鐵站行六分鐘左右就到，好方便😚門口同餐廳入面都裝咗一啲霓虹燈，幾有特色，而且座位幾闊落，坐得唔錯👍🏻👍🏻👍🏻餐牌選擇唔少，同埋真係好平😍😍😍四十幾蚊就可以食到蛋包飯，超啱平民或者學生🤣🤣🤣🌈軟殼蟹白酒海鮮天使麵 $78軟殼蟹超大隻！！而且仲有好多蜆同魷魚圈，超足料！天使麵煮得啱啱好，白酒味道都好出，唔錯😋😋😋🌈龍蝦湯海鮮飯 $72又係好足料！！見到勁大隻蝦，個湯勁入味，飲落好香好濃，配埋啲飯一齊食好正🤤🤤🌈玖瑰普洱茶（樽裝）跟餐+$18好大枝啊🤣🤣🤣未飲已經聞到超香玫瑰味，飲落好清，推薦！🌈Oreo碎片沙冰 跟餐+$18好正啊😍😍😍超多oreo，沙冰入口好甜，仲好大杯！💰💰兩個人Total $186 免加一

唔知食咩。 突然家人話試下e 間， 就試下可能係平日6點幾， 冇咩人， 做餐都好快， 6點半落單， 6點9 搞點。 叫左慢煮咖喱牛腩飯 同 豚斧頭扒煎蛋飯。返到屋企， 消毒下個身， 執D 野， 先至食飯。 咁樣放左係到先食， 我都預左咁遲先食冇好似買到返屋企放低野就即食咁好。 。。。 但食落OK豚扒煎蛋飯， 飯有落豉油汁， 蛋冇咩特別。 塊豚扒比我想像中好， 當初咁著係普通茶餐廳個D 有D 燶有D 油油地 有D 韌的豬扒。 食落口， 滑 嫩的， 唔硬 又唔會煎到窿曬。咖喱牛腩， D 汁幾好， 唔太辣（有D 店賣的好辣/ 有層油係面）, 牛腩係淋身， 唔錯e 間野， 暫時食物都ok, 會再翻食

坐低一肚氣，拍枱走人。！！！！！同太太共2位，11點入去問有冇位，佢話有。比咗張枱我哋坐低。唔夠3分鐘，話嗰張枱坐到6位，可唔可以幫手轉位，我話冇問題你安排啦，佢比咗個卡位我。轉個頭放晒隔板落我卡位話如果多人要坐一邊。我後面張卡位得1個人冇落隔板。於是我拍枱爆粗，拉太太走人。！！！！！痴Q線，我入嚟幫襯當我馬騮玩牙依家，永不錄用。今時今日咁嘅服務態度………………………………………………………………祝你生意興隆啦

自從開通咗屯馬線，真係漸漸地多咗喺九龍城、土瓜灣一帶出沒。今日嚟咗土瓜灣，嚟咗呢間開喺街口嘅 茶舍，未入座已經見到坐無虛席，出面排住等外賣嘅人都好多。既然咁多捧場客，入座當然都帶點期待。望見餐牌嘅款式同價錢，已經feel到CP值有幾高，亦都啱晒年輕人口味/打卡～最後點咗份安格斯牛配水果茶！唔知大家叫牛扒中意食幾成熟？我係食得生啲嘅，同時由於坊間好易煎牛扒煎到過龍，通常都嗌3成。點菜嘅時間店員都好好問番幾成熟（4/5/7成），我唔使諗就點咗4成熟。上到檯，必須要講，好，大，塊，比起餐牌張圖仲大。配菜正常發揮唔講了，講番塊牛扒，煎得非常好，請看看圖片，外層有焦香，內層平均地粉嫩，咁大塊牛扒基本上無筋，大大啖食都仲有得食嘅感覺很好。雖然正統西餐無4成呢個選項，但呢間餐廳嘅處理serve到客人心理又煎得恰到好處，很讚！🥰水果茶係呢間餐廳嘅highlight之一，橙香嘅茶底加咗好多水果：士多啤梨、青檸、藍莓、梅、火龍果，所以果香真係好夠，係大眾口味；純粹我平時唔食甜，如果少甜突顯茶香的話我會更喜歡。🤓穀飼安格斯牛賣相：⭐️⭐️⭐️⭐️⭐️味道：⭐️⭐️⭐️⭐️⭐️價錢：⭐️⭐️⭐️⭐️水果茶賣相：⭐️⭐️⭐️⭐️味道：⭐️⭐️⭐️⭐️價錢

茶舍一向都性價比高，晚餐既pizza、焗飯 ~$60就食到，仲送野飲添！🤣今晚我買左外賣返屋企食😋1.牛油果龍蝦沙律 $138份量非常有誠意！份量要2個盒先放得哂，有沙律菜之餘，仲有鮮果牛油果沙律、龍蝦半隻，龍蝦肉多，又鮮甜，不錯！🫶🏻2.煙三文魚火箭菜pizza $65Pizza用料豐富，芝士多到可以拉絲！餅底厚薄適中，脆得黎又帶點煙韌，幾好味！😋😋3.跟餐送熱飲，要左杯熱朱古力同熱檸茶😀

屯馬綫開通左當然要沿路去探索下啦，今次去咗土瓜灣站附近行吓，見到有間餐廳西式得來又帶點日式同港式嘅感覺，個餐牌睇落又好似有好多特色嘢食咁，就衝咗入去食喇😂講真食自己其實幾鍾意呢類型嘅西式嘅港式餐廳，因為價錢唔貴之餘又有好多啱胃口嘅食物，例如係鋸扒、咖喱、蛋包飯、西式意粉、日式丼飯、pizza等等。好，又到食評環節~安格斯牛扒 ($88): 竟然晚餐鋸扒只係$88？仲要隻牛真係幾好食，好腍咬落去唔渣，有肉汁有牛味，配埋個揸到脆卜卜既薯條同埋日式芝麻醬沙律，可以中和到食肉類嘅膩。呢個價錢配呢個組合，超值了吧。芝士汁魚柳滑蛋包飯($52): 魚柳大塊，炸粉唔厚，好食！注意到呢間餐廳嘅飯類都俾得好充足，一定夠飽😂 芝士汁唔會太濃太杰，配埋滑蛋撈飯一流。鮮芒果沙冰/ Oreo碎片沙冰 (+$18): 夏日炎炎梗係要飲沙冰啦，賣相好睇打卡一流之外，仲要非常refreshing，大愛😍柚子芝士蛋糕/朱古力芝士蛋糕(+$16): 食完正餐梗係要再配埋甜品啦。唔好睇佢咁精緻咁，芝士蛋糕呢個份量其實非常足夠，而且真係幾好食，$16有甜品簡直抵過出去甜品舖食多多聲。食晒正餐甜品真係非常之飽，仲要只係$200

呢間「茶舍」有啲特別，以為佢係間茶餐廳，但其實佢係一間西式嘅冰室，晚餐主打扒類、意粉、Pizza、焗飯等等。濃蝦湯海鮮飯呢排天氣好熱，熱到個人無乜胃口，湯飯係一個唔錯嘅選擇。一上枱，先呷啖湯，湯底濃郁夠味，鮮味十足，十分鮮甜！個湯飯亦非常足料，有原隻大蝦、帶子、青口、魷魚⋯軟殼蟹白酒海鮮天使麵呢個天氣，好想食返啲清爽、唔膩嘅食物，所以就揀呢個天使麵。成隻軟殼蟹喺面，非常吸睛！天使麵吸收晒海鮮汁嘅精華，唔錯！鮮芒果沙冰沙冰口感綿密，清甜味美，好fresh！既清涼又消暑！簡直係消暑良物！綜合水果紅茶混合多種新鮮水果，有士多啤梨、檸檬、青檸、藍莓、火龍果⋯再加上話梅，酸酸甜甜好好飲！而且色彩繽紛，未飲已經有透心涼嘅感覺！

今日坐屯馬線黎到土瓜灣揾食，路過北帝街，最鐘意睇門口餐牌，見到呢個轉角位嘅茶舍無諗過土瓜灣都可以食到呢種質素嘅西餐。一於決定坐低入去試吓先見到半隻龍蝦系列相當吸睛，一於叫左個龍蝦海鮮意大利飯，$148再送普通飲品，加錢可以試其他，一於飲下佢嘅星級飲品:綜合水果紅茶。坐低15分鐘食物就送到上枱喇👏🏼，賣相相當吸引，眼見有蜆、青口、魷魚筒，當然仲有半隻主角：香煎波士頓龍蝦🦞啦。意大利飯口感偏向黏口，掛汁但味道唔會好濃，剛好可以食到海鮮味道😛，係我喜愛嘅口感食飽，二話不說要飲返杯水果紅茶先，本身好擔心會好甜，點知一入口，覺得好清新，係水果嘅鮮甜，仲分量十足添，有士多啤梨、火龍果、檸檬、藍莓、話梅、青檸、薄荷葉，真係好適合夏天飲。最尾都要讚吓嗰度啲員工，佢哋嘅主動、熱心服務同禮貌，都幾值得讚賞完全冇諗過響土瓜灣都會有咁好質素嘅服務

今日放假陪媽子返土瓜灣探下舊街坊。自從開咗土瓜灣站之後,舊貌改變咗好多,亦開咗好多食市。俩母女行咗大半日,有啲攰攰哋,食埋個晚餐先返屋企!經過北帝街依間茶舍,見到幾新淨,晚餐有扒類、焗飯、pizza 、意粉等多種選擇,跟埋熱飲大部份都係60幾70蚊左右每張檯都放有消毒液,十分窩心。☕我哋點咗兩個套餐,送一杯熱杏仁霜,另以優惠價$18轉樽裝桂元紅枣茶。由於天氣太熱太口渴,再以正價$32要多樽洛神花茶。兩樽茶少少甜,健康又解渴！🍝🦐香濃茄汁鮮蝦蜆扁意粉扁意粉麵質煙韌有咬口,吸收酸酸甜甜茄汁,加上鮮冬菇、新鮮蜆肉同彈牙大蝦煮出嘅濃湯汁,仲有芫茜香味,好開胃!🍕千島海鮮pizzapizza 金黃多醬汁,熱辣辣,材料有粟米粒、洋蔥粒、磨菇粒、菠蘿片同墨魚圈等,批邊同餅底香脆。就算咁高温嘅天氣,一樣易入口完全吾覺漏,仲好多人嗌好受歡迎添。🥧意大利法式栗子布朗尼雖然非常十分飽,但都要食埋個香甜栗子泥嘅甜品。平民價錢嘅餐廳,味道有驚喜,年輕服務員有禮貌,下次去土瓜灣時會再幫襯!

如果你接受到天使麵和長通粉有芫萎，恭喜你，否則揀都揀到你傻，第一次買外賣，回家最忙唔係食飯，而係不停揀，打開份外賣，呆左，好想知道廚師用什麼理由要長通粉加芫萎law

一早幫朋友搬屋去土瓜灣，做完嘢之後朋友去買午餐回來食，佢話樓下茶舍係港式茶餐廳，食物水準都唔錯！慢煮咖喱牛腩飯，牛腩和薯仔入味夠林，咖喱汁又香又濃郁，撈飯食一流！米蘭肉醬焗扁意粉，碎肉加上特製醬汁，味道濃郁惹味，扁意粉軟硬適中。菠蘿鮮茄三層芝士焗豬扒飯，豬扒厚切好大塊，肉質鮮嫩唔會鞋，以菠蘿鮮茄加上三層芝士焗至金黃色，味道酸甜甚惹味，飯底用蛋炒香先去焗，特別香口。氹仔風味豬扒包，先將豬扒煎香，再將包焗脆，加上生菜和醬汁，又香又美味。豬扒入味肉質軟嫩。滋味脆薯條係即炸，拎到返都有少許脆口，唔會好油膩。熱華田和鴛鴦夠濃夠味！

今日喺土瓜灣睇完醫生，呢頭有好多餐廳，所以就決定喺度買埋嘢食先返屋企。其中北帝街轉角位間「茶舍」門面幾靚喎，有小清新嘅感覺🌿。開頭以為佢係裝修靚啲嘅港式茶餐廳，但又唔係啵，佢係新派嘅西式冰室✨，提供嘅食物款式涵蓋意粉、薄餅、牛角包、蛋包飯同焗飯等。如果想食鑊氣小菜或炒粉麵就要稍移玉步啊🙈。冬陰功雞肉披薩($68)，原本對只售60幾蚊嘅Pizza無咩期望，但出到嚟超有驚喜🍕😍。薄餅直徑大約十吋，餅底薄脆得嚟又唔似餅乾咁乾噌噌，有啲質感。不過最令我歡喜嘅係餡料層，佢仲厚過塊餅皮，勁足料！🧀芝士濃香，富有拉絲效果，另外仲有菠蘿同火箭菜。冬陰功味亦係精華所在，辣度同酸味明顯，絕對能刺激味蕾。鮮蜆白酒煙肉蒜香天使麵($65)，🍝天使麵又係惹味之作，蒜香十足，即使無落醬汁，但麵條仍然夠晒油份，一啲都唔乾身。幼身嘅天使麵麵質彈牙，比起普通意粉好食得多。配料方面，蜆就屬正常水平啦，始終偏細隻。除此之外，仲有好多煙肉🥓同雜菌🍄，基本上啖啖都食到餸。Pasta嘅質素不比正宗西餐廳遜色。南瓜野菌皇烤雞意大利飯($62)，🍚Risotto份量激多，佢用呢個圓兜裝，仲要塞到勁滿添！我略嫌意大利飯口感濕少少，但南

兩個月前下午茶時間路經此地，當時有一堆人係餐廳門口等候，即刻上網睇食評，發現評價良好，所以mark低要試。星期六下午2點嚟到，場內幾乎滿坐!! 好好彩，我地唔駛等位可以直入。香脆魚柳包配薯條 $42餐牌個「原條魚柳包lunch set」圖片相當吸引，但價錢唔夠親民，加上下午茶都有個魚柳包，估計應該唔會差太遠。魚柳新鮮炸出嚟，外脆內嫩滑多汁，好高質!!! 就連個麵包都好有質素，麵包質地軟熟、有彈性，中間烘到焦脆，搽埋牛油，配埋個無得輸嘅千島醬，好味到令人想再食多個🤤。炸大雞髀配薯條 $42呢隻雞髀偏細，薯條份量亦唔多，感覺賣$38比較合理。生炸雞髀，無炸粉，油膩感大大減低。調味適中，亦入味，唔會過鹹。第一次送上嚟果隻髀中心位未熟，仲係生肉，結果炸過隻。等左十分鐘左右，送上一隻全新髀，但收盤果陣連薯條收走，我地當然要求比番d薯條。結果等多一個字，一個單點份量嘅薯條送到。抵讚，今次食嘅野都係即叫即炸，雖然要等2-3個字，但包保上枱果陣熱到出哂煙😏。加$16柚子芝士蛋糕蛋糕比想像中細件，不過味道比賣相好，柚子味好出，亦食得出濃郁芝士味。