茶木‧台式休閒餐廳 (已結業)

芒果甜品係夏天食好適合個芒果蜜糖磚多士有芒果士多啤梨，芒果雪糕，綿花糖整個甜品賣相吸引，而且味道都非常好，個人覺得價錢貴左小小講下蜜糖磚塊，美道甜美口感香脆，蜜糖磚塊非常好食，但麵包皮就不太好吃多士加雪糕更係絕配，雪糕的冰涼加上多士的口感，整體配合得非常好

聽人講起碼要等半個鐘以上，但甘啱我地係朗豪坊睇戲，咪等下hea時間囉座位真係近左D，坐到好似同隔離枱同枱甘，張枱又細，好彩我地只係叫左2個野食，否則要擺埋去隔離枱 落完order唔夠五分鐘就黎野飲 ，因為D冰好幼，焗住要快快口甘飲，但依個真係好好飲，甜味啱啱好 三文魚沙律，好新鮮，無苦味，三文魚有5大塊 排骨面，排骨唔會太鞋太乾，面好彈牙到差唔多既時候D侍應就係甘收你野，又問你落唔落order，又會同你講你用餐時間剩底幾多，所以如果想悠悠閒閒食個飯，依間未必係個好選擇

由於有野做所以6點幾已經要食晚餐 朋友話未食過茶木想試下 但已經開始拉龍LOL都好彩好快有位 一坐低每人叫咗2碗麵我食雞翼湯麵 朋友就揀咗豬排麵傾傾下計都唔覺唔覺已經等咗20分鐘都未有野食到見到格離枱比我地遲入座都食咗一半忍唔住催一催至有野食朋友第一次食 食一啖已經話個麵正湯底又濃又好味 未食果陣完全睇唔出個味會咁濃我嘅雞翼麵水準都好高 熱辣辣 香噴噴有成3雙雞翼咁多 其實加埋啲麵絕對夠飽朋友覺得個麵係正 但炸豬排就麻麻地因為一食淨係食到佢炸果啲粉既味完全無豬排味 可能雪得太耐（？）ANYWAY 我地2個都飽咗 唔敢嗌最出名既雪糕吐司 因為係絕對食唔哂-__-90分鐘限時用餐一到就走咗～下次再挑戰甜品！

我本身很喜歡吃包類，所以一直都被茶木的招牌食物—多士所吸引。我明白這些有外觀吸引的食物、又有多家分店的食店，會較難控制食物品質。因此已有心理準備，食物質素不會太高。     當日是平日的下午二時左右，但仍有不少人在等候。幸好很快便輪到我們。我們叫了芒果層層疊多士（大概是這個名稱吧）外觀真的如餐牌般吸引，忌廉滿佈多士上。但是味道卻遠遠不如其外觀。整個甜品我只可以說一個字：差！多士如烤了一日般，乾得令叉和刀都切不入，見到如此乾巴巴的多士，我們只好沾大量的忌廉和雪糕，務求應多士不太乾。我更認為大xx的多士還比這個鬆軟呢！只有芒果好食，很甜。  總括而言，這個多士絲毫不值$88。回頭率甚低，奉勸大家不要像我般被其外表所吸引而中伏呀！！

自從有一次食過茶木之後，我完全覺得佢係大伏黎！不過，見佢開分店愈開愈多，同班朋友係旺角又唔知食咩好，就決定去左朗豪坊個間茶木再重新試下！我懷疑無論係閒日定唔係閒日都好，呢間茶木永遠都係好多人等位，個日係星期四諗住應該唔多人啦，點知4個人去大約等左45分鐘，估唔到咁耐。環境方面，因為位於food court入面就用左開放式設計，餐廳雖然睇落唔算好大，不過都坐得幾多人，有sofa坐仲更加正正子！餐枱岩岩好，唔會太細，放哂成枱都仲得！食方面，冇食咁耐見到佢都update餐牌左好多，加入左好多新元素，菜式都改良左好多！成晚叫左4個唔同形式既麵，其實麵就一樣，只不過用左唔同形式去上。今次就叫左嫲蔥油手作麵，見佢寫住新推介就叫黎試下，原來食落幾有驚喜！麵條夠哂煙un，食落口感幾豐富，加埋佢地既source淋落去，撈兩撈，嘩！好好食！應該係我全晚覺得最好食既！食既時候，連埋佢d洋蔥絲食條事幾新鮮！本來我係一個比較對洋蔥有抗拒既人，但呢個食落又冇洋蔥味。呢個麵食落既味道有d似營多撈麵，不過就濃過佢小小，不過佢係我值得再返黎食既理由，估唔到無食咁耐，又真係好食左好多！之後就叫兩個雞扒麵share，呢個都

與友人共聚的片刻偷閒時光，本想在朗豪坊新開的餐廳度過，但一位友人原來還未吃過「茶木」，對它興趣較大，所以臨時改變計劃，就在這間「茶木」開餐。可能是時候較早吧，難得地，來到的時候竟然即時有位，而且還是餐廳內最裡頭的一張最不受其他人打擾，最寧靜的四人卡座，令自己喜出望外。在數款午餐中叫來了素來喜歡的「Tea Wood 台灣牛肉麵」做午餐，還補了少許金錢把餐飲改成「香芋奶茶」做飲品。「Tea Wood 台灣牛肉麵」與之前所吃一樣，仍然有不俗的水準，味道挺佳，湯味濃甜，特別是那三大件的牛鍵肉，其中兩件都筋肉軟腍，入味好吃，另外一件雖然較為硬身，也不太差，蘿蔔也同樣入味。用了一隻精緻美麗的高身玻璃杯子的「香芋奶茶」也不差，這奶茶甜度恰可，既有奶茶味，又能喝淡淡滲出的芋頭味，漂亮的粉紫色「香芋奶茶」配以同樣是紫色的飲管，襯極了，夢幻般的顏色為這片刻的偷閒時光帶來更多的悠閒味道。

之前食過覺得好好味。今日去朗豪坊一心帶朋友去試，但今次有點失望。沙律唔錯，菜好新鮮，但汁唔夠多。咖喱手作麵麻麻地，檸檬愛玉得個酸字。。。早知叫奶茶算。。個吐司話要整20分鐘，個等左半個鍾有多！見佢一次攞三碟應該系儲埋一次過整！！太過分了，趕時間啊～出到黎個樣唔錯，雪糕都大，個包焗到黑曬兼硬身。。。點食啊～最後：唔知點解今次黎話冇水提供，仲有呢間分店永遠都系態度一般

今日星期三見唔係幾想叫外賣再以為就落左朗豪坊睇下有咩好食，一上到去中庭，就見到呢間茶木，見自己好耐都無食過茶木，於是就入左去諗住事但食個lunch，跟住一入到去我就叫左個台灣豬軟骨肉燥飯同埋杯水果茶。其實有點我唔係好明茶木點解連杯水唔肯提供，無幾耐個飯同野飲就上枱喇，野飲你ok嘅，正常味唔會太甜又唔會太酸咁，但係飯嘅量就小左一啲，豬軟骨又煮得未夠軟同埋啲肉燥如果可以再多啲同埋再濃味一啲，呢個飯會變我更加好。

今日同仔仔去茶木，好耐之前為左個甜品而黎今日就好掛住台灣，所以黎叫左個肉燥腸飯（一食就諗起台灣，只係食到尾有d油，但d配菜真係正，如果有得再加就正），炸雞（勁大份），綜合水果茶（好普通，無特別）

Yeah~ 又是久違嘅中同聚, 上次試完甜牙牙嘅toastbox, 今次輪到多人推薦嘅Teawood啱啱食完午餐, 但又未到睇戲時間, 唯有食個toastbox, 開始增肥計劃出名嘅餐廳當然就多人排隊, 排咗約二十分鐘先等到位餐廳裝修以簡潔為主, 俾到人舒服嘅感覺, 但環境就比較陝窄一坐低就叫咗個草莓香草蜜糖磚塊賣相真係超靚超吸引雪糕同cream量亦唔少, 唔驚食到最尾得番toast好乾由於有d溶溶地嘅綿花糖, 所以雪糕有軟綿綿嘅囗感toast都唔差, 幾甜同幾脆, 但就比sweet tooth d toast遜色整體嚟講都尚算可以

首先入座後職員講限時90分鐘用餐, 點解唔係等位時預先通知?入座後台面面積好細都唔敢叫太多野食, 因為一定放唔落 與隔離台相隔距離都好近 所以不適宜傾計飯聚 食物: 鹽酥雞 (翻炸, 有油膉味) 炸雞扒手抓面 (面尚算彈牙) 滷肉飯 (飯過淋, 味道還可以)最後甜品 - 士多啤梨吐司等了近 20分鐘, 味道 ok 不太突出最後用餐後想飲杯水 職員帶點傲氣回覆 "不設清水供應, 礦泉水 $28/枝" 都唔知 香港旅遊發展局 點解會俾個「優質旅遊服務」計劃認可餐館佢地 ?!?!?!

今天與同學相約到朗豪坊逛街，晚上到了4樓的茶木食晚飯，因為特別喜愛台灣的魯肉飯，所以我點了一個溏心蛋肉燥飯。等了不一會兒肉燥飯便送到了，雖然賣相不怎麼樣，但勝在肉燥的量多而且有不少肉汁，用來拌飯很是不錯。魯肉咸香入味，口感不俗，而另一重點溏心蛋也沒有令我失望，蛋黃的流心入口軟化，甜度適中。總括而言，這個飯算是很不錯，我下次光顧也會再點!

今日行過原本係想食西餐一心以為有意大利雲吞食，點知冇。。又見茶木冇咩人排隊咁咪去！坐底之後睇下個menu ! 好開心！原來茶木update menu 多咗好多新菜式！我叫咗個花枝墨汁手作面。。。雖然要等20 mins 都值得嫁，墨汁唔會好似其他地方d 汁希到灰色咁。。用料十足，花枝片，其實係將墨魚滑煎咗一片片。我諗我以後黎食茶木唔會淨係黎食lunch! 下次我會考慮下黎食dinner, 我想試下佢地個鴨！ 服務生。態度真係。。。同佢講菜名一句彈埋黎"講number"...←冇尾音。。。我呆咗，由於本人有數字障礙，唯有指俾佢慢慢抄。。。

今日同朋友經開teawood，突然心癢癢想試下佢地啲招牌點品，就忍唔住入左去啦 💸叫左個芒果多士磚，等左唔算好耐，同FD吹下水既期間，甜品就到啦😝賣相好靚😍，一黎到忍唔住幫佢影翻張相，擺上網呃下like鋪係雪糕同多士磚上面既生果好多，粒粒都好足料、大大粒 因為多士磚即叫即整既關係，多士既熱力令到雪糕融得好快，雪糕水滲哂落塗滿蜜糖既多士磚，一冷一熱，一軟一脆，雪糕既甜配上蜜糖磚既香甜，成個層次好正、好滿足。食得多怕甜既話仲可以食啖鋪滿係一邊既生果，由於生果同樣俾雪糕水浸滿，每一啖既生果唔單止有清新既感覺，佢仲同雪糕融為一體似的，好有口感啊！！！ 但係呢，由於呢款甜品既份量實在太大，自己一個肯定會食滯😅所以建議最好同1至2個FD子一齊share啦💁

好耐未去Mk睇戲～去朗豪坊睇近期口啤好評如潮既「5個小孩的校長」 ， 買完票仲有45mins 左右～ 唸住去food court食dd野Eeeee開左茶木？😮 4點幾得2個排隊～ 就衝左去排隊先～豬古力👍椒鹽雞扒麵～～麵條彈牙可口，炸雞好多油😩本想叫埋🍓多士～ 因趕睇戲冇食～～見到隔離叫，口水流😆下次啦～總結：食物👌坐得都舒服套戲感人～拍得真誠😭～推介睇👍