花盃日本料理

营业中

休息中

jan 18, 12...........5人嚟dinner.........叫咗個3個套餐 :1) 花盃和牛套餐 - 2人 (hk$1,780+$320)i) 小食-喺醬油花螺-醬油帶出螺嘅小小鮮味,個汁又有點甜-好食ii) 沙律-新鮮嘅沙律菜,車厘茄同小小的1片蛋-淋咗柚子醋-很醒胃iii) 漬物-無食到iv) 澳洲鮑魚-呢個餐嘅價$$$$只預咗個鮑魚唔重過400g..........寫明如果售罄..........改以大鮑魚,就要貼番個差價~~~-最不喜歡呢d open end嘅條件..........又無寫清楚超咗計法.........店方將來貨嘅責任比咗個客........又有點肉隨砧板上feel-落完單........侍應端來1隻很活躍/生猛嘅大鮑魚.........話佢今日嘅貨無細隻(作為客人好難prove).......手上嗰隻就重560g........即超咗160g..........而個surcharge最後confirm喺$320.........友人話ok啦算啦-真的想知道如果個客唔接受.........佢又無<400g嘅鮑魚..........個se

My friend and I do like teppanyaki and we sometimes go to a Japanese restaurant in WanChai.But some monthes ago, another friend always has teppanyaki at Causeway Bay.So I asked him for the details of that restaurant.We booked the table 2 weeks before in teppanyaki table for we do like looking at the cooking.We found that the cheapest set for one is HKD380 which got:Salad, appetizer, prawn, fish, steak, vegetable, miso soup, rice/noodle, dessert.The dishes is much like the one we have in WanChai

是日為慶祝部門兩哥牛一(費用當然係公司比啦), 經本小姐精心挑選揀咗與本公司一條馬路之隔嘅花盃食鐵板燒, 由於太遲(花盃個姐姐話)訂座嘅關係要waiting, 姐姐話當日再confirm有無得食, 心諗唔係ar, 已經早咗兩日book都無枱, 有無咁好生意ar? 好彩當日姐姐打嚟話有位. 是日準時1點到達, 各人揀好食乜之後就係一輪嘅等待, 好彩有前菜食吓, 因為由落order到師傅埋位等咗差唔多半個鐘. 先嚟當然係我至愛鵝肝啦, 味到一般無驚喜, 跟住就係魚(不過唔記得咩魚), 燒得好香好脆同埋一d都唔腥, 再嚟美國牛厚切, 好香, 好多汁, 由於同行有同事唔食牛師傅改咗用煙肉炒飯, 好好味, 至愛佢炒到粒粒分明, 最後上埋飲品為哩餐飯劃上句號.

這家鐵板燒一直是嘗遍鐵板燒的老闆心目中的NO.1, 所以不用考慮就選了這家一早已經訂好檯, 所以不用等位首先來了餐前小食日本粟米和白果, 十分開胃跟著來了魚生刺身海膽, 拖羅, 赤貝等, 真的, 十分新鮮, 拖羅真材實料, 入口即溶, 想不到吃拖羅的感覺有點像是在吃海膽, 至於海膽不用說, 保持一般高水平 !!!再來一個蟶子, 好好味然後是清酒花螺, 淡淡的酒味, 十分香再來是今天的海鮮併盤, 有龍蝦, 鮑魚, 鱈魚師傅一會兒便把龍蝦鮑魚去殼切好, 燒好上碟, 像是欣賞表演一樣主角上埸, A5的和牛, 未煮時已被那些脂肪吸引和牛燒得剛好, 好好味, 順便一提, 用來索油的麵飽都印有花盃的招牌最後還有湯, 炒飯和甜品, 飽到不得了環境和服務都很好, 一去再去的日本料理店!!!

昨晚到花盃晚飯。Order 了, 二人前, 和牛鵝肝鐵板燒set dinner ($1,680)及雜錦魚生拼盤 ($450)。滿懷希望, 但食物質數實在一般!首先, 落單後, 侍應小姐說存貨的鮮鮑魚太大, 要加 $120,。 噢! 坐地起價! 但單己經落了, 只好就範。可是鮑魚一點鮑魚味道也沒有, 假如閉上眼睛, 是完全不會知道在咀嚼鮑魚。銀鱈魚亦是一樣, 完全沒有魚味! 淡出鳥來!鵝肝煎得不錯, 算是外脆內嫩。但比一般鵝肝 '騷'。好此道者會覺得好味吧!主角和牛, 澳洲的, 肉質可以, 但牛肉香味欠奉! 不曉得那裡出錯!煮花螺及炒飯似是最合格了。至於雜錦魚生拼盤, 又是令人十分失望。 算新鮮, 但種種魚都是同一味道, 相信元氣還好味!其實鐵板燒師傅的功夫算不錯, 可惜的是食材的級數實在強差人意。巧婦難為無米炊, 就算烹調功夫如何了得, 也實無補於事。二人晚餐, 單價總共$2450, 我真的是有更高的期望。原本拍了多張照片, 希望寫一編圖文並茂的食評。 但當吃到甜品時有侍應說我不應拍照, 用詞亦不太客氣! 環顧所坐的廂座四周, 一個告示牌也沒有, 況且我只拍攝食物...感覺實在有

是311之前某日。花盃是我心水餐廳之一。每年大時大節有飯局，這裡通常都會係其中一個選擇。今年，又係時候黎幫襯下。三個人，都係叫兩個set，再散叫d前菜，另點d鐵阪野，應該都夠哂飽肚。先黎前菜，要個甜酒釀花螺，係我黎呢到既前菜首選，甜甜地，幾惹味，是日既花螺唔係太肥美，影響左咬口，遇著肥美既，效果會更好。今次另點左原條魷魚，用黎佐酒，夠新鮮已經沒有挑剔既地方。鐵阪要和牛套餐，主打有鮑魚、銀鱈魚、鵝肝同牛肉。鵝肝，面頭煎得未算脆，食落算肥美，水準也可以的，不過唔知係咪食完海賀果個，呢到相對普通了。銀鱈魚係是日精彩既一款，師傅燒得外脆，肉夠軟滑，唔太油，口感很不錯。鮑魚，有點小插曲，是日鮑魚大大隻，超出套餐既份量，要加點錢，唔講錢這因素，剩係計份量，兩個人都應該食唔哂，隻鮑魚三個人食都好似多左d，二人套餐無二人份量既鮑魚，換來要客人將就下又或者要轉食其他套餐，明白的，不過心入面總係唔多高興。講返舊鮑魚，大鮑魚既關係，黎個兩食薄片同切條，薄片始終係個人首選，切條只係多了點咬口。牛肉，係薄燒，食生一點，師傅功力唔錯，牛肉夠肥，薄牛肉，肉味都好出，好食。其他果d沙律、炒雜菜、炒飯同麵豉湯既配套都有

order左一個A4和牛同— 個龍蝦一人鐵板餐, 之後見鄰座叫鮑魚和牛鵝肝二人餐, 好後悔呀!貼左個唔比影相標誌, 所以冇相post和牛-我要七成熟,都入口溶化, 好入味龍蝦-爽口彈牙, 大隻, 兩人分都有半碟份量帶子-冇乜特別大蝦-好好味炒飯-用和牛d羔炒,好香,乾身,成碗食哂龍蝦湯-ok dessert & coffee - cheese cake 好味, coffee very impress好service & excellent food, —定再黎

好久冇上過來了.希望呢間店子冇被地震震散喇~上到來, 都係6點左右; 不多人客呢...得喇, 我get 喇~叫了個set, 先上的係刺身;海膽超大片的, 入口卻略淡味; 唔夠甜.其他的就冇得彈, 很高水準.今次冇影個靚仔師傅, 因唔知幾時棟左個"no photo" 既牌!佢真係好鬼型, 煮得好熟手.如怕多鹽或油, 可叫佢落少d, 佢有求必應架~當然, d 薄牛也是會先問你要 幾成才落枱煎的;如果要生d, 佢要7,8 秒內完成成個煎, 加蒜/蔥, 卷起, 切半再上碟的動作, 超快, 齋睇都過癮.我有少少鍾意左佢呢...輕快地過了兩個小時.好采, 仍有不少客來幫襯; 走果陣已爆滿. 定會再來的呢.

正所謂「每年一度，最緊要豪」（但係豪極都要有個譜...），吃牛一飯豈可馬虎？以往在香港吃鐵板燒，不是父母埋單，就是老闆請客，今次實在要紀念一下第一次自己掏錢吃鐵板燒呢！朋友給了三間選擇 - 松菱、和三昧及花盃，在沒有特別原因下，我們第一站選擇了花盃。哈，反正生日每年都有，以後機會多的是。甫進入餐廳，看到一大個「不准攝影」的標誌，實在對不起，別的餐廳我可以忍手不拍，吃鐵板燒是難得的體驗，只好犯規一次了。到座位時，已經見到師傅在努力當中，我倆見狀已垂涎三尺，無奈食物不是我們的，唯有以藝術的角度去欣賞師傅們的精湛手法，當作我們的「飯前節目」吧！只見到師傅將一隻新鮮大蝦，由原隻到最後分開為蝦頭和蝦球兩道菜，實在賞心悅目！另一位師傅已經在準備芽菜和炒飯，他們沒有賣弄花巧動作，例如「玩火」「拋廚具」，由生的材料到完成品，前後不需太多時間，原因可能是餐廳為了提升效率，一塊燒板並不只是招呼面前的客人，還要招呼散叫鐵板燒物的食客，所以師傅們要做到「快、靚、正」。「快」和「靚」我們都見識過，至於正不正，當然要試過才知道。拿起餐牌，我們都一臉茫然，始終我們都不是鐵板燒達人，而且什麼都想試，自然反應總是看看隔

好，小女子第一篇食評就寫花盃，因爲實在太好食！聽聞花盃好難book位，而加d 人怕輻射，心想walkin可能會有好多位，但星期六去到都要等！ 有無搞錯！！不過向來花盃食品有質素，難怪如今呢個事勢以口碑都留住一班達觀貴人，好野！ 去到壽司吧，見到有notice寫所有日本食品都有食物安全局每天檢查，放心食用~~ 身為做研究的我即刻用上安全局check 真假，原來真係有每日檢查報告，老實老實！壽司吧所有食品都一目了然，而師傅都會就著各人喜好預備不同食材，3位壽司師傅都好健談，經常和客人吹水，氣氛好好。這裡絕對不是一般的魚生，除了有就甘切出來一舊舊魚生，都會用魚生配搭其他新鮮食材和漿料，細心! 我話喜歡吃青瓜，師傅雕了一件藝術品比我，搞到我悟捨得食，d魚生又好味，又滿足視覺享受，最緊要d師傅又同你吹水，一個人來都不會悶！食到甘上下，過去食鐵板燒，我最喜歡的大蝦，同埋師傅整了個蝦膏蒜茸多士，太好味了，跟住食鮑魚，和牛，不用多說，真的好好味！！最後師傅炒了個炒飯同芽菜，炒飯干身，芽菜入味爽脆！最後師傅仲問意見先離開，抵讚！見到對面有對印度夫婦，要求鐵板師傅加辣椒和其他料都沒有黑面，仲笑笑口，真

自從發生日本事件後, 日本餐廳生意回落不少, 但亦因為 gum, 造就左一次非常舒適同享受既晚餐 7:30 黎到, 食客不多。 一間能容納10人的鐵板燒房基本上只得我地三個。 而師傅因為唔需要同時招呼幾檯客, 所以非常細心及有耐性招呼我地! 我地叫左 2 份龍蝦餐 ($600) 同 1 份特選 ($350) share, 結果非常滿意!- 龍蝦同蝦爽甜嫩滑, 而龍蝦用埋蝦膏黎煮就更加一絕!- 美國牛肉既無筋, 又 juicy 同 tender。 師傅以薄燒同厚燒黎煮, 同樣 gum 正, 但比較喜歡厚燒- 銀鱈魚燒得好好, 脆而不膩- Miso soup 飲到龍蝦味, 不會過鹹- 最後既炒飯好入味, 好乾身, 份量剛好, 再加上芽菜一齊食, 正!個餐有一份小蛋糕作為甜品, 但呢個甜品就真係麻麻。 如果唔係個餐正, 真係可以破壞成個晚餐。 其實不如將個甜品換成比較好既水果, 效果可能更好。餐牌呢度有, 不過價錢 for dinner 唔正確: http://www.hanasakazuki.com/v3/chi/menu.htmlFor example, 個二人前應該係 $1,650;

最近對於日本食品真的有所保留，但老闆請客之權威加威逼下，才步步為營到了花盃，個心真系好驚，仲要食好幾件魚生，不過原來呢間餐廳買了最新款檢測輻射儀器，所有食物都在安全水準下，才放心入口！（但其實都是自己庸人自擾，因為所有食品到達香港海關，都會檢查輻射資料。）首先說說食品，本人是生蠔癡，這裏的幾類生蠔都新鮮和甜美，唯獨一款由澳洲出產略略有苦味。朋友介紹了好幾款魚生，但我真的不知道魚生名，也不懂得評價，但真的記得油甘魚充滿油香，也很肥美，整晚魚生由當值壽司吧師傅安排，味道由啖到濃，最後是海膽，很滿足。然後是鐵板燒，我覺得這裏的鐵板燒好出色，試了蝦、蝦味濃，味道剛剛好，配著黑胡椒吃更正！然後是龍蝦，沒有蝦那麼爽口，但好juicy，好香口，不過自己都喜歡蝦多d，可能口感比較爽口。然後老闆仲叫了鮑魚，較淡味，可能自己喜歡吃濃味送菜，但都okay。至於和牛，好肥，我們要5成，師傅煮的剛剛好！ 最後是炒飯，幹身，好味！然後師傅送上自家制糖心麵包，哈哈，竟然好好食！脆脆甜甜！甜品是介紹的Warm Chocolate Cake，好好味，比好多5星期酒店還要好味，surprise! 順帶一提系這裏雖然是香港

每天返工和同事午飯不是飯盒便是碟頭飯，日日如是吃得多感覺都幾灰！心底也渴望吃得好一點，這天機會來了！因有朋友這天來到一起午膳。兩人吃飯可選擇的不多，就來這裡吃個鐵板燒吧！整潔乾淨有良好抽氣系統，不怕吃完一身油煙味回公司，配套設施是十足的。三款午市套餐松丶竹丶梅，前兩款是以牛及魚為主，分別再配上鵝肝或蝦。梅則是豚肉配海鮮。兩人也同是牛肉愛好者便選了松及竹分享來吃。最典型配上沙律醋的洋風沙律。車海老----足有手板般的長度，蝦肉鮮味結實彈牙煎鵝肝----底面也煎得微焦帶脆，筋膜去除得乾淨吃起來肥美豐腴，但就是略嫌粉上得厚身了一點影響了滑溜的感覺。銀鱈魚----肉質是怎樣無用多作形容（應該人人吃過的分別不大），值得一提的是魚皮是煎得金黄香脆。但原來並不要以為這是必然！因為友人在咐近另一家鐵板燒所做出來的銀鱈魚竟然能給人＂有烚的感覺＂厚切牛柳----薄切蔥燒是香口，但始終不及吃厚切時那種滿口肉汁的感覺來得實在！因有兩份牛柳故第一份是先吃原味，要了medium rare出來的效果是over了，影響還不致太大。但第二份要求再生一點，加入了炸香的蒜片略炒，這次就對口味了！肉質比第一份來得柔軟，吃下去

我哋一家嚟食晚餐，一早book咗枱，囝囝好開心，因為可以睇住個廚師煮食物。我哋order咗天婦羅烏冬($80)和兩客鐵板燒($380 each)，有大蝦，銀鱈魚，牛肉，炒飯和炒芽菜。先嚟沙律，幾新鮮加上酸酸哋嘅dressing，幾開胃。跟住就上前菜，蘿蔔很甜，碎牛肉也好味。廚師巳經準備咗食材，他很熟手，他先燒蝦，好快就有得食，蝦很爽口又有蝦味，仲有膏tim，味道很好。剛食完蝦，銀鱈魚就到嘞，煎得唔夠香，魚很肥美，有少少脆，但以前好味啲。薄牛肉好好味，牛肉包著啲葱和蒜片，好香口，牛肉又不會過熟。值得一讚，跟住廚師燒牛肉粒，賣相不錯，我哋要medium rare，他煮得啱啱好，加上脆脆嘅蒜片，真係好味道。炒飯很乾身，加上之前嘅牛肉碎和大量葱粒，飽都要食啦，好滿意呀。最後係炒芽菜，味道也不錯。Miso soup 味道也ok，但太飽了，只可淺嘗。原來仲有甜品一芝士蛋糕，不過不失吧。天婦羅賣相吸引，囝囝話佢碗天婦羅烏冬都好好味，我只幫他吃咗青椒，其餘他自己食哂。

對於鐵板燒，我是徹頭徹尾的大鄉里。有諗過同老婆去食，但高質素的，實在幾貴，不是喜慶節日，真係唔捨得。在海景軒一役，爐兄問到一月廿五有無時間食個晏，地點在銅鑼灣，心想爐兄都特登黎食，應該不差，加上如此近我公司，當然一口答應，當時我連食乜都未知，哈哈，就連之後在電話提花盃二字，我也仍然未知係乜黎，我就是如此大鄉里。相約時間很早，對於返緊工鼠出黎既我，遲到是必然的事。食到最後先明白點解要約咁早，因為快樂不知時日過，師傅手勢其實很快，但在邊吃邊談天的情況下，預兩小時應該是基本要求，不然你會吃不知味。是日共四位朋友午餐，除了爐兄，還有剛在海景軒飯局相識的火兄。和大家談天說地很高興，也交流了大家對飲食的心得，最重要是教曉我這個大鄉里甚麼是鐵板燒，哈哈。一人前的鐵板燒共分松、竹、梅三款，松最貴($280)，因為有鵝肝；竹有牛，如果要和牛會貴ｄ，不然和梅是同價的($220)，梅則是帆立貝和黑豚肉為主。是日我地叫了二松一竹一梅share來吃，落單後，新鮮材料會放在食客面前，之後師傅才到。店子不準攝影，所以相片質素不好，我地都係鬼鬼祟祟先影到，還請見諒。醬汁共三款，芝麻醬油、辣醬油、普通醬油，除此之外還有