茶東西

营业中

休息中

晨早約左朋友系炮台山AIA Tower 附近食早餐，呢間「茶東西」早餐除左傳統茶餐廳例牌外，原來仲有雞扒，牛扒，魚柳甚至Keto 早餐都有；午餐仲豐富：卡邦尼意粉 、 火山石鍋烏冬、蛋蓋飯，完全系現代版平民小店，如果坐位闊 d 就可以好好享受到個早餐。🔸Keto Breakfast (煙三文魚，板燒大蘑菇，炒蛋，蕃茄，沙津）🔸他他醬吉列魚柳（炒蛋，火腿，茄汁焗豆，吐司）兩樣都好食，個炒蛋做得好味過外面連鎖店，包埋野飲每個人都系 49蚊

炮台山AIA樓下,多左間餐廳前排行去公園見到,今次就過黎試下佢原本以為份量好細碟,原來實物係好大盤仲等我加錢要多件豬扒,不過都超抵食呢度類似港式茶餐廳+CAFE既新派茶餐廳有西餐有茶餐有晚餐仲有扒食西餐跟湯同薯條或沙律有驚喜,個餐湯係番茄濃郁,又酸又香濃比起一般既紅湯口感更濃更杰身,幾好飲跟餐薯條竟然係一大碟即炸既,幾有心機份量又多,真係食唔曬,又脆又香灑滿鹽我既滑蛋咖哩蓋飯加錢$20一件豬扒,芝心雞扒超級大件,外脆內嫩配埋沙律醬食,一流滑蛋蓋飯,有3種醬汁配番茄汁醬,咖哩,白汁雞肉每款飯可配2種,白汁香滑濃郁,雞肉都唔少日式咖哩濃而不油膩帶點甜仲有好多牛肉料中間飯上放左炒滑蛋,蛋味濃又嫩滑夾埋醬汁一齊食味道更豐富煎扒餐配薯條配煎腸一件煎扒超大件,厚身足1CM,橫面起碼20CM食完件扒已經9成飽!成件扒好鬆軟有肉汁凍飲有檸茶同幾款特飲選擇水準出色有驚喜,價錢唔算貴北角炮台山電氣道183號友邦廣場地下3-4號舖Shop 3-4, G/F, AIA Tower, 183 Electric Road, Fortress Hill, North Point#茶東西   #咖哩 #蛋包飯 #ca

屋企附近開左間新式茶餐廳🍴小妹俾佢個名吸引左 叫茶東西🥰餐廳有各種類型嘅食物 如蛋蓋飯 火山石鍋等等美國極級牛肩胛火山烏東 $88小妹見好多人叫火山石鍋 就嗌左個嚟試下😌有四個湯底可以選擇 😌分別係大阪黑蒜豚骨湯 超濃蕃茄味噌湯北海道咖喱湯 黑松露菇菌湯我地今次就揀左超濃蕃茄味噌湯🍅🍅蕃茄味濃郁 烏東食落好入味🥰牛肉份量都幾多 而且夠大塊😃滑蛋蓋飯 $55 +自家手打蝦堡 $25蓋飯可選兩個醬汁😎 有忌廉奶油雞肉汁🐔蕃茄牛肉汁🐮 北海道咖喱豚肉汁🍛今次就揀左忌廉奶油雞肉汁同北海道咖喱豚肉汁🍛個滑蛋超級嫩滑!☺️ 兩個汁都整得好濃郁🥰咖喱唔辣 但好惹味😌蝦堡🦐 唔會炸得厚粉 食落好鬆脆 😎藍芝士醬雞中翼 (6隻) $48雞翼唔會炸到好乾身 肉質好juicy 再配上藍芝士醬 太邪惡了😎熱情果多多梳打 $18恵顧晚餐就可以以優惠加配飲品梳打酸酸甜甜 好開胃😊

餐廳光線十分光猛，位置寬闊之餘座位數量又適中。牆上更有不同的搞笑漫畫，十分有創意。••••••••••••••••••••••••••••••滑蛋蓋飯+自家制吉列蝦堡｜$55+$25Scrambled eggs on rice +House-made Gillette Prawn Cake這滑蛋蓋飯可選擇兩款醬汁，賣相即令食小鬼想起令一間最喜歡吃的滑蛋蓋飯。食小鬼一如往常點自己最喜愛的忌廉奶油雞肉肉鬆和北海道咖喱豚肉汁。除了本身的滑蛋蓋飯外，食小鬼也加點了自家制吉列蝦堡試試。 賣相絕對是100分。 兩款醬汁份量多，不會拌兩三下就沒醬汁，忌廉奶油中的雞肉和北海道咖喱汁內的豚肉的份量也很足不會只有幾粒肉丁，飯量十分多，唯一美中不足的是滑蛋蓋飯的蛋雖然尚算嫩滑但略有少許過熟的情況。加點的自家制吉列蝦堡，十分新鮮，切開還是熱呼呼的。外皮十分香脆，蝦堡十分爽口彈牙。••••••••••••••••••••••••••••••燒豬扒拼司華力腸伴菠蘿莎莎 $98Pork & Sausage with Pineapple Salsa扒餐絕對是必點的。如果是胃口少的人，一個扒餐絕對足夠兩人吃。$98除了

放假幾好，又可以周圍去食吓野行吓街！因為今日諗住去東岸公園行吓，所以過咗嚟炮台山！見到呢頭都幾多嘢食，但呢間舖頭比起附近其他舖多人好多，所以直覺覺得唔錯，所以即刻入去試吓，我叫咗個下午茶，柚子炸雞脾炸薯條同熱奶茶，雞脾大大件，外皮香脆，幾香口，不過肉就唔太入味，但亦唔係完全冇味，食物賣相唔差，而且好抵食，唔掛得知三點幾四點呢段時間，附近啲食肆都冇乜人食嘢，但呢間就坐無虛席啦，真係有原因架！我見佢哋啲下午茶種類都幾多，而且價錢合理，大家如果過開去炮台山都可以一試！性價比高👍🏻👍🏻

操完車，約到中學同學食飯，見到有間餐廳名叫茶東西，好得意，環境整潔明亮，就入左去。查下有咩東西食先，下午茶都幾多款。墻上🈶漫畫👀，插圖語錄引人反思人生。我地好瘋狂，叫左四個茶餐連兩杯野飲， 七味椒鹽炸雞扒 ，東西三文治,漢堡包🍔，雞扒撈麵。唔曬分鐘，🈶得食，原來份量都幾大份，個人偏愛七味椒鹽炸雞扒 和東西三文治。七味椒鹽炸雞扒 皮薄，炸得香，加上七味椒鹽更香，肉夠嫩滑。東西三文治🈶四分，好抵食，三文魚夾有三文魚，番茄，雞蛋和菜。整體而言，好豐富h整體而言，環境食物都不錯，值得舌尖一遊。

跟同事一行三人於炮台山外勤完，到附近友邦廣場隨便找一間，便回到公司。少有的看到這間冰室門口大排長龍，於是便試排一下，有點運氣，大約五至十分鐘便入到座。店內有不同的漫畫作壁畫，裝修、座位及餐具都好新。午市套餐價錢好划算，份量好多。東京黑蒜蔥油雞扒撈公仔麵 - $54厚大得幾乎掩蓋整隻碟的雞扒，再淋上邪惡的蔥油，雞扒肉煎得香口惹味，好嫩滑不乾柴；還配一片火腿和嫩滑的炒蛋；再加$8升級為香脆的芝士火腿牛角包。滑蛋蓋飯 - $55滑溜溜的蛋包飯再三選二款醬汁，選擇了蕃茄燴牛肉汁和北海道咖喱豚肉汁，裡面分別有炆軟的牛肉和豬肉，醬汁好濃稠惹味；再加$20加一塊安格斯牛肉漢堡，肉質紮實而多肉汁，好重牛肉味。挪威煙三文魚班尼迪蛋配酸種麵包 - $68班尼迪的靈魂絕對是水波蛋，切開流出濃濃的蛋黃汁；夾著煙三文魚有陣陣魚香及煙燻香；還有些芝麻醬沙律夠健康。

返工成日要周圍走，呢日收工同男友響北角食飯，無意中搵到間平靚正既新式茶記：茶東西餐廳夜晚客人唔太多，唔洗等位就入得。Menu有好多款式既野食，賣相吸引，價錢仲好抵。>滑蛋蓋飯（忌廉奶油雞肉汁+北海道咖喱豚肉汁）：D雞肉同豚肉都煮得軟淋入味，而北海道咖哩甜甜地，撈飯食好開胃，值得一讚係個滑蛋好滑溜，55蚊有咁既質素算唔錯。>Fish&Chips：有2大塊好大塊既炸魚，炸得乾身，食落外脆內軟，仲有個伴碟沙律+薯條食，配搭幾豐富，不過薯條硬左少少。>柚子蜜糖雞翼：好似食燒雞翼咁，個皮脆脆地，配上微甜既柚子蜜糖汁，話咁快我地就食哂6隻！>茉莉花茶：應該用中價既茶包沖，飲落冇苦澀味，仲帶有清香。>檸檬鮮果紅茶：酸酸甜甜版既凍檸茶。總評：餐廳出餐速度快，野食抵食夾大件，難怪成為唔少街坊既日常飯堂。

又係新公司附近搵到性價比好高嘅午餐飯堂！食飯時間門口已經排晒隊😛 午餐連餐飲冇+1都係大概$50-$70內，好抵食😎 初頭見裝修似新式𝘤𝘢𝘧𝘦，但經營上加𝘚𝘦𝘳𝘷𝘪𝘤𝘦都係同一般「茶記」無異🤔 服務有待加強🤨《 免翁牛柳伴牛骨燒汁配美式炸薯條🍟》 $68 4.5 / 5唔想食咁多飯麵粉，呢個午餐係救星🤩 牛柳有三大塊，又厚又彈牙嘅肉質👍🏻😋 未去到全熟大概7成多啲🤏 牛味重，汁唔會好鹹，又有麻醬沙律菜伴碟🤤 美中不足係薯條有部份太淋，不過整體份量好多，超抵！😍《 東京黑蒜蔥油豬柳撈公仔麵🍜 》 $54 3.5 / 5原本叫咗雙重芝士撈公仔麵🍜店員無貨唔講聲直接幫我哋換咗黑蒜蔥油😟🥲 雖然唐突，好在黑蒜蔥油的確好香🤤 尤其係黑蒜味好突出！ 撈埋公仔麵食好夾🤤 豬柳好厚身但無咩調味🤔 多士炒蛋火腿嘅炒蛋滑溜，但蛋汁太多浸到多士淋左🥲《 挪威煙三文魚班尼廸蛋配酸種麵包🍳》 $68 4.5 / 5哩道高質𝘉𝘦𝘯𝘦𝘥𝘪𝘤𝘵😍 蛋嘅流心程度控制得好好👍🏻酸種包邊皮烘得脆身，包身有牛油香，成個分量比例都恰到好處😋加上價錢抵過𝘤𝘢𝘧𝘦價，認真有驚喜！總括而言，食物質素以西式餐較優勝，價錢親民份量又

/ Cha Ology 茶東西/______________________________💬 佛系主題嘅港式茶餐廳😎dinner set 大約$100-200左右 價錢合理 上餐速度快 啱哂繁忙嘅香港人🤣🤣▪️ 香草白酒忌廉煮藍青口配酸種麵包 $108藍青口嘅忌廉白酒汁好開胃，淡而不膩😆本身有啲擔心得青口會唔夠飽，但係兩塊酸種麵包好大塊、烘到好香好脆，我覺得比起藍青口仲有驚喜🤣▪️ 澳洲草飼肉眼扒伴牛骨燒汁8oz $158肉眼扒肉汁好夠，美中不足係我哋叫5成熟最後似全熟咁🥲不過伴碟嘅各樣菜都做得一絲不苟😋薯茸咸淡得宜、薯仔亦焗得好香口🥔牛骨燒汁配肉眼扒呢個配搭亦都無得輸😎▪️ 是日沙律雞球外皮香脆 令本來雞胸肉變得唔乾亦唔油🤪沙律就中規中矩 都做到cafe嘅既水準🥗▪️ 紫薯湯個餐湯反而係全晚最有驚喜嘅部份😛口感有啲似糊狀嘅糖水，但甜甜地一啲都唔膩，用嚟做餐湯好特別😆▪️ 海鹽薯條唔會好咸或者太淡嘅薯條，正常發揮，用嚟做小食配主菜一定唔會令你失望🤪🍟______________________________

終於索到秋天陣除喇🍂.涼涼地最岩吔火山石鍋烏冬 ($𝟠𝟠)揀左蕃茄湯配美國安格斯牛肉上枱𝚋𝚞𝚕𝚞 𝚋𝚞𝚕𝚞咁樣好治癒♥️茄味🍅唔濃 有啲啲咸 但烏冬超級掛湯牛肉份量幾多仲幾大塊添🤤.再柯打滑蛋蓋飯 ($𝟝𝟝)配蕃茄燴牛肉汁同忌廉奶油雞肉汁味道正正路路 炒蛋滑𝚍𝚘𝚍𝚘 單單撈埋一齊都好好味😚(對面果位話飽都繼續吔😂).仲叫左柚子汁蜜糖雞翼 ($𝟜𝟠)脆得嚟又無乾真真甜甜地 柚子味仲好清新解膩 相當有驚喜😳！！.店面裝修以白色為主 感覺光猛乾淨仲有掛牆攪笑漫畫都好有心思擺盤唔隨便 完全唔似茶記！！推介推介☺️

9 0 後 的 味 蕾.北角近天后交界開左間新餐廳，作為打工仔比個名吸引左，lunch time去試左！.🔸現代版茶餐廳🔸價錢算實惠.開頭以為係類似cafe既店，原來係茶餐廳模式，不過就提供西式食物，兼且引入一啲流行嘅輕食！.🪄西冷扒配蘑菇雜菌珍珠飯 $65$65真係算抵，有3塊扒，仲要用珍珠飯，西冷扒似啲傳統茶仔鐵板餐既口感，比較實少少，要咬好多口，個人就鍾意食啲軟身啲嘅牛，飯入邊加左蘑菇雜菌，幾有心機！.🪄煙三文魚班尼迪蛋配酸種麵包 $68酸種麵包口感幾好，軟熟得來又有少少咬口，不過佢會搽一陣牛油，減肥嘅美女記得走油，蛋一切即流心，蛋白幾厚身，整體算唔錯，高質輕食選擇！.🪄每個午市套餐都包一杯茶仔嘅飲品，即磨咖啡都幾好幾滑，可以試吓！

茶東西可以說是近期炮台山最受歡迎的茶餐廳，每日早、午及下午茶時段都有長長人龍排隊等位。等了大約十分鐘，叫了兩個午餐。泰式紅咖喱雞扒拼意式香辣肉腸跟薯蓉$65超大份的一份午餐，雞扒煎得皮脆肉嫩，薯蓉香滑棉密，泰式紅咖喱椰香微辣，淋上雞扒和薯蓉一瓶享用，非常超值好味的份午餐。香煎加拿大豚肉眼伴三叔公咖央多士 配輕盈娘惹叻摻摻$62這個餐非常有東南亞特色，咖央多士很有星加坡多風味，咖央醬用椰子和雞蛋慢煮而成，塗麵包一流。摻摻是指兩種或以上的麵參埋一齊，口感豐富，加上是喇沙湯底，超好味。

係炮台山做完gym, 相約附近工作嘅舊朋友出黎食dinner短聚。佢建議去AIA樓下地舖一間新式餐廳食, 話好味又大碟, 咁一於去試下!餐廳內以白色做主調, 感覺乾淨企理。由入座至完成用餐, 餐廳內都座無虛席, 很有人氣。呢度以西式快餐為主, 價錢合理, 而且不設加一, 抵食。三式醬炸薯條：波浪薯條微脆不油, 佈上三種芝士醬加煙肉碎, 陣陣芝士香又唔會太鹹, 邪惡又好味。另外揀咗個石頭烏冬, 有四款湯底選擇,美國極級牛肩押火山烏冬 (配北海道咖哩湯底)以熱辣辣石鍋裝住, 不過我呢碗上檯時冇滾下滾下 (見隔離檯嘅石頭烏冬有餘溫仲會滾滾下)北海道咖哩湯底有陣陣咖哩香, 飲落唔辣, 味道不是太濃郁太重口味果種, 烏冬軟度剛好, 牛肩押上檯時藏於湯底中慢慢熱熟, 雖不算嫩滑, 但都有7,8片份量, 最後飲哂成個湯底都唔覺口渴, 可知不是味精湯底。天氣轉冷食碗都唔錯。 黑松露蘑菇意大利粉: 一擺上枱已經聞到好香好香嘅黑松露香味, 松露醬鋪上了大啡菇面, 每條意粉都沾到creamy忌廉醬汁, 大啡菇仲好juicy, 超正!!

澳牛既服務，茶記既價錢，cafe既裝修！真係好岩生活繁忙而又急速既香港人！1️⃣藍芝士醬雞中亦$48個芝士好味嘅，不過雞翼有啲乾身！2️⃣玫瑰花茶+$10茶包玫瑰花茶，難飲極有限！3️⃣話梅柚子蜜糖梳打 +$18話梅要去到好後期先有味，前期雪碧都好難唔好飲！4️⃣明太子帶子意粉$88Urr⋯粒帶子同圖有好大分別⋯⋯睇圖我覺得有五蚊銀既⋯真實應該同一毫子差唔多size⋯果然係一分錢一分貨！5️⃣吉列豬扒旦蓋飯（日式咖喱+白汁）$75講到係推介款式🧐我強列建議推介過第二款！💟總結：新裝修既環境都算不過不失，冷非常之充足，怕熱人仕必選！店員十分慷慨，會提供大量餐具給予我們進食。