芽莊越式料理

营业中

休息中

二零一五年第一個早上，XO仔決定賴床休息，中午過後先起身梳洗 ，哈，剛好與父母行動一致。因估計大部份人大除夕都會通宵慶祝新年，所以我地三人就好放心地前往銅鑼灣時代廣場覓食。記得「芽莊」從前喺灣仔胡忠大廈有間分店，嗰陣時小肥同屋企人不時都有幫襯，但自從店舖搬遷後，肥肥家族好似都冇乜再食越南菜。元旦當日，咁啱喺時代廣場大堂發現「芽莊」個水牌，小肥同媽咪就異口同聲地話午餐不如食越南粉，大肥爸爸亦無異議。「芽莊」接待處有棵聖誕樹 ，雖然已到新年，但節日氣氛無減，小肥情緒仍然保持高漲。當日門外看似只有幾位老人家喺度等位，實則原來有好多客人同一時間於同層多間餐館攞咗輪座飛仔後，就企喺大堂中央等，睇邊間先有位就入邊度食飯。「芽莊」可算為翻枱最快，因食客不斷續一入座，不過我地都等咗成二十分鐘先有位坐 。「芽莊」於時代廣場o既分店裝修同以前灣仔分店差不多，間隔簡單，餐桌大多為二至四人，不太適合一大班人開餐，坐得亦唔係話舒服。服務方面就比較參差，姐姐仔們有落力好客之人，但亦有黑面神師姐 。揀選食物時，為安全起見，大家都係決定食返之前覺得好味o既菜式。 清沅蒸粉卷Banh Cuon（$68）：大肥

一入去無人帶位，可能入座5-6成，初時隨便揀了正中的位，但個位收音好勁（天花係凹入假天花，d人講野收曬音好嘈），所以剛坐下想換位，但一個supervisor比面色我睇，好大聲同我講「miss」，唔知佢想點，於是我最後自行移到較入的位置，水，餐具，汁都係自己搬！去呢間野之前沒看過任何食評，叫左蕃茄蟹肉湯檬，醒胃（因未食過類似的唔識點爲之好），但那個不是檬，較像米粉。春卷熱辣辣，春卷皮幾好，有薄荷葉，但生菜唔夠，春卷3條（切了1半有6份），好似得4塊生菜唔夠包。我朋友食豬扒撈檬，我見評語話「鞋」，我就覺得甘先好證明無「喇」過，食到肉味，豬扒有質感。最失敗的是青木瓜豬頸肉沙律，花生碎等o個d配料入唔到味，豬頸肉無味，唔香口。因呢間野有落場（4點幾到6點左右係清潔時間）我3點入坐，食食下已聽到不斷卒洗筷子的聲音，聲浪十分大，員工在樓面bar臺內的洗手盤洗，客人可見到，同埋食到4點到已響度拖地（呢度都唔算平，食到好似kfc甘，kfc最興人地一路食一路員工拖地），趕住落場甘，但舖內仍有幾台客人。總括黎講，食物可以，但呢個價錢 ，無lunch/tea set，所以算偏貴，加上甘既服務態度， 唔會再黎

本應今天晚飯不是光顧「芽莊」，是隔離果間人氣韓國餐廳，當然人多又唔想等，結果我哋2個大人加一個細路仔去咗隔離果間「芽莊」可以即時有位安排。不得不提宜家係銅鑼灣區食晚飯係咪都會限時限刻，只得1.5個鐘，食完要交枱，就算係隔離果間人氣韓國餐廳都係咁，有點過份。以為食晚飯可以舒舒服服地同朋友傾下計，relax一下，點知食晚飯都要比人趕，剛食完枱上食物立刻有人收好，效率超好。相反地，剛入坐時問咗起碼3次比杯水我哋，則強烈對比，服務應該需要好大改善，多點注意。今晚我哋叫咗好少食物，只係叫咗2碗湯粉「蕃茄蟹肉湯檬」「牛柳湯河」，一碟沙律「柚子大蝦沙律」，2杯飲品「新鮮菠蘿冰」「新鮮椰青」。首先講下啲食物質數，本人好怕啲食物唔夠熱，我個碗「蕃茄蟹肉湯檬」，溫度只係暖，至於味道都好味，但啲蟹肉好少，同個MENU POST 出來張相好大差別，呢碗嘢成$65，份量一般。至於我嘅朋友叫個碗「牛柳湯河」，我冇試過，本人不作評論，不過呢碗嘢比我個碗湯檬仲貴成$8X，份量當然差不多。  呢碟沙律「柚子大蝦沙律」，價錢我唔記得，本人認為總之都唔平，原因份量好少，呢張相係大家都未食之前影，不是滿滿的，而且啲蝦唔多新鮮

做完個美容同個朋友黎左食野-2030左右無咩人，直入去就有卡位坐了。叫左2個撈檬，豬同蝦。之後叫左個雞串講真個撈就x棧既比較好食但雞串呢到值得1讚，都仲好滑，加埋佢個醬就真係唔錯，唔錯。

食物水準高!推介生牛肉湯河,湯底做得靚!河粉好香滑,食過番尋味!大蝦柚子沙律很fresh,清甜柚子配上大大隻既蝦,非常醒胃,必食!!魚餅好棒,size幾大,計落唔算好貴!餐廳裝潢走簡約路線,環境舒服,服務不錯,侍應有禮 , 值得一讚。

「時代已經唔同左，好戲而家係十三樓」這句對白，是否似曾相識呢？銅鑼灣時代早前進行電影院的裝修，而在十樓以上開拓更多食肆，牙莊就是其中一間新開的食肆了。雖然當日並不是去時代廣場睇戲，但就去了十三樓食個晚餐。實不相暪，當日打算吃隔離的School Food，但要等三十多張枱，實在...還是有機會再吃吧。對比起School Food，芽莊也只不過要等二至三張枱，所以School Food還是留待下次吧！拿紙後很快便入去了。 快速點好菜，餐牌清晰明瞭，圖文並茂，跟店內的擺設一貫以綠色作主題，越式的食物較少油份，而且多放有大量蔬菜，感覺輕便也相當健康。店舖大致分為兩部分，以屏風隔，雖叫做兩部分，但活動空間沒有大不同，都是放四人枱為多。飲品和餸菜也很快到達我們的面前。椰青：印象中兒時到花園街逛街總要點椰皇，拿著椰皇一邊走一邊飲，可惜常常以超快速度飲完，因為重身但實際的容量較少，所以感覺不太划算，所以印象中的椰青／椰皇都是不划算的象徵。每次到可以點椰青的地方也基於種種理由而最後放棄椰青。但今次朋友推介的椰青令我對重拾不少信心。椰青登場，容量相當的大，比起普通飲料的杯盛載更多，椰子汁十分清甜，沒有加入

很久無到此店了·和外子晚膳於此·點了濱海伴豬肉丸，肉丸帶豬腥味·受不了·要退·燒牛肉撈檬，牛肉調得入味燒得香口·味佳·檬粉質佳·推介·釀墨魚·每次必吃.墨魚中間的肉餅味道調得不錯, 整體富特色又美味.Spring Roll是用素菜整成, 有三條, 味道OK.些店是價錢中檔, 品質佳, 味道不錯, 是吃越南食品的推介店.

作為同事之間既大眾食家，亦係朋友之間既飯局指南針。我當然要展開我既飯局生涯。開返自己手機最多不是女仕們自拍照為多。最多就係食物相。吾好浪費了这些資源。等我開心分享一下。先黎，我返工果區啦。Causesaybay........每日返工都諗爆頭吾知食麥？等我andy 為各位解煩惱啦。Time square既芽莊係大眾之選。好多人都可能去過佢分店。食物味道有保證。]以上幾種都係我lunch 必點既item.又好味又飽肚。包住果個牛肉，肉味好夠，又好咬口。生牛肉河就要睇下你彩數，有時上枱仲糸生紅紅，好正。雞串，好好味。每餐每人大概一百五十蚊左右。又好味

昨夜飯局熱鬧過後，今日想吃得簡單一點，天口轉熱來一碗牛河就最好不過，近年四方八面都是用美國肥牛居多，今天點的限量供應，竟是有點咬口的牛肉，趟底夠熱亦夠味,要對芽莊改觀。

在觀看電影前到彼鄰芽莊享用晚餐，先點一客牛油雞翼作小食，油份多是早已預計的，但雞翼外層略硬不脆則是令人跌眼鏡，加上牛油香度不足，成品有待改善。香茅豬扒撈檬遇上差不多的情況，縱使豬扒香茅調味頗惹味，豬扒肉質還是過韌，幸好撈檬佐料口味配搭對辦，取回一些分數。新鮮菠蘿冰用上新鮮菠蘿，食味清甜，飲品甜度比預期淡，OK。

同老公第一次去呢間越南餐廳，叫咗一個牛柳河，一個檬，一杯凍越南咖啡，一份燒乳豬。落完單唔夠兩分鐘即刻serve了一碗牛柳河，我重同老公講乜咁快就上到菜嘅？跟著我個檬同凍咖啡都來埋。食食吓點解好似有嘢lung住個嘴，一睇我就想嘔，有條好長嘅頭髮撈埋啲檬到，係我個口扯返出來，好似條牙線！真係好嘔心！好彩我係個極短頭髮嘅人，佢哋無得唔認。個waitress來到即時話幫我換過一碗，換個碗俾你都唔會食啦！跟住我要求經理來，我話成餐飯我唔食啦！佢隔離個waitress重好笑，好唔憤氣個様講"衹係廚房唔小心唧！"我即時同佢講呢啲嘢係0.1%都唔應該俾佢發生，呢到又唔係大排檔，呢到係Times Square來𠺢！永無下次！

很久沒上過times square十三樓，見到這間店子還未排長龍，决定進去一試。我們雖兩囗子，但都叫了以下的餸菜:豬頸肉青木瓜沙律平時去泰國餐館一定會叫一客，見這越南菜館也有這道菜式，一於點來試試看。青木瓜出奇地乾而冇味，要落大量魚露才食得落囗。生牛肉可粉越南菜必點之選。牛肉香嫩鮮甜，粉滑彈牙，值得推介。蒸銀雪魚銀雪魚基本上落少少牛油煎香已無械可擊，賣相佳，色香味皆全。雞肉串燒不知怎講，只覺很熱氣。味道一般。越南咖啡賣相特別，全程望着怎樣滴漏。練奶早在柸底。咖啡滴完攪拌就喝。這趟是我第一次喝越式叻咖啡，不知是否咖啡問題，總覺練奶跟咖啡不夾，加上咖啡本身只喝到苦澀味 ，這咖啡只能給我視覺上的享受。總括而言，食物的賣相比味道吸引。

Nha Trang in Times Square is a really nicely done up restaurant. Bright, spacious, and new, it is a really comfortable place to eat. Unfortunately, the food just doesn't live up to the same standards. Being a fan of the brand, we came expecting some really good viet food. We left sorely disappointed. We paid extra for the special beef pho with wagyu, but really should not have bothered. Whilst it looked great on the way out, the meat itself was not that tender and was in fact slightly overcooked

知道Times Square的芽莊剛開業，馬上拉著同事一行六人去試試。裝潢以白色為主，簡約優雅，十分舒適。這裡不設Set Lunch，我們各點了湯河再加小食一起分享。上圖是「濱海伴燒肉」(HK$52)， 濱海沒有弄成卷狀，要自己捲好，有點狼狽，燒肉乾了一點。「河內雞絲粉」(HK$56)及「河內蕃茄蟹肉湯檬」(HK$58)﹕雞絲粉味道不錯，而蕃茄蟹肉湯檬的湯底更是清甜，帶點蕃茄酸，很開胃。這是我點的「河內生牛肉粉」(HK$50)，湯夠鮮甜，粉亦帶點嚼勁，不錯﹗「串燒拼盤」(HK$180)﹕我試了牛和蝦，其中牛肉串燒非常非常惹味，不用蘸上醬汁已很出色，肉質更是軟硬適中，讚讚讚﹗「河內魚餅」(HK$65)肉質有點散，味道一般。看Menu，這個「越南法式三文治」(HK$46)的照片極度吸引，誰料「真人」很一般，味道更是令人失望，麵包不夠脆，醬汁味道跟餡料有點格格不入，整個三文治了無生氣，吃得我也沒精打采。幸而最後飲品加了不少分數。這裡有許多花茶讓客人選擇，上圖是「Giner Twist花茶」(HK$30)，喜歡餐廳以一壺奉上，讓大家自斟自飲。另外「青檸梳打」(HK$33)和我點的「越式熱咖啡奶