茶木‧台式休閒餐廳 (已結業)

一定冇下次！食物唔係平，服務欠佳仲要加一服務費。因為有試過屯門分店，覺得食物不錯，咁啱來朗豪坊，所以再試，不過今次食到一肚氣。個個侍應都西口西面，十叫九扮睇你唔到。好不容易叫到有人幫你寫餐，餐到就大大力放在枱上，好似我地欠佢錢咁。用餐時間，不斷有侍應打爛碗，打爛碟，唔嚇死都笑死。我和朋友叫了碗豬軟骨麵分亨，麵只食了不到一半，仲有好大麵，侍應居然行過來問「唔要囉hor?」打算收走。但我地叫了一壺茶，叫侍應加水就三請四請先加水，仲要西口得很。一定冇下次！