茶木‧台式休閒餐廳 (PopCorn 1)

营业中

休息中

下午茶時間去食，成間鋪坐得一半人左右，係門口等左5分鐘完全無人諗住理我，我行入去望住個侍應叫佢先帶我入去，入到去想點餐，舉左好耐手都無人理，係有侍應經過的，唔知佢地睇唔到定點啦(另一枱都一樣舉左好耐）我諗都等左10分鐘先落到單。叫左蚵仔煎+肉燥飯，落完5～10分鐘左右蚵仔煎到左，咁諗住等埋個飯一齊食啦，等到15分鐘我心諗肉燥飯都係裝出黎啫，無理由咁耐架，就催左個飯同飲品，過左一陣個飯都係無人覆我，你咁啱無肉燥又好，漏單又好都講聲啊🙄等到半個鐘真係嬲嬲地同另一個唔似炒散既男侍應講，佢過一陣就拎左出黎。味道黎講蚵仔煎個醬偏咸，蚵仔有沙麻麻地。肉燥飯就好食既。個大堂長期都無人，有人都成日無視你，好心請多啲人啦

叫咗個鹽酥雞麵 等咗半個鐘 侍應態度勁差 碗麵嚟到啲汁係蘇嘅 D麵索晒啲汁超級蘇 超級難食 然後啲鹽酥雞 全部都係雞皮 仲要超級油 咁樣就收我64$ 仲差過啲麥當勞 杯珍珠奶茶 又係超難飲 完全唔係以前嗰時茶木 唔會再俾機會

本來叫左杯珍珠奶茶外賣，負責沖野飲果個職員黑口黑面，懶懶閑咁係度慢慢洗杯執杯，點都唔幫我沖杯野飲，結果等到我夠哂鐘要上車都仲未沖😓等唔切杯野飲唯有走先，浪費左時間同錢

28/2來到食早餐，當天不太多人，order咗兩份早餐，第一份湯麵好快就到咗啦，份量、味道還可以，第2分係台式多士，等咗好耐終於等到，結果令人大失所望，任何一間茶餐廳都做得好過佢，多士唔似多士，同以前食過都唔同，與圖片亦不一樣，服務員肯換過一份，但只是加熱了少許，分別不大，想不到，以前的茶木消失了，真可惜。

因為未試過在Tea wood 食早餐，見到有位，就行入去！侍應安排就坐在沙發位上，非常滿意！我們👀完menu 後，很快落order !可能食慣西式早餐，不太習慣沒有刀、叉食煎蛋及腸仔，我借用🥄來切開一件件😅福州魚丸紫菜湯米粉：魚丸的口感不錯，如果米粉改用台灣幼米粉更好！九層塔豬扒湯生力麵：豬扒煎得啱啱好，生力麵，原來只是普通麵，有少少失望！最失望的係，我差唔多食晒份早餐，而且三催四請下的餐飲仍然未到（已經等左30分鐘），隔離枱也是一樣，我覺得要正視一下☹️

琴日剛去完旅行返黎，今日婆婆就急住搵隻孫。咁就順便一齊食個下午茶同去行下街啦。食下午茶係因為我地都瞓到好晏呢。一心諗住去茶木食下午茶，因為記得上次去食個下午茶好抵架嘛，比淨叫一碗麵平，重要連飲品，但份量又唔係細好多。點知今日去到話冇下午茶喎我問左兩句點解冇左既？我老公就嫌麻煩，話冇所謂啦，可能係我記錯，或者假日本來就係冇下午茶呢。我心諗我有所謂喎，有下午茶同冇下午茶個價差好遠架嘛。冇下午茶我可以去第二間食。真係未食就已經谷住谷住。食食下，我見另一枱都有人問，點解冇左下午茶，即係唔係我問題。仔同老公都係叫牛肉麵，一如以往係好味的。最鍾意個湯。我既例牌，鹽酥雞麵，佢地既鹽酥雞真心好味，切起既大細亦都岩岩好易入口，另外個湯，真係好好味。一向食麵，拉麵，車仔麵，牛腩麵果D我都唔會飲個湯的，係茶木個湯，我每次都會飲。因為冇包飲品，只係叫左杯珍珠奶茶同老公Share飲。婆婆點的士多啤梨多士，因為婆婆食左lunch先出黎呢，所以佢就叫個甜品，等我地食完麵一齊食啦。講真，茶木既多士靚就真係好靚，影相打卡係一流。不過口感同味度呢，我就麻麻地欣賞啦。硬過石頭，咬完口都痛，味就普通雪糕果D囉。

食過好多次今次第一次打食評，每次例牌啲叫黑麻油雞翅面，同埋黑糖珍珠奶茶。最欣賞就係呢度嘅黑糖珍珠奶茶可以走冰，但係又唔會變成暖暖的，好啱想飲凍野又唔想飲太凍嘅女士！

難得今日老公得閒話去行街，我放工就一齊去街啦。因為老公話想食D野，但果時都5點幾囉，食晚飯又太早，食TEA好似又會太飽搞到食唔到晚飯。都諗左一輪最後決定早少少食晚飯囉，一開始老公話食小王（佢未食過茶木），咁我就話去食小王不如去茶木啦，老公又未試過。去到唔駛等位喎，重要重有下午茶，好抵丫，即時入去食。我叫既鹽酥雞麵加黑糖珍珠奶茶，好抵丫，咁先係59蚊咋。平時一個麵都唔止59蚊啦。不過依D係雞粒係細粒D，但味道一樣好味，所以我又唔介意丫。細粒D重好咬D。老公同仔仔都係叫牛肉麵，佢地太快起筷，我唔記得影相呢。佢地果個都係62蚊咋，一樣跟一杯飲品的。估唔到份量冇乜少到，但係下午茶平咁多，本身個麵平左，重要送飲品。真係如果就岩時間，係度食個早晚飯（6點食）；都真係幾SO，食物份量同味道一樣，但價錢比晚飯時平20%喎。

依排去Popcorn，好似唔係食茶木就係因為唔想等位而食小王。可能天氣熱，所以佢地杯珍珠奶茶真係特別吸引。加上炸雞同牛肉麵又好味，真係著左魔，食完一次又一次，我明明想去SimplyLife食漢堡的，但最後都係走左入茶木。一杯係黑糖珍珠奶茶，一杯係薄荷珍珠奶茶。我都係鍾意普通原味既奶茶多D。今日D珍珠淋左好咬口左，之前有次比較硬的就真係浪費晒成杯奶茶。婆婆叫的水果茶，明明見人地個杯好靚，婆婆先叫的。點知出婆婆果杯時話太忙，未有杯，所以用外賣杯，即時冇晒賣相可言。仔的手工伴麵，都幾好食，初初以為會好辣，原來又唔係喎。我都係叫鹽酥雞麵，但唔記得左影相呢。因為個麵同婆婆2份，所以就可以叫多份小食啦。依個炸蠔餅我想叫好耐架啦，但係仔麻麻地；所以今日先第一日叫呢。好味係幾好味，但真係勁油勁漏，重有太少蠔仔係入面，如果多番D蠔仔，就更好味啦。仔個伴麵，加30蚊就多件蛋糕同飲品，再加9蚊就可以叫33蚊以下的飲品。其實都真係幾抵。本來我想叫濃／黑朱古力蛋糕架，點知冇喎，所以就叫左依個乜鳳梨朱古力蛋糕啦。咁依個蛋糕都好味，起碼我食完唔會咒罵冇我想食果款蛋糕，被迫叫左款唔鍾意的。依隻蛋糕係好味的，下次可以再

四周圍都系人，間間都爆棚，唯有博下茶木，點知咁岩有位，就四位入左去。牛肉麵可以話系招牌，牛肉照樣冧，紅羅白就硬左啲啲，白羅白有筋有絲。配料，果啲蔥阿定乜幾香，爽口，最好味都系個牛同個湯。岩岩上仲要勁熱。

有人是T.Factory會員，又話星期一雙倍積分，就去茶木食午餐。午餐套餐改了，就叫了3個不同餐1)沙茶烤夫炖牛腹腩:烤夫有D怪，食了一件，其餘两件冇食，牛腩還算合格。2)義式黑醋油嫩鴨:外觀，味道不錯，但鴨肉質感中下。3)蔭樹子红燒肉排:味道，可惜分量太少。飲品1)黑醣薑母茶:2)攻塊红菜:一般3)紅豆薏米水:超正

Party of 2, came during tea time. Both of us ordered the same meal, beef noodles + bubble tea. My cup had maximum 6 pearls where as my friends at normal amount.Her noodles arrived, I asked the waiter where my one was 3 times. When I asked them where my food was all their answers were “哦”. My food arrived when my friend was on her last 3 bites.Beef noodle soup was not like normal, very salty.

今日午餐去左食茶木。😆我叫左鳳梨醋鱸魚扒配古早肉燥飯☺️。佢既前菜係泡菜、滷水蛋、同埋豆腐😀。前菜正正常常，好食但冇咩特別🙂。古早肉燥飯有唔少肉燥，肥瘦適中，配飯一流😋。鳳梨醋鱸魚扒酸酸甜甜，好開胃🥰。佢有唔少件鱸魚扒，每一件都唔細😍，而且有菠蘿、青椒等作配料，豐富得黎又好食🤤。再配埋個冬瓜茶，又飽肚又滿足🥳！而友人叫左四式拼盤配紅燒牛肉手作麵😄。四式拼盤當中有鴨腎、豬耳、紅燒牛肉同埋豆腐。佢地全部都充滿滷水汁，但唔會好鹹🤩，如果配白飯就可以撈飯食，咁應該再野味👍🏻！

今日又食茶木啦。茶木既 lunch set 一向都抵食，69 蚊 + 10% 就有前菜、主食同埋餐飲🤩。今日試左佢個四式拼盤，當中有鴨腎、豬耳、紅燒牛肉同埋豆腐😋。佢地全部都好入味，充滿滷水汁，但又唔會好鹹👅。而佢個柑桔檸檬拌鱸魚扒酸酸甜甜，十份開胃😃，而且個魚扒十份厚肉，食落去係啖啖肉質，仲要充滿柑桔檸檬既味，十份惹味😋。茶木既紅燒牛肉手作麵一向都係咁好食，佢用既係牛展而唔係牛腩🤤。手作麵一如既往咁彈牙，係茶木必點既主食☺️。整體而言，茶木既水準一向都咁好🤩，所以如果想食正正常常既台灣野，茶木一定係不二之選。🙂

琴晚同友人去左食茶木既晚餐👅。我單點左一個半筋半腩既牛肚面，而友人就叫左黑麻醬雞絲冷手作面。🤤先講下個半筋半腩既牛肚面。佢既牛肉一向都好入味，加上係半筋半腩，所以又唔會太硬或太淋，食落去啱啱好😋。好中意茶木既面，佢係用自己又厚又闊既面條，食落去有少少硬，都幾有咬口🙂。唔好以為牛肚面只係食牛同食面，佢既配菜都唔錯，有吸曬牛肉湯既蘿蔔，同埋我最中意既芫荽，簡直係將成碗麵提升到另一個層次🤩。所以，整體個牛肚面都係好好食既。至於友人叫個個黑麻醬雞絲冷手作面，個面本身係室溫既，但係落左冷冰冰既醬汁後，成個面就變左做名副其實既冷面🤪，凍得黎又幾好食，啱曬熱烘烘的夏天🥰。