影片
更多
2021-11-26
965 浏览
今日去左炮台山搵個保險 agent 傾啲嘢，之後約埋老公一齊食晚飯。路經友邦廣場，見到地下新開左間「茶東西」。灰藍色門面配以一室純白裝潢，色調柔和舒服，感覺好清新，今晚就一於喺呢度開餐。牆身上掛滿了漫畫作，禪味濃厚，很有意思。精選晚餐選擇豐富，有滑蛋蓋飯、火山石鍋烏冬、經典意粉、主菜、輕量餐等，另外亦有幾款小食供應。點左個滑蛋蓋飯 ($55) 配自家手打蝦堡 (+$25) 同 美國極級牛肩胛火山烏冬配黑松露菇菌豚骨湯 ($88)。蓋飯醬汁可於忌廉奶油雞肉汁、蕃茄燴牛肉汁、北海道咖喱豚肉汁中自選 2 款，拼成三色飯。炒蛋賣相好吸引，不但蛋色鮮黃、蛋香濃郁，而且最重要係夠晒嫩滑！牛肉汁煮得極之入味，濃稠適中，入口帶陣陣蕃茄嘅酸香，好開胃。豚肉汁味道亦唔錯，應該用左好多種香料、蜜糖及甜蔥等熬製，吃下辣味不嗆，香濃又惹味。手打蝦堡非常足料，彈牙又夠厚身，食到蝦肉的爽口質感，既香脆又唔油膩，正！另外呢客牛肩胛烏冬亦做得很不錯，烏冬以石鍋盛載，滾燙熱辣，放上檯時仍不停冒著白煙，熱力迫人。湯面有綿綿白泡，嚐一口，味道非常濃郁，醇而帶肉香；黑松露減去了豚骨湯的油膩感，亦增加左菇菌嘅香氣。牛肩胛厚度均勻
今日去左炮台山搵個保險 agent 傾啲嘢，之後約埋老公一齊食晚飯。路經友邦廣場，見到地下新開左間「茶東西」。
灰藍色門面配以一室純白裝潢，色調柔和舒服，感覺好清新，今晚就一於喺呢度開餐。牆身上掛滿了漫畫作，禪味濃厚，很有意思。
精選晚餐選擇豐富，有滑蛋蓋飯、火山石鍋烏冬、經典意粉、主菜、輕量餐等，另外亦有幾款小食供應。
點左個滑蛋蓋飯 ($55) 配自家手打蝦堡 (+$25) 同 美國極級牛肩胛火山烏冬配黑松露菇菌豚骨湯 ($88)。
蓋飯醬汁可於忌廉奶油雞肉汁、蕃茄燴牛肉汁、北海道咖喱豚肉汁中自選 2 款，拼成三色飯。炒蛋賣相好吸引，不但蛋色鮮黃、蛋香濃郁，而且最重要係夠晒嫩滑！
牛肉汁煮得極之入味，濃稠適中，入口帶陣陣蕃茄嘅酸香，好開胃。豚肉汁味道亦唔錯，應該用左好多種香料、蜜糖及甜蔥等熬製，吃下辣味不嗆，香濃又惹味。
手打蝦堡非常足料，彈牙又夠厚身，食到蝦肉的爽口質感，既香脆又唔油膩，正！
另外呢客牛肩胛烏冬亦做得很不錯，烏冬以石鍋盛載，滾燙熱辣，放上檯時仍不停冒著白煙，熱力迫人。湯面有綿綿白泡，嚐一口，味道非常濃郁，醇而帶肉香；黑松露減去了豚骨湯的油膩感，亦增加左菇菌嘅香氣。
牛肩胛厚度均勻，脂肪含量低，肉味濃，食落富嚼勁。烏冬也有水準，爽身又帶韌性，配埋粟米、鳴門卷和菇菌等一起吃，夠晒豐富，美味又飽足。
凡惠顧晚餐，可以用優惠價加配飲品，點左杯熱咖啡 (+$10) 同 熱情果多多梳打 (+$18)。梳打以熱情果及益力多打製，入口酸酸甜甜，感覺超 Fresh，非常解渴，清爽透心涼。
张贴
