茶園

营业中

休息中

早排有優惠 男朋友book咗afternoon tea set我哋早咗去到等 已經見到現場有小提琴同鋼琴演奏 即刻覺得chill到不得了個人覺得佢d鹹點做得好食過甜點 講吓佢個Tea set先啦下層係 每人兩款scones 外加三款醬 分別：檸檬🍋 奶油 同apricot jam 佢嘅scones比起半島真係差好遠 上枱係凍嘅 入口都好乾 好彩都冇抱太大期望而中層嘅 煙三文魚三文治🥪 鵝肝餅 龍蝦麵包球 🦞 辣粟米撻 出乎意外好味上層d甜品就唔講啦～強差人意但佢另上既沙律🥗同芝士火腿牛角包🥐 就有驚喜 特別係佢個大蝦沙律🥗 大蝦鮮甜彈牙個tea set飲品我地都揀茶 男朋友飲烏龍茶 我就飲洋甘菊花茶 正常發揮啦另外出面有任食生果同雪糕 仲有佢招牌法式pancake同窩夫 覺得佢啲雪糕都幾好味有好多玩味雪糕：鹹蛋黃、開心果、香檳桃、芒果糯米飯、香橙薑等等 其中推介佢嘅開心果雪糕同埋雲呢拿雪糕（入邊有雲呢拿籽）個人覺得呢間Tea set普普通通 有優惠都值得去但男朋友就覺得呢啲少女Tea 下次可以唔使預佢喎

高質抵食下午茶推介💁🏻‍♀️💁🏻Grand Hyatt 茶園出左超抵外賣自取tea set, 價錢係$338😍見到咁平即係上online shop 訂，等兩日就有得食。Grand Hyatt出品絕對冇令人失望，無論咸點定甜點你都會用高質黎形容，唯一唔好只可以話係🥐淋左，但你可以自己焗熱佢，就算唔翻熱，佢既內涵都足以令你喜歡上。仲有，佢個Earl Grey Scone係唔使搽cream,凍食都好好食😌😌😌佢個鵝肝凍係自家製，入口甘香，好味到想買一樽番屋企慢慢食🤸總之佢個tea set一定對得住個價錢💰滿意度99%📈

出名無甜不歡嘅菜仙子特別喜愛英式下午茶，所以適逢佢嘅生日週🎂，我就預早喺位於君悅酒店裡面嘅茶園訂咗位同佢慶祝吓喇！呢度環境富麗堂皇🌟，一塊塊嘅落地大玻璃，令自然光線能夠充分透進室內。而由於我哋坐窗邊位置，更可全程邊吃邊近鏡觀望綠草如茵嘅景色！三層點心盤上嘅點心做得色彩繽紛且精緻，非常吸引！就連餐具嘅顏色同圖案都簡潔而不失高貴感。由頂層開始介紹吓先...💟Elderflower summer berry cheese cake加咗接骨木花嘅藍莓芝士蛋糕 ，食唔到接骨木花嘅味道，但香濃芝士配上酸酸嘅藍莓醬，完全唔覺漏！💟Peach confit, Jasmine tea whipped ganache呢個帆船外型嘅甜點，由茉莉花茶嘅忌廉包住中間嘅桃蓉，呢個係咁多款甜點中比較甜嘅！💟Mango oolong tea tart 芒果花上灑上了小許金箔和花瓣碎作裝飾，配合埋烏龍茶味嘅撻底一齊食，唔會太甜，恰到好處！💟Lemon cake, Lemon confit, Lemon-honey jelly外型有點像甘桔，一塊綠色朱古力托底，頂頭放了小許檸檬味啫喱碎，切開中間酸酸甜甜，幾開胃！第二層.

Take Away Tea ☕️ Set 君悅酒店🏨 - 茶園 Tiffin 原價:$398而加做特價$338.3 真係幾抵食 (自取85折)平時堂食要三百幾蚊一個人而加三百幾蚊係兩個人既份量疫情期間仲有得食Tea的確係 小確幸人生第一次既外賣下午茶☕️就選擇左茶園因為價格比其他酒店既合理Menu 😄配埋自己私家茶壺係非常完美既下午茶☕️..............................偷偷地話你知我又訂多次茶園下午茶☕️因為性價比真係高

十年都唔𝚑𝚒𝚐𝚑𝚝𝚎𝚊一次嘅我 ☕︎︎一試就試左間高質嘅🤤本身𝚝𝚎𝚊𝚜𝚎𝚝加野飲 再加𝚖𝚊𝚌𝚊𝚛𝚘𝚗. 窩夫 同埋雪糕仼食🤰🏻(可以𝚝𝚊𝚔𝚎𝚊𝚠𝚊𝚢㗎！)大推雪糕！雪糕！雪糕！重要的事情說三次！(☞ ͡° ͜ʖ ͡°)☞雪糕係仼食㗎！口味真係好特別🥰我試左芒果糯米飯味 櫻桃乳酪 焦糖海鹽同咸蛋肉鬆味🤣芒果糯米飯味我真係食到有一粒粒..飯(?)而且超級香 一次過滿足我2個願望！咸蛋肉鬆味～我第1次食咸嘅雪糕😂我以為會好奇怪 但我同朋友食落去第𝟷反應: 嘩！好食喎！雪糕嘅口感但完美食到曬咸蛋同肉鬆味♡´･ᴗ･`♡超驚喜！講🍦講得太𝚑𝚒𝚐𝚑 個𝚝𝚎𝚊𝚜𝚎𝚝本身都幾多野 而且都高質 我無食到我覺得過甜或者唔好食嘅野(食開𝚑𝚒𝚐𝚑𝚝𝚎𝚊嘅你會明白做到呢點已經好犀利💁🏻‍♀️)

見到君悅tea set 外賣有85折就試下，返到屋企打開就發現少咗件檸檬柚子忌廉餅，之後打電話去問 員工說可以去攞返，我話住得遠唔去了，佢再話下次幫襯時送返杯welcome drink，我心諗多謝哂喎大家記得外賣時睇清楚！總括黎講食物質素只是一般！

Scones-少脆內軟煙三文魚魚子醬三文治-魚子醬係面層,好食龍蝦泡芙-一口一啖,龍蝦新鮮烤粟米撻-不過撻皮淋左芝士火腿牛角包-雖然牛角包唔夠脆但因為有涵料配搭所以加返分Berry cheesecake-酸酸甜甜芒果烏龍茶撻-芒果有d酸,烏龍茶比芒果味蓋過了,食唔出朱古力蕉糖泡芙-少甜,但有別於一般泡芙所以都幾好食檸檬柚子忌廉餅-面頭果層檸檬cream太酸,食左一啖食唔落,底層蛋糕還好法式小蛋糕-太甜松露朱古力-滿滿松露粉Macaroons-少甜Peppermint tea-清新可解甜膩整體來講都幾好,係咁多間最平$398 for 2,不過一定要預早訂

🇭🇰Tiffin·我地為咗呢個tea set終於出城啦😍😍因為佢外賣自取可以有85折 所以我就專登去咗灣仔攞 而且佢超好 12點到5點任何時間都可以去攞 咁我就可以當食lunch咁 唔洗好似平時食呢啲tea要捱餓捱到3點幾🤣🤣而且你喺嗰度等攞個tea set嘅時候仲有兩杯橙汁飲 超級貼心🥰·Tiffin’s Signature Tea Set $398·Savouries首先佢有個煙三文魚嘅三文治 佢個煙三文魚鹹香度幾好 幾好味既 不過就唔係好食到佢面頭嗰啲魚子醬啦 但係佢中間配左一層好薄好薄嘅青瓜片 口感好清新😌之後佢就有兩個龍蝦同埋蝦嘅croux 佢入面啲蝦份量都多嘅 都彈牙既 但係個croux自己本身冇話超好食 所以普通啲🦐佢個粟米撻呢 我自己就覺得唔係好夾 佢係行墨西哥風既 中間啲粟米酸酸甜甜咁 但係佢出邊個撻皮好餅乾碎得黎唔係好脆🤔🌽最後一個鹹點就係一個鵝肝既terrine我自己本身真係唔係好鍾意呢個高級既食法 我覺得咁樣比較腥🙊我都係鍾意就咁煎多啲 所以我評價唔到佢整得好唔好🤣🤣·Scones & Croissants我覺得佢個scone都做得幾好食 個質感係出邊firm得

今天是假期,  想即興輕鬆一下,  去享受個 High-Tea,  去電 君悅酒店 的 茶園 ,  幸好有位.  餐廳在一樓, 座位多, 樓頂高,  好舒適.  傳來鋼琴及小提琴音樂, 奏著我喜愛的魚舞曲.我們點了 High Tea set.  先來奶茶, 茶具美觀, 茶香奶滑.High-Tea 共有三層精點.  第一層:   蛋糕甜點, 手工賣相, 盡見心思.第二層:  是咸點, 鵝肝多士最好味. 第三層:  英式鬆餅, 配奶油, 果醬.High Tea 也包括, 任食甜品, 有專櫃由廚師即制 Waffles, 可以自配新鮮水果或雪糕.侍應送來每人一杯豆湯和芝士餅.再來試任食甜品:  Pancake & macarons .即叫即制, 配上法式醬汁, 非常滋味.探索任食新鮮水果:  提子, 菠蘿, 西瓜, 橙.任食雪糕, 還有多種選擇:  開心果味, 鹹蛋肉鬆味, 芒果糯米飯,  破格新口味 !可以自由添加: 朱古力豆, 果仁, 巧克力麥脆糖粉, 真豐富.我們各取喜好雪糕，雪糕制作, 真是特別, 鹹蛋肉鬆味 , 鹹鹹味帶些肉鬆, 口感不錯.在五星級酒店飲下午茶,  是輕鬆的享受.  

Tiffin嘅自助午餐雖然唔係好多款式，但貴精不貴多，樣樣都好食～一開頭食左蟹腳同凍蝦(無影到相),好新鮮好鮮味,對比前兩日係另一間酒店既蝦，真係無得比，tiffin好食好多，一啲腥味都無～蟹腳都好大條，仲一直有refill, buffet完都仲有蟹腳係度～夠哂大方個牛切得唔算好薄，但就一啲都唔韌，加埋個蘑菇汁就好好味～熱食味道唔錯，但個餡餅好飽肚～～蛋糕同布甸都好好味，朱古力蛋糕好rich,好足料～佢嘅自家製雪糕都好食～膽粗粗試左咸蛋肉碎味，未食個時以為會好怪，但食落又ok喎，真係有咸蛋味～我仲食左芒果糯米飯味，裡面真係有一粒粒糯米，幾特別唔錯～生果方面都唔係啲大路嘢，有車厘子、龍眼、布冧同紅色火龍果～呢餐都值回票價

$298/ person high tea set ，除左有特色雪糕同waffle / crepes 任食之外，其他真係唔係好掂!tea set 架上面咸點勁少，甜品好多，design 係靚嘅，但係件件都甜到痴晒線，見到隔離枱無食過咁濟，全部都係朱古力面+ mousse cream,真係頂唔順.....Service 方面，大家香港人點解要同我講英文，外國人出去buffet 拎雪糕無帶口罩，無人出聲，香港人出去就會比人話要帶反口罩！😒😒值得一讚，有位叫Kelly 好好招呼，叫左杯berry mountain茶勁酸，佢都換過杯比我！可能後生比較friendly d !如果你要friendly ，close service ,呢到比唔到你

Grand Hyatt Tiffin 夏日下午茶 • 任食10款自家製雪糕 原價$298/位的下午茶套餐，除咗有三層架外，任食雪糕吧亦係賣點所在。今次的下午茶以夏日為主題，甜點有四款，造型最可愛的帆船蛋糕原來係伯爵茶慕絲，茶味香濃，甜度輕手。檸檬杯亦具創意，清新不甜膩；個人認為最好吃的是芒果糯米飯蛋糕，米香十足，配埋香甜的芒果肉，冇得輸。整體來說，甜點無論造型或味道都頗有驚喜，是清碟冇難度的水準。鹹點亦做得小巧精緻，大愛龍蝦泡芙，食到淡淡龍蝦肉；好吃的還有厚厚鵝肝鵝肝凍配無花果。Finger sandwich亦有誠意，餡料非常豐富，有魚子醬、吞拿魚醬以及青瓜。下午茶的另一大賣點，必然是Tiffin雪糕吧，每日都有10款自家製雪糕俾你揀，全部真材實料，口味一啲都唔Hea，仲要超級有創意。最鍾意食只此一家的肉鬆鹹蛋雪糕，仲有招牌芒果糯米飯雪糕；焦糖雪糕亦濃而不甜。任食的仲有Crêpes Suzette及鮮果窩夫。平日來，只需有以下信用卡：American Express、Hang Seng Bank, HSBC (Platinum or above ) 就有八五折優惠。

疫情後重開自助餐，星期六到此慶祝父親節食lunch。衛生方面，食物區有加圍欄及洗手液提供，食客取食物時要戴上口罩，服務員亦會係出入口付近把關，另所有人食得安心。個人覺得除了cold cut 比較迅息外，其他食物都好出色。自己吳太喜歡凍海鮮所以只試左蝦，幾甜，家人話長蟹腳有d咸但係係天然海水味，cheese ok 啦，吳太特別，但沙律菜，麵包，熱食，炸魚薯條及甜品(尤其係waffle)全部都好食, 最後因太飽完全無食生果。不得不讚佢地友善真誠 ge service 及免費拍車， 每個層面都另你覺得好滿足。如果要提惟一一個好小的缺點，就係現場有鋼琴彈奏但其實頗大聲，個人覺得完全吳需要，好彩我地被安排坐較遠位置。

daddy鍾意食自助餐；父親節去grand Hyatt 慶祝一下!老人家80幾歲行動不便；但係近電梯位置需要上幾級樓梯。普通人當然冇問題；但係要好遠嘅另一邊先有斜路可以上去！酒店方面設計就沒有顧及到老人家或者行動不便人士嘅需要！一間咁嘅級數酒店真係有啲失望！令一間有同樣問題就係intercontinental ，設計真係需要改善！坐低之後諗住去攞嘢食，嘩真係不得了😓一眼睇晒！食物數量之少肯定可以入香港頭三位！clipper lounge 雖然唔係好多嘢食，但係啲嘢食都好精；同埋甜品真係好多選擇種類又小，完全冇任何魚生（雖然我都好少食Buffett 嘅魚生）!以七百幾一個人，真係極之失望！雖然每人有一隻波士頓龍蝦；但係行完幾輪都真係唔知有乜好食😓係有鵝肝；但係本人興趣不大！一句講晒依間buffet非常之伏；同Hotel icon 差大遠😭😭一定唔會有下次！

香港Grand Hyatt 真係第一次去食tea ,好多人都記呢到個view 靚，禁梗係去試下啦High tea 有3碟，甜品，咸食，鬆餅份量唔係好多得賣每人10件，不過雪糕，窩夫，生果就任食真心嘅，5星級酒店服務晤會話差，佢哋都好好態度同殷勤，電話無電問職員拎尿袋竟然有呢個服務食物方面，我覺得咸食最好食，有鵝肝餅仔，魚子醬三文治最正甜食都晤錯，吉仔型果個有啲茶味晤會太甜另外會包飲品，我擇左mountain Berry 果茶，無苦澀味又可以不停加水，真係有排飲任食雪糕方面都有好多種，有開心果味，鹹蛋肉鬆味，芒果糯米飯未，雖然啲味道真係好似古古怪怪 ，但係真係食得出係嗰個味道嘅雪糕，有機會一定要試吓鹹蛋肉鬆味雪糕 ，雪糕裏面鹹鹹地又有肉鬆，感覺好神奇我返嚟講體驗幾好，服務好食物好任食雪糕仲要有驚喜