茶舍 (北帝街)

营业中

休息中

裝潢真係靚到爆！坐得都好舒服，真係好想留低嚟坐下飲杯茶。但係份量就有啲失望啦，特別係軟殼蟹炒意粉，油油地，食落好濟，唔太掂。魚柳Burger就更加一般，冇咩驚喜，而且魚柳冇味，真係有啲失望。另外，我試咗焗豬排飯，但個汁好淺色，都冇味，感覺好失落。總括而言，呢間餐廳嘅裝潢同坐位真係好出色，但係食物方面就有啲令人失望。如果你想搵個地方坐下休息，飲個茶，呢度係一個不錯嘅選擇，但如果想食好嘅食物，就要再考慮下啦。

今日難得來土瓜灣工作，買啲下午茶俾同事，意外坊幫襯了幾高質的茶餐廳「茶舍」😋2點至6點都係下午茶時段，平均$42就已經有主食加小食，仲包埋飲品添🥳叫左三份下午茶HI TEA 套餐 ($42@)分別有：迷你卡邦尼意粉+吉列魚柳迷你肉醬意粉+香煎雞扒一口西多士+香煎豬扒雖然係迷你，但份量我覺得配埋小食係剛剛好🥳食物都係想像中既水準，外賣都keep 到👍🏽而焗左既食物都有芝士鋪面，更加香口😋另外再叫左個煙三文魚沙律 ($45)🥗三文魚份量多，沙律用酸酸味味既柚子醋幾refresh! 見店舖有個甜品櫃，每件cake $16一於試埋 柚子芝士蛋糕啦芝士幾香～唔會太甜👍🏽另外想讚一下外賣飲品，用左tray裝，拎得好隱陣👍🏽

星期五夜晚食飯，經過見到好多人排緊隊，就決定下次要試吓餐廳位置唔算多，門口keep住有唔同嘅外賣和人排緊隊餐牌食物嘅種類，幾多元化，有鋸扒、意粉、炒飯、日式韓式料理，而且每一點份量都唔使，價錢亦唔貴，難怪有咁多人排隊，高質之選蒲燒鰻魚炒珍珠飯炒得來都幾香🫶🏻而且鰻魚留到幾多珍珠米吸盡鰻魚汁嘅香味，少少濕，但又唔會飯林口感啱啱好配菜加入粟米、木魚絲、蔥花，令味道更香，更惹味☺️龍蝦湯扁意粉🍝可以揀飯或扁意粉🍝湯底味道幾香蝦味，而且飲晒啲湯亦唔會覺得口乾，味精唔太重有唔同嘅海鮮材料：包括帆立貝、魷魚、蝦、青口、蜆肉等雖然海鮮唔係最新鮮，但呢個價錢，冇得挑剔大麥若葉紅豆🫘爆爆珠鮮奶特調有啲似抹茶🍵紅豆鮮奶味道

大埔茶舍，火車站行過去七、八分鐘左右，地點都算方便。餐廳環境光猛，感覺乾淨企理。餐牌分門別類都幾清晰，會分早餐、午餐、下午茶同晚餐時段。我同朋友仔喺晚餐時段，就揀咗軟殼蟹芥末醬土司配薯條、鰻魚炒珍珠飯，飲熱央酒同凍朱古力，再嗌咗個栗子Brownie甜品。軟殼蟹土司配薯條賣相好OK，大大份，側邊啲薯條都炸得香脆。不過個人覺得佢個醬芥末味唔係好出，比較似係普通沙律醬。鰻魚炒飯，味道都OK，鰻魚塊唔係鰻魚碎呢樣抵讚。栗子Brownie，呢個對我嚟講太甜太甜。凍朱古力都係，飲得出落咗好多糖，即使叫咗少糖都好甜。好彩我嘅熱央走都OK，不過如果能夠更加熱就好，茶香會更出。埋單只係195 ，幾抵食～～～～～～

同媽咪去遠d 行下街食個tea,見到有間新派西式茶餐廳既食物多元化，環境舒服光猛又企理，入座率高，價錢又相宜被安排坐向落地玻璃既卡位，位置非常寬躺。打開menu, 款式非常多。下午茶時間原來唔止可叫下午茶，仲可以叫lunch or dinner, 簡直花多眼亂。最後我地點左lunch,比較特別同想食飯煙三文魚沙律$48好食，要讚係個汁鹹鹹地又甜甜地，同煙三文魚好甲，食起來更加香魚籽三文魚蛋炒飯$58一上檯已聞到香濃既三文魚味。有好足料既三文魚，味道果然香口。菇類唔會好重菇味，滑滑地口感幾好。配埋嫩滑既蛋花一流lq三層芝士鮮茄牛脷飯$58有好邪惡既芝士，質地好香滑，好香芝士味，配埋茄汁好juicy. 特別要讚係牛脷好軟好滑，啖啖肉既感覺好正，仲要有好多舊熱紅菜頭柚子茶（星級特飲+$18)味道酸酸甜甜，有益又好飲綜合水果紅茶（星級特飲+$24)一樣酸酸甜甜，又有雜果食總括黎講，食物多元化，中式茶餐又有，西式又好多選擇，CP值好高，無論早午晚食都總滿足到我既願望

◾️◾️◾️ 【 ✨土瓜灣抵食超足料茶記✨ 】 ◾️◾️◾️▎提供多種食物選擇 價錢親民土瓜灣一向出名餐廳多😋行過幾條橫街 你會發掘到各式各樣嘅餐廳種類✨環境非常熱鬧👍而我今次想介紹呢一間位於土瓜灣北帝街嘅呢一間茶記由於佢價錢親民 而且食物款式選擇多吸引唔少街坊幫襯性價比高👍◾️◾️◾️◾️◾️ 【 General Info 】 ◾️◾️◾️◾️◾️▎Overall rating：7 out of 10▎Will Revisit?：Yes▎人均消費：Ard HKD 100▎前往方法：土瓜灣地鐵站A出口直行大概10分鐘▎餐廳位置：📍 茶舍 (北帝街) (土瓜灣)📍土瓜灣北帝街15號地下◾️◾️◾️◾️◾️【 環境方面 】 ◾️◾️◾️◾️◾️👉Rating：7 out of 10餐廳面積頗大 設有外賣區 方便大家等候而餐廳環境乾淨企理適合一家大細坐低慢慢品嚐美食◾️◾️◾️◾️◾️【 精選菜式 】 ◾️◾️◾️◾️◾️呢一間餐廳嘅食物選擇很多可以搵到各種潮流美食元素例如蒲燒鰻魚, 黑松露等更offer不同種類嘅套餐選擇每次幫襯都可以試新嘢👍👍唔會食到厭而我今次就試咗佢哋嘅牛肉套餐✨用 hkd 168 嘅價錢就可以品嚐到頂級美國安格斯牛🐄隨餐更附送薯菜,餐湯同

因為經過附近搞點東西，所以停一停車買午餐吃，見到這間茶舍我就下車買了外賣上車吃😀他們有好多款式選擇，我們一共點了兩款，一份滑蛋雞扒飯，一份軟殼蟹白酒海鮮天使麵。滑蛋雞扒飯，雞扒陣陣蒜蓉香味，好吃又嫩滑不韌，滑蛋也好味又份量多，飯底有汁，不會乾，一碗飯的份量都超級多，雞扒和滑蛋的比例也多，不會吃到底就只剩下白飯，超抵吃！👍軟殼蟹白酒海鮮天使麵，軟殼蟹新鮮脆脆的，海鮮有魷魚、蜆肉等，天使麵份量亦非常多，也是濃濃的蒜香味道，也很好吃~🤍至於飲品方面，叫了一杯奶茶和阿華田，奶茶有茶香味，有茶餐廳的水準，阿華田也夠濃濃的🥰作為快餐形式的冰室茶餐廳，味道和價錢都是不錯的選擇！

今晚去左呢間土瓜灣叫茶舍嘅餐廳，真係性價比超高，無論是味道，價錢，同貌相都好好！打卡一流！晚餐時間，呢間店都已經很多食客，服務招呼細心有禮，menu選擇都多，有西式早餐，中式炒野焗飯，美式鋸扒或pizza，日式蛋包飯，港式炒雞脾等， 應有盡有，而且價錢合理！見到隔離枱的pizza很吸引，但已賣晒了，之後我地就點了鰻魚蛋包飯同蕃茄焗豬扒飯，都是各幾十蚊，加3蚊轉凍飲，加埋2件芝士蛋糕，2人晚餐都只係一共付百幾蚊！真係超值。鰻魚蛋包飯好好食，蛋不是全熟所以很滑，包住加了獎汁熱辣辣嘅飯已經好好食，鰻魚大大件，啖啖肉，上面加了木耳，感覺日式又美觀。焗豬扒飯，都是熱辣辣上碟，芝士份量很多，正呀！而且豬扒勁大塊啊，成塊蓋滿碟咁濟，肉質很嫩淋，美味！芝士蛋糕有幾味選擇，揀左朱古力同柚子味！喜歡佢朱古力味不會太甜，柚子味也很清新可口，才2x元，抵食，滿足的一餐，下次再來試下pizza先！

這晚去到土瓜灣，在鄰近港鐵站的北帝街茶舍用膳。食物選擇多樣化，能找到各類潮流美食元素，例如黑松露、蒲燒鰻魚等等。脆炸軟殼蟹芥末醬吐司，是很吸引我的組合，看到餐牌二話不說，立即選擇了這一款。吐司是厚身的，略略烘過，口感吸引。吐司中間放着原隻脆炸軟殼蟹，炸漿厚薄恰到好處，而且軟殼蟹尺寸不小，食起來零舍有口感。配合芥末醬，可說是一個亮點，輕輕減淡了炸物的油膩感，食起來更加開胃。可以選擇配搭薯條或者和風沙律，我決定把熱氣進行到底，選擇了薯條。薯條熱騰騰的，有夠香脆，而且是我喜歡的粗薯條，既可享受外層的香脆，也有少許薯蓉，滿足口感。另一份主食是香煎波士頓龍蝦海鮮扁意粉。這一款配搭是半隻龍蝦，賣相很適合打卡。海鮮味道濃郁，香氣四溢，海鮮數量亦多，滿足了喜歡海鮮的一顆心。扁意粉軟硬適中，時間控制得不錯呢。點選這款面，侍應送上蟹鉗，和一隻擺放殼的碟子，非常細心。餐飲是熱朱古力和熱鴛鴦，味道濃淡得宜。

同朋友來土瓜灣買野，下午茶時間搵左呢一間，呢一間餐廳好闊落，門口有個大嘅logo寫住 hi tea ，🥳 係轉角位，新年要來食豐富啲！我地兩個人Share 食， 首先叫左一個照燒汁鰻魚滑蛋飯 ，$60💁🏻‍♀️ 呢個價錢比起好多日式餐廳都相宜好多，一上碟最吸睛係滑蛋，分量佈滿全個飯，熟度岩岩好，見到滑滑嘅蛋，入口好順口！鰻魚大小比手心大啲，照燒汁好香，唔會死咸，鰻魚無腥味，中上水準 🌈 仲有柴魚片係上面，令層次感同鮮味都增加！一碟份量好足料，一般飯量來講叫一個飯都飽喔！跟餐叫嘅熱奶茶重茶味，奶比較淡，無咁肥膩，適合鐘意茶濃嘅人～花生醬西多士 $34💁🏻‍♀️兩個人食想邪惡啲，下午茶有西多士，佢仲有另一款西多士都係勁吸引！煉奶杏霜一口西多士，好想試，出面比較少見到呢個組合，但因為朋友唔飲杏霜，所以叫番原味！份量絕無欺場，大份到諗緊切9格定16格🤣 西多重點一定要外脆內軟唔油膩，呢一間即炸起嘅感覺好脆身，牛油好大舊好正，加埋糖漿熱辣出爐好好食！中間花生醬餡連角位都填滿，唔會有角位無醬❤️‍🔥炸大雞髀配薯條🍟呢個都係下午茶之一嘅選項，真係大滿足，第一樣要讚嘅係薯條，唔係m記個種，而係似蕃薯條個種出

再訪高質多國菜餐廳，裝潢呈休閒清新風，食物方面提供多款意粉、pizza、焗飯、西式扒類、蛋糕等等，價錢親民，食物高質，好受街坊歡迎💖3-4人消費：$196✴️一見鍾情比薩 ($65)推薦！即叫即製，大大塊PIZZA😍 香口惹味，配料好豐富，有驚喜！有雞肉、香腸、粟米、芝士、洋蔥碎，好惹味🔥✴️魚籽三文魚蛋炒飯 ($60)推薦🤤 份量多，配料好豐富，啖啖煙三文魚及魚籽，口感味道很不錯，好飽肚！✴️鮮茄汁香煎豬扒滑蛋包飯 ($48)抵食之選！大大塊豬扒，配上滑蛋，好飽肚☺️✴️柚子芝士蛋糕 (+$16)芝士味好香濃，配搭清新柚子味，好好味😚✴️熱朱古力 ($Free)✴️熱檸檬水 ($Free)🫧外賣盒每個+$2，膠袋+$1，不設加一費用🫧

軟殼蟹今日過嚟土瓜灣做野，同同事食埋個飯先番公司啦。。咁岩見到呢間餐廳門口排哂隊，估唔到過左午飯時間都仲係排緊隊！！我地過去拎飛等，餐廳唔算好大，全場都要搭枱，不過又唔會坐到好迫嘅。。唔怪之得咁多人食，原來真係平民又抵食！仲有好多選擇好吸引。。。脆炸軟殼蟹芥末醬吐司🍞哇哇哇。。。。好大份好吸引！仲有好多薯條🍟係原隻炸軟殼蟹❤️❤️❤️大份到我唔可以一啖食入口😂要分開慢慢食軟殼蟹咬入口juicy又脆又多汁雞扒滑蛋飯我地見呢個飯勁多人食！食塊蛋鋪上飯面，蛋唔會煎到太老，仲有蛋漿。雞扒都煎到好香又嫩滑。。。呢個蛋包飯好好飯，價錢又親民粟子布朗尼可以加錢要件cake!!勁中意食粟子嘅甜品。呢啲cake成個面都係粟子蓉，正！桂圓紅棗茶入面有兩個茶包，一啲都唔會甜，清香。。。我地食完就發現到下午茶時間啦😂所以決定點多份一口西多士，一份有6件，其實一件都要分兩口先食得哂。最中意食呢個西多口浸透左蛋漿，好香蛋味，真係浸到濕哂！我地食完門口仲有人等位，下次經過可以過嚟再食😎😎😎

Hi Tea(茶舍)黎到土瓜灣依條食街，街頭當眼位置就見到嘅 HI TEA，平日晚上就見到人食扒餐了🐰不過今日想外賣，唯有下次再試鐵板野🐒👉🏻蒲燒鰻魚炒珍珠飯依個炒飯可以話係其中一個最吸晴嘅飯類，一打開就聞到好香木魚嘅香氣✨日本甜醬油炒出黎嘅鰻魚飯，唔怪得係其中嘅熱門推介✨👉🏻忌廉野菌皇烤雞扁意粉超多烤雞ge 食極都有😂👉🏻三層芝士焗鮮茄牛脷飯佢ge 牛脷切左粒，有肥有瘦，都幾淋🐰佢地另外個飲品甜品櫃都有特式樽仔飲品，好似洛神花茶同桂圓茶咁，都幾吸引🐰

都有一段時間冇出去四圍搵食啦，難得朋友放假，梗係唔可以浪費咁好嘅機會啦☺️☺️為咗遷就佢😆都要離開新界區啦🤪就係佢屋企附近原來都有間正嘢🤩🤩香濃茄汁鮮蝦扁意粉🦐份量都算大碟嘅，呢個價錢絕對係抵食嘅👍🏽不過個人來講就麻麻哋呢個意粉🙈🙈因為佢竟然有芫荽😵😵而且唔太似茄汁味，反而有少少似龍蝦湯計咁樣，至於扁意粉嘅硬度都係屬於偏淋嘅，我朋友就好鍾意啦🤭🤭蒲燒鰻魚炒珍珠飯🐟以炒飯來講都算大碟，味道濃郁😍😍😍雖然同圖片有啲出入，鰻魚比想像中少😛不過超級好味🤩🤩🤩食完一啖會好想即刻食第二啖😍😍鰻魚油香好重，而且係入口即溶🤪真係可遇不可求😌😌配埋堅魚片冬菇絲成個飯嘅味道簡直不得了🤩🤩已經好耐冇試過食完一啖想即刻食第二淡嘅感覺😂所以呢個鰻魚飯係超級推介😜😜蒜香雞中翼🐔雞翼夠大隻，食得出係生炸嘅，個外皮超級脆😋😋一啲都唔油膩而且裏面仲好Juice多汁，雞肉又嫩滑👍🏽👍🏽凍檸茶少甜凍檸茶茶味香濃而且真係做到少甜😄😄值得稱讚🥳由於佢都真係好多選擇😌性價比又高，所以我哋下次都會再去🤪🤪係值得推薦嘅一間餐廳🥳🥳

今日放工同男朋友經過呢間，見個menu 都幾吸引，價錢又唔算好貴，所以就決定試下😆菜式價格大概都係$50-80，呢個價位食到西式真係算唔話得🤪我同男朋友嗌咗1: 蒲燒鰻魚炒飯個飯係珍珠米，所以要落去好飽滿👏🏻啲飯仲畀啲鰻魚汁包裹住，所以啖啖食落去都好香鰻魚味🤩鰻魚炒飯當然就唔少得主角鰻魚啦☺️大大嚿鰻魚食落口真係好滿足😆成碟炒飯個份量其實兩個人食都夠，所以真係幾抵食❤️2: 脆炸軟殼蟹芥末醬土司哇！嚟到見到咁大份真係O晒嘴😳食嘅時候要兩隻手一齊上先拎得晒，一口咬落去都咬唔晒啲餡🤪材料都幾豐富💕 有大大個軟殼蟹，仲有番茄片，生菜等。而個芥末醬味道啱啱好，唔會覺得好膩🤪成個吐司好match💕見到啲相都流晒口水想食多次😆個薯條都唔錯，唔會太鹹🙂3:芝士蛋糕食完正餐緊係要食埋甜品先叫完滿☺️呢度一次過滿足兩個願望❤️蛋糕好香芝士味，但唔會覺得好膩，所以作為甜品都唔錯👍🏻餐廳空間都算寬落，坐得幾舒服👍🏻啲侍應都好好服務態度☺️總結嚟講呢餐都食得好enjoy 😆 最後埋單182，兩個人食都真係抵食啦，有兩個主餐，兩杯嘢飲，一個蛋糕🍰❤️