茶木‧台式休閒餐廳 (已結業)

由於工作關係要去旺角Lunch就求其去左langham place既food court揀間餐廳食見到茶木無乜人等就入左去本身都幾中意台灣既肉燥飯，就叫左呢個set有鹽酥雞同肉燥飯，諗住穩穩陣陣啦點知個肉燥飯d肉燥好少，食到一半已經要食白飯，好在仲有個燉排骨，但係都係好一般。另外個鹽酥雞好多骨，諗唔明點解鹽酥雞會有骨？完全百思不得其解？係唔係連鎖餐廳，質素一定差既呢？但至少我唔會再去第二次🤷🏿‍♀️

員工服務態度超差，食物飲品等咗半小時以上都未有，追查時員工不了了之，最後追查5次以上先有，仲要個樣極度不滿好似唔應該追問咁以後唔會再去食。亦請各位都唔好去呢間分店

福佬今次揀左出名既茶木福佬比個suggest大家 如果要"嚐"試下呢間出名既茶木，去瓊華個間menu 多野食d 。野食會好味d因為8點30先去所以冇咩人排隊所以一去就有位。一樣要彈既係，職員態度惡劣。放底食物係近乎拋底咁。兩分鐘問你一次仲要唔要。一係就落錯order。黑面都唔緊要，放底杯墊，杯野飲放係杯墊隔離。辣既牛肉麵可能你屋企包公仔麵 加牛肉 仲好味過佢有菜味 完辣既程度可以接受 ，沙律同炸雞都幾配合三個字 ，可以接受雞排裡面冇雞

間間茶木成日都大排長龍，次次起碼等半個鐘難得今次到夜晚8點半得番幾個人排隊，我地好快就有得入去食野啦今次第一次叫呢個花枝麻醬麵，應該算係西式手作麵麻醬好濃，麵入面仲有瓜絲、肉絲，好好味丫叫左個酥炸炸雞排麵，炸雞排另上，冇俾d湯浸淋哂雞排好脆，又唔會整得太鹹，感覺唔太熱氣不過個人覺得個湯有d濃每次食茶木最期特既就係甜品最後叫起既當然係石板街朱古力蜜糖磚塊啦有好大球朱古力雪糕，食哂成個磚塊都未溶切開磚塊點d雪糕，都冇蓋過蜜糖既味道士多啤梨都好甜

以前對茶木冇咩好感，因為唔係太好佢既個舊甜品磚，不過同FD黎呢到食過Dinner發覺佢既小菜主食都唔錯，宜家變埋飯堂！今日星期五7點幾係旺角食都驚要等好耐，好彩都係等左15分鐘左右。TeaWood 香辣牛肉麵 $68鍾情台灣菜一定必食牛肉麵，呢到既麵好煙韌有口感，我一向都鍾意，今次個牛肉湯都保持一貫水準，而且牛肉都好淋同埋好入味。古早味三杯雞 $64呢味都係我必點既， 三杯雞既薑蔥醬油味好香，有傳統住家餸既味道，不過今次就油左少少。紅油炒手 $58呢個炒手都算係皮薄餡令既代表，表面辣油微辣，醬汁有微酸，食落好香口。

以前teawood還是得幾間分店的時候，間中都會過黎tea一下，但愈來愈感覺食物公式化而且冷冰冰。朗豪坊這家座位不多，幾乎就是眼見的一個方形。都可預期會比較狹窄。紅燒牛肉麵首先熱度不夠，幾乎只是暖暖的。牛肉也太乾身，雖然嘗試用濃湯鎖死味道，但只是湯味依舊但不熱也不好吃的牛肉麵。台式滷水拼盤這本身就是冷盤，但怎麼滷水味完全不及以往食過的九龍灣或黃埔分店呢？還是最近質素下降？櫻花蝦牛乳泡高山菜除了熱度不夠以外，此菜還可以。奶蓋薑母茶唯一夠熱度的😂面頭有厚厚的奶cream很香，會比較甜，但喝下去下面的薑茶可以中和，還不錯。其實teawood的餐牌多久沒轉換呢？好像當初的新鮮感已消散，但食物質素的實力似乎欠奉。

係繁忙的城市當中，當然要搵個時點比自己休息下，充充電啦。今次我同朋友就係朗豪坊嘆下午茶。茶木，連個menu都特別，讓味蕾踏上精彩旅途。今次我同朋友食了呢個石板街朱古力蜜糖磚塊，對下午茶來講，真的是三人份量，三人食剛剛好。頂層朱古力雪糕，有三層窩夫，配上甜而不膩既忌廉同朱古醬，有綿花糖襯托著，外表很吸引。軟綿綿嘅朱古力雪糕加上窩夫 外脆內軟，配上忌廉朱古力醬，使窩夫不太乾口。下午茶食茶木可算是不二之選。

相隔一段時間依然冇失水準，士多啤梨蜜糖磚塊好夠味，多士食落去卜卜脆，雞翼又好入好，牛肉麵都超正特別是牛肉炆到好淋好入味，但碗糖水的一般段啦！唔是人人都接受到碗糖水有薑味，只是被賣相吸引去試，整體服務都👌我埋叉電服務真是very good

今次我同朋友都食飽左 但又約左人係旺角食野🙈咁就決定去茶木食番個甜品同小食離我上一次去茶木已經相隔左兩年有多因為印象中佢嘅水準每況越下😥😥今次懶得揀 就先黎左呢到又估唔到水準又好番好多🤔🤔🤔🤔我地叫左個滷水拼盤 同 士多啤梨多士滷水拼盤水準唔錯 最鐘意都係食雞翼講番個主角 士多啤梨多士今次個多士烤得岩岩好 件件都脆卜卜 熱辣辣每part 都有honeyice cream 個份量好足😍😍😍撈埋一齊食 真係又邪惡又好味❤️❤️❤️

之前聽說呢到D牛肉麵好出色, 今日同朋友黎呢到試下, 平時1點食飯時間排晒長龍, 今日12點半黎, 好彩不用排隊。一直都好喜歡台灣牛肉麵, 好鍾意佢地既牛肉帶點牛筋, 炆到夠淋夠入味。我同朋友都點左牛肉麵, 牛肉得3舊, 其中1舊又韌又硬, 好似橡皮咁, 見咁貴一碗麵, 唯有頂硬上食埋落肚, 另外個2舊都唔好得去邊, 肉鞋口的, 個湯底就ok濃, 麵就淋淋地, 蘿蔔唔夠淋。$60一碗真係好唔抵食。酸梅汁同玫瑰花茶都ok好飲。咖啡蛋糕就一般, 唔夠香濃, 唔夠軟滑。

每一個waitress態度都好差，嗌完號碼我哋都未入去個waitress已經走佐去，咁我哋見到有張空枱就行過去啦，但另一個waitress就好大聲咁講:喂，唔好亂咁行入黎呀。我哋講我哋嘅number比佢聽，佢就指番果張枱理直氣壯勁大聲講:咪呢張lor! 自己未搞清楚就爆我哋態度仲可以咁差，食到一肚氣，下次唔會再黎！食物質素同服務一樣，差！麵好似未煮熟咁，湯底又鹹。肉燥飯不過不失，但絕對稱唔上好食。蜜糖吐司焦到變黑色，食大塊少少都咬唔到，同埋好甜，甜到食佐幾够已經覺得流。明明覺得茶木之前冇咁差

記得茶木初初開，任何時段都要排好耐隊。呢晚食飯時間，等兩三張檯就入得。茶木嘅凍果茶次次都會點，都仍然可以。叫左個酥炸雞排面。面同湯都同之前一樣好食，可惜雞排粉勁厚，而且有陣陣炸野嘅油味，食剩左。另外叫左石板街吐司，都還可以。另外要提下係服務差左，傳菜基本唔係放低，係求其掉落黎。張檯又冇咩空間，侍應唔夠手，就求其跣落黎。其實可以唔使一次攞咁多。

在旺角朗豪諗住行去food court食，但經過茶木就被吸引過去平時茶木出面都現人龍排隊，但今日可能太晚既關係，無人等候，即時入左去坐我地2個人，平時都會叫個士多啤梨蜜糖磚塊，但今次無叫到，就試左新野麻醬手作面之前都想試，所以今次就叫左黎試下花枝麻醬手作面，吾係好記得價錢，大約$6-70左右醬同手作面分開上，麻醬睇落幾深色，撈完之後賣相幾核突所以無影到個面幾煙UN，整體都一般新野~菇同油豆腐，約$60正~~ 豆腐滑，同啲菇索晒啲精華但成兜野偏油棉花糖朱古力，$38棉花糖正，好快溶晒落杯朱古力度

一定冇下次！食物唔係平，服務欠佳仲要加一服務費。因為有試過屯門分店，覺得食物不錯，咁啱來朗豪坊，所以再試，不過今次食到一肚氣。個個侍應都西口西面，十叫九扮睇你唔到。好不容易叫到有人幫你寫餐，餐到就大大力放在枱上，好似我地欠佢錢咁。用餐時間，不斷有侍應打爛碗，打爛碟，唔嚇死都笑死。我和朋友叫了碗豬軟骨麵分亨，麵只食了不到一半，仲有好大麵，侍應居然行過來問「唔要囉hor?」打算收走。但我地叫了一壺茶，叫侍應加水就三請四請先加水，仲要西口得很。一定冇下次！

有時候太多東西想吃 又沒有十個胃口最後不如還原基本步吃一些普通不過卻又永遠在腦海中出現的餐廳熱水果花茶 40水果款式豐富 味道濃郁 即使再添水待它慢慢煮一會兒亦仍然有味道 感覺很耐喝松露野菌奶油手作麵 88這是除了吐司以外值得一吃再吃的好料理醬汁看似水水的但奶油味很足 吃完嘴巴不會沾滿白白的醬汁 麵條又寬又彈牙 吃完還覺得不夠呢巧克力香草蜜糖磚塊 88看到很多評論說份量不如從前但個人覺得還好 其實三個人share 會剛剛好兩個人吃完主食吃它還是會有點飽 畢竟都是澱粉類的東西 對它只用普通兩字形容 就是好吃 以上