茶木‧台式休閒餐廳 (PopCorn 1)

营业中

休息中

早幾日歡送同事，被歡送的同事要求去茶木，結果就去左，無想像中咁多人。而家茶木有午餐，包飲品，亦可背錢飲特飲，有同事飲水果茶、薰衣草奶茶，仲以為係紫色，原來只是有花香味的奶茶，反而水果茶似唔錯。大家試左好多唔同款食物，牛肉麵、雞絲撈冷麵、乳酪飯等等，同事話乳酪飯好怪，唔夾，但飛起乳酪就幾好食。最抵食係自選午餐，份量夠、款又多。甜品叫左朱古力磚塊，脆脆的，點雪糕，好食。由於要請同事食，5個請2個，共7人，結果要每人夾$150，都幾貴。

天氣實在太熱太熱了，一坐下便叫個 新產品 鳳梨柳丁希臘式優格特飲，fresh，菠蘿🍍的香甜加上柳丁(柳橙別名) 的清新甜美，充滿維生素，再加上希臘優格的滑，一杯冰凍好味飲料為你解解暑！餓了，介紹你吃這個 「蚵嗲肉碎泡飯」，熱騰騰的非常美味，蠔仔很鮮味 加上免治豬肉、蝦米、干魷魚、榨菜、冬菇等，材料非常豐富，湯底很甜，再加上芫茜和蔥的獨特香味 令整個泡飯生色不少，好好味。

係Popcorn睇完戲順便食埋晚飯～就去去茶木食晚飯，地方乾淨，而且闊落坐得好舒服！同朋友點左個意式香草雞肉蝴蝶麵，我就點左個黑醋味冧豬軟骨！豬軟骨可以加$30變成一個套餐，套餐就會加埋一個沙律或者蛋糕，我就揀左藍莓芝士蛋糕，飲品就點左柚子蜜茶另外仲有一個白飯！朋友點既意式香草雞肉蝴蝶麵，就係淡淡既番茄醬加香草係面，整得幾靚唔會煮到隻蝴蝶結軟到變曬形，醬汁亦都多，食落唔會乾爭爭！豬軟骨既醋味好重，略帶甜味，唔會過酸，份量多有四大件，蘿蔔亦好清甜～而且會一個小立蠟蠋去熱住個鍋，所以呢食既時候會keep住微溫！藍莓芝士蛋糕，提起芝士就會有種好易膩既感覺，但佢用左綠豆蓉做底，唔膩之餘反而增加左個層次感！唯一要彈既地方就係佢嘅水杯有崩左情況出現，飲既時候如果唔留意就會整損個咀，店家同大家都要留意一下啦！

今日真係一肚火。 外賣一個肉燥飯，等左15分鐘都未有。職員問極都話未得，一個肉燥飯要等30分鐘。堂食都食完，完全不知所謂既服務。另一個外賣有先知衰去check 。無下次，吾想受氣就吾好幫襯了。

好耐無黎過茶木食野咁岩行行下書局肚餓就入左黎半時食開#牛肉麵, 今次一於轉#紅燒半筋半腩牛肚麵等左一陣就上菜, 都算快牛腩牛肚都ok, 但係牛筋完全唔掂好似食橡筋咁食左兩舊就放棄同埋唔知點解個waitress黑口黑面唔會再黎呢間食lu

一班同事一齊食午餐，行左去popcorn 見茶木唔多人排就試下，第2張枱就到，都算快。入到去，個個同事都食飯，但我就叫左件土司，試下當午飯夠唔夠飽，結果係食嗰時飽，4點就會肚餓。講返味道，佢土司好脆，加埋啲生果、雪糕同醬汁，味道幾好，其實一條友當甜品就太飽，當飯又唔夠，同啲同事一人一半又好尷尬，結論最適合情侶食用，下次都係食返肉燥飯。

見茶木進駐咗入將軍澳大型商場popcorn都好一段時間，在商場star cinema 睇完戲後就同朋友去食個tea。在門口排隊等咗大概25分鐘就有位坐了。一坐低聞到陣陣臭味，我地發現侍應抹完枱之後臭味就產生了！係塊抹枱布的問題！建議經常徹底洗乾淨塊布先好抹枱！本身想叫芒果蜜糖香草磚塊食，見茶木新推出了一舊黑色吐司幾特別，就叫了這個流心起司竹炭吐司試一試。等了不到二十分鐘的時間，磚塊就來了！曲奇味雪糕份量都算大，跟住我地就切開磚塊！果然有流心起司！好似瀑布咁湧出來！視覺效果不錯👍🏻起司連埋吐司一齊食味道算夾，不過吐司第一啖味道好似燒焦咗嘅炭咁嘅味，竹炭應該唔會有這種味的！總括茶木的水準好像降低了！

剛剛去茶木 popcorn 個間，買外賣杯飲嘢，個講音唔正果個四眼女人話9:45截單，明明寫 10:15 close ，咁都算，我再望下，佢即刻對著我好大聲連講三次，話佢哋收工。

難得放假同媽媽一齊食午餐，嚐嚐台灣風味。酥炸雞扒麵，湯底濃郁，闊麵條口感彈牙。酥炸雞扒做得出色，外層十分鬆脆，一點也不油膩。雞扒是醃製過的，比得上在台灣吃到的味道。另外我們還點了鹽酥蚵嗲，店員奉上時，我們嚇了一跳，因為份量超大。炸蚵嗲更為酥脆，加入了蛋漿，香氣十足，蚵仔也有20多粒，但份量三至四人share較理想。 飲品方面，我點了愛爾蘭冰咖啡，賣相靚靚，更有曲奇雪糕在頂層，咖啡奶味較重，不算太濃郁，不過不失。

同仔仔睇完戲，約左朋友一齊食晚飯。其實都唔知食乜好，係POPCORN行左個圈，都唔知食乜好。行過茶木，本來小朋友話唔食，食第二間的，但見人多，我就叫佢地自己再睇下，我係度排隊等位位先。結果都等左成20分鐘先有位，係有位前，小朋友都走返黎囉；話都係睇唔岩，是旦啦，都排左隊就食茶木。偏食的小朋友，入座後都重係話冇乜好食，食少少就算。所以我地叫左一個炸豬扒麵，一個炸雞扒麵，係預偏食的小朋友淨食麵的話，我仔都可以幫佢清左D肉類，冇咁浪費啦；同埋我同仔都習慣仔會食我一半，所以另一個炸肉係我既。而朋友都仔仔就各自叫左辣牛肉麵，同普通牛肉麵；我影相影漏左呢，唔知冇影邊隻麵。四個人，叫左三杯飲品的，茶木既飲品係OK既；只係唔好叫珍珠囉，因為我都係覺得佢地既珍都硬硬地。炸豬扒同雞扒麵。雞扒係好食過豬扒好多好多。豬扒個炸粉又痴唔實，又乾；但雞扒重好Juicy，個炸皮都好貼。而個麵呢，係勁好食，個湯超好飲，竟然連偏食到暈既小朋友都勁係度飲湯，勁難得佢一個人食左三份之二個麵同飲晒D湯囉。所以，依間應該會一試再試。之前仔仔都食過牛肉麵，但果時我都冇試過湯，只係食左啖麵；而仔仔係話過個湯好味過樓上小王同隔離商場間

身在香港，不能面對一個問題，就是無論去到邊區，都是一堆常見的連鎖餐廳，質素亦不是每間都令人滿意。不知不覺，茶木的分店亦越來越多了，差不到你經過的每個地方，附近都總會有一間。不過，質素卻沒有因為分店的增加而變差，無論走進哪一區的哪一間，仍是叫你吃到一樣的味道，同樣地坐得舒舒服服，感到滿意。更重要的是，款式很多樣化。不論是台式飯麵、傳統小菜、義大利麵、蛋糕，都非常高質。這天我們來到將軍澳店吃午飯，我點了喜歡的松露帶子起司紅糟麵，老公就點了酥炸豬排肉燥飯。其實這兩個菜色也不是我們第一次點的，我們在九龍灣分店，上水分店，觀塘分店都有吃過。這就是茶木的吸引之處，吃過 --> 經過 --> 想起， 就想再回味，然後你會如願以償，安心地得到預期的那份滿足感。

因為想食甜品 附近又冇咩西式甜品既餐廳 所以決定食呢間之前食過主食 覺得一般 所以今次再戰甜品 今次我叫左芒果冰沙同芒果香草蜜糖磚塊🥳————-芒果冰沙-一嚟到賣相十分好 但一飲落去就好大差別了佢嗰種芒果味係好似芒果乾嗰種 有少許假 不過勝在佢既質地唔係好似溶到變水咁 又多凍 佢上面係仲有一層cream 個cream幾滑 有啲似蛋糕嗰層cream 我覺得中意呢種芒果味既朋友可以一試👍芒果香草蜜糖磚塊-佢既賣相真係幾好 加上佢個吐司真係好脆 但都係離唔開個芒果味同蜜糖味好假 加上佢食到最後有啲膩 建議唔好食完主食再叫🤭總括嚟講 佢既賣相係不錯 只係味道有啲假 其餘都幾好👍🧡

農曆新年，想吃甜品及「意頭」嘢！見到有「撈起」食，而且又好似幾吸引，價錢也合理，剛好也不是很多人排隊，所以決定去馬！Tea Wood 進駐 Popcorn 已經有一段時間，但仍然要排長龍才可以食，難得CNY 少D人，所以有籍口去試試！ 我喜歡「花茶」，所以order 了蘋果無花果䘖茗寜茶，可以加熱水，再配上honey ,慢慢茗茶!黑麻油雞翼麵：麵的份量如果多少少及雞翼的size 大少少就更好！撈起：第一次在Tea Wood吃，實物與宣傳照一樣，而且 福袋內是年糕，一次過滿足口慾！流心起司竹炭吐司🍞：外型好吸引，但口感不像如期！

星期四下午，我在將軍澳市中心位置內的大型商場「Popcorn」，「Popcorn」裡面的電影院「Star」裡面購票看電影，在電影播放的前後，我都不期然選擇了，在「Popcorn」樓下的台灣菜餐廳「茶木」旁邊外賣自取飲品。可惜將軍澳「茶木」的外賣飲品部，外賣飲品部裡面售賣的外賣自取飲品，其實是不能夠攜帶進入「Star」放映室享用的。所以我在進入放映院觀看電影前後，都各自購買了一杯飲品。「茶木」外賣飲品部裡面售賣的飲品，都是屬於現在台灣流行的熱門台灣飲品，包括「黑糖珍珠奶茶」、「水果茶」、「咖啡」等等的飲品。由於不知道「茶木」「水果茶」能否加芝士奶蓋，所以我沒選擇「水果茶」。我曾經有考慮過，購買「茶木」外賣飲品部裡面的「奶蓋水果茶」，但是我因為被「茶木」飲品部外面的飲品廣告牌裡影響，所以我第一次購買「茶木」飲品，是含紅茶成份的「黑糖珍珠奶茶」。我一直都很擔心，擔心自己進入戲院之前喝錯飲品，導致自己在電影播放期間，會忽然昏昏欲睡，錯過本來應該看的電影。我都很希望我自己的「黑糖珍珠奶茶」，可以幫助我支撐自己看完整套電影。「茶木」除了有「黑糖珍珠奶茶」之外，「茶木」也有屬於自己的外賣自取版本，香

茶木，也來奶蓋當奶蓋，奶茶成了飲食界的新一輪熱潮，屬於台式食物的茶木也要來一杯羹！此家茶木有個飲品外賣區，專賣茶類飲品，當然不少得奶蓋茶。高山凍頂烏龍奶蓋厚厚的芝士奶蓋，芝士鹹味十足，不過奶沫不夠香滑，入口有點粉粒。烏龍茶夠烏龍，茶味香濃，有苦澀味。但由於奶蓋鹹味重，茶亦濃，另兩者混合一起不太夾，苦澀味重，建議茶淡一點，味道就更佳了！小貼士: 因奶蓋濃郁，如用杯蓋上的小口直接飲用，會只飲到上面一層奶蓋，而沒有茶。因此，用飲管飲一口茶，再在蓋的小口飲一口芝士奶蓋，味道更好！