茶木‧台式休閒餐廳 (PopCorn 1)

营业中

休息中

茶木開咗好幾年，每次諗起茶木，都係嚟食甜品蜜糖磚，今日終於突破自己，來食個午餐。平日中午人流唔算多，始終係大型商場，咁多食店選擇下，都有不少競爭對手。等咗一陣，安排咗座位，叫咗個炸魚加肉燥飯套餐，還有少量配菜，份量足夠，加多杯冬瓜茶，幫助消暑，台灣味道，返晒黎～炸魚唔會淋配上醬汁啱味道，與飯分開上唔怕淋晒，肉燥比例肉和肥都剛好配合，啱晒我口味，配菜有fresh感覺，整體唔錯，下次可叫紅燒牛肉麵再試一試。

本想去xx工房估唔到執咗😅見平時都好多人排隊嘅茶木，星期日中午兩點左右冇乜人排，一個人好快就入座。裝修本來幾靚，但都因為疫情關係好多膠板影響環境，仲有一個直立地上膠屏風唔太美觀。太懷念麻辣撈麵所以再食。#台式麻辣半筋半牛肉拌麵 $74好欣賞佢啲麻辣正宗唔太辣夠麻。牛筋軟綿綿，牛肉都唔算少，鴨血素鴨腐皮大大嚿，喜歡糖心蛋而唔係滷蛋，好好味😋#脆脆黑糖瀑布珍珠奶茶 $44本來好想食芋圓仙草豆腐花，又怕太飽濟，見有三粒芋圓串珠奶茶好吸引，就試吓啦！好好好好味又靚喎，不過就冇官方圖咁啲奶蓋似瀑布咁流出來，後來發現官方圖有火炙喺奶蓋上，我杯漏咗？🥲前面嗰台兩位印尼姐姐，其中一位叫咗個好豐富又靚嘅兒童餐，原來成人都可以叫兒童餐喎，不過後來可能兒童佢哋冇為意就要退換，浪費咗個餐，印尼姐姐下次小心選擇！瀑布珍珠奶茶簡介:以黃金瀑布為靈感，將黑糖猶如瀑布般懸掛在杯中，加上粒粒脆脆朱古力，鋪上火炙奶蓋，再加一串可愛的芋圓串，漂亮得令人心動。

茶木嘢食嘅價錢真係有d貴😅一個餐要百幾蚊，而且fat boy我成日都食唔飽……如果唔係因為女朋友鍾意食，一定唔會去但咁多樣嘢之中，我最鍾意佢個曲奇巧克力蜜糖磚塊！宜家成日都有個d咩週年慶，又平少少咁，咁都ok嘅舊磚入面d蜜糖都幾多吓，而且入面已經切晒一粒粒，都好嘅，唔駛又要逐塊該塊切比女朋友！d烘咗嘅蜜糖多士加埋d雪糕係幾好食嘅，食食吓好快就食晒，其他台灣餐廳好似無佢咁好食！我重要同女朋友仲爭食……下次每人叫一個算……

今晚見早收工經過呢間食店想試吓，就排隊等位入座，大約等左15-20分鐘就可以入座原來呢間都係用QR Code落單點嘢食，睇餐牌都幾多選擇，真係有d選擇困難，後來選左個懶人系列晚市套餐，有麵、小食、飲品和甜品。台式麻辣半筋半牛肉微辣手工拌麵：手工拌麵入囗有少少微辣，麵質煙韌彈牙，牛筋和牛肉就比麵更辣更惹味牛筋軟腍，牛肉就比較差d，有d鞋糖心蛋好嫩好 creamy 麻辣鴨血（台灣直送）拼素鴨：鴨血口感嫩滑彈牙素鴨：唔太腍而味道好香冇油益味黑糖薑毋茶：黑糖和薑味好濃，入囗好潤，飲完全身暖晒芋圓仙草豆花：唔太甜，甜度適中，芋圓和仙草好味，豆花好出色唯一係圖片和實物不同，實物份量比較少食過覺得呢間可以列入再幫襯系列

已經好耐無食過茶木, 咁岩我係會員,有生日優惠, 我就去左食。係一個星期六既晚上, 可能係疫情關係, 唔駛排隊。兩個人我地嗌左一個dinner set , + 小小錢就會配番碗飯 & 普通飲品; 因為果日又落雨又凍, 所以我就飲左薑茶, 都幾好飲。個dinner set 係栗子 紅燒肉, 因為加左黑醋, 所以酸酸地, 都幾開胃另外再叫左個意大利粉, 都幾好味架最後就係送既甜品, 好經典, 相信好多人都食過架啦... 不過真係好多cream 見到都好濟... 一貫既味道...有D懷念以前好好好期待食茶木既感覺"現時大了, 那種心跳難重演" 應該就係呢個意思啦

2個人的浪漫世界系列，今日係將軍澳茶木食左午餐2個人食朱古力糖磚+芝士奶蓋黑糖珍珠奶茶，上面有一串3粒芋圓係面，衣杯野正啦，係勁好飲，之前試過少甜就麻麻地，今次叫番正常甜，OK正了，外面係勁甜朱古力醬，必食，一開始就由外面食到內🤤🤤朱古力糖磚，都OK耐冇食，都keep到水準，麵包也是4件，夠脆，朱古力雪糕球都OK.1個人就食唔哂，所以2個人當午餐食一流，大家下次可以又試下，食個超肥午餐

🌶🌶之前試過新推出嘅「古早紅燒牛肉拌麵」有驚喜，專登過嚟食多次。「古早紅燒牛肉拌麵」跟埋鴨血、溏心蛋。拌麵好滑好煙靭，少少辣。牛肉好入味好淋，連埋個拌麵一齊食，唔食得辣嘅我都覺得好吸引。🥣🥣另外叫咗「蚵仔肉碎泡飯」 - 呢個差唔多每次都會食，貪佢清清地， 蚵仔同肉碎分量都算多，熱辣辣，好味呀。環境方面裝修幾靚，座位都算濶落，都幾好坐，餐廳仲一直播住台灣歌，幾有feel，食完當去咗轉台灣旅行。👻👻

換咗張coupon, 可以用優惠價$80食「古早紅燒牛肉拌麵配黑糖瀑布珍珠奶茶」套餐。近年覺得茶木食物質素比之前差左少少，本身對佢冇特別期望，但竟然好有驚喜。牛肉好淋好入味，拌麵好滑，少少辣，唔食辣野嘅我都仲可以。黑糖珍珠奶茶冇特別叫小甜都唔太甜，個樣好靚好吸引。呢個質素，我打算會再食多次。

收工，同老公諗住食埋返歸，揀左茶木，近屋企叫左羊肉爐.. 惡夢嘅開始..等左差唔多25分鐘.. 先到餐兜野有咩呢... 就有..四件紅蘿蔔 四件凍豆腐 四小件冬菇 四粒馬蹄 小許京䓤五件羊(多骨，肉硬，無味。。)$188+10%完全唔知食緊咩..真係無下次...難食..x,x我地仲坐錯位，坐左佢擺碗筷櫃嘅後面，待應每次開閂櫃都震到我張枱郁晒，唔明點解要咁大力閂門.. 我要拉開張枱離開啲個櫃先有啖安樂飯食。。。真係black Friday..

叫左三碗麵，兩碗黎左，另一碗落左單等左四個字，之後問左個店員兩次，話煮緊等多兩分鐘,之後又等多十分鐘，佢先發現咁耐都仲未出，之後先去催廚房出左先...根本之前佢就無幫你去廚房跟過，剩係敷衍你...

4:15pm 22/09/2021叫了豬軟骨麵+黑糖薑母茶等到4:35忍唔住問人先有明明唔多人叫外賣，餐廳都唔繁忙喺我前面等外賣嘅人喺4:20左右走曬明明叫熱飲的，但開始見到入面啲staff開始整凍野/甜品喂喂唔係又漏單a wa下次漏再黎報告返呢間已經唔係第一次/第二次/第三次咁真係逼人催你嗎？老實講太忙漏單雖然都唔得但係可以理解，但係根本無咁多人，外賣得我一個都可以要人等咁耐之前去另一邊間譽居叫雙皮奶都等20分鐘以上，佢地解釋話要即蒸都話je整個麵唔洗咁耐慢慢燉a wa？仲有個茶都係沖咋嘛，又唔係要你打沙冰定咩野真係都唔知搞咗啲咩野出黎

芒果香草蜜糖磚塊 之前做特價$58 一定要去試啦! 平時$98份架.. 仲有朱古力, 同士多啤梨蜜糖磚塊 選架一如以往, 芒果好新鮮,夾埋芒果醬, 蜜糖, 同焗過的面包, 好夾, 好好味!2個人食食到好飽!

員工有D迷糊,收多左10倍錢(我用支付宝),雖然最後都有比返我,但最後并無道歉(雖然收我錢個店員不在但我都係有D唔開心),白白浪費左我D車錢,加上仲有收服務費,所以服務態度仍可改善。我打電話去同店家講收多左時,佢無問我用咩比而係自己去查信用卡記錄,又浪費佐D時間，所以店家以後可以問返係用咩比錢先再查。環境方面,我朋友連飲品都未飲完己經叫凍,個冷氣開大佐D。飲品方面,我個人認為珍珠無咩味,希望可以再甜D,芒果沙冰我朋友話ok。最後我知道你地間店唔在意評價,但係你間店出左今大問題,麻煩到消費者都應該作出一D補償啦,最少都應該有一句sorry啦,如果唔係我當日晚上check返個記錄我可能第二日發現已經無得拎返個800幾,所以都係希望店家可以注意返個服務態度。

甘岩黎到將軍澳附近工作，有一小時午飯，見到茶木有位，唔使排隊又有沙發位坐，我好快行咗入去，一心諗住可以舒舒服服食餐飯。而我都好快同店員落咗個set A。之後等左一陣，餐飲已經到左，但好可惜我最後由落單開始等咗25分鐘先嚟個餐，杯野飲我都飲左半杯啦，前前後後叫左店員三次幫我跟單，最後一次店員先肯幫我入廚房催，搞到一個鐘頭嘅食飯時間最後變咗得返幾個字😣，食到好趕，但成間餐廳，仲有位未坐滿，令人感覺十分差，餐廳既服務質素同上餐速度都要改善一下。1️⃣午市自選套餐 Set A $72前菜分別有溏心蛋、醬油茄瓜同埋麻醬時菜，前菜整體合格👌🏻飯麵方面揀咗肉燥飯，肉燥食落都好香口，油脂感👍🏻配合埋飯一齊食份量好足夠，主食我揀咗鳳梨甜酸蝦球，食落酸酸甜甜好開胃，入面有好多菠蘿配合埋埋青椒、紅椒，色澤睇落去唔錯，蝦球食落爽脆，可惜份量偏少，全碟得三舊蝦球，整體味道普通。2️⃣台式酸梅冰 （跟餐送）依杯飲品台式酸梅冰飲落味道都好重酸梅味，夏天解渴一流👍🏻唔錯。

I ordered a drink , the waitress spilled it , without doing anything , after i glared at her in the eye , she said sorry then went away without cleaning up the mess . Also , when i went in the restaurant , the seats were empty , i waited for a few minutes , until a waitress lead me to my seat , when i went to my seat , there's a dead mosquito on the table . But the food is still ok , its only one of the waitress.