茶木‧台式休閒餐廳 (已結業)

野食係不過不失，但所有侍應態度惡劣，要杯水都要等佢地有心情先理你！！隔離枱3個媽咪帶3個B, 想加單嗌左15分鐘先有人理，埋到黎仲黑口黑面，唔想做其實可以唔做。今時今日咁嘅態度.......總之，想受氣嘅埋黎啦。

今晚我們去咗旺角朗豪坊嘅「茶木·台式休閒餐廳」食晚飯！我們叫咗蚵嗲肉碎泡飯嘅湯底好濃嘅蚵仔鮮甜味，蚵仔好肥美！Teawood紅燒牛肉麵嘅牛肉燜得好腍好入味，而且係根腩位置，肉質極之鬆軟嫩滑，麵質非常煙韌彈牙，湯底味道相當鮮味濃郁！香煎沙朗肉燥飯嘅沙朗係牛肉，肉質好爽滑，而且都算厚身！台式滷水拼盤嘅所有材料都吸收晒滷水汁嘅味道，但滷水汁嘅味道比較鹹，所以所有材料都好鹹！甜品：芋圓焦糖冰淇淋新地嘅芋圓超煙韌彈牙，焦糖嘅香甜味，令到整個甜品更加香甜惹味！石板街朱古力蜜糖磚塊烘得好金黃香脆，酥脆嘅磚塊沾滿淋上面嘅石板街朱古力雪糕，真係幾好味呀！

上星期好lonely咁去左朗豪坊間茶木食晚飯， 一個人係要搵位啲嘅，但都排咗一陣隊。多啲人就話可以開心share, 一個人真係一個dish都食飽了。 既然冇人見到就膽粗粗務烏咀狗嘅危險， 叫咗一份『烏賊奶油花枝片手作麵』-$88。一上碟真係黑過墨斗， 但份量都唔紐嘅， 上面都鋪滿咗唔少嘅花枝片。 用手攪勻之後， 就不顧儀態咁一啖一啖放入口。 出奇地覺得好好味， 手作麵真係食得出係手作， 手作麵帶一點厚度同闊度， 咬落去好實在好煙靭， 食完係堅飽。 成個味帶濃郁的鹹香味， 加上奶油的香氣會令你不知不覺就想一啖又一啖咁放入口。 花枝片都同 手作麵一樣炒得夠濃夠入味， 好味道嘅！

茶木好像瘋魔了香港好一陣子，每次經過其分店門口總是廣排長龍，今天路經朗豪坊，恰巧見到旁邊有兩個空位子，在沒人排隊的情況下，便被吸進茶木了。店員很快便安排了我們就坐，餐桌排得密密麻麻，幾乎都碰到旁人的手踭，而且桌面黏黏的，似乎未有擦乾淨…最後我們點了兩杯飲品和一份甜品。黑糖胚芽奶茶 $34朋友點的，她說奶味比茶濃，甜度適中，但胚芽帶點苦。香芋奶茶 $34甜度過甜，簡直是非常甜！喝過三份一後已經有點受不了，曾要求侍應提供半杯炎熱水「自行化淡」，可惜不獲受理…芒果香草磚塊蜜糖吐司 $88頂層是一球芒果味雪糕，下面有忌廉，底層 是吐司，中間伴著些鮮芒果球，草莓…雪糕味道清新，半溶的雪糕搭著脆脆的吐司塊進食，效果不錯。價錢是否大眾化真的是見仁見智，但建議餐廳增聘一些兼職的人手，因為我多次目到客人招手後，等了好一會兒都沒有人理會，這餐廳往往都是全場爆滿的，幾個侍應根本忙不過來，這直接影響待客質素。

和老公dinner老公點了紅燒牛肉麵我點了墨汁奶油花枝手作麵甜品是芒果香草蜜糖磚塊紅燒牛肉麵的湯底不太合我的口味還是喜歡台灣那種濃濃牛味的湯底白蘿蔔不夠甜墨汁奶油花枝手作麵的味道不錯有淡香的奶油味~配墨汁麵的味道很夾花枝的份量也多啊!吃完整碟都不會覺得太膩~磚塊的份量很多附有棉花糖&雪糕惜蜜糖份量不多,,不能沾滿厚多士所以有點乾身整體的食物味道算是過得去~

朋友話想食呢間台灣野，我揀咗朗豪坊分店，晚飯時間7：15朋友到咗，門口攞飛等住先，等三個字可以入得，店員安排佢入座，我隨后到達，坐張2人枱同旁邊張枱之間嘅空間好細，有咩秘密就唔好咁大聲喇乜水都冇俾架唔緊要，叫野食啦，叫個<香菇水餃麵>同<石板街朱古力蜜糖磚>先，個蜜糖磚侍應提醒要等20分鐘，我哋都冇問題照等，結果係連個麵都要等好耐先上喎，食兩啖連蜜糖磚都上埋lu，想食埋個麵先食甜品，搞到d雪糕開始溶溶地先食佢麵嘅湯底夠濃，個麵有彈力亦有咬口，比平常食嘅台灣麵要粗，冬菇夠厚身亦入味水餃正常但份量偏少，正体黎講個賣相比照片見到略為遜色，應該放返多些葱花增添口味及賣相較佳。乜原來蜜糖磚只係用叉同刀食，定還是俾少咗匙呢？！雪糕始終用匙食比較好，不過而家都溶咗啦，用叉就用叉，講真最出色都係下面三塊吐司佢唔會整到好硬而難切，啱啱好，配埋d醬食就最好，同朋友一齊食最啱啦，1個人食就太豐富喇！

味道真的不錯，牛肉麵和肉燥飯都算好吃的，很入味，但是服務態度卻差強人意，服務員感覺漫不經心，特別是上菜速度太慢了！去了幾次都要等上半個鐘甚至四五十分鐘才上菜🙃

對於意粉控來說，食意粉就好像理所當然的事，無論踏進什麼餐廳，只要有意粉一欄，都會興奮的掃瞄著。一旦那些意粉的樣子看上去不錯，就已經陷入糾結選擇當中。當其他食客是衝著台式食品或是雪糕吐司而去Teawood，而我只是為了食意粉。這個櫻花蝦培根芥末奶油手作麵($88)，奶油本身creamy幼滑的奶香配上芥末帶微酸的食感，中和了整道菜式的油膩感。另外，脆身的櫻花蝦富有咸香，與手作麵共同品嘗之時，不但有提味的作用，同時增加咀嚼的樂趣(7.5/10)!很難在三言兩語之間闡述對意粉的喜歡，不過，大概意粉控或多或少會know that feel!

去過不同店鋪的茶木，朗豪坊的這間應該是最差的一間。店鋪雖佔有有利位置，人流量從不缺少，但是越是興旺，服務和食物總是越差。台灣牛肉麵是每次光顧茶木必點的食物之一，麵條的質感煙韌，有咬口。湯頭味道清香又不油膩，牛肉燜的入味軟腍，成為招牌菜是顧名思義的。炸花枝絕對是中伏之選，粉漿看似薄，但是硬到的程度是不可入口，味道非常鹹而且乾，就是配上飲品也解決不了問題。珍珠奶茶的水準也是每況愈下，奶味和茶味都欠奉，味道和溶解後的冰水差不多，只是多了一絲甜味。大概是人手缺乏，2人枱的位置已經比較擠逼，吃完的碗碟又沒有人收走，新的食物又送到，最好笑的是送餐的人見到枱面沒有位置，將雞排肉燥飯直接遞給我們，原以為她會收走空碟，誰知，她轉身就走。我們捧著食物呆左，唯有招手叫侍應，但樓面的人手實在太少，只有2-3人在走動，大家都在搶生意額，只顧翻枱接新客，對於已坐下的客人是一大疏忽...

六點去到等果一兩張枱都等左三四個字@@ 嗌個三文魚沙律冇哂三文魚 唯有食番凱撤啦~~正正常常 啲菜都新鮮既 略嫌少少唔夠醬><然後點左個鹽酥雞肉燥飯 雞同肉燥個味都ok 不過唔夠熱 ><然後主食就係佢地既招牌喇 等左at least 半個中！趨左三四次== 都好既 俾多啲時間我地傾計~~其實都食過幾次 次次都食唔哂！今次竟然食得哂！可能嗌得少主食~~個樣真係幾吸引既！蜜糖脆面包點雪糕幾好味！

入到去個環境都唔錯，但係野食真係太貴，而且服務真係好差……首先點左幾杯野飲，過左一陣啲飲品黎到，個服務員好求其咁將個杯墊飛落張枱度，然後將杯野飲是但放係枱度，又唔係放係杯墊度，咁比張杯墊黎做咩呢？我點左份鴨胸沙律，味道還可以，但係真係好貴，要$84。隨行友人點左個飯，價錢好似仲平過我點既沙律……（唔科學）簡單黎講，真係一次好伏既用餐經驗。

原嚟之前嗰套電影我的少女時代咁好，係朗豪坊4樓有一間店內貼滿呢出電影嘅宣傳畫，而且坐滿曬人，仲有幾個人係出面等位，我都幾鐘意呢出電影，就去呢間茶木臺式休閒餐廳感受下電影嘅氣氛。估唔到連葋都以電影主角嚟命名，徐太宇麻醬麵，賣相好一般，但估唔到味道有少少驚喜喔，味道唔錯，配料都幾多，麻醬好香又好味，加少少青瓜絲，呢個麻醬麵就好正喇。草莓芒果蜜糖吐司，賣相好得下，睇下去好有層次感，烤得兩邊都有D硬嘅吐司，蜜糖涂表麵，上邊放一個雪糕球再加上芒果肉同芒果醬，味道感覺幾新鮮，不過蜜糖放得有D多，覺得會有少少甜。

叫左一碗台灣牛肉麵及徐太宇花枝撈麵及奶蓋烏龍茶，兩個人撐枱腳慢慢食，七點鐘坐下來，入座時間起計一小時三十分鐘，坐低傾左陣計已經好多人輪候，台灣牛肉麵先到，賣相美觀，湯底紅紅的看似幾辛辣，辛辣程度尚可接受，牛肉肥瘦均勻，肉質鮮嫩軟林林，很美味！而面條都是一般台灣面條，質感彈牙，索取湯底味道配合。至於花枝撈面是冷盤來的，夏天吃很醒胃，花枝彈牙，配上醬汁撈埋吃，感覺清新。飲品奶蓋烏龍茶，茶味跟奶味濃郁，不是太甜，淡淡茶香，可以encore!

為左買家居野去了佐敦的傢私店行行行，行到腳痛，最終去了朗豪坊食個下午茶！雖然茶木開左咁耐，但仲係好多人幫襯！等左一陣就有位，lucky~~我地只係點了一個厚多士，兩杯野飲！因為呢個多士都好大份嘛！！唔知係咪星期六人多，今次個多士有少少烤得over左，燶左少少.....但味道都幾好的! 甜度非常好, CREAM同雪糕都多, 可以吃到最尾都仲有些少沾著~生果就唔算非常多!野飲, 一杯點了咖啡, 一杯是朱古力, 都OK, 唔係即溶果種~嘆返個下午茶甜食, 女生最愛呢!

约了朋友一起来朗豪坊茶木lunch，招牌红烧牛肉面，面都质地不错，有韧劲儿，汤头偏油腻，白萝卜好大块，却是半生状态，咬起来很硬，红烧牛肉分量足，用的是牛腱肉，可惜一大块肉没炖熟烂，肉筋无法咀嚼，只能舍弃.... 不能算愉快的一餐