茶東西

营业中

休息中

喺附近收工，諗住去食個快dinner，見到有間幾光猛嘅餐廳裝修又OK咁就去試吓。佢係行中高檔茶餐廳路線，我坐卡位，座位都算闊落同埋舒服，餐牌上面嘅菜式都幾有心思，並非普通茶餐廳standard野。見到個冬陰功軟殼蟹意粉好想食，但最尾叫咗個卡邦尼意粉，見佢話係必選😂意粉蛋漿好重，所以會好快飽，個意粉仲有芝士碎喺面。佢有啲煙肉粒有口感，有油香，好食！個火山石鍋烏冬嚟嘅時候唔係一般嘅熱，係好熱好熱，滾晒咁，隔咗幾分鐘仲滾緊😂 個湯底黑蒜香味好重，但就唔係特別濃，個烏冬出奇地入味，有啲驚喜。腩片肥瘦均勻，overall都唔錯。兩個晚餐係唔包嘢飲嘅，但係個量都好多，呢個價錢我都覺得值得嘅😉

今日嚟北角食晚餐，電氣道近AIA呢邊開咗一間白色裝修主題嘅西餐廳，晚餐都係$55起，見幾抵食就試吓啦。裝修簡約，入面都坐得幾舒服，仲要唔使加一服務費。照燒雞扒火山烏冬🍜呢個石頭鍋烏冬有四種湯底可以揀：大阪黑蒜豚骨湯；超濃蕃茄味增湯；北海道咖喱湯；黑松露菇菌豚骨湯。我就揀咗黑松露湯底，個湯底好清好香黑松露味😋，烏冬爽口彈牙，配菜都幾多，有豆芽，粟米，魚片同菇等等。雞扒係分開上的，上來嘅時候真係嚇親，真係好厚好大塊😍，有個成隻手咁大，外皮加咗芝麻同黑椒加埋照燒汁燒到好香，內裏肉汁Juicy，真係值回票價😆泰式冬陰功軟殼蟹意粉🍝呢個泰式冬陰功醬汁混合西式意粉煮法好創新，意想不到咁好食，意粉軟硬適中，冬陰功醬汁酸酸辣辣好開胃😝，除咗原隻炸軟殼蟹，意粉裏面仲有絲絲嘅蟹肉，軟殼蟹係即炸既，外皮好香脆，不過粉漿略嫌厚咗啲啲，食起嚟嘅時候比較油熱情果冷泡高山烏龍🍹酸酸甜甜好開胃，不過熱情果味比較濃，蓋過咗烏龍茶嘅茶香玫瑰花茶🍵：有淡淡的玫瑰花味，茶香都唔錯

估唔到茶餐廳都可以食到高水準嘅egg benedict仲要係佢酸種包，今次喺炮台山工作嘅朋友仔就有口福la ,依家茶餐廳位置唔係好多，所以lunch時間真係要早啲去，小編當日lunch time 12:00都要等一陣先可以入到去，依家新牌嘅茶餐廳裝修都好新穎，而且都掛咗d好得意嘅畫，至於咩畫，大家可以到時去到欣賞😜今次同朋友食咗個挪威三文魚egg benedict配酸種包 ，隻蛋好流心，而且三文魚都好大片，再配酸種包，仲有個好新鮮嘅沙律🥗簡直係Perfect match，另外仲叫左茶餐-東京黑蒜蔥油撈公仔麵配火腿＋滑蛋，另外仲轉咗個奶油豬😆，炒蛋好嫩滑，雖然奶油豬要另外加錢，我就覺得好值得難，因為竟然係有二片，平時就算加錢轉都係得一片😈，今次仲可以同朋友share一人一片，之後撈公仔麵充滿着蔥油，雞扒都好大份，肉質都不錯😋最後，我見到menu 其他餐好吸引，如果有興趣試嘅朋友，就要早啲去啦😎

平時甚少嚟炮台山北角呢邊 ,今日有嘢做就順便睇吓附近有咩食 就睇啱咗呢間多like價錢相宜又抵食嘅餐廳.嗌咗個下午茶set：鹹蛋黃炸髀、配熱奶茶一上枱 ,嘩 真係估你唔到 咁大份😂 對面枱都望埋過嚟😂 炸髀好大隻、啲皮卜卜脆、切開啲肉汁流嗮出嚟 可見有幾咁juice👍🏻 得雞皮有味入面啲肉無醃所以無味 ,炸薯條份量好慷慨👍🏻亦好夠脆 最鐘意點茄汁慢慢嗒沙律菜都好新鮮爽口成碟嘢浄望個份量都已經開心嗮😋我鐘意奶茶唔落糖 ,好濃好香好好飲🥺整體嚟講35蚊咁嘅質素仲包埋嘢食去邊度搵🤣 cp值高 ,經過炮台山嘅一定要嚟試吓

是日同HONEY去北角探朋友，在行去AIA廣場附近，見到哩間新開的茶東西，有我同HONEY都鐘意食的蛋包飯，就同HONEY決定來哩間茶東西食DINNER啦，同HONEY點左個滑蛋蓋飯，冬陰公軟殻蟹意粉，三色薯條，同埋話梅蜜糖柚子梳打滑蛋蓋飯滑蛋蓋飯有兩款不同的醬汁選擇，蕃茄和咖喱汁都唔錯，加埋蛋包飯真的好滿足，一次過食到不同口味的汁~~冬陰公軟殻蟹意粉冬陰公軟殻蟹意粉，意粉都好多份量，另外有大大隻炸好的軟殻蟹，意粉好濃的冬陰公味，真的愈食愈開胃，三色薯條三色薯條有芝士汁，茄汁同埋少少沙律汁，加埋香口的BACON，真的愈食愈想食，但炸得有少少過火左，如果炸得剛好就完美梅蜜糖柚子梳打梅蜜糖柚子梳打都唔錯，加18;蚊有一杯晚飯時間真的要等耐少少，但食物都唔錯，值得一試~~

之前經過已經想黎試原來呢度係一間走少女風嘅高級茶餐廳牆上仲裝飾左啲英文插畫令人會心微笑呢～因為係近似茶記所以價錢都唔太貴但又比普通茶記多啲特色食物同飲品我揀左個泰式冬蔭公軟殼蟹意粉男朋友就要左個火山石鍋烏冬火山石鍋烏冬好驚喜！全程都超級超級熱！令到個湯一直都保持到個溫度冬天食好正！配上黑松露菇菌湯好香菇菌味烏冬又彈牙塊吉列豬扒超大塊又唔柴正！我個冬蔭公意粉一樣好味冬蔭公味少少酸辣份量好大軟殼蟹酥脆意粉al dente唔錯！

上星期六晚，與家人在北角行街後，就打算找間餐廳食晚飯。看見這間餐廳門外有不少人排隊，店內的裝潢好新潮，燈光又超亮，所以一於排隊試試☺️——————————🔹滑蛋蓋飯 (蕃茄燴牛肉汁/北海道咖喱豚肉汁) (流心芝士吉列豬扒) $75滑蛋蓋飯可選兩款醬汁，我們就選了蕃茄和咖喱汁，另外+$20流心芝士吉列豬扒。蕃茄燴牛肉汁中有很多免治牛肉，蕃茄味濃郁且酸味較重，撈埋飯一起食，有點似肉醬拌飯😋北海道咖喱豚肉汁，沒有看見豚肉🙈只有少量薯仔粒；味道是典型日式咖喱，質感不算太稠身，甜香但不會辣。值得一讚是兩款醬汁份量很多，喜歡拌飯的朋友就好適合😋可惜流心芝士吉列豬扒令我有點失望，對大食的我來講，豬扒實在太細塊😭咬開見中間的芝士非常少，流心效果欠奉，不過裏面不只豬扒還夾了一小塊火腿，不會炸到很乾，還有少少肉汁，口感好豐富。🔸美國極級牛肩胛火山烏冬 $88（超濃蕃茄味噌湯）天氣凍，點一碗熱辣辣的湯麵就最perfect！火山烏冬其實就是石鍋烏冬，上菜時依然滾燙如火山🌋點了脂肪少、肉味濃的牛肩胛，搭配超濃蕃茄味噌湯，蕃茄煮成蓉狀，加上紅蘿蔔、洋蔥等蔬菜及味噌，入口濃稠鮮甜，烏冬滑溜順口～🔹三色醬炸薯條 $48

今日去左炮台山搵個保險 agent 傾啲嘢，之後約埋老公一齊食晚飯。路經友邦廣場，見到地下新開左間「茶東西」。灰藍色門面配以一室純白裝潢，色調柔和舒服，感覺好清新，今晚就一於喺呢度開餐。牆身上掛滿了漫畫作，禪味濃厚，很有意思。精選晚餐選擇豐富，有滑蛋蓋飯、火山石鍋烏冬、經典意粉、主菜、輕量餐等，另外亦有幾款小食供應。點左個滑蛋蓋飯 ($55) 配自家手打蝦堡 (+$25) 同 美國極級牛肩胛火山烏冬配黑松露菇菌豚骨湯 ($88)。蓋飯醬汁可於忌廉奶油雞肉汁、蕃茄燴牛肉汁、北海道咖喱豚肉汁中自選 2 款，拼成三色飯。炒蛋賣相好吸引，不但蛋色鮮黃、蛋香濃郁，而且最重要係夠晒嫩滑！牛肉汁煮得極之入味，濃稠適中，入口帶陣陣蕃茄嘅酸香，好開胃。豚肉汁味道亦唔錯，應該用左好多種香料、蜜糖及甜蔥等熬製，吃下辣味不嗆，香濃又惹味。手打蝦堡非常足料，彈牙又夠厚身，食到蝦肉的爽口質感，既香脆又唔油膩，正！另外呢客牛肩胛烏冬亦做得很不錯，烏冬以石鍋盛載，滾燙熱辣，放上檯時仍不停冒著白煙，熱力迫人。湯面有綿綿白泡，嚐一口，味道非常濃郁，醇而帶肉香；黑松露減去了豚骨湯的油膩感，亦增加左菇菌嘅香氣。牛肩胛厚度均勻

收工去樓下茶東西叫左卡邦尼意粉同明太子帶子意粉，叫左成半小時先取得外賣，後面既外賣單都拎左同見住行去入堂食既都就食晒我張單仲未完成， 番到屋企卡邦尼意粉幾乎失去溫度了而明太子帶子意粉熱辣辣😂系咪10分鐘整完卡邦尼等左3個字先開始整明太子呢。 開始食真系得個暖，味道又勁淡，好似食緊鹹意粉禁，我諗可能唔夠熱掛！搵人試下堂食新鮮出爐既卡邦尼意粉話比我知咩味道啦。🤣明太子熱辣辣味道都ok，價錢相對便宜，可以一試！

晚餐人均都唔使$100！同朋友兩個人，點左一份滑蛋蓋飯，三款唔同醬汁可以揀兩款，我就揀咗忌廉奶油雞肉汁同蕃茄燴牛肉汁。另外+$20有安格斯牛肉漢堡扒，加錢仲可以有其他配菜。一嚟到第一個感覺就係超級大份！有少少似家庭份量嘅size，一個女仔絕對食唔晒。口感都唔差，兩款醬汁有唔同嘅味道，加上半生熟嘅滑蛋，絕對係超值之選。朋友點左一份咖喱湯底照燒雞扒火山烏冬，雞扒同烏冬係分開上。烏冬係石頭鍋上，一嚟到就「卟卟卟卟卟」，雞扒嘅份量大過一隻男仔手掌，雞肉入口滑身。飲品點左熱茉莉花茶同埋熱情果多多梳打，跟套餐嘅話熱飲只係$10。

星期六同朋友去近嚟新開嘅東岸公園遊逛吓，順路食晏。我哋由炮台山站出發，行經見到「茶東西」門面幾掂，嘢又啱食，加上有人排緊隊，心諗應該唔差，就一於排埋一份🙈。餐廳裝修幾靚✨，如果齋睇環境會以為佢係Cafe，四周圍都掛上卡通漫畫，而且色彩繽紛。不過坐落又覺得佢同港式茶餐廳無太大分別🇭🇰，因為餐枱同座位之間都幾逼。我會形容呢度係新派茶記🥢，即係佢有提供傳統茶餐食物，例如有通粉同多士等，但就無炒粉麵飯同小菜食，不過相反地西式食物選擇就唔少。另外，留意返餐廳每個時段賣嘅嘢食都唔同，就比如說午餐過咗兩點半就無得食。卡邦尼意粉($42)，意粉大大碟🍝，唔係馬後炮，其實淨係見個賣相都覺得唔錯。意粉煮得爽口彈牙，完全唔似茶記出品。卡邦尼汁亦好有水準，濃而不膩，重蛋味🥚，而煙肉則帶來鹹香。邪惡咸蛋醬炸雞髀配美式粗薯條($35)，🍗雞髀薯條絕對係下午茶代表。雞髀好厚肉，並炸至外脆肉嫩，而且配合埋咸蛋黃醬💛，真係邪惡到不得了。薯條以外仲有啲沙律菜，發揮中和作用。雙層芝士安格斯牛肉漢堡($52)，🍔漢堡包好巨型，入面夾住雙層安格斯牛肉漢堡扒、芝士同蕃茄菜，一手揸唔晒，好足料！漢堡扒肉味幾濃，並混入洋蔥粒，唔乾身

新派茶餐廳，門口純白嘅顏色，很是吸引 ，內裏掛滿很多佛家思想的漫畫， 值得令人思索，頗有意思對比一般茶餐廳，這裏的下午茶很抵食，而且有很多選擇， 下午茶時段芝士安格斯牛肉漢堡只是$42，大大個真材實料漢堡包，還配一大堆扭紋薯條， 好耐沒有食過這麼抵食夾大件的漢堡包了，這個價錢還包飲品另外加$10有韓式芝士麵 卡邦尼意粉($42)超級大碟，差不多是一般餐廳的一倍 ，超級抵食，充滿蛋香，煙肉很多，不過想食到尾由於太多蛋有點膩煙三文魚凱撒沙律($42)不像一般的凱撒沙律，而是數片原塊羅馬生菜數片原塊羅馬生菜，好新鮮，不過略嫌沙律醬汁有點多

【照燒雞扒火山石鍋烏冬】石鍋+木托盤上枱... 熱騰騰... d湯仲係卜卜... 卜卜滾住上!🤭🤭🤭 淨睇哩個畫面已經好想食!🤤🤤🤤另碟再上塊雞扒... 嘩... 好大塊吓喎... 成個餐只係$78咋... 我覺得好抵... 超抵... 真係非常抵! 👍👍👍 難怪廚房不斷出火山石鍋烏冬la!【燒豬扒拼司華力腸伴菠蘿莎莎】例湯南瓜忌廉湯... 夠creamy! 一般扒餐伴薯條都係同一碟上... 但呢度用一個有手柄嘅碗裝住... 仲要好有份量... 而且唔會俾其他食物整濕、整腍... 呢點要讚!👍👍👍 豬扒都幾juicy唔會嚡... 正!整體上... 非常唔錯!👏👏👏

路過見到門面幾光猛乾淨, 吸引咗入去食個晚餐!😆叫左碟經典晚餐 ~ 卡邦尼意粉, $108, 冇包drinks, 一d都唔平!🙊 我再order杯鮮果紅茶，+ $18!碟意粉上枱，望落幾正嘅，但係份量好似少左d，一個男人食真係唔多夠飽! d意粉食落都真係唔錯，好香好creamy!👍👍👍本來個肚仲有d空虚，好彩嚟咗杯鮮果紅茶，大大杯，又加咗好多什果碎, 抵飲!😋😋😋

去咗北角依間靚裝冰室食嘢，雖然新開冇幾耐，但係好有人氣～隨時要排隊㗎🥳我哋平日下晝去到👍🏼都差唔多坐滿晒。我幾鍾意呢度嘅裝修，牆上畫了漫畫做裝飾，整體簡約得來又有質感💗坐得好舒服。🔶下午茶餐：卡邦尼意粉 $42Tea Set 由下午兩點至六點供應，雖然是下午茶餐，但份量係超級多！每條意粉都完美沾上卡邦尼醬汁，入口好creamy ，煙肉粒非常脆口有鹹香💗估唔到冰室嘅意粉會咁好食😋🔶精選午餐：挪威煙三文魚班尼迪蛋 $68呢個Eggs Benedict都好唔錯！一切落去流心蛋汁湧出來，好正💗配埋酸種麵包～ 入口少少煙韌，有風味！🔶下午茶限定推介：雙層芝士安格斯牛肉漢堡 $52漢堡包都係依度嘅人氣美食🥳雙層牛肉漢堡，中間夾住半溶芝士丶蕃茄片丶沙律菜⋯牛肉漢堡肉汁好豐富，配埋熱辣辣美式粗薯條🍟呢個都好唔錯！以上三款都有熱飲配埋～價格好平民，抵食！