芽莊越式料理

营业中

休息中

今午去了銅 鑼灣時代廣場計劃買聖誕禮物, 先去食通天吃個午餐.  中午時分人流很多, 試了幾間中式食肆也要排位.   立即有枱的, 唯有芽莊越式料理.我們坐下後, 便立即点菜.點了兩碗 河內生牛肉河~~送上枱時, 碗內只見多是羅勒綠葉....,  幸好也配有青檸椒辣.撥開 羅勒, 只見三片牛肉片, 河粉份量頗少, 洋蔥絲, 芽菜,  也不多. 調味及品質一般水準.   湯底味道OK.  香茅豬扒飯 ~~豬扒煎得香, 肉質也不錯, 調味適中.  少骨.  底層白飯不理想, 因為稍硬也欠醬汁.  扣分蒸粉卷~~一客有四件,  每件內餡是肉碎,  熟蝦和菜絲,  粉卷軟硬度適中, 做得透薄, 入口 OK, 沾些魚露更好味.   伴碟有生菜絲,  芽菜和扎肉,  味道普通.餐廳環境OK, 位置方便, 時代廣場食肆可免費泊車三小時.   而食物水準一般, 價錢普通, 是間差不多餐廳.

第一次去食呢間餐廳見到價錢都幾合理就衝入去啦，嗌咗一個生牛河(係大部份人都推薦嘅) 我嗌咗個個係"限量版"係貴啲不過好似啲牛肉係靚啲，同埋雞串、雞翼。對於生牛河我覺得係我食過算好味嘅牛河，雖然一見到佢係散開嘅，不過食落口好林好入味。個雞翼我就覺得個皮炸得有啲西利，其他餐廳好食啲。雞串呢，佢個味道係好嘅不過啲肉呢就太大舊啦。同埋要小心係啲菜上面嘅紅色醬，係超級超級辣囉，我條脷掂着一下痛左5分鐘，飲咗好多水條脷都好痛，然事先聲明我係一個唔係好食得辣嘅人但佢嗰啲辣係好痛囉，完全無味得個'那'字

叫待應添水時佢好惡話遲d先，最後都係冇針到，叫左咖哩好鹹又涷左先上枱，魚餅撈檬d魚餅十分難食，三越式三文治正常d但係份量比以前細好多，以前係常客經過今次以後都唔會再黎！

一定唔會再幫襯，嘢食唔係平，味道唔係最好，但侍應服務態度極差， 10分鐘來收野四次，講左未食完，仲要繼續收，話她都要做野，態度惡劣，最後收晒我哋啲碗，匙羹，筷子，冇問我地仲要唔要加野，修完之後，話出邊好多人等緊枱問我地要唔要加野，我話係唔係外邊有人等你就要趕我地走，仲想同我嗌交，好彩有佢嘅同事拉住佢，以後唔會再幫襯，叫朋友都唔會幫襯！

是日同朋友睇完「切勿關燈」後黎到時代廣場食飯，因為已經成7點幾鐘，所以都幾難搵位，唯有邊到有位先就去邊到食啦。最後，係咁多間餐廳裡面，芽莊勝出左。餐廳設計走古典簡約路線，只係坐位之間較窄，好清楚地聽到旁邊既對話。會安軟殼蟹卷: 用米紙包住菜，粉絲同埋軟殼蟹一齊食，感覺一D都唔肥膩，口感相當清新，賣相都幾靚。鑊仔煎薄餅: 份量比想像中既多，賣相有點兒似奄列。薄餅比較厚身，食落有少少椰香味，餡料包括綠豆邊、蝦肉、豬肉和芽菜等等，非常豐富。越南碎米飯: 碎米飯食落有D似糯米飯，有點兒漏，蛋餅足料都超厚，香茅豬扒方面有點兒過鹹，有改進空間。整體方面，食物同環境都OK，可惜價錢偏貴，唔多抵食。

(餐牌上左面張圖:係煮左嘅菜)我叫左香茅生菜...黎到...竟然真係幾片生菜上放了香茅(無言)檬粉:湯有點鹹,無咩特別(事後超口渴...莫非落左味精?)上菜速度算快...好似無咩冷氣有件事比較奇怪,埋單時($166)我俾信用咭,侍應話:“唔收咭只收現金”但之後竟然見到隔離枱收咭!!!差別對待!?定係歧視錢太少唔收?好奇怪囉…

星期五晚上，周街都係人，特別係銅鑼灣區，都唔知可以去邊度食飯....咁就上時代廣場睇下邊間等快d啦，都等喧成廿分鐘先有位！全低朋友就話一定要食呢度嘅串燒，指定係雞同牛，我就點咗庶蝦，仲有牛肉撈懞、炒飯同埋豬頸肉沙律！首先到嘅係串燒，我地點咗三串牛三串豬，Wow, 好香喎，個雞燒到表面有點脆口，但又保留到肉汁必試item! 我地食咗先記得未影相🙈再試埋個庶蝦，其實呢個蝦都幾巨型😂而且佢另外有籃蔬菜跟，可以用生菜包黎食我最鍾意係個沙律，因為豬頸肉燒到剛剛好，好彈牙，配埋新鮮嘅青瓜同花生粒，有口感又清新呢個都必試

越南菜衆多菜式中我最鍾情的還是各種不同懞粉，尤其撈懞是我在夏天的必點菜式。這陣子天氣開始轉熱，一直嚷著要食一碗清涼的撈夢，朋友便介紹芽莊。中午時分人流很多，證明食物質素應該不錯吧~我點了香茅牛肉懞粉，牛肉分量非常多，而且散發出濃濃的香茅味道，配上爽口的懞粉及秘製的魚露味道層次豐富，大力推介！（怕辣的朋友都可以，因爲魚露不太辣，比較甜，加多一點都不怕）我亦非常喜歡越南三文治，這款越南在法國殖民地的產物我覺得是非常有趣的菜式，而且慢慢一直演變到有很多不同款式~ 芽莊的三文治有法包夾大量材料及不同香料，是越南其中一款非常有名的小食。芽莊的三文治麵包非常香脆，中間夾住厚厚的材料，有有扎肉、青瓜、洋葱、等等，味道很好，而且分量好多呀！要跟朋友share才能完成整個三文治。軟殼蟹卷都很好吃喔~ 軟殼蟹炸到酥脆但不油膩，然後用新鮮的米紙包住生菜、米粉及軟殼蟹，再沾上甜甜的魚露，非常好味！我自己一個都可以食一碟哈哈。唯一的不足就是芽莊午餐並沒有套餐，價錢屬於中等，食物味道跟服務還是不錯。

Last day of work before Easter break, arriving town at around 9. Luckily, friends have been settled and made the order, there's always a reason why some shops would have shorter queue than the others at the proximity. Image shown is indicative only! Very indicative! Typical Viet roll is one of the must-have and without surprise the portion is at real petite but the surprising point is it's absolutely stuff like plastic wrap? Lotus stem salad $78Love the thin and crunchy lotus from Vietnam, mixed

曾幾何時,芽莊被譽為香港最正宗越南粉,不過那是十數年前的事..記得首次光顧中環店,那碗生牛河教我驚為天人.可知靚牛骨湯底除了香料足,骨要精,湯要清,時間火喉不馬虎;只要湯夠美,粉和配料反而是其次,當然牛肉新鮮瘦薄,洋蔥羅勒青檸椒辣齊備,整碗湯粉質量遜不到那𥚃去.多年來見證芽莊擴充業務增加分店,隨之服務參差水準下降..有些惋惜.以個人親身經驗和觀察,始終中環店食物質素同服務水平較佳.是次光顧了時代廣埸店,可能午市衝刺完畢,大家都累了因此笑容欠奉態度冷淡.我們二時多來到,侍者呯呯嘭嘭忙於𢴇拾碗碟,未幾嘠嘎嚷嚷搬枱搬椅,環境氣氛崩緊.反正已坐下,跟同事點了生牛肉粉,牛爽腩粉和蒸粉卷..想快快食完快快走.牛河,牛肉片很少,沒有洋蔥絲,有少許芽菜和一棵羅勒,若不加進蒸粉卷的生菜絲和芽菜,很難吃得完整碗粉,不過湯清味美,仍是不錯.同事的牛爽腩據稱肉很爽味也濃,不過他不太滿意粉條,可能純個人吃不慣金邊粉罷了.蒸粉卷有四件,伴以生菜絲,芽菜和扎肉,每件包以肉碎,熟蝦和菜絲;奇怪全部粉卷都是破裂,無一倖免;一放上碟或未放上碟,材料紛紛跌出來,教人狼狽..我們用了三十分鐘食完走人,既然已加一,也沒有給額外

呢日sergio rossi 係time square 開倉大減價，wow 80後執到對600蚊nude 色high heel，超抵！血拼完後就去芽莊喇，因為係80後既last day ，老細請食飯！90後叫左個雞絲粉，其實我鐘意食河粉，不過佢冇，雖然個質感同河粉差唔多，但係我都係鐘意薄d既河粉。大大碗，食唔哂。至於80後既生牛肉河，限量果隻 (According to the menu)，個湯都幾清，典型既越式湯低。d粉係唔會浸耐左就索哂水淋patpat果隻。至於牛都好有牛肉麵同咬口。ok仲叫左小食雞翼同豬頸肉沙律，個雞翼脆扑扑，岩哂我呢個雞翼控！個豬頸肉就硬硬地，個沙律我都麻麻地但呢到好好既係唔洗等位，d野又黎得快。作為快食既選擇都幾好既。芽莊時代廣場食通天13樓1303號舖

一年一度的花卉展覽於三月底在維園舉行，回想對上一次親臨欣賞已要追溯至幼稚園時期，難得今年甚有雅興，拉男友過來陪我湊湊熱鬧。說是湊熱鬧是沒錯的，因為下午二時多人多得誇張，一家大小、扶老攜幼，還有周日放假的外傭姐姐，場內人山人海想插針也插不入，更遑論要細心看花，不喜逼逼碰碰的我倆逛了不夠半小時便宣告投降。在附近的太平洋咖啡找了個位子坐下，看看書、寫寫報告，就這樣渡過了一個懶洋洋的下午。因不想等位的關係，我倆晚上六時便動身晚飯去；其實滿肚咖啡也不是太有胃口吃東西，但不吃晚一點又會餓，實在矛盾。左思右想，又來到我倆其中一家輕食之選：芽莊。位於時代廣場十三樓的芽莊，裝潢新淨光猛，以青色和白色作主調，檯放得密但檯面闊，不會有壓迫感，坐得舒適；入座時被告知二人的用餐時間為約一小時，是不知可時訂立的規矩，想慢慢吃談談心的人要注意了，但對本想吃完便走的我倆倒是沒影響。串燒雞肉 $58一客三串的串燒算起來也有點小貴，幸而它們新鮮熱辣，雞肉由頭串到尾絕不欺場，肉質鮮嫩，帶有濃濃的香茅香，醃得入味，蘸上面頭灑上花生碎的沙嗲汁好美味。越南法式三文治 $52越式三文治是我其中一樣最喜愛的食品，塗上牛油後經烘脆的法

見個個都話牛河好食，就泥試下 ...銅鑼灣呢間可能新開無耐，所以都要等下位，不過等十五分鐘就有位!其實入到去裝修幾靚幾有越南特色!都好有風味!碗碟用具都有精心挑選，都好一set 見個menu主色青綠好fresh，不錯...相都影得好靚，但我揭menu 揭左起碼10-15分鐘先揀到野食...頁頁既相都好靚就變左無重點...寧願野食既full page擺幾張主打或推介...睇到眼花瞭亂 叫在個生牛河、椰菜沙律、庶雞、一杯波羅冰....生牛河 真心要贊，好好味，個湯剛剛好，大大碗好滿足!好越南 好滿足!!不過呢個椰菜沙律有D怒氣 張相就用一個長方盆裝椰菜...見甘特別，就試下!泥到得個飯碗甘大，好失望，完全沒有驚喜....真心好失望!庶雞 ,,波羅冰 is just OK....如果要做得落去，其餘菜式真需要改善....所以勸大家只吃牛河，加一種小食夠曬數.... then your meal will be worth to eat!

是日到銅鑼灣時代廣場睇完戲，到芽莊品嚐新派越南菜，點了一碗濃味河內雞絲湯河粉，等了十分鐘河粉上檯，雞絲切厚身夠嫰滑份量亦多，河粉夠滑，蒜片好多炸得夠香口，湯汁亦很濃好味。

我至愛的越式料理店：　清亭、燕萍、越南蔡，都不敵昂貴租金都相繼結業。幸好，芽莊越式料理最近在時代廣場開了分店，要在銅鑼灣食越南菜還有這個選擇。獲選為米芝蓮2012車胎人美食精選之一的芽莊越式料理，老闆是越南華僑，食物正宗。第一次到該餐廳是到其海港城店，食物不錯，特別是它的生牛肉粉！海港城店長期要排隊，但今天到時代廣場分店，不用等位便能入座，真係好! 這裏裝潢以白色為主，簡約優雅。牆上掛了幾幅充滿大自然的油畫，加上天花的吊扇，感覺十分舒適。河內生牛肉粉＄５８越南菜必點的生牛肉河，湯底以新鮮牛肉、牛骨及豬骨等熬製，湯底香濃甜美而不濁，加上河粉爽滑、薄切牛肉嫩口，相當不錯！會安軟殼蟹卷＄６８賣相不錯，水晶皮通透可清楚地看到卷包內的食材。除軟殼蟹外，卷包內有青瓜和紅蘿蔔，跟軟殼蟹一起食，口感爽脆，而且可減去軟殼蟹的油膩感 。旁邊的菜鮮甜，可當沙律食，清清口內的軟殼蟹味。順化蔗蝦＄７６蔗蝦蝦膠爽口彈牙，跟一小籃菜。新鮮的菜包著蔗蝦食再沾上沙嗲醬汁更惹味。但是，蔗蝦的蔗同菜包著食，會食到條蔗，有些狼狽。這裹食物及環境都不錯，但服務員態度一般，目無表情沒有反應。