芽莊越式料理

营业中

休息中

是日同朋友睇完「切勿關燈」後黎到時代廣場食飯，因為已經成7點幾鐘，所以都幾難搵位，唯有邊到有位先就去邊到食啦。最後，係咁多間餐廳裡面，芽莊勝出左。餐廳設計走古典簡約路線，只係坐位之間較窄，好清楚地聽到旁邊既對話。會安軟殼蟹卷: 用米紙包住菜，粉絲同埋軟殼蟹一齊食，感覺一D都唔肥膩，口感相當清新，賣相都幾靚。鑊仔煎薄餅: 份量比想像中既多，賣相有點兒似奄列。薄餅比較厚身，食落有少少椰香味，餡料包括綠豆邊、蝦肉、豬肉和芽菜等等，非常豐富。越南碎米飯: 碎米飯食落有D似糯米飯，有點兒漏，蛋餅足料都超厚，香茅豬扒方面有點兒過鹹，有改進空間。整體方面，食物同環境都OK，可惜價錢偏貴，唔多抵食。