茶木‧台式休閒餐廳 (已結業)

琴日係星期二平日,人流當然冇假日咁多,都只係等左10分鐘左右,始終旺區都要等一陣。因為朋友想食茶木,所以揀左交通方便既朗豪坊食。食物味道都唔錯,除左牛肉面都想嘗試一下其他小食,揀左炸辣雞,始終都唔及韓式炸雞,甜酸醬好酸又加沙律醬,感覺一般。咁當然都有此小食既獨特味道,試一次就夠!另外,貴店既服務我真係服左你,floor既人好似好攰冇精神,bad哂面,一d就火氣重,放碟都啪啪聲咁嚮,係正我隔離會聾的囉難道係mk工作係要帶住要服侍大陸人心態咁對住local人嗎

又搵茶木開飯今次試呢間分店朗豪坊呢間個lunch set 同其他分店好唔同其他分店有前菜，主菜，飯或麵不過呢間就幾個特定嘅飯或麵餐（唔知係咪地方問題，驚啲返工人士有選擇困難症，所以唔咁多選擇，行政套餐feel咁）今次我揀溏心蛋肉燥飯$69凍珍珠奶茶少冰（+$9）估唔到全餐廳飲品用紙杯或膠杯出，好唔環保（又唔知係咪方便返工人士，飲唔晒又趕時間，埋單後拎走去飲?或如果真係咁嘅原因，應該讚茶木係窩心）追加藍苺芝士蛋糕$18平時食開其他分店夠飽㗎，今次個餐份量細啲，唯有叫件蛋糕啦影埋餐廳環境俾大家睇四周黏牆位大多數係梳化位都幾舒服嘅

晚上來旺角拿住勁多嘢, 所以來商場吃方便.之前就起網上search過吃咩, 見到呢間冇吃過就試試.8點幾都係要繼續排隊, 有機器拿號. 等了半小時左右, 有兩個位可以坐, 不過離隔離台好埋.菜式都比較貴, 一碗麵比飯仲貴, 感覺普通. 所以點飯來吃.我點嘅沙朗牛排肉燥飯真係唔係好愛, 點佐呢個連自己都後悔. 一開始肉燥撈飯仲係可以嘅, 越吃越鹹就唔多like了. 牛排也有d難咬, 所以吃剩幾多的.我妹妹點嘅酥炸雞排肉燥飯, 肉燥雖一樣, 但炸雞排起碼仲幾合胃口的.整體一般, 可能吃下午茶就唔錯.

對上一次食台式蜜糖磚塊係係dazzling cafe，太耐無食茶木，決定今日tea time黎茶木。一上座，waiter即刻倒杯水比我地。每次黎茶木都必定食蜜糖磚塊，其實望左陣menu就點菜。今次有士多啤梨 朱古力曲奇 抹茶紅豆， 掙扎左幾分鐘就叫左朱古力曲奇蜜糖磚塊。一開頭打算叫多d，好彩無哈哈😄。多士大概有3塊麵包，塗上蜂蜜牛油，仲要係厚多士。而且好脆，一定要沾cream 同曲奇雪糕食❤️。最後，我地2個人係食唔曬...期間waiter不停refill水，服務態度好好，無收餐盤趕客。

每次想食呢間，都要早d食先唔會排太耐隊！今晚行到累想早d食完返屋企，途經呢間唔見太長龍，一於去食我喜愛的紅燒牛肉湯麵，不過今次轉點香辣版！湯底味道差不多，係有少少辣，湯底濃味又惹味，不禁飲咗幾啖先食麵，麵亦係䭃滑，有幾件牛肉，肉質非常䭃，冇需用牙咬而可分開，加上蘿白亦甜又多汁，呢碗冇令我失望！另外點了呢客脆辣豬耳，豬耳切得比一般細長，伴以辣醬汁一齊食，有d辣度但可以接受，作為小食係一個唔錯嘅選擇！

平時食得茶木夜晚多，今日呢食完飯呢就過嚟食甜品，幾鍾意茶木地方坐得幾舒服。芒果奶油酥皮拿破崙$52呢個記得特別，平時比較少見到，有三層嘅酥皮，識落唔會話太甜，整體感覺都OK。草莓香草蜜糖磚塊$74份量好充足，可以幾個人一齊分享。一上枱相機食先，多士啦切好晒一粒粒，好方便食，不過就係等候時間比較長。薄荷可可澳利奧$36如果鍾意飲朱古力嘅朋友可以選擇，呢個甜又唔會話太甜，可以接受，又係影相呃like😂

去開朗豪坊行街.....一定要來茶木嘆番個下午茶餐呢度啲下午茶又有甜品又有熟食不過呢度成日等位有排等....成日都排長龍但係勝在呢度嘅甜品款式特別多仲有我最鍾意食嘅雪糕多士添呢間茶木... 坐落喺朗豪坊嘅大堂都係一個幾顯眼嘅位置我今日同朋友share一份墨魚意粉同甜品睇落去呢個墨魚墨汁意粉又真係幾吸引不過食落去就冇乜特別...都算係幾彈牙可惜食到成個咀都黑蚊蚊抹極都仲係黑蚊蚊下次真係咪搞🙅🙅🙅🙅🙅之後我哋食呢個抺茶雪糕多士真係好味到不得了我仲會將啲多士點落去雪糕到食一冷一熱......前所未有嘅星級享受最後飲番杯玫瑰茶清下腸胃最後埋單＄240左右

應該不是第一次吃這家餐廳了，但是旺角這個家分店也是首次。它的自家紅燒牛肉麵味道算濃郁，台式牛肉有口感，軟中帶咬勁，雖然還有很大改進空間，但是作為輕食休閑喝茶的不錯選擇。另外肉燥的味道也算可以，有台式風味，糖心蛋味道豐富，溏心可以再「流心」一點便完美了。還有雖然台式烤香腸每一家台式點都會有，但這家的做得很香，不帶一點多餘的油分，加上新鮮的蒜片及葱花，喜歡香腸的朋友一定會喜歡。黑糖珍珠奶茶非常香滑；高山麥香紅茶奶蓋在夏天喝也很舒服，雖然奶蓋略嫌太厚身一點。最後上場的甜品是黑糖芒果芋圓仙草，賣相精緻，夏天透心涼。最後要提點的是，有怎樣高質素的食物，高質素的服務也是不可欠奉的。要是這家生意做得不好，可能敗筆的地方就是服務這一項了。只有一個員工Helen面帶笑容地工作，其他的都是想快點下班的樣貌，很不歡迎客人的態度。還有是服務技巧上真的沒有留意及考慮過，基本上跟茶餐廳那種一樣差勁，上菜的位置及基本禮儀也完全欠奉，歡迎客人由進門口的一刻直至到離開的那種台灣式禮儀又怎可能缺少的呢？

茶木其實食過好幾次，雖說是台式料理餐廳，味道卻是好香港。同朋友在朗豪坊上上落落幾轉諗今晚吃什麼，決定把選擇權交給電梯先生，當電梯門打開後看到茶木，然後朋友說我還沒吃過呢⋯⋯ 好吧，就這裡！六點晚市剛開始，客人不算太多，立即可安排座位了。朋友不太舒服，點了蚵嗲肉碎泡飯補充能量，再加崧子青醬大蝦手作麵。蚵嗲肉碎泡飯 -蚵嗲是指炸過的蠔仔，然而我所見只是普通鮮蠔仔而已，但算鮮甜，不錯；泡飯湯底味道較濃，可能是配料豐富的關係吧有蝦咪、土魷魚絲、咸菜粒、肉碎等，吃一口熱騰騰的湯飯立即讓人覺得温暖滿足這杯rose latte真的很精緻細杯，這裡的latte都比較偏甜，玫瑰糖醬份量比重太多，咖啡味淡，留在口中都是甜味，巧妙地配合口味重的泡飯至中和效果。至於大蝦手作麵，蝦肉彈牙且有鮮甜味；蘑菇都吸收了青醬汁的味道，甚是好吃；只是手作麵比較厚身，口感較韌，粉質重，醬汁入唔到麵條裡，只屬一般整體來說：餐廳環境不錯，只是會有90分鐘限時交枱；食物質素尚可，回頭指數：

星期天下午3時嚟到朗豪坊，四處都是人頭湧湧， 每間餐廳也要排長龍 ，我們就近近地去茶木取票，等了約20分鐘才能入座。由於太肚餓的關係 ，沒有多想就點了兩客飯。我們選了糖心蛋肉燥飯和台式香腸肉燥飯，再加一杯鮮果紅茶解渴。 糖心蛋肉燥飯糖心蛋軟滑 ，也很香，肉燥偏鹹， 配上青瓜 可中和肉燥的鹹味，送飯吃還是可以的，分量不算大 ，男生應該吃不飽。 台式香腸肉燥飯香腸很香脆，瘦瘦的絕不肥膩，真的很好吃。 鹵水蛋也很香，再加上肉燥飯，口感豐富，小女生一人也能吃光。 鮮果紅茶大大杯的 ，甜味適中， 酸酸的 ，十分解渴。

朋友約我到朗豪坊間茶木食下午茶，都好多人排隊，我哋都排左20分鐘先有位，叫左個石板街巧克力蜜糖磚塊同巧克力咖啡，送餐都算快，賣相都唔錯，個蜜糖磚塊上嘅雪糕融緊果陣，再加上麵包一齊放入個口，都冇蓋過D蜜糖味，簡直係超好食呀～仲有杯巧克力咖啡，都超級好飲，我個人認為甜度適中，整體上都幾好！！

服務員的態度差，我們有8人，有1張4人枱OK，但旁邊的另一張的食客仍然食僅，她對我們說要等食客食完才可以入坐。我們已經等了差不多1小時，問她可以先給我們4個坐下先，但她回答坐下後1小時半要還枱，吾理會我們當時的情況，十分失望😤😤😤以後都不會再去😡😡😡

其實都食過好多次茶木，就係好食先會再食，不過就見住野食d價格愈來愈貴，好彩食物質素都保持到今日同朋友係朗豪坊行街行到攰，3點幾左右就想食個tea，經過茶木就揀左佢。不過無下午茶既餐，今日都幾多人，等到15分鐘先有位嗌左個士多啤梨磚塊同一杯朱古力咖啡，食物方面味道都係咁，咖啡偏甜，賣相唔錯，不過真係要舊雪糕融哂之前食哂佢😂次次見住融哂都好核突，同埋林左既厚多士都冇咁好食，overall 味道係唔錯，諗唔到食咩就佢

This was the first time I come to this restaurant in Langham Place in Mongkok to meet friends for lunch. We just waited for 5mins, then we got the seat. We ordered noodles, meat with rices, cold drink, fruit tea and Chinese tea. The noodles was super salty, I could eat at all. My friend told me that their rices and the meat was salty as well, super bad taste! My chinese 龍眼杞子茶, 甜到嘔!有糖尿病既人千奇唔好飲! My friend's 花果茶又酸到死,she just drunk one time and gave up. Services were no good, the waitresses did not

去開朗豪坊行街，行到攰攰地見到茶木，就入去食少少野順便坐低飲嘢傾計. 因為兩個人都唔係太肚餓所以淨係叫左一個主食.以前同其他朋友去食茶木都係叫佢D主打例如牛肉麵，今次係呢位友人既介紹下就試左佢既蜆肉意大利粉.個人黎講好鍾意食，因為以往係出面叫蜆肉意粉通常白汁呀酒煮呀蒜香呀都好淡味，D蜆肉又少好似淨食無味意粉咁.不過呢到佢係用一D算濃味既醬汁，蜆肉多又肥肉，兩樣野合埋第一覺得好配合，唔會食食下無餸又冇味！比個like佢 飲品叫左個薑汁奶蓋，都係第一次叫！好好味，淡淡既薑味加埋奶蓋感覺好溫和好舒服，飲落去有少少暖胃但又唔會有平時D薑汁既辣味，特別推介女士飲！有特色過珍珠奶茶好多總括今次茶木既體驗好過之前，推薦大家試上面兩款食物